Category: لاہور

لاہور: لیگی رکن اسمبلی سیف الملوک کھوکھر بیٹے سمیت کورونا میں متبلا ہو گئے،اطلاعات کے مطابق پاکستان مسلم لیگ ن کے رکن صوبائی اسمبلی سیف الملوک کھوکھر اور ان کے بیٹے فیصل سیف کھوکھر بھی کورونا وائرس میں مبتلا ہو گئے ہیں۔جس کے بعد سیف الملوک کھوکھر اور ان کے بیٹے نے خود کو قرنطینہ کر لیا ہے۔اس کے علاوہ ایم پی اے یاسین سوہل کے دو بیٹے بھی کورونا وائرس کا شکار ہو گئے ہیں۔جس کے بعد انہوں نے خود کو قرنطینہ کر لیا ہے۔

خیال رہے کہ کوروناو ائرس نے پاکستان میں عام شہریوں کے علاوہ اب سیاسی رہنماؤں کو بھی کورونا سے متاثر کرنا شروع کر دیا ہے۔ پاکستان میں اب تک کورونا سے متاثرہ ہونے والے سیاستدانوں میں سے بیشر صحت یاب ہو چکے ہیں جبکہ جمعیت علما اسلام کے رکن بلوچستان اسمبلی اور سابق گورنر سید فضل آغا کورونا وائرس کے باعث انتقال کرگئے تھے۔

اس کے علاوہ متاثرہونے والوں میں سعید غنی سب سے پہلے سیاستدان ہیں جو کورونا سے متاثر ہوئے تھے، ان کے بعد گورنر سندھ جیسے شخصیات بھی کورونا کا شکار ہو چکی ہیں۔ تمام سیاسی شخصیات نے کورونا سے متاثر ہونے کے بعد خود کو قرنطینہ کرنے کا فیصلہ کیا تھا جس کے بعد وہ تمام صحت یاب ہوتے جا رہے ہیں۔ سیاسی شخصیات کی جانب سے عوام کو اپنی مثال کے ذریعے پیغام دیا جا رہا ہے کہ وہ بھی ان احتیاطی تدابیر کو اپناتے ہوئے اس مہلک وائرس سے بچ سکتے ہیں۔

لیگی رہنما نے بھی آئسولیشن اختیار کر کے یہی پیغام دیا ہے کہ اگر احتیاط کی جائے تو کورونا سے نجات پائی جا سکتی ہے۔

خدا کا واسطہ دے کر کرونا سے خبردار کرنے والی ایم ایس کی طالبہ کی کرونا سے موت

باغی ٹی وی رپورٹ کے مطابق. سیالکوٹ میں ایم ایس کی طالبہ کرونا کا شکار ہوئی لوگوں کو کرونا کی مہلک مرض‌ سے خدا کے واسطے دے کر ڈراتی رہی کہ یہ واقعی بہت خطرنا ک اور سنجیدہ ییماری ہے اس کو مذاق نہ سمجھا جائے . آخر کار کرونا کے وار نہ سہتے ہوئے خود ہی چل بسی ، سلمیٰ نامی ایم یس کی طالبہ کی وہ چیٹ بھی سوشل میڈیا پروائرل ہو چکی ہے جس میں وہ اللہ اور اس کے رسول کے واسطے دے کر متنبہ کرتی دکھائی دیتی ہے کہ خدارا کرونا کو سنجیدہ لو یہ بہت خطرناک بیماری ہے. آخر کار کرونا کے سامنے لڑتے لڑتے شکست کھا کر جہان فانی سے کوچ کر گئی ،
اپنے ایم ایس گروپ میں‌ اس کی اپنی کلاس فیلوز کے ساتھ چیٹ بھی ہے جس میں‌وہ کہتی ہے کہ ایک دن میں‌آٹھ ہزار کی دوائی استعمال کرلی ہے لیکن فائدہ نہیں‌ہوا . سلمیٰ‌یہ بھی کہتی ہے کہ میں‌نے سول ہسپتال نہیں جانا وہا حیوانوں والا سلوک ہوتا ہے . سب میرے لی ےدعا کرو کہ اللہ مجھے اور سب کو صحت دے .


