Category: لاہور

وزیراعلیٰ پنجاب مریم نواز نے بلوچستان میں غیرت کے نام پر قتل کو انسانیت کے ضمیر پر حملہ قرار دے دیا۔

بلوچستان میں غیرت کے نام پر قتل کے واقعے پر وزیراعلیٰ پنجاب مریم نواز نے سماجی رابطے کی ویب سائٹ ایکس پر سخت ردعمل دیا ہے مریم نواز نے کہا کہ بلوچستان میں غیرت کے نام پر بیٹی کا قتل انسانیت کے ضمیر پر حملہ ہے، اس لرزہ خیز واقعے نے ہر حساس دل کو جھنجھوڑ کر رکھ دیا، یہ ظلم ناقابلِ معافی ہے، ریاستی قانون سے بالاتر کوئی رسم، روایت یا سوچ قابلِ قبول نہیں ہے، قاتلوں کو قانون کے شکنجے میں لاکر قرار واقعی سزا دی جائے۔

https://x.com/MaryamNSharif/status/1947266592963706969

واضح رہے کہ گزشتہ روز بلوچستان میں خاتون اور مرد کے بہیمانہ قتل کی ویڈیو وائرل ہوئی تھی، ویڈیو میں مسلح افراد نامعلوم مقام پر ایک خاتون اور مرد پر اندھا دھند فائرنگ کرتے دکھائی دے رہے تھےترجمان بلوچستان حکومت کے مطابق وزیراعلیٰ بلوچستان میر سرفراز بگٹی نے سوشل میڈیا پر ایک خاتون اور مرد کے بہیمانہ قتل کی ویڈیو وائرل ہونے کا نوٹس لیا تھاغیر مصدقہ اطلاعات کے مطابق یہ عیدالاضحیٰ کے قریب کا واقعہ ہے، اب تک لاشیں برآمد نہیں ہوئیں، علاقے میں اس وقت سی ٹی ڈی اور پولیس موجود ہے۔

کوئٹہ میں مقتول مرد اور خاتون کی قبرکشائی، باقیات کے نمونے لے لیے گئے

پولیس نے کارروائی کرتے ہوئے 20 سے زائد افراد کو گرفتار کرلیا پولیس ذرائع کے مطابق گرفتار ملزمان میں مرکزی ملزم بشیر احمد اور ستکزئی قبیلے کے سربراہ سردار شیر باز ستکزئی، ان کے 4 بھائی اور 2 محافظ بھی شامل ہیں، کوئٹہ پولیس نے کیس کو مزید تحقیقات کے لیے سیریس کرائمز انویسٹیگیشن ونگ کے حوالے کردیا۔

دریں اثنا، کوئٹہ کی انسداد دہشتگردی عدالت کے جج محمد مبین نے مقدمہ قتل میں نامزد قبائلی سردار شیرباز ستکزئی کا 2 روزہ جسمانی ریمانڈ منظور کرلیا، شیربازستکزئی کوسخت سیکیورٹی میں عدالت میں پیش کیاگیا تھا۔

اطلاعات کے مطابق مقتولین احسان سمالانی اور بانو ستکزئی نے اپنی مرضی سے شادی کی تھی جس پر ان کے خاندان ناراض تھے، معاملہ علاقے کے ’بزرگوں‘ کے پاس لے جایا گیا جنہوں نے موت کی سزا سنائی جوڑے کو عید سے قبل ایک دیہی علاقے ڈگری میں کھانے کی دعوت پر بلایا گیا اور بعد میں انہیں ایک ویران مقام پر لے جایا گیا جہاں انہیں بزرگوں کے فیصلے سے آگاہ کیا گیا۔

وزیراعظم نےڈیجیٹل ڈریپ سسٹم کا افتتاح کر دیا

قتل سے قبل مقتولہ نے قاتلوں سے براہوی زبان میں کہا کہ ’تمہیں مجھے گولی مارنے کی اجازت ہے، لیکن اس سے زیادہ کچھ نہیں‘اس نے یہ بھی کہا کہ اسے 7 قدم چلنے دیا جائے، جس کے بعد اسے مبینہ طور پر اس کے بھائی نے 3 گولیاں مار کر قتل کیا اور پھر اس کے شوہر کو بھی قتل کر دیا گیا-

