Baaghi TV

Category: لاہور

  • ڈپٹی سپیکر پنجاب اسمبلی دوست محمد مزاری کے کرونا ٹیسٹ کی رپورٹ آ گئی

    ڈپٹی سپیکر پنجاب اسمبلی دوست محمد مزاری کے کرونا ٹیسٹ کی رپورٹ آ گئی

    باغی ٹی وی کی رپورٹ کے مطابق ڈپٹی سپیکر پنجاب اسمبلی دوست محمد مزاری کے کرونا ٹیسٹ کی رپورٹ آ گئی

    ڈپٹی سپیکر پنجاب اسمبلی دوست محمد مزاری کا کرونا وائرس کا ٹیسٹ نیگیٹو آ یا ہے، ڈپٹی سپیکر دوست محمد مزاری 28 اپریل کو دبئی سے پاکستان پہنچے تھے، وہ ملتان ائیرپورٹ سے اپنی گاڑی میں لاہور پہنچے اور خود کو نجی ہوٹل کے کمرے میں آئیسولیٹ کر لیا۔

    دوست محمد مزاری نے کرونا کا ٹیسٹ کروایا تھا جس کی رپورٹ منفی آئی ہے

    سپیکر قومی اسمبلی اسد قیصر میں کرونا وائرس کی تشخیص ہوئی ہے، اسد قیصر نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ میرا کورونا وائرس کا ٹیسٹ مثبت آگیا ہے،میں نے خود کو اپنے گھر میں قرنطینہ کر لیا ہے،پوری قوم سے درخواست ہے کہ وہ احتیاط کریں،

    قبل ازیں پیپلز پارٹی کے سندھ سے اقلیتی نشست پر رکن صوبائی اسمبلی میں کرونا وائرس کی تشخیص ہوئی ہے, گورنر سندھ عمران اسماعیل میں بھی کرونا وائرس کی تشخیص ہوئی تھی جس کے بعد انہوں نے خود کو آئسولیٹ کر لیا،ہ اس سے قبل سندھ کے صوبائی وزیر سعید غنی میں بھی کرونا وائرس کی تشخیص ہوئی تھی لیکن وہ صحت یاب ہو چکے،  وزیراعلیٰ سندھ کے بہنوئی کی کرونا وائرس کی وجہ سے موت ہو چکی ہے

     

    خیبر پختونخواہ سے رکن صوبائی اسمبلی عبدالسلام آفریدی میں بھی کرونا وائرس کی تشخیص ہوئی تھی وہ صحتیاب ہو چکے ہیں، جے یو آئی کے رکن قومی اسمبلی میں بھی کرونا وائرس کی تشخیص ہو چکی ہے

  • موٹروے پولیس کو ملا قومی شاہراہ پر بے ہوش شخص ،کیسے ہوا بے ہوش؟ خود ہی بتا دیا

    موٹروے پولیس کو ملا قومی شاہراہ پر بے ہوش شخص ،کیسے ہوا بے ہوش؟ خود ہی بتا دیا

    موٹروے پولیس کو ملا قومی شاہراہ پر بے ہوش شخص ،کیسے ہوا بے ہوش؟ خود ہی بتا دیا
    باغی ٹی وی کی رپورٹ کے مطابق ٹریلر میں سفر کرنے والا نیند کی وجہ سے سڑک پر گر کر بے ہوش ہو گیا جسے موٹروے پولیس نے ہسپتال پہنچایا اور طبی امداد مہیا کی

    .ترجمان موٹروے پولیس کے مطابق موٹروے پولیس کو پنجاب کے شہر رحیم یار خان کے نزدیک قومی شاہراہ پر بے ہوش شخص ملا

    ترجمان موٹر وے پولیس کے مطابق بے ہوش شخص سڑک کے درمیان گرا ہوا تھا ، موٹروے پولیس نے فوری طور پر بے ہوش شخص کو طبی امداد دی اور ہسپتال شفٹ کردیا

    ترجمان موٹروے پولیس کے مطابق ہوش آنے پر شخص نے بتایا کہ وہ ٹریلر کے کیبن میں سو رہا تھا ، دوران نیند ہی وہ کیبن سے سڑک پر گر کر بے ہوش ہوگیا ،موٹروے پولیس نے ٹریلر کے عملے کو بھی اطلاع کردی

