Category: لاہور

پروونشل ڈیزاسٹر مینجمنٹ اتھارٹی (پی ڈی ایم اے) پنجاب نے 28 سے 31 جولائی کے دوران صوبے کے مختلف اضلاع میں مون سون بارشوں کے پانچویں اسپیل کی پیش گوئی کر دی ہے، جس کے نتیجے میں دریاؤں اور ندی نالوں میں طغیانی جبکہ مری اور گلیات میں لینڈ سلائیڈنگ کا خدشہ ظاہر کیا گیا ہے۔

ترجمان پی ڈی ایم اے کے مطابق اس دوران مری، گلیات، اٹک، چکوال، جہلم، منڈی بہاءالدین، لاہور، شیخوپورہ، سیالکوٹ، گجرات، حافظ آباد، گوجرانوالہ، نارووال، ساہیوال، جھنگ، ٹوبہ ٹیک سنگھ، خوشاب، سرگودھا، میانوالی، ننکانہ صاحب، چنیوٹ، فیصل آباد اور اوکاڑہ میں بارشیں متوقع ہیں۔29 سے 31 جولائی کے درمیان ڈیرہ غازی خان، بھکر، بہاولپور، خانیوال، پاکپتن، وہاڑی، لودھراں، مظفر گڑھ اور راجن پور میں بھی بارشوں کی پیش گوئی کی گئی ہے۔

شدید بارشوں کے باعث مری اور گلیات میں لینڈ سلائیڈنگ کے خطرے کے پیش نظر متعلقہ اداروں کو الرٹ رہنے کی ہدایت کی گئی ہے۔ پی ڈی ایم اے نے دریاؤں کی صورت حال سے متعلق الرٹ بھی جاری کر دیا ہے۔تازہ اعداد و شمار کے مطابق تربیلا پر پانی کی آمد 3 لاکھ 9 ہزار اور اخراج 2 لاکھ 66 ہزار کیوسک،تونسہ پر پانی کی آمد 4 لاکھ 47 ہزار اور اخراج 4 لاکھ 41 ہزار کیوسک،کالاباغ پر پانی کی آمد 3 لاکھ اور اخراج 2 لاکھ 93 ہزار کیوسک جبکہ چشمہ پر پانی کی آمد 3 لاکھ 72 ہزار اور اخراج 3 لاکھ 57 ہزار کیوسک ریکارڈ کیا گیا ہے۔

دریائے چناب، راوی، جہلم اور ستلج میں اس وقت پانی کا بہاؤ معمول کے مطابق ہے، تاہم طغیانی کا خطرہ موجود ہے۔ ڈیرہ غازی خان کی رود کوہیوں میں بھی پانی کا بہاؤ فی الحال نارمل ہے لیکن آئندہ 24 گھنٹوں کے دوران سطح آب میں اضافہ متوقع ہے۔

اے این پی کی آل پارٹیز کانفرنس،دہشت گردی کے خلاف قومی بیانیہ پر اتفاق

غزہ میں بھوک کو جنگی ہتھیار بنانے پر دنیا بھر میں اسرائیل کے خلاف مظاہرے

خاتون کو بلیک میل، ملزم کو 3 سال قید، 4 لاکھ ہرجانے کا حکم

پاکستانی معروف ڈرامہ نگار، ٹیلی وژن میزبان و مزاح نگار انور مقصود نے کہا ہے کہ،ملک کا حال برا ہو تو میرا حال بھی برا ہو جاتا ہے، ملکی حالات اور لوگوں پر 68 سال سے لکھ رہا ہوں۔

لاہور میں پریس کانفرنس کرتے ہوئے انور مقصود نے کہا کہ میرا نیا ڈرامہ ’ہاؤس اریسٹ‘ سیاسی نہیں، مزاحیہ ہے، یہ مہاجر خواتین کے درد کے بارے میں ہے جنہیں بیٹے نے گھر میں قید کر رکھا ہے، اسکرپٹ میں 109 ترامیم ہوئی ہیں،الحمرا میں ڈرامے کی اجازت نہیں ملی کیونکہ اس میں ناچ کے بجائے پرانے گانے شامل ہیں، اسلام آباد میں دو شو ہوئے تو چھاپہ پڑ گیا، کسی سیاسی پارٹی کا رکن نہیں ہوں، صرف پاکستان کے ساتھ ہوں، ملک کا حال برا ہو تو میرا حال بھی برا ہو جاتا ہے، ملکی حالات اور لوگوں پر 68 سال سے لکھ رہا ہوں۔