ریلوے حکام نے کہا ہے کہ حکومت نے گزشتہ کئی سالوں سے محکمہ ریلوے میں کوئی سرمایہ کاری نہیں کی-

جام سیف اللہ خان کی زیرِ صدارت سینیٹ قائمہ کمیٹی برائے ریلویز کا اجلاس پارلیمنٹ ہاؤس میں منعقد ہوا،سیکریٹری ریلویز نے قائمہ کمیٹی ارکان کو بریفنگ دیتے ہوئے بتایا کہ سی پیک کا سارا ڈیزائن جوائنٹ ہے، ٹیکنیکل سائڈ کا کام ہوچکا ہے، لاہور سے راولپنڈی تک نئی ٹرین کا آغاز کررہے ہیں اس کا اپ گریڈڈ ٹریک ہوگا، بس فنانسنگ کا انتظار کررہے ہیں، کراچی سے روہڑی تک کے لیے ایک نئے پروجیکٹ پر کام کررہے ہیں۔

سینیٹر اسد قاسم نے استفسار کیا کہ دس سال پہلے کوئٹہ سے 10 ٹرینیں ملک بھر کے لیے چلتی تھیں،اب کوئٹہ سے دو ٹرینیں ملک بھر کے لیے چلتی ہیں، بلوچستان کے ساتھ کیوں ناانصافی ہورہی ہے سیکریٹری ریلویز نے کہا کہ اس سال ہمارا پی ایس ڈی پی محدود ہے،گزشتہ کئی سالوں سے ریلوے میں ریلوے محکمہ میں حکومت نے سرمایہ کاری نہیں کی،ایک وقت میں 244 گاڑیاں چلاتے تھے، اب 100 سے زائد ریلوے کی گاڑیاں چلا رہے ہیں،جب تک نئی کوچز نہیں آتیں، ریلوے محکمہ منافع میں نہیں آئے گا،کراچی اور لاہور کے علاوہ ریلوے کو کہیں سے منافع نہیں آرہا۔

سی ٹی ڈی کاآپریشن:بچے مصور کاکڑ کے اغوا اور قتل میں ملوث ملزم 2 ساتھیوں سمیت ہلاک

چیئرمین کمیٹی نے کہا کہ آسٹریا میں ہمارے سفیر نے بتایا کہ آسٹرین ریل کمپنی ایم ایل ون میں دلچسپی رکھتی ہے، ایم ایل ون کے لیے متبادل انویسٹمنٹ کے ساتھ آسٹریا کو بھی دیکھ لیں،ہم لوگ ہر ایک کو ویلکم کریں گے جو بھی آکر سرمایہ کاری کرے ایم ایل ون ،سی پیک میں شامل ہے اور چین سرمایہ کاری کے لیے پہلے نمبر پر ہے،چین کے علاوہ کوئی اور سرمایہ کاری کرتا ہے تو اس ایم ایل ون پر بین الاقوامی بڈنگ ہوگی۔

سیکریٹری ریلویز نے بتایا کہ ریلوے کی دو سے تین قسم کی زمینیں ہیں، زرعی، کمرشل اور ہائی ویلیو لینڈ ہے، ریلوے کی سرکاری زمین ہے، اسے فروخت نہیں کیا جاسکتا، اسے لیز پر دیا جاسکتا ہے۔

سینیٹر شہادت اعوان نے استفسار کیا کہ کرپشن میں ملوث ریلوے پولیس کے اہلکاروں و افسران کی تفصیلات دی جائیں، ریلوے پولیس کانسٹیبل کی بھرتیوں کے بارے میں بریفنگ دیں، ریلوے پولیس حکام نے بتایا کہ 500 کانسٹیبل کی بھرتیوں میں سے 26 رہ گئے ہیں، 26 وہ ہیں جن کا تعلق اقلیتوں سے ہے اور ان میں خواتین بھی ہیں، 476 ریلوے پولیس کانسٹیبلز کی ٹریننگ جاری ہے۔