    ڈی آئی جی احمد ارسلان ملک نے پٹرولنگ افسران کی کارکردگی کو سراہا ہے

  • مریم اورنگزیب کا وزیراعظم عمران خان کی دماغی حالت پر شدید تشویش کا اظہار

    مریم اورنگزیب کا وزیراعظم عمران خان کی دماغی حالت پر شدید تشویش کا اظہار

    مریم اورنگزیب کا وزیراعظم عمران خان کی دماغی حالت پر شدید تشویش کا اظہار

    باغی ٹی وی کی رپورٹ کے مطابق مسلم لیگ (ن) کی ترجمان مریم اورنگزیب نے وزیراعظم عمران خان کی دماغی حالت پر شدید تشویش کا اظہار کیا ہے

    مریم اورنگزیب نے وزیراعظم سے سوال کیا کہ عمران صاحب حکمران تو آپ ہیں ، تو یہ حکمران اشرفیہ کون ہیں جنہوں نے لاک ڈاؤن کیا ؟ مریم اورنگزیب کا کہنا تھا کہ ‏‎عمران صاحب کا وزیراعظم کے طورپر اپنے ہی فیصلوں کے خلاف ٹی وی پر اعلان مذمت پریشان کن ہے،
    ‏‎، ملک وقوم جب تک کورونا وبا سے لڑ رہے ہیں، نہ بولیں تو بہتر ہوگا .

    مریم اورنگزیب کا مزید کہنا تھا کہ ‏‎عمران صاحب کو دماغی کنفیوژن دور کرنے کے لئے فی الفور ڈاکٹرز سے رابطہ کرنا چاہئے ،‏‎عمران صاحب کی ذہنی حالت کیا ہے، ملک اور قوم کی حالت دیکھ کر بخوبی اندازہ لگایا جاسکتا ہے ،‏‎عمران صاحب کا ذہنی خلفشار ملک وقوم کے لئے خطرناک پیغام ہے ،‏‎عمران صاحب کے کنفیوژن نے پورے ملک کو کنفیوز کررکھا ہے ،عمران صاحب کے دماغی خلل کا ناقابل تلافی نقصان ملک اورقوم کو ہورہا ہے

    ‏‎مریم اورنگزیب کا مزید کہنا تھا کہ عمران صاحب کی ذہنی حالت ملک میں خدانخواستہ کسی بڑے حادثے کی پیش گوئی ہے ،عمران صاحب کے کنفیوژن سے ہر طبقہ کنیوژن کا شکار ہے ،‏‎عمران صاحب کے دماغ کا کنفیوژن خدانخواستہ ملک کے لئے نقصان دہ، افراتفری اور انتشار کا باعث بن سکتا ہے ،‏‎عمران صاحب واضح کریں کہ لاک ڈاون کا فیصلہ انہوں نے نہیں کیا توپھر کس نے کیا؟ وہ نہیں تو پھر فیصلے کون کررہا ہے؟ عمران صاحب آپ آج تک لاک ڈاؤن کے ساتھ کوئی بھی مضبوط اور مربوط معاشی اور ریلیف کی حکمتِ عملی نہیں بنا سکے ،عمران صاحب آپ آج تک مزدور ، دیہاڑی دار، اور عوام کو ریلیف نہیں دینے میں ناکام ہیں ،عمران صاحب آپ آج تک ڈاکٹرز اور طبی عملے کو حفاظتی سامان فراہم نہیں کر سکے

  • نیا پاکستان محنت کشوں اور مزدوروں کا پاکستان ہے، وزیراعلیٰ پنجاب کا دعویٰ

    نیا پاکستان محنت کشوں اور مزدوروں کا پاکستان ہے، وزیراعلیٰ پنجاب کا دعویٰ

    نیا پاکستان محنت کشوں اور مزدوروں کا پاکستان ہے، وزیراعلیٰ پنجاب کا دعویٰ

    باغی ٹی وی کی رپورٹ کے مطابق وزیر اعلیٰ پنجاب سردار عثمان بزدار نے محنت کشوں کے حقوق کے عالمی دن کے موقع پراپنے پیغام میں کہا ہے کہ کورونا وباء کے پیش نظر محنت کشوں کا عالمی دن سادگی اور سماجی فاصلے برقرار رکھتے ہوئے منا رہے ہیں اور آج وطن عزیز ہم سے گھروں میں رہنے کا تقاضا کرتا ہے –