ڈرامے کے ڈائریکٹر داور محمود کا کہنا تھا کہ ’ہاؤس اریسٹ‘ ڈرامہ 3 اگست تک فیروز پور روڈ پر ایک آڈیٹوریم میں پیش کیا جائے گا،ڈرامے کی پروڈیوسر وجیہہ نے اس موقع پر کہا کہ کراچی اور اسلام آباد میں بہت پیار ملا ہے۔

دنیا بھر میں بھارتی شہریوں کی جیلوں میں قید ہونے کی تعداد میں اضافہ

ملک میں تیز ہواؤں اور گرج چمک کے ساتھ مزید بارش کی پیشگوئی

چین، 24 گھنٹوں کے دوران سال بھر کی اوسط بارش ریکارڈ، سڑکیں اور گھر زیر آب،19 ہزار افراد کا انخلا

اقوام متحدہ کے پاک بھارت فوجی مبصرین کے وفد نے گردوارہ دربار صاحب کرتارپور کا دورہ کیا، جہاں انہیں تاریخی، مذہبی اور بین المذاہب ہم آہنگی کے حوالے سے تفصیلی بریفنگ دی گئی۔

وفد میں سوئٹزرلینڈ سے میجر جوناتھن اسٹوپانی، کروشیا سے میجر میریلا جپرانین، فلائٹ لیفٹیننٹ کنوکوان اور کیپٹن مارکو اسٹیجانووک شامل تھے۔ پراجیکٹ مینجمنٹ یونٹ (پی ایم یو) کی انتظامیہ نے وفد کا پرتپاک استقبال کیا اور انہیں کرتارپور منصوبے کی تاریخ، موجودہ صورتحال اور مذہبی ہم آہنگی میں اس کی اہمیت سے آگاہ کیا۔دربار انتظامیہ کے مطابق، وفد کو دربار کے گرانتھی گوبند سنگھ کی جانب سے یادگاری تحائف بھی پیش کیے گئے۔ مہمانوں نے کرتارپور کو عالمی امن اور مذہبی رواداری کی ایک روشن مثال قرار دیا۔

اقوام متحدہ کے فوجی مبصرین نے انتظامات کو سراہتے ہوئے حکومتِ پاکستان کا شکریہ ادا کیا اور کہا کہ کرتارپور کا یہ مقدس مقام دنیا میں امن اور بین المذاہب ہم آہنگی کے فروغ میں اہم کردار ادا کر رہا ہے۔مہمانوں نے اپنے تاثرات میں کہا کہ گردوارہ دربار صاحب کرتارپور نہ صرف پاکستان اور بھارت بلکہ دنیا بھر سے آنے والے زائرین کے لیے روحانی سکون اور بھائی چارے کی علامت ہے۔

ورلڈ یونیورسٹی گیمز 2025: جرمنی میں پاکستانی دستے کے 2 ایتھلیٹس لاپتا

سوشل میڈیا اداروں سےدہشت گرد تنظیموں کے اکاؤنٹس فوری بندکرنے کا مطالبہ

چاند نظر نہیں آیا، یکم صفر 27 جولائی کو ہوگا

مرکزی رویت ہلال کمیٹی نے اعلان کیا ہے کہ صفر المظفر کا چاند نظر نہیں آیا، جس کے باعث یکم صفر 1447 ہجری یکم اگست بروز اتوار کو ہوگا۔

چیئرمین مرکزی رویت ہلال کمیٹی مولانا سید محمد عبدالخبیر آزاد نے بتایا کہ کل بروز ہفتہ 30 محرم الحرام ہوگا اور چاند کی رویت نہ ہونے کی وجہ سے یکم صفر کی تاریخ میں ایک روز کی تاخیر ہو گئی ہے۔چیئرمین نے چاند کی رویت سے متعلق نوٹیفکیشن بھی جاری کر دیا ہے، جس میں ملکی و علاقائی سطح پر چاند نظر نہ آنے کی تصدیق کی گئی ہے۔

اوکاڑہ: بابا فرید شوگر مل میں 12,600 میٹرک ٹن چینی کا سٹاک موجود،کیا ہوپائے گی شوگرمافیا کے خلاف کارروائی

حماس جنگ بندی نہیں چاہتی، نمٹنا پڑے گا: امریکی صدر