Category: لاہور

پنجاب میں کتنے ہوئے کرونا کے مریض اور کتنے ہوئے موت کا شکار ، اعداد و شمار جاری

باغی ٹی وی : ترجمان پرائمری اینڈ سکینڈری ہیلتھ کئیر کے مطابق پنجاب میں کورونا وائرس کے 570 کنفرم مریض ہیں۔کورونا وائرس سے اموات کی تعداد 5 ہوگئی ، 5 مریض صحت یاب ہو کر ڈسچارج ہوئے۔

ڈی جی خان سے207 زائرین، ملتان سے 79 زائرین، رائے ونڈ کورنٹین میں 23 لاہورمیں 119 افراد ،گجرات میں 52، گوجرانوالہ 11، جہلم 21 اور راولپنڈی میں 19 ،ملتان شہر میں 3، فیصل آباد 9، منڈی بہاوالدین 4، ناروال 1، رحیم یار خان 1، وہاڑی 2 اور سرگودھا میں 2 مریض ،اٹک ایک اور بہاولنگر میں 2، میانوالی میں 2 مریضوں میں وائرس کی تصدیق ہوئی یتمننکانہ صاحب میں 2، خوشاب میں ایک، ڈی جی خان شہر میں 5 مریضوں میں کورونا وائرس کی تصدیق ہوئی۔

ترجمان پرائمری اینڈ سکینڈری ہیلتھ کئیر کے مطابق تمام کنفرم مریض آئسولیشن وارڈز میں داخل ہیں۔مریضوں کو مکمل طبی سہولیات فراہم کی جا رہی ہے۔
انہوں نے عوام سے گزارش ہے کہ حفاظتی تدابیر اختیار کرکے خود کو محفوظ بنائیں۔گزشتہ 14 روز میں متاثرہ ممالک سے آنے یا کنفرم مریضوں سے ملنے والے افراد گھر میں آئسولیشن اختیار کریں۔متاثرہ ممالک سے آئے افراد میں آئسولیشن کے دوران علامات ظاہر ہوں تو 1033 پر رابطہ کریں۔محکمہ صحت کی ریپڈ رسپانس ٹیمیں مشتبہ مریض کو ہسپتال منتقل کر کے ٹیسٹ کروایں گی۔

ہاتھوں کی صفائی میں ہی ہے سب کی بھلائی

کرونا وائرس، سدباب کیلیے ریسرچ سرگرمیاں تیز کرنے کا بزدار سرکار نے دیا حکم

باغی ٹی وی کی رپورٹ کے مطابق وزیراعلیٰ پنجاب سردار عثمان بزدارنے کوروناوائرس کے سدباب کیلئے ریسرچ سر گرمیاں تیز کرنے کا حکم دے دیا

یونیورسٹی آف ہیلتھ سائنسز کے زیر اہتمام چار سٹڈی گروپ قائم،ریسرچ شروع کر دی گئی، وزیراعلیٰ عثمان بزدارنے ماہرین کو کورونا وائرس کے سدباب کیلئے جلد از جلد نتیجہ خیز کاوشیں کرنے کی ہدایت کی،

ماہرین کا کہنا ہے کہ پاکستان میں پایا جانے والاکورونا وائرس ووہان اورایران کے وائرس سے قدر مختلف ہے۔،وزیراعلیٰ نے پرسنل پروٹیکشن اکیوپمنٹ یعنی حفاظتی لباس مقامی طورپر تیارکرنے کا حکم بھی دیا،لاہور کے ٹیکسٹائل مالک نے رضا کارانہ طورپرپی پی ای بلامعاوضہ بنانے کی پیشکش کردی

وزیراعلیٰ پنجاب کو بریفنگ دی گئی کہ  جناح اورپی کے ایل آئی میں بی ایس ایل تھری لیب نے کام شروع کردیا۔وزیراعلیٰ پنجاب کا کہنا تھا کہ کورونا وائرس کو سائنٹفک انداز میں ٹریٹ کیا جائے،مستقل خاتمہ چاہتے ہیں۔ہوم قرنطینہ کیلئے سٹینڈرڈ ایس او پی جلد از جلد مرتب کیے جائیں۔ 200بیڈز پر مشتمل فیلڈ ہسپتال جلد از جلد قائم کرنے کی صلاحیت حاصل کرنا چاہتے ہیں۔

وزیراعلیٰ پنجاب کا کہنا تھا کہ چین نے پنجاب کو کورونا وائر س کیلئے ہسپتال بنانے اورڈاکٹر فراہم کرنے کی پیشکش بھی کردی۔

اجلاس میں یونیورسٹی آف ہیلتھ سائنسز کے وائس چانسلر پروفیسر ڈاکٹر جاویداکرم،پروفیسر ڈاکٹر محمود شوکت،سیکرٹری سپشلائزڈ ہیلتھ کیئر اینڈ میڈیکل ایجوکیشن اوردیگر حکام نے شرکت کی.