    وزیر اعلی پنجاب عثمان بزدار کا کہنا تھا کہ محنت کش ہمارے ہیرو ہیں جو رزق حلال کما کر معیشت کو مضبوط کرتے ہیں -1886 کو شکاگو میں محنت کشوں نے اپنے حقوق کیلئے لازوال قربانیاں دیں اور یہ دن ہمیں جبر و استبداد کے خلاف شکاگو کے شہداء کی جدوجہد کی یاد دلاتا ہے۔دین اسلام محنت کش کی عظمت اور فلاح و بہبود کا درس دیتا ہے۔دین اسلام میں محنت کش کو اللہ کا دوست قرار دے کر اس کی عظمت کو اجاگر کیا گیا ہے۔

    وزیر اعلی عثمان بزدار نے کہا کہ نئے پاکستان میں محنت کش کو اس کے حقوق دینے کے لئے پرعزم ہیں۔نیا پاکستان محنت کشوں اور مزدوروں کا پاکستان ہے۔حکومت محنت کشوں کی فلاح وبہبود کیلئے حقیقی معنوں میں اقدامات کر رہی ہے جبکہ ماضی میں محنت کشوں کو وعدوں پر ٹرخایا گیااورسابق ادوار میں مزدوروں کی فلاح و بہبود کیلئے عملی اقدامات نہیں کئے گئے۔

    کرونا سے نہیں،مزدور بھوک کی وجہ سے موت کے منہ میں جا رہے ہیں، سراج الحق

    مزدوروں کے لئے حکومت کیا کر رہی ہے؟ وزیراعظم نے مزدور ڈے پرپیغام جاری کر دیا

    نہوں نے کہا کہ محنت کش طبقے کو ان کا جائز مقام دیئے بغیر پائیدار اقتصادی و سماجی ترقی حاصل نہیں کی جا سکتی۔ معیشت کو مضبوط بنیادوں پر استوار کرنے میں محنت کشوں کا کلیدی کردار ہے۔ محنت کشوں کے بچوں کیلئے معیاری تعلیمی اداروں، سوشل سکیورٹی ہسپتالوں اور لیبر کالونیوں کا قیام حکومت پنجاب کی مزدور دوست پالیسی کا منہ بولتا ثبوت ہے۔یکم مئی مزدوروں کے حقوق کو یقینی بنانے کے بارے میں عزم کی تجدید کا موقع فراہم کرتا ہے۔

    مزدور ڈے پر حکومت مزدور کو کیا ریلیف دے سکتی تھی؟ شہباز شریف میدان میں آ گئے

  • مزدور ڈے پر حکومت مزدور کو کیا ریلیف دے سکتی تھی؟ شہباز شریف میدان میں آ گئے

    مزدور ڈے پر حکومت مزدور کو کیا ریلیف دے سکتی تھی؟ شہباز شریف میدان میں آ گئے

    مزدور ڈے پر حکومت مزدور کو کیا ریلیف دے سکتی تھی؟ شہباز شریف میدان میں آ گئے

    باغی ٹی وی کی رپورٹ کے مطابق اپوزیشن لیڈر شہباز شریف نے یوم مزدور پر پیغام میں کہا ہے کہ محنت کش کسی بھی معاشرے کی ریڑھ کی ہڈی ہیں ،مزدور اور محنت کش ہی دنیا کو سنوارنے کی بنیاد بنتے ہیں

    شہباز شریف کا مزید کہنا تھا کہ دنیا میں آجر اور اجیر کے درمیان وسائل اور حقوق کی تقسیم کا توازن آج بھی ٹھیک نہیں ،دنیا میں آج بھی مزددور کے استحصال کا سلسلہ جاری ہے کورونا اور معاشی بربادی کا سب سے زیادہ بوجھ مزدور، محنت کش برداشت کررہے ہیں ،