جنوبی کوریا :جیجو ایئر کے طیارہ حادثے کی تحقیقات میں شواہد سامنے آگئے

چیئرمین کمیٹی نے آئندہ اجلاس میں ایف آئی اے اور نیب ریلوے کے کیسز پر تفصیلات طلب کرلی۔

لاہور: وزیر اعلیٰ پنجاب مریم نواز کی ہدایت پر رکن اسمبلی ملک تنویر اعوان اورڈپٹی کمشنر چکوال سارہ حیات بارشوں کے دوران چھت گرنے سے جاں بحق ہونے والے باپ بیٹے کے گھر پہنچ گئیں اور وزیراعلی مریم نواز کی طرف سے 25لاکھ روپے کے چیک پیش کیے-

موضع کھیوال میں گزشتہ دنوں غیر معمولی اور تیز بارش کے دوران گھر کی چھت گرنے سے باپ شعیب افضل اور بیٹا حیدرعلی شدید زخمی ہوگئے جوکہ بعد میں جاں بحق ہوگئے تھے جبکہ شعیب افضل کی بیوی شدید زخمی ہوگئی رکن پنجاب اسمبلی ملک تنویر اعوان اور ڈپٹی کمشنر چکوال سارہ حیات نے جاں بحق ہونے والے شعیب افضل اور حیدرعلی کے لیے 10،10لاکھ روپے جبکہ زخمی خاتون شعیب افضل کی بیوہ کے لیے 5لا کھ روپے کے چیک پیش کیے شعیب افضل کی بیوہ نے وزیراعلیٰ مریم نواز اور ان کی ٹیم کا شکریہ ادا کیا-

رکن پنجاب اسمبلی ملک تنویر اعوان اور ڈپٹی کمشنر چکوال سارہ حیات نے وزیراعلیٰ مریم نواز کی طرف سے مرحوم کی بیوہ کو تعزیت کا پیغام دیا اور کہا کہ دکھ کی اس گھڑی میں حکومت پنجاب آپ کے ساتھ ہے، اس موقع پر مرحوم شعیب افضل اور مرحوم حیدر علی کے لیے فاتحہ خوانی اور زخمی خاتون کی صحت یابی کی دعا بھی کی گئی –

اپنے ملک کے سفارتکار بنیں ، شرمندگی نہ بنیں ، شاہد آفریدی

ڈپٹی کمشنر چکوال سارہ حیات نے بتایا کہ ضلع چکوال میں بارشو ں کے دوران جاں بحق ہونے والے دیگر افراد کو بھی حقیقی ورثا ءکا تعین کر کے امدادی رقم کے چیک فوری طورپر پہنچا دئیے جائیں گے –

کسی قاتل کے لیے کوئی ہمدردی نہیں،وزیراعلیٰ بلوچستان

لاہور سے کراچی آنے والی نجی پرواز حادثے سے بال بال بچ گئی جس کی تصدیق سینئر اداکار قیصر نظامانی نے اپنے انسٹاگرام اکاؤنٹ پر ٹکٹ کی شیئر کردہ تصویر سے کی۔

قیصر نظامانی نے انسٹاگرام اور فیس بک پوسٹ میں حادثے سے بچ جانے والے طیارے سے متعلق مداحوں کو آگاہ کیا اداکار نے بتایا کہ 19 جولائی کو وہ لاہور سے کراچی آ رہے تھے کہ نجی ایئرلائن ایئربلیو کی پرواز 401 اڑان بھرنے سے کچھ دیر قبل حادثے کا شکار ہونے سے بچ گئی اڑان کے لیے تیار پرواز سے پردہ آکر ٹکرایا، جس سے طیارہ لڑ کھڑایا مگر کپتان کی حاضر دماغی سے حادثے سے بچ گیا-