گزشتہ 24 گھنٹوں میں‌کرونا کے 4896 نئے مریض سامنے آئے ہیں جبکہ 68 اموات ہوئی ہیں جس کے بعد اموات کی مجموعی تعداد 1838 ہو گئی ہے ،مریضوں کی مجموعی تعداد 89 ہزار 249 ہو گئی ہے

کرونا وائرس کے حوالہ سے بنائے گئے نیشنل کمانڈ اینڈ آپریشن سینٹر کی جانب سے جاری کردارہ تازہ ترین اعدادوشمار کے مطابق گذشتہ 24 گھنٹوں کے دوران کرونا کے 4 ہزار 896 نئے مریض سامنے آئے، پنجاب میں 33 ہزار 144، سندھ میں 33 ہزار 536، خیبر پختونخوا میں 11 ہزار 890، بلوچستان میں 5 ہزار 582، گلگت بلتستان میں 852، اسلام آباد میں 3 ہزار 946 جبکہ آزاد کشمیر میں 299 مریض ہیں.

پاکستان میں اب تک 6 لاکھ 38 ہزار 323 افراد کے ٹیسٹ کئے گئے، گذشتہ 24 گھنٹوں کے دوران 22 ہزار 812 نئے ٹیسٹ کئے گئے، اب تک 31 ہزار 198 مریض صحتیاب ہوچکے ہیں .

پاکستان میں کورونا سے ایک دن میں 68 افراد جان کی بازی ہار گئے،جس کے بعد اموات کی مجموعی تعداد ایک ہزار 838 ہوگئی ہے، سندھ میں 575، پنجاب میں 629، خیبر پختونخوا میں 521، گلگت بلتستان میں 12، بلوچستان میں 53 اور اسلام آباد میں 41 مریض جاں بحق ہو چکے ہیں

پنجاب میں‌کرونا سے مزید 22 اموات واقع ہوگئیں.مریضوں کی تعداد میں بھی اضافہ

باغی ٹی وی رپورٹ کے مطابق ترجمان پرائمری اینڈ سکینڈری ہیلتھ کئیر ڈیپارٹمنٹ، کورونا مانیٹرنگ روم نے اطلاعات دی ہیں کہ پنجاب میں کورونا وائرس کے 2040 نئے کیس، تعداد 33144 ہو گئی۔ لاہور میں 1095، ننکانہ 8، قصور 14، شیخوپورہ 37، راولپنڈی 218،جہلم 22، اٹک 29، چکوال 8، گوجرانوالہ 60 اور سیالکوٹ میں 65 نئے کیس سامنے آئے۔

گجرات 54، حافظ آباد 3، منڈی 4، ملتان 97، خانیوال 5، وہاڑی 5، فیصل آباد 120، چینیوٹ 2، ٹوبہ 18 اور رحیم یار خان میں 21 نئے کیس سامنے آئے۔ سرگودھا 31، میانوالی 6، خوشاب 1، بھکر 2، بہاولنگر 22، بہاولپور 20، ڈی جی خان 21، مظفر گڑھ 64، راجن پور 2، لیہ 12، ساہیوال 10 اور اوکاڑہ 5 نئے کیس سامنے آئے۔

کورونا وائرس سے 22 مزید اموات، کل تعداد 629 ہو چکی ہیں۔ اب تک 266،959 ٹیسٹ کیے جا چکے ہیں۔ کورونا وائرس کو شکست دینے والوں کی تعداد 7806 ہو چکی ہے۔ عوام سے گزارش ہے کہ حفاظتی تدابیر اختیار کرکے خود کو محفوظ بنائیں۔کورونا وائرس کی علامات ظاہر ہونے پر فورا 1033 پر رابطہ کریں۔

ہاتھوں کی صفائی میں ہی سب کی بھلائی