    شہباز شریف کا مزید کہنا تھا کہ حکومت مزدور، دیہاڑی داروں کو امداد، ریلیف اور راشن نہیں پہنچاسکی ،ہر خاندان، محلہ، علاقہ اپنے قریب مزدور، محنت کش اور مستحق افراد کی مدد کریں

    مزدوروں کے لئے حکومت کیا کر رہی ہے؟ وزیراعظم نے مزدور ڈے پرپیغام جاری کر دیا

    شہباز شریف کا مزید کہنا تھا کہ اس سال یکم مئی کورونا کے وبال اورمعاشی زوال کےدورمیں آیا ،کورونااورمعاشی بربادی کا سب سے زیادہ بوجھ مزدور،محنت کش برداشت کررہے ہیں،حکومت پٹرول اورڈیزل 50روپے کر کے یکم مئی پرمزدوروں کو تحفہ دے سکتی تھی،حکومت بجلی، گیس کی قیمت میں50 فیصد یاایک تہائی کمی کرکے ریلیف دے سکتی تھی،مسلم لیگ (ن) نے ہردورمیں محنت کش اورمزدورکےحقوق کا فروغ اور تحفظ کیا

     

    کرونا سے نہیں،مزدور بھوک کی وجہ سے موت کے منہ میں جا رہے ہیں، سراج الحق

  • کرونا سے نہیں،مزدور بھوک کی وجہ سے موت کے منہ میں جا رہے ہیں، سراج الحق

    کرونا سے نہیں،مزدور بھوک کی وجہ سے موت کے منہ میں جا رہے ہیں، سراج الحق

    کرونا سے نہیں،مزدور بھوک کی وجہ سے موت کے منہ میں جا رہے ہیں، سراج الحق

    باغی ٹی وی کی رپورٹ کے مطابق امیرجماعت اسلامی پاکستان سینیٹر سراج الحق نے کہا ہے کہ کرونا وائر س نے عالمی معیشت کو تبا ہ کرکے رکھ دیا ہے۔صنعتیں اور کاروبار بند ہونے سے دنیا بھر میں سب سے زیادہ نقصان مزدور طبقے کو ہوا ہے۔

    سینیٹر سراج الحق کا مزید کہنا تھا کہ کرونا وائرس سے بچ جانے والے مزدور بھوک کی وجہ سے موت کے منہ میں جارہے ہیں۔ حکومت نے مزدوروں اور کسانوں کو کوئی ریلیف نہیں دیا۔ہر طرف مہنگائی بے روزگاری کی وجہ سے عوام پریشانیوں اور مشکلات میں گھرے ہوئے ہیں۔لوگوں کے گھروں کے چولہے بجھ رہے ہیں اور لاکھوں مزدوروں کے گھروں میں فاقہ کشی کی نوبت آگئی ہے۔

    سراج الحق کا مزید کہنا تھا کہ ان حالات میں ضروری ہے کہ حکومت ہنگامی اقدامات کرے اور غریب محنت کشوں کو موت کے منہ میں جانے سے بچانے کے لیے ان کی عملی مدد کی جائے ۔خاص طور پر دیہاڑی دار مزدوروں کے گھروں میں راشن پہنچانے کا فوری انتظام کیا جائے۔

    دنیا بحران کی جانب گامزن.ٹرمپ کی چین کو نتائج بھگتنے کی دھمکی، مبشر لقمان کی زبانی ضرور سنیں

    سعودی عرب میں طوفان ابھی تھما نہیں، فوج کے ذریعے تبدیلی آ سکتی ہے،سعودی ولی عہد کو کن سے ہے خطرہ؟ مبشر لقمان نے بتا دیا

    سعودی شاہی خاندان کو بڑا جھٹکا،بادشاہ اورولی عہد جزیرہ میں روپوش، مبشر لقمان نے کیے اہم انکشافات

    سعودی شاہی خاندان میں بغاوت:گورنرہاوسز،شاہی محل فوج کے حوالے،13شہزادےگرفتار،حرمین شریفین کواسی وجہ سےبندکیا : مبشرلقمان

    سعودی ولی عہد کے خلاف بغاوت کے الزام میں شاہی خاندان کے 20 مزید افراد گرفتار

    سعودی عرب میں بغاوت ، کون ہوگا اگلا بادشاہ؟ سینئر اینکر پرسن مبشر لقمان نےبتائی اندر کی بات