انہوں نے بتایا کہ لاہور ائیرپورٹ کے رن وے پر پرندہ جہاز سے ٹکرا گیا تھا جس کے سبب پائلٹ کو بریک لگانا پڑی، اداکار کا کہنا تھا کہ طیارہ بڑے حادثے کا شکار ہوسکتا تھاکپتان نے حاضر دماغی کا مظاہرہ کرتے ہوئے طیارہ کو حادثے سے بچا لیا اور 100 سے زائد جانیں بچ گئیں،طیارہ سے پرندہ ٹکرایا تھا، جس وجہ سے مسئلہ پیش آیا۔

https://www.instagram.com/kaisernizamani/p/DMSSIk4Iq7r/

مذکورہ طیارے سے پرندہ ٹکرانے کے بعد اسے پارکنگ میں کھڑا کرکے اس کی چیکنگ شروع کی گئی تھی،ماضی میں بھی متعدد بار پرندےطیاروں سے ٹکرا چکے ہیں، جس سے خوش قسمتی سے طیارے حادثات کا شکار ہونے سے بچ چکے ہیں۔

اداکار نے ویڈیو پیغام میں ائیرپورٹ کے قریب رہائش پذیر لوگوں سے درخواست کی کہ برائے مہربانی آپ لوگ پرندوں کو گوشت اور دانہ وغیرہ نہ ڈالا کریں جو افراد یہ کرتے ہیں وہ دراصل انسانوں کی جانوں کے ساتھ کھیل رہے ہیں، شکر اللہ کا کہ ہم آج ایک خطرناک حادثے سے بچ گئے ، پائلٹ نے جہاز کو کنٹرول کرلیا ورنہ کوئی بڑا سانحہ ہوسکتا تھا۔

قیصر نظامانی کا کہنا تھا ہمارے ہاں ایوی ایشن میں تھوڑی سی ڈیویلپمنٹ کی ضرورت ہے اور وہ یہ کہ ہم صبح 8 بجے سے لاہور ائیرپورٹ پر ہیں اور اب شام ہوگئی ہے، 6 بج رہے ہیں، ابھی تک کچھ علم نہیں کہ ہم کب واپس کراچی پہنچیں گے اتنا انتظار کو انٹرنیشنل ٹرمینل پر نہیں ہوتا جتنا یہاں کرنا پڑ رہا ہے۔

پاکستان مسلم لیگ (ن) پنجاب کی پارلیمانی پارٹی کے اہم اجلاس میں وزیراعلیٰ پنجاب مریم نواز نے سینیٹ انتخابات کے موقع پر اراکین پنجاب اسمبلی کو مکمل حاضری یقینی بنانے کی ہدایت جاری کر دی ہے۔

پارلیمانی پارٹی کا اجلاس وزیراعلیٰ کی زیر صدارت ہوا جس میں وزراء اور پارٹی اراکینِ اسمبلی کی بڑی تعداد نے شرکت کی۔ اجلاس میں سینیٹ انتخابات کی حکمت عملی اور متوقع ووٹنگ شیڈول پر بھی غور کیا گیا۔اجلاس کے دوران مریم نواز کو سینیٹ الیکشن سے متعلق تفصیلی بریفنگ دی گئی۔ ذرائع کے مطابق، وزیراعلیٰ نے واضح ہدایت دی کہ پارٹی نظم و ضبط کی پاسداری کرتے ہوئے تمام اراکین اپنی حاضری یقینی بنائیں اور سینیٹ انتخابات میں پارٹی پالیسی کے مطابق ووٹ کاسٹ کریں۔

اجلاس کے اختتام پر پارٹی کی جانب سے تمام شریک اراکین کے اعزاز میں عشائیہ بھی دیا گیا۔ اس موقع پر پارٹی قیادت نے اراکینِ اسمبلی کے ساتھ غیر رسمی گفتگو بھی کی اور اندرونی سیاسی امور پر تبادلہ خیال کیا۔واضح رہے کہ پنجاب سے سینیٹ کی نشستوں پر ہونے والے انتخابات میں مسلم لیگ (ن) کو اکثریتی پوزیشن حاصل ہے اور پارٹی کی کوشش ہے کہ کسی بھی قسم کی غیر یقینی صورتحال سے بچنے کے لیے مکمل حکمتِ عملی اور حاضری کا اہتمام کیا جائے۔

