Category: لاہور

اوکاڑہ(علی حسین مرزا) تھانہ چوچک کی حدود میں نہر مپالکہ کے قریب مکئی کی فصل سے لاش برآمد ہوئی ہے۔ جسکا گلہ تیز دھار آلے سے کٹا ہوا ہے پولیس تھانہ چوچک موقع پر پہنچ گئی مقتول کی شناخت محمد نواز کے نام سے ہوئی ہے۔تفصیلات کے مطابق تھانہ چوچک کی حدود میں مپالکہ نہر کے قریبی مکی کی فصل سے لاش برآمد ہوئی جسکا گلہ تیز دھار آلے سے کٹا ہوا ہے ۔ لاش کی شناخت محمد نواز قوم ڈوگر جو پھول نگر کا رہائشی تھا ۔ ذرائع سے پتہ چلا ہے کہ محمد نواز جو کہ پھول نگر اڈے میں لوڈڈ رکشہ چلاتا تھا کل کوئی نامعلوم شخص رکشہ کرائے پر لے کر گیا جو رات گئے تک واپس گھر نہیں پہنچا جس پر گھر والوں نے مقتول کی تلاش شروع کی دی ۔ محمد اعجاز جو کہ مپالکہ کا رہائشی ہے صبح اپنی زمین میں ہل چلانے کے لیے آیا تو ڈیڈ باڈی دیکھ کر اطلاع تھانہ چوچک پولیس کو دی گئی پولیس نے موقع پر پہنچ کر لاش کو اپنی تحویل میں لے کر فوراً فرانزک ٹیم کو بلایا ٹیم نے لاش کے پاس سے تمام نمونے اکٹھے کئے گئے اور ضروری کاروائی کے بعد لاش کو پوسٹ مارٹم کے لیے ڈی ایچ کیو ہسپتال اوکاڑہ منتقل کر دیا گیا ۔

اوکاڑہ( علی حسین) اوکاڑہ میں گزشتہ روز فوت ہونے والے ڈاکٹر عمر دراز کو کرونا سے متاثر قرار دیکر دفن کردیا گیا لیکن بعد ازاں رپورٹ آنے پر نتیجہ نیگیٹو آیا۔ شہریوں نے جب متذکرہ ڈاکٹر کی موت کیوجہ کرونا کے متعلق سنا تو پورے شہر میں اضطراب اور خوف کی لہر دوڑ گئی لیکن بعد از تدفین رپورٹس نیگیٹو آنے پر عوام میں برہمی اور غصے کے احساسات دیکھنے میں ملے۔ باغی ٹی وی کو انٹرویو دیتے ہوئے متعدد شہریوں نے بیان دیا ہے جس کا خلاصہ یہ ہے کہ کرونا وائرس اگرچہ بطور بیماری موجود ہے لیکن موجودہ حالات میں کرونا کو لیکر صرف خوف و ہراس پھیلایا جارہا ہے۔ بعض شہریوں نے کہا کہ پوری دنیا میں حالات معمول پر آرہے ہیں جبکہ پاکستان میں سختی کی جارہی ہے جو کہ مشکوک ہے۔

گورنر پنجاب کی عوام سے کورونا سے بچاؤ کیلئے ایس او پیز پر عمل کی اپیل . خدا کیلئے عوام حکومت کے بتائے ایس او پیز پر عمل کرکے کورونا کو شکست دیں. عوام کو سمجھ لینا چاہیے کورونا کیخلاف جنگ سڑکوں پر آکر نہیں جیتی جاسکتی. کورونا ٹیسٹ مثبت آنے پر ڈاکٹر جاوید اکرم اورڈاکٹر امجد ثاقب کی صحت یابی کیلئے دعا گو ہوں ، گور نر پنجاب .