    امریکی جیل میں قید ڈاکٹر عافیہ صدیقی کی رہائی ممکن، کیسے؟ سینئر صحافی و اینکر پرسن مبشر لقمان نے بتا دیا

    خلیل الرحمان قمر vs ماروی سرمد | مبشر لقمان بھی میدان میں آگئے۔

    سینیٹر سراج الحق کا مزید کہنا تھا کہ اس بار مزدور ڈے انتہائی غیر معمولی حالات میں آیا ہے، کورونا لاک ڈاون کے باعث مزدور سب سے زیادہ متاثر ہوئے ہیں، اس وباء سے بچنے کے لیئے لاک ڈاون ناگزیر عمل ہے، لیکن اس سے مزدوروں کی قابل رحم حالت مزید آشکارا ہو گئی ہے۔اس لیئے اس بار حکمران محض روایتی بیانات جاری کرنے کے بجائے،لیبر کلاس کو درپیش مسائل کے حل کے لیئے عملی اقدامات کریں، جس میں فوری طور پر فاقوں سے بچنے کے لیئے تیز رفتاری سے اقدامات کرنے کی ضرورت ہے تاکہ ان کی زندگیاں بچائی جا سکیں، مزدور پہلے ہی خوراک کی کمی کی وجہ سے جسمانی اور ذہنی صحت کے اعتبار سے کمزور ہیں، اس وباءنے تو مزدوروں اور ان کے خاندانوں کی زندگیوں کو خطرے میں ڈال دیا ہے۔

    مزدوروں کے لئے حکومت کیا کر رہی ہے؟ وزیراعظم نے مزدور ڈے پرپیغام جاری کر دیا

  • اوکاڑہ دیپالپور میں ایک بچے کی لاش برآمد

    اوکاڑہ دیپالپور میں ایک بچے کی لاش برآمد

    اوکاڑہ(علی حسین مرزا) دیپالپور کے علاقہ دھرمیوالا میں ایک بچے کی لاش کنویں سے برآمد ہوئی ہے۔ بچے کی شناخت حسنین ولد محمد اشرف کے نام سے ہوئی ہے۔ یاد رہے دیپالپور میں ایک ہفتے میں یہ دوسرا واقعہ ہے۔ اس سے قبل ایک بچے کو اس کے سوتیلے ماموں نے زیادتی کے بعد قتل کرکے لاش نالے میں پھینک دی تھی۔ پولیس نے حسنین ولد محمد اشرف کی لاش قبضے میں لیکر تحقیقات کا آغاز کردیا ہے۔ شہریوں میں عدم تحفظ کی فضا چھا چکی ہے۔

  • رمضان المبارک دعاؤں کی قبولیت کا مہینہ ہے از مبشر لقمان

    رمضان المبارک دعاؤں کی قبولیت کا مہینہ ہے از مبشر لقمان

    ارشاد باری تعالیٰ ہے
    اور جب آپ سے میرے بندے میرے متعلق پوچھیں تو آپ فرما دیجیے کہ میں قریب ہی ہوں۔ دعا مانگنے والوں کی دعا قبول کرتا ہوں جب وہ مجھ سے دعا مانگیں۔ پس انہیں میرا حکم ماننا چاہیے اور مجھ پر ایمان لانا چاہیے تاکہ وہ نیک راہ پر آجائیں۔
    یہ سورت بقرہ کی آیت نمبر 186ہے۔ اس سے پہلے تین آیتوں میں روزے اور رمضان کے احکام اور فضائل کا ذکر ہے۔ روزو ں اور رمضان المبارک کے ذکر کے ساتھ دعا مانگنے کا تذکرہ اس بات کی نشاندہی کرتا ہے کہ رمضان کا مہینہ دعاؤں کی قبولیت کا مہینہ ہے۔
    اللہ تعالیٰ نے امت محمدیہ کو نہ صرف دعا مانگنے کا حکم دیا بلکہ دعا کو بھی ایک عبادت اور بندگی کا ذریعہ قرار دیا ہے جو کہ اس امت کا خاص اعزاز ہے ورنہ حضرت کعب احبار کی روایت کے مطابق پہلے زمانہ میں یہ خصوصیت انبیاء کی تھی۔ انبیاء لوگوں کے لیے دعا کرتے، اللہ تعالیٰ قبول فرماتا لیکن امت محمدیہ کی خصوصیت ہے کہ یہ حکم پوری امت کے لیے عام قرار دیا اور فرمایا
    ترجمہ
    اور تمہارے رب نے کہا کہ تم مجھ سے دعا مانگو میں تمہاری دعا قبول کروں گا۔

