Category: لاہور

پاکستان تحریکِ انصاف (پی ٹی آئی) کے سینئر رہنما حماد اظہر نے اپنے والد میاں اظہر کے انتقال کے بعد اپنے دکھ کا اظہار کرتے ہوئے والدہ کے ساتھ رہنے کی خواہش کا اعلان کیا ہے۔ انہوں نے اس دکھ کی گھڑی میں انصاف کی توقع بھی ظاہر کی ہے اور سوشل میڈیا پر تعزیت کرنے والوں کا شکریہ ادا کیا ہے۔

میاں اظہر، جو پنجاب کے سابق گورنر اور ایک سینئر سیاستدان تھے، کا انتقال حال ہی میں ہوا۔ ان کی نمازِ جنازہ لاہور میں منعقد ہوئی جس میں ان کے اکلوتے صاحبزادے حماد اظہر بھی موجود تھے۔ اس موقع پر ملک بھر سے سیاسی و عوامی شخصیات نے شرکت کی اور میاں اظہر کو خراجِ عقیدت پیش کیا گیا۔

رواں ماہ لاہور کی انسدادِ دہشت گردی کی عدالت نے حماد اظہر کو اشتہاری قرار دیا تھا۔ پولیس نے عدالت میں رپورٹ جمع کرائی تھی کہ ملزمان گرفتاری کے خوف سے روپوش ہیں اور ان کی تلاش جاری ہے۔ اس سلسلے میں مختلف چھاپے مارے جا رہے ہیں۔تاہم اب حماد اظہر نے سماجی رابطے کی ویب سائٹ ایکس (سابقہ ٹویٹر) پر اپنے والد کے انتقال پر تعزیت کرنے والوں کا شکریہ ادا کرتے ہوئے عدالت سے انصاف کی درخواست کی ہے۔

اپنے سوشل میڈیا بیان میں حماد اظہر نے کہا "میں اپنی اور اپنے خاندان کی طرف سے ان ہزاروں ساتھیوں کا تہہ دل سے شکر گزار ہوں جنہوں نے میرے والد کے جنازے اور قرآن خوانی میں شرکت کی۔ ان لاکھوں افراد کا بھی شکریہ جنہوں نے افسوس کے پیغامات بھیجے اور میرے والد کے لیے دعا کی۔”انہوں نے مزید کہا کہ تمام سیاسی جماعتوں کے قائدین جنہوں نے میاں اظہر کی یاد میں نیک الفاظ کہے اور ان کے لیے دعا کی، ہم ان کے بھی مشکور ہیں۔حماد اظہر نے اپنے والد کی میراث کو شرافت، ایمانداری اور وفاداری قرار دیا جو نہ صرف ان کے لیے بلکہ پاکستان کے سیاسی کلچر کے لیے ایک قیمتی اثاثہ ہے۔

حماد اظہر نے بتایا کہ وہ اپنے والدین کے اکلوتے بیٹے، تین بہنوں کے بھائی اور دو کم عمر بچوں کے والد ہیں۔ انہوں نے کہا کہ ان کے گھر والوں نے گزشتہ دو سال سے زیادہ عرصے تک دکھ برداشت کیا ہے اور اب وہ اپنی والدہ کے ساتھ رہ کر ان کا سہارا بننا چاہتے ہیں۔ وہ بے گناہ ہیں اور جعلی مقدمات کا شکار ہیں جن کا کوئی ٹھوس ثبوت نہیں۔ انہوں نے عدالت سے انصاف کی اپیل کی اور کہا کہ اگر انصاف ملا تو اللہ کا شکر ادا کریں گے، اور اگر نہیں ملا تو صبر و استقامت سے کام لیتے رہیں گے کیونکہ اللہ صابرین کے ساتھ ہے۔

لاہور کی کینٹ کچہری کی عدالت نے پاکستان تحریک انصاف (پی ٹی آئی) کے بانی اور سابق وزیراعظم عمران خان اور پارٹی رہنما شبلی فراز کے خلاف اسلام آباد پولیس پر مبینہ حملے کے مقدمے میں ناقابل ضمانت وارنٹ جاری کر دیے ہیں۔ یہ مقدمہ عمران خان کی رہائش گاہ کے باہر پیش آنے والے واقعے کے سلسلے میں درج کیا گیا ہے۔

عدالت نے عمران خان کو طلبی کے سمن بھی جاری کیے ہیں جو جیل روبکار کے ذریعے انہیں فراہم کیے جائیں گے۔ عدالت نے اس کیس کی مزید سماعت 30 جولائی کو مقرر کی ہے تاکہ دونوں ملزمان کو موقع دیا جا سکے کہ وہ عدالت میں پیش ہو کر اپنا موقف پیش کریں۔یہ مقدمہ تھانہ ریس کورس پولیس کی طرف سے درج کیا گیا ہے،

وزیر اطلاعات و ثقافت پنجاب عظمیٰ بخاری نے 9 مئی کے واقعات کی سی سی ٹی وی فوٹیجز جاری کرتے ہوئے کہا ہے کہ اب اس سانحے کے تمام حقائق قوم کے سامنے آ چکے ہیں۔ انہوں نے کہا کہ نو مئی کی ناکام بغاوت کے مقدمات کے فیصلے دو سال بعد آنا شروع ہوئے ہیں، اور یہ انصاف کی سمت اہم پیش رفت ہے۔