گنڈاپور کی کامیابی، ناراض امیدوار نے کاغذات نامزدگی واپس لے لیے

پنجاب کابینہ میں توسیع کا فیصلہ، نواز شریف کا گرین سگنل

اداکارہ حمیرا اصغر قتل کیس ، نئے انکشافات، موت کے بعد موبائل فون استعمال ہوتا رہا

شریف خاندان کی قیادت میں مسلم لیگ (ن) کی اعلیٰ سطحی بیٹھک میں پنجاب کابینہ میں توسیع کا فیصلہ کر لیا گیا ہے۔

ذرائع کے مطابق آئندہ ماہ مزید 10 وزرا اور مشیروں کو کابینہ میں شامل کیے جانے کا امکان ہے، جن میں اکثریت کا تعلق جنوبی پنجاب سے ہوگا۔ذرائع کے مطابق مری میں ہونے والی اس اہم بیٹھک میں ن لیگ کے قائد نواز شریف، وزیر اعظم شہباز شریف، وزیراعلیٰ پنجاب مریم نواز اور حمزہ شہباز شریک ہوئے، جہاں پنجاب حکومت کے آئندہ اقدامات پر تفصیلی مشاورت ہوئی۔ذرائع کا کہنا ہے کہ سابق وزیراعظم نواز شریف نے کابینہ میں توسیع کے فیصلے کو گرین سگنل دے دیا ہے، اور پارٹی کی اعلیٰ قیادت کے ساتھ مشاورت کے بعد ممکنہ وزرا اور مشیروں کے نام بھی شارٹ لسٹ کر لیے گئے ہیں۔

اداکارہ حمیرا اصغر قتل کیس ، نئے انکشافات، موت کے بعد موبائل فون استعمال ہوتا رہا

اطلاعات کے مطابق، کابینہ میں شامل کیے جانے والے افراد کی اکثریت جنوبی پنجاب سے ہو گی، جس کا مقصد خطے کی محرومیوں کو کم کرنا اور سیاسی توازن قائم رکھنا ہے۔یہ توسیع آئندہ ماہ کی کسی بھی تاریخ میں عمل میں آ سکتی ہے۔سیاسی مبصرین کا کہنا ہے کہ شریف خاندان کی بیٹھک کو پنجاب کی سیاسی حکمت عملی کے اہم موڑ کے طور پر دیکھا جا رہا ہے۔ ذرائع بتاتے ہیں کہ نہ صرف کابینہ کی توسیع بلکہ مستقبل کی گورننس حکمتِ عملی پر بھی مشاورت ہوئی، جس میں پارٹی کے تنظیمی امور، جنوبی پنجاب میں پارٹی کی پوزیشن اور آئندہ بلدیاتی انتخابات کی تیاری شامل تھے۔
امریکا کا اپنے شہریوں کو فوری طور پر شام چھوڑنے کا حکم

واضح رہے کہ وزیراعلیٰ مریم نواز کی زیر قیادت پنجاب حکومت پہلے ہی کئی نئے اقدامات کا آغاز کر چکی ہے، اور کابینہ میں متوقع توسیع ان پالیسیوں کو عملی جامہ پہنانے کے لیے اہم تصور کی جا رہی ہے۔

ملک بھر میں شدید بارشوں اور سیلاب کا خطرہ، این ڈی ایم اے کا الرٹ جاری

خیبر پختونخوا: مخصوص نشستوں پر حلف ، وزیرِ اعلیٰ کا عدالت جانے کا اعلان

الیکشن کمیشن نے سینیٹ ضمنی انتخابات کے لیے سیاسی جماعتوں، امیدواروں اور ووٹرز کے لیے کوڈ آف کنڈکٹ جاری کر دیا، جس میں متعدد اہم پابندیاں عائد کی گئی ہیں۔