    حضرت جابر رضی اللہ عنہ سے ارشاد نبوی صلی اللہ علیہ وسلم منقول ہے کہ
    دعاء مومن کا ہتھیار ہے۔ ظاہر ہے کہ ہتھیار صحیح کام تب ہی دکھاتا ہے جب ہتھیار بھی تیز ہو اور چلانے والا بھی طاقتور ہو۔
    اب دعا کیسے طاقتور بنے اس کے لیے رسول اللہ صلی اللہ علیہ وسلم نے آداب سکھلائے۔ اور وہ اوقات بتائے جن میں دعائیں زیادہ قبول ہوتی ہیں ان میں ایک موقعہ رمضان المبارک کا مہینہ ہے ہماری دعائیں کیسے طاقتور بنیں اس کے لیے بنیادی اصول اللہ تعالیٰ نے سورت اعراف کی آیت نمبر ۵۵ میں فرمایا
    یعنی تم اپنے رب سے دعا کیا کرو عاجزی کے ساتھ اور پوشیدہ طریقے سے۔ اس آیت سے معلوم ہوا کہ دعا کرنے والا خشوع و خضوع یعنی عاجزی اور اللہ کے دھیان کے ساتھ دعا مانگے اور دوسرا ادب یہ معلوم ہوا کہ آہستہ آواز سے دعا مانگے اگر عام مقتدی دعاؤں سے ناواقف ہوں تو پھر امام کے لیے اونچی آواز سے دعا مانگنے میں کوئی حرج نہیں۔
    دعاء کی قبولیت کو مزید موثر بنانے کی ایک صورت یہ بھی ہے کہ وہ دعائیں مانگی جائیں جو قرآن مجید میں مختلف انبیاء کے حوالے سےمذکور ہیں۔ اللہ تعالیٰ نے ان کی وہ دعائیں قبول فرمائی ہیں۔ یا احادیث میں جو دعائیں رسول اکرم صلی اللہ علیہ وسلم نے سکھائی ہیں وہ مانگی جائیں۔
    لیکن قرآن و حدیث کے عربی جملے جن میں دعائیں ہیں اگر ان کا ترجمہ اور مطلب معلوم ہو تو پھر وہی دعائیں مانگنا افضل اور بہتر ہے لیکن عام حالات میں اگر ان دعاؤں کا مطلب معلوم نہ ہو تو پھر مانگنے والے کو تو معلوم نہیں کہ ان دعائیہ جملوں سے ہم اللہ سے کیا مانگ رہے ہیں۔ لہٰذا ان دعاؤں کے پڑھنے کا ثواب تو ضرور ملے گا لیکن اسے دعا مانگنا نہیں کہیں گے بلکہ دعا پڑھنا کہیں گے اس لیے دعا مانگتے وقت پہلے مسنون دعائیں بھی پڑھ لی جائیں پھر جو دعاؤں کا مفہوم نہ جانتا ہو وہ اپنی زبان میں بھی دعائیں مانگ سکتا ہے۔