پی ڈی این کے تحت راشن کی تقسیم میں ڈاکٹر امجد ثاقب اور ٹیلی میڈیسن میں ڈاکٹر جاوید اکرم کا تاریخی کردار ہے. کورونا کے تمام مریضوں کی صحت یابی کیلئے قوم سے دعا ئوں کی اپیل کرتا ہوں . کورونا کی وجہ سے زندگی کی بازی ہارنیوالوں کو اللہ تعالیٰ جنت میں اعلی مقام عطاء فر مائے، چوہدری محمد سرور.
عوام نے کورونا کو سنجیدہ نہ لیا تو یہ ملک وقوم کیلئے تباہ کن ہوگا ‘چوہدری محمدسرور کا ویڈیو پیغام

پبلک مقامات، مارکیٹوں، بازاروں اور پارکوں میں ماسک پہننے کی پابندی پر عمل کرایا جائے گا۔ خلاف ورزی کرنے والوں کے خلاف کارروائی ہوگی۔
ماسک پہننا شہریوں کی حفاظت کیلئے ضروری ہے۔ شہریوں کی حفاظت اولین ترجیح ہے۔ گھر سے نکلتے وقت شہری ماسک لازم پہنیں۔ کورونا سے متاثرہ مریضوں کے علاج معالجے کیلئے کوئی دقیقہ فروگزاشت نہیں کیا جائے گا۔ پنجاب کے ہسپتالوں میں خالی بیڈز بھی موجود ہیں اور وینٹی لیٹرز بھی۔ ہسپتالوں میں مریضوں کے علاج معالجے کیلئے ضروری ادویات دستیاب ہیں۔ پنجاب حکومت نے متاثرہ مریضوں کو گھروں میں آئسولیشن کی اجازت دے دی ہے۔ کورونا کا پھیلاؤ روکنا ہم سب کی مشترکہ ذمہ داری ہے۔عثمان بزدار

عوام کی زندگیوں کو محفوظ بنانے کیلئے ضروری اقدامات تسلسل کے ساتھ جاری رہیں گے۔ کاروبار کی اجازت ایس او پیز پر عملدرآمد سے مشروط ہے۔ ایس او پیز کی خلاف ورزی پر بزنس ہاؤسز کے خلاف کارروائی ہوگی۔ کورونا سے متاثرہ مریضوں کے علاج معالجے میں مصروف ڈاکٹروں، نرسوں اور پیرامیڈیکل سٹاف کی خدمات لائق تحسین ہیں۔ آزمائش کی اس گھڑی میں ڈاکٹروں، نرسوں اور پیرامیڈیکل سٹاف کو سلام پیش کرتے ہیں۔
ہیلتھ پروفیشنلز کی خدمات کو ہمیشہ یاد رکھا جائے گا۔ وزیراعلیٰ پنجاب

وزیراعلیٰ پنجاب سردار عثمان بزدار کی زیرصدارت اعلیٰ سطح کا اجلاس. کورونا وائرس سے پیدا ہونے والی تازہ ترین صورتحال اور حکومت کی جانب سے کئے جانے والے اقدامات کا جائزہ لیا گیا. وزیراعلیٰ عثمان بزدار کو مریضوں کے علاج معالجے کیلئے کئے جانے والے اقدامات کے بارے میں بھی بریفنگ دی گئی. صوبائی وزیر صحت ڈاکٹر یاسمین راشد، چیف سیکرٹری، سیکرٹری سپیشلائزڈ ہیلتھ کیئر و میڈیکل ایجوکیشن، ماہر طب ڈاکٹر محمود شوکت، پی کے ایل آئی کے ڈاکٹر جاوید حیات خان اور متعلقہ حکام کی اجلاس میں شرکت.

اوکاڑہ (علی حسین مرزا) منڈی احمد آباد آبادی رسول پور میں منظور احمد مستری جو اپنے گھر ٹوکہ مشین پر جانوروں کیلئے چارہ کاٹ رہا تھا اچانک ایک بازو ٹوکہ مشین میں آکر چارے کے ساتھ بازو بھی کٹ گیا منظور احمد 6 بچوں کا باپ تھا ایک بیٹی اور ایک بیٹے کا زہنی توازن ٹھیک نہیں دس سال سے چار پائی پر پڑے ہیں ایک بیٹا ایک ٹانگ سے معزور ہے منظور احمد محنت مزدوری کر کے اپنے گھر کا نظام چلا رہا تھا۔