تفصیلات کے مطابق پنجاب اسمبلی میں سینیٹ کی خالی نشست پر ضمنی الیکشن کل (پیر) کو ہورہا ہے، اس سلسلے میں الیکشن کمیشن نے ضابطہ اخلاق طے کیا ہے اور امیدواروں سمیت سیاسی جماعتوں، ایجنٹس اور ووٹرز کے لیے کوڈ آف کنڈکٹ جاری کر دیا ہے۔

الیکشن کمیشن کے ضابطہ اخلاق کے مطابق پولنگ اسٹیشنز میں موبائل فون یا الیکٹرانک ڈیوائس لے جانے پر پابندی ہوگئی جبکہ بیلٹ پیپرز کی تصاویر لینا بھی سختی سے ممنوع قرار دیا گیا ہے امیدوار یا ان کے حامی کسی سرکاری ملازم یا عہدیدار سے مدد نہیں مانگ سکتے اور کوئی سرکاری ملازم یا عہدیدار بھی کسی امیدوار کی حمایت یا مخالفت نہیں کر سکتا۔

پی ٹی آئی کی رکاوٹیں ناکام : مخصوص نشستوں پر ارکان کی حلف برداری آج شام کرنے کا فیصلہ

کوڈ آف کنڈکٹ میں واضح کیا گیا ہے کہ ضمنی الیکشن میں سرکاری وسائل استعمال نہیں ہوں گے جبکہ صدر مملکت اور گورنرز انتخابی مہم میں حصہ نہیں لے سکیں گے، اداروں کی توہین یا مذاق اڑانا بھی ممنوع ہے، خلاف ورزی پر الیکشن ایکٹ کے تحت توہین عدالت کا نوٹس لیا جا سکتا ہے۔

واضح رہے کہ پنجاب اسمبلی سے سینیٹ کی جس نشست پر ضمنی الیکشن ہو رہا ہے، وہ مسلم لیگ ن کے سابق سینیٹر پروفیسر ساجد میر کے انتقال کے باعث خالی ہوئی تھی،ضمنی الیکشن میں مسلم ن کی جانب سے عبدالکریم جب کہ خدیجہ صدیقی، عبدالستار اور اعجاز حسین آزاد حیثیت میں امیدوار ہیں۔

پاکستانی پاسپورٹ میں والدہ کا نام بھی شامل کرنے کا فیصلہ

لاہور:وزیراعلیٰ پنجاب مریم نواز شریف نے فروغ تعلیم کے لیے صوبے میں ’’اسکول آن ویل، موبائل لائبریری آن ویل، موبائل لائبریری‘‘ شروع کرنے کا فیصلہ کر لیا۔

اسکول آن ویل دوردراز اور دشوار گزار علاقوں میں بچوں کو زیور تعلیم سے آراستہ کرے گا اسکول آن ویل الیکٹرک رکشے میں بنایا جائے گا، جس کی چھت پر سولر پینل لگائے جائیں گےاسکول آن ویل میں موجود ٹیچر کسی گلی محلے یا بستی میں چھتری نما سائبان کے نیچے فولڈنگ کرسیاں لگائیں گے، اسکول آن ویل میں پڑھنے والے بچوں کو کتابیں بھی مہیا کی جائیں گی۔

اسی طرح، اسکول آن ویل میں ننھے بچوں کی دلچسپی کیلئے پینٹنگ کا سامان بھی موجود ہوگا جبکہ چھوٹے بچوں کی دلچسپی کیلئے مختلف ایجوکیشنل ٹوائزبھی رکھے جائیں گے،وزیراعلیٰ پنجاب مریم نواز شریف نے اسکول آن ویل کی اصولی منظوری دے دی، اسکول ایجوکیشن ڈیپارٹمنٹ بچوں کیلئے لائبریری آن ویل پراجیکٹ بھی شر وع کرے گا۔