    جب یہ کہا جاتا ہے کہ رمضان المبارک دعاؤں کی قبولیت کا مہینہ ہے تو دل میں ایک خیال آجاتا ہے کہ ہم نے بہت سی دعائیں مانگی ہیں ہماری دعا قبول ہی نہیں ہوتی لہٰذا پھر وہ انسان دعا مانگنے کی طرف متوجہ نہیں رہتا۔
    اس بارے میں ایک بات تو یہ قابل ذکر ہے کہ ارشادات نبوی سے یہ معلوم ہوتا ہے کہ حرام مال کھانے اور حرام لباس استعمال کرنے اور حرام کمائی کرنے والے کی دعاء قبول نہیں ہوتی لیکن اس کے علاوہ ہر شخص کی دعا قبول ہوتی ہے۔
    لیکن وہ بات پھر ذہن میں رہتی ہے کہ ہم نے بہت کچھ مانگا ہمیں تو نہیں ملا اس کا جواب رسول اللہ صلی اللہ علیہ وسلم نے اس طرح سمجھایا۔
    کہ مومن کی دعاء ضرور قبول ہوتی ہے لیکن اللہ تعالیٰ زیادہ جانتا ہے کہ اس بندہ کے لیے کیا چیز بہتر ہے۔
    ارشاد باری تعالیٰ ہے
    ترجمہ
    کہ بسا اوقات تم کسی چیز کو ناپسند کرتے ہو اور وہ تمہارے لیے بہتر ہوتی ہے۔ اور بسااوقات تم کسی چیز کو پسند کرتے ہو اور وہ تمہارے لیے بری ہوتی ہے۔
    اس لیے انسان کا کام ہے اللہ سے دعائیں کرتے رہنا، مانگتے رہنا، یا تو اللہ تعالیٰ بندہ کو وہی چیز دیتا ہے یا اس کا نعم البدل عطاء فرما دیتا ہے یا دنیا میں اس دعا کا کوئی اثر ظاہر نہیں ہوتا لیکن اللہ تعالیٰ اس کی دعاؤں کی بدولت اس کے گناہ معاف فرما دیتا ہے اور جب گناہ ختم ہو جائیں تو پھر ان دعاؤں کو اس بندہ کی نیکیاں شمار کر لیا جاتا ہے۔

    ایک حدیث میں ہے کہ قیامت کے دن بندہ نیکیوں کے ایک ڈھیر کو دیکھ کر کہے گا یہ نیکیاں تو میری نہیں ہیں۔اسے بتایا جائے گا کہ یہ تمہاری وہ دعائیں ہیں جو دنیا میں قبول نہیں ہوئی تھیں ان کے بدلہ میں نیکیاں ملی ہیں اس وقت بندہ کہے گا کہ کاش دنیا میں میری کوئی دعا قبول نہ ہوتی سب کا بدلہ یہاں آخرت میں ملتا۔
    رسول اکرم صلی اللہ علیہ وسلم نے دعاؤں کا تذکرہ کرتے ہوئے فرمایا کہ بہت سے لوگ جلد بازی کی وجہ سے اپنی دعائیں ضائع کر دیتے ہیں۔ صحابہ کرامؒ نے عرض کیا جلد بازی سے کیا مراد ہے؟ فرمایا دعا مانگنے کے بعد یہ کہنا کہ میری دعا قبول نہیں ہوتی، دعا کو ضائع کرنا ہے۔
    لہٰذا رمضان کے اس بابرکت مہینہ میں خوب دعائیں مانگیں اور اس یقین کے ساتھ کہ اللہ تعالیٰ ہی ہماری دعائیں قبول کرنے والا ہے، دعا میں اپنے لیے، اپنے والدین کے لیے اور دوسرے مسلمان بھائیوں کے لیے دعا کریں۔ پوری انسانیت کی ہدایت کے لیے دعا مانگیں، پختہ عزم سے دعا مانگیں اور بار بار دعا کریں،
    اس لیے کہ رسول اللہ صلی اللہ علیہ وسلم نے فرمایا
    ترجمہ
    رمضان کا یہ مہینہ ایسا ہے کہ اس کا پہلا عشرہ رحمت کا ہے اور درمیانہ عشرہ بخشش کا ہے اور آخری حصہ جہنم کی آگ سے آزادی کا ہے۔
    اس رحمت کے عشرے میں خوب دعائیں مانگیں اس یقین کے ساتھ کہ اللہ تعالی دعاوں کو قبول کرنے والا ہے۔

    مبشرلقمان

  • رحمت ہی رحمت افطار ٹرانسمیشن میں آج ” رحم دلی اللہ کی پسندیدہ خوبی ” کے عنوان سے گفتگو جاری ہے

    رحمت ہی رحمت افطار ٹرانسمیشن میں آج ” رحم دلی اللہ کی پسندیدہ خوبی ” کے عنوان سے گفتگو جاری ہے

    رحمت ہی رحمت افطار ٹرانسمیشن میں آج ” رحم دلی اللہ کی پسندیدہ خوبی ” کے عنوان سے گفتگو جاری ہے