عظمیٰ بخاری نے مزید کہا کہ ان واقعات میں ملوث تمام کرداروں کی شناخت، پلاننگ کے مقامات اور سازش کے تانے بانے اب بے نقاب ہو چکے ہیں۔ انہوں نے واضح کیا کہ جنہوں نے 9 مئی کا منصوبہ بنایا، حملے کروائے، اور شہداء کی یادگاروں کو نذرِ آتش کیا، وہ پاکستان کے اصل دشمن ہیں اور کسی بھی رعایت کے مستحق نہیں۔وزیر اطلاعات کا مزید کہنا تھا کہ فوجی تنصیبات پر حملے مکمل منصوبہ بندی اور تربیت کے ساتھ کیے گئے، اور اب کسی کو اس حوالے سے کوئی شبہ باقی نہیں رہا۔ انہوں نے بتایا کہ سپریم کورٹ کی ہدایات کے مطابق، تمام ٹرائل کورٹس چار ماہ میں 9 مئی کے مقدمات کے فیصلے سنانے کی پابند ہیں۔

عظمیٰ بخاری نے دو ٹوک موقف اپناتے ہوئے کہا کہ 9 مئی کا ماسٹر مائنڈ اور اس کا کوچ کسی صورت احتساب سے نہیں بچ سکتے۔انہوں نے یقین دہانی کرائی کہ حکومت قانون کے مطابق کارروائی کو منطقی انجام تک پہنچائے گی اور شہداء کی قربانیوں کو رائیگاں نہیں جانے دے گی۔

ٹک ٹاک نے موجودہ سال 2025ء کی پہلی سہ ماہی کے لیے اپنی کمیونٹی گائیڈ لائنز پر عملدرآمد کی رپورٹ جاری کر دی ہے جو صارفین کے لیے ایک محفوظ ڈیجیٹل ماحول قائم کرنے کےعزم کی عکاسی کرتا ہے۔ یہ رپورٹ جنوری،2025ء سے مارچ،2025ء تک کے اعداد و شمار پر مبنی ہے اور اُن پیشگی اقدامات کی تفصیل فراہم کرتی ہے جو ٹک ٹاک نے اپنی کمیونٹی گائیڈ لائنز کی خلاف ورزی کرنے والے کانٹنٹ کی نشاندہی اور اسے حذف کے لیے کیے، تاکہ عالمی صارفین کو ایک مثبت تجربہ فراہم کیا جا سکے۔

سنہ2025ء کی پہلی سہ ماہی کے دوران، ٹک ٹاک نے ،پاکستان میں، کل 24,954,128 ویڈیوزحذف کیں۔ پاکستان میں پیشگی طور پر ویڈیوز کو حذف کرنے کی شرح انتہائی بلند رہی، جو 99.4فیصد تھی اگرچہ اُن میں سے 95.8 فیصد ویڈیوز 24 گھنٹوں کے اندر ہی حذف کر دی گئی۔عالمی سطح پر، ٹک ٹاک نے اس سہ ماہی کے دوران مجموعی طور پر 211 ملین ویڈیوزحذف کیں، جو پلیٹ فارم پر اپ لوڈ کیے گئے کل مواد کا تقریباً 0.9فیصد ہیں۔ حذف کی گئی ویڈیوز میں سے 184,378,987 ویڈیوز خودکار نظام کے ذریعے شناخت کر کے حذف کی گئیں،تاہم، 7,525,184 ویڈیوز کو مزید جانچ کے بعد بحال کر دیا گیا۔ پیشگی حذف کرنے کی شرح 99.0فیصد رہی، اور 94.3فیصد نشان زدہ کانٹنٹ کو پوسٹ کیے جانے کے 24 گھنٹوں کے اندر ہی حذف کر دیا گیا۔

رپورٹ میں یہ بھی بتایا گیا ہے کہ حذف کی گئی کل ویڈیوز کا ایک بڑا حصہ — 30.1فیصد— حساس یا بالغ موضوعات پر مشتمل تھا جو کانٹنٹ کے حوالے سے ٹک ٹاک کی پالیسیوں کے مطابق نہیں تھا۔ مزیدبرآں،11.5فیصد ویڈیوز نے پلیٹ فارم کے تحفظ اور شائستگی کے معیارات کی خلاف ورزی کی، جبکہ 15.6فیصد نے پرائیویسی اور سیکیورٹی کی ہدایات کی خلاف ورزی کی۔ اس کے علاوہ، حذف کی گئی ویڈیوز میں سے 45.5فیصد کو غلط معلومات کے طور پر نشان زد کیا گیا، اور 13.8فیصد ویڈیوز کو ترمیم شدہ میڈیا اور مصنوعی ذہانت سے تیار کردہ کانٹنٹ کے طور پر شناخت کیا گیا۔

کمیونٹی گائیڈ لائنز پر عملدرآمد کی رپورٹ کی باقاعدہ اشاعت کانٹنٹ اور اکاؤنٹس کے اقدامات کے حُجم اور نوعیت پر روشنی ڈالتی ہے، جو شفافیت کے حوالے سے ٹک ٹاک کے مکمل عزم کو ظاہر کرتی ہے۔ سنہ2025ءکی پہلی سہ ماہی کی رپورٹ کے بارے میں تفصیلی معلومات حاصل کرنے اور ٹک ٹاک کانٹنٹ کے حوالے سےٹک ٹاک کی گائیڈ لائنز، آلات، اور پالیسیوں کے بارے میں مزیدآگاہی کے لیے، ٹک ٹاک کے ٹرانسپیرنسی سینٹر کا دورہ کریں، جو اردو اور انگریزی دونوں زبانوں میں دستیاب ہے۔