5 سالہ نابینا بچے سے ’زیادتی‘ کے الزام میں قاری گرفتار

لائبریری آن ویل مختلف علاقوں میں جا کر بچوں کو کتابیں پڑھنے کے مواقع فراہم کرے گی جس کے ذریعے بچوں کو نصاب کے علاوہ دیگر کتابیں بھی مہیا کی جائیں گی، لائبریری آن ویل کارٹون سے مزین منی وین میں قائم کی جائیں گی جبکہ لائبریری آن ویل کو کسی بھی میدان، گراؤنڈ یا کھلی جگہ پر اسٹیشن کیا جا سکے گا۔

وزیراعلیٰ پنجاب مریم نواز شریف کے ’’پڑھو گے تو بڑھو‘‘ کے ویژن کے مطابق موبائل لائبریری پراجیکٹ بھی شروع کیا جائے گا،جدید ترین بس کے اندر قائم موبائل لائبریری میں بچوں کے بیٹھنے کے لیے چیئر اور ٹیبل بھی میسر ہوں گی، موبائل لائبریری میں اردو، انگلش اور سائنس کی کتابوں کے علاوہ میگزین بھی رکھے جائیں گے۔

صوبائی وزیر تعلیم رانا سکندر حیات نے اسکول آن ویل، لائبریری آن ویل اور دیگر منصوبوں کے بارے میں تفصیلی بریفنگ دی۔

قتل کی دھمکیاں دی گئیں, کرکٹر نے بھی دھمکایا،ریحام خان کا انکشاف

پنجاب اسمبلی میں اپوزیشن کے 26 اراکین کی معطلی کے معاملے پر اہم پیش رفت سامنے آ گئی ہے، صوبائی حکومت اور اپوزیشن کے درمیان مذاکرات کامیاب ہو گئے ہیں، جس کے بعد اسپیکر پنجاب اسمبلی ملک احمد خان نے معطلی کے حوالے سے ریفرنس کی درخواستوں پر فیصلہ مؤخر کر دیا ہے۔

یہ پیش رفت اس وقت ہوئی جب وزیراعلیٰ پنجاب مریم نواز شریف کی 28 جون کو اسمبلی میں تقریر کے دوران احتجاج اور ہنگامہ آرائی کرنے والے 26 اپوزیشن اراکین کے خلاف کارروائی کی گئی تھی۔ اسپیکر نے ان اراکین کو معطل کر کے ان کی نااہلی کے لیے ریفرنس الیکشن کمیشن کو بھیجنے کا اعلان کیا تھا۔اپوزیشن کی جانب سے جمع کرائی گئی درخواستوں میں مؤقف اختیار کیا گیا کہ عوامی نمائندوں کو نااہل قرار دینا دراصل عوام کو ان کے نمائندوں سے محروم کرنے کے مترادف ہے۔ اپوزیشن نے اپنی درخواستوں میں سابق وزیر اعظم نواز شریف کے مقدمے کا بھی حوالہ دیا اور اسپیکر کی رولنگ، آئینی حلف اور نااہلی کی اہلیت پر سوالات اٹھائے۔

درخواستوں میں مؤقف اختیار کیا گیا کہ اسپیکر محض ڈاکیے کا کردار ادا نہیں کر سکتا جو ہر درخواست بغیر جانچ پڑتال کے الیکشن کمیشن بھیج دے، یہ عمل آئینی نظام کو کمزور کر سکتا ہے۔یاد رہے کہ 15 جولائی کو پنجاب اسمبلی سیکرٹریٹ نے معطل اراکین کو جرمانے جمع کروانے کی ہدایت بھی جاری کی تھی، جبکہ اسمبلی میں توڑ پھوڑ پر 10 اراکین پر جرمانے بھی عائد کیے گئے تھے۔

ذرائع کے مطابق مذاکرات کی کامیابی کے بعد اسپیکر نے معاملے پر مزید کارروائی روک دی ہے، جس سے سیاسی کشیدگی میں وقتی کمی دیکھی جا رہی ہے۔

بھارت کی ایک اور ضد،ایشیا کپ 2025 کے بائیکاٹ کی دھمکی دے دی

اسحاق ڈار امریکا روانہ، سلامتی کونسل اجلاس کی صدارت کریں گے

پنجاب پولیس میں مینیول ڈاک سسٹم ختم، آن لائن رابطہ کاری شروع