    باغی ٹی وی : رحمت ہی رحمت افطار ٹرانسمیشن کے افطار پروگرام میں آج ” رحم دلی اللہ کی پسندیدہ خوبی ” کے عنوان سے گفتگو جاری ہے ، جس کے آغاز میں سینئر اینکر پرسن مبشر لقمان نے کہا کہ رحم دلی ایک ایسی خوبی ہے جس کو اللہ تعالیٰ بہت پسند کرتے ہیں، رحمدلی صرف انسانوں پر ہی نہیں بلکہ جانوروں اور چرند پرند پر بھی کی جائے تو اللہ کو یہ ادا بہت پسند ہے اور رحمدل شخص اللہ کا پسندیدہ ہے . زمین پر بسنے والوں پر تم رحم کرو آسمان والا تم پر رحم کرے گا. رحم دلی کے اولین مستحق انسان ہیں . چاہے وہ مسلمان ہوں ، یا غر مسلم جو بھی تکلیف میں ہو اس پر رحم کھانا ، حسب استطاعت اس کی پریشانی اور مصیبت کو دور کرنا یہ رحم دلی ہے چاہے کوئی کافر ہو مشرک ہو دنیاوی طور پر اس پر رحم کھانا نیکی ہے .
    اللہ تعالی چونکہ بہت رحم دل ہیں تو ہم اللہ سے یہی دعامانگتے ہیں‌ کہ وہ ہم پر رحم کرے نہ کہ انصاف ، کیونکہ اگر انصاف کیا تو ہم سب مارے جائیں گے ، اس لیے اللہ سے رحم کی دعا مانگتے ہیں. کہ وہ ہم پر ہر حال میں رحم کرے .
    اس عنوان پر آج کے دیگر مہمان بہت ہی مفید گفتگو کریں گے ، تو جڑیں رہیں ، مبشرلقمان یو ٹیوب چینل پر جس کا لنک یہ ہے
    https://www.youtube.com/watch?v=eN_BYfMylVc

  • بھارتی فوج کو منہ توڑ جواب دینے پر پاک فوج کی جرأت و بہادری کو خراج تحسین پیش کرتے ہیں، عثمان بزدار

    بھارتی فوج کو منہ توڑ جواب دینے پر پاک فوج کی جرأت و بہادری کو خراج تحسین پیش کرتے ہیں، عثمان بزدار

    بھارتی فوج کو منہ توڑ جواب دینے پر پاک فوج کی جرأت و بہادری کو خراج تحسین پیش کرتے ہیں، عثمان بزدار

    باغی ٹی وی :وزیراعلیٰ پنجاب سردار عثمان بزدار نے کنٹرول لائن پر شہری آبادی پر بھارتی فوج کی بلااشتعال فائرنگ کی شدید مذمت کی ہے انہوں نے کہا کہ بھارتی فوج کو منہ توڑ جواب دینے پر پاک فوج کی جرأت و بہادری کو خراج تحسین پیش کرتے ہیں

    وزیر اعلی عثمان بزدار نے شہداء کی عظیم قربانیوں کو خراج عقیدت بھی پیش کیا اور شہداء کے لواحقین سے دلی ہمدردی اور تعزیت کا اظہار کیا ہے

    انہوں نے کہا کہ بھارت کی جانب سے شہری آبادی کونشانہ بنانا انتہائی قابل مذمت فعل ہے -دنیا کورونا کی وباء سے لڑ رہی ہے اور مودی سرکار بین الاقوامی قوانین کی دھجیاں اڑا رہی ہے۔ بھارت بزدلانہ کارروائیاں کرکے کشیدگی کو ہوا دے رہا ہے۔

    انہوں‌ نے کہا کہ بوکھلاہٹ کا شکار بھارت خطے کا امن تباہ کرنا چاہتا ہے۔پاکستان کی مسلح افواج وطن کی حفاظت کیلئے ہمہ وقت کمربستہ ہیں۔بھارت کسی غلط فہمی میں نہ رہے، پاک فوج بھارتی جارحیت کا منہ توڑ جواب دینے کی پوری صلاحیت رکھتی ہے۔22 کروڑ عوام بہادر مسلح افواج کے ساتھ ہیں۔