قبل ازیں کورونا وائرس سے احتیاط،وزیراعلیٰ پنجاب سردار عثمان بزدار کی زیر صدارت بند کمرے کی بجائے کھلے لان میں اجلاس ہوا،وزیراعلیٰ عثمان بزدارکی زیر صدارت اجلاس میں پنجاب فنانشل پیکیج کیلئے سفارشات اورتجاویزکا جائزہ لیاگیا

لاک ڈاؤن سے متاثرہونے والے دیہاڑی دار اورمزدور طبقے کیلئے خصوصی پیکیج دینے کا فیصلہ کیا گیا ہے، وزیراعلیٰ نے فوری طورپر دیہاڑی دار اورمزدورطبقے کیلئے پیکیج کا طریقہ کارطے کرنے کا حکم دے دیا ،لاک ڈاؤن سے متاثرہ دیہاڑی دار اورمزدور طبقے کوایزی پیسہ کے ذریعے مالی ریلیف دیا جائے گا ،ریلیف پیکیج کیلئے اضلاع کی سطح پر ڈپٹی کمشنر کی سربراہی میں کمیٹیاں بنانے کا اصولی فیصلہ کیا گیا ہے،خصوصی کمیٹیوں میں عوامی نمائندے اوردیگرمکاتب فکر کو نمائندگی دی جائے گی

وزیراعلیٰ پنجاب کا کہنا تھا کہ کوروناوائرس کی وجہ سے دوران ڈیوٹی شہید ہونے والے گورنمنٹ ملازمین کوخصوصی پیکیج دیا جائے گا۔
لاک ڈاؤن اورسیمی لاک ڈاؤن والے علاقوں میں متاثرین کورونا کے لواحقین کو راشن کی فراہمی جاری ہے،نادار طبقے کو مشکل کی گھڑی میں تنہا نہیں چھوڑیں گے۔ پاکستان تحریک انصاف کی حکومت نادار طبقے کی ضروریات کا خیال رکھے گی۔ وزیراعظم ریلیف پیکیج کے تحت بھی محنت کشوں کو مالی مراعات دی جائیں گی۔ بے نظیر انکم سپورٹ پروگرام اوربیت المال کے ذریعے نادار لوگوں کی امداد کا عمل جاری ہیں۔

اجلاس میں وزیر قانون راجہ بشارت،وزیر خزانہ ہاشم جواں بخت،وزیر صنعت میاں اسلم اقبال،چیف سیکرٹری،سینئرممبر بورڈ آف ریونیو اوردیگراعلی حکام نے شرکت کی.

چین سے پھیلنے والے کرونا وائرس نے پنجاب میں سپیڈ پکڑ لی، پنجاب میں کرونا وائرس کے مریضوں کی تعداد 197 ہو گئی،پاکستان میں کرونا وائرس آیا تو سب سے زیادہ مریض سندھ میں تھے تا ہم اب پنجاب میں مریضوں میں اضافہ دیکھنے میں آیا ہے ،پنجاب میں مریض سندھ سے زیادہ ہو چکے ہیں،

پنجاب میں ڈیرہ غازی خان قرنطینہ میں 207 مریض ہیں، پنجاب کے صوبائی دارالحکومت لاہور میں 116 کرونا کے مریض ہیں ،پنجاب کے ضلع گجرات میں کرونا وائرس کے 51 مریض سامنے آئے ہیں

پنجاب کے اضلاع گوجرانوالہ میں 9، جہلم میں 19، راولپنڈی میں 15، ملتان میں 3، فیصل آباد میں 9، منڈی بہاوالدین میں 4، ناروال 1، رحیم یار خان 1 اور سرگودھا میں 2 مریضوں کی تصدیق ہوئی ہے۔میانوالی میں 2، ننکانہ صاحب میں 2، خوشاب ،اٹک اور بہاولنگر میں ایک ایک، ڈی جی خان شہر میں 5 مریضوں میں کرونا کی تشخیص ہوئی ہے

لاہور میں نیوز اینکر میں ہوئی کرونا کی تشخیص
باغی ٹی وی کی رپورٹ کے مطابق چین سے پھیلنے والے کرونا وائرس کی پاکستان سمیت دنیا بھر مین تباہ کاریاں جاری ہیں، پاکستان میں کرونا کے پنجاب میں سب سے زیادہ مریض سامنے آئے، صحافیوں میں بھی کرونا کی تشخیص ہوئی،

نجی ٹی وی کے مطابق پنجاب کے صوبائی دارالحکومت لاہور میں 24 سالہ نیوز اینکر میں کرونا وائرس کی تشخیص ہوئی ہے ،اس سے قبل نجی ٹی وی چینل کے 2پروڈیوسرز میں بھی کرونا کی تشخیص ہو چکی ہے

فردوس عاشق اعوان نے پریس کانفرنس میں دعویٰ کیا کہ پنجاب میں 3 صحافی کرونا کے مریض ہیں، انہوں نے صحافیوں کو کٹس بھی فراہ کرنے کا اعلان کیا

الیکٹرانک میڈیا رپورٹر ایسوسی ایشن نے ملک بھر کے صحافیوں کو کرونا وائرس سے بچاؤ کے لئے ماسک اورامدادی سامان بھجوانے کا اعلان کیا تھا اس ضمن میں مختلف اضلاع کے پریس کلبوں کو امدادی سامان بھجوا دیا گیا

ایمرا کے صدر محمد آصف بٹ کے مطابق ایمرا باڈی نے فیصلہ کیا ہے کرونا وائرس سے بچاؤ کے لیے حفاظتی میڈیکل ماسک تقسیم اور سینیٹائزر پورے پاکستان کے پریس کلبز میں تقسیم کئے جائے گے تاکہ صحافتی ورکرز کرونا وائرس جیسی موذی وائرس سے بچ سکے اہمرا باڈی پاکستان کے صحافتی ورکرز کے لئے ہمیشہ فلاح و بہبود اور ان کے حقوق کے لیے کام کرتی رہے گی انشاءاللہ

اس سے قبل ایمرا لاہور میں صحافیوں میں ماسک تقسیم کر چکی ہے.

لاہورکے صحافی خدمات کے دوران کرونا وائرس کا شکارہوگئے ،اللہ تعالیٰ ان کو جلد صحت وتندرستی عطافرمائے ،مبشرلقمان کی اللہ کے حضوردعائیں

پنجاب میں کرونا وائرس کے مریضوں کی تعداد 497 ہو گئی ہے،پنجاب میں ڈیرہ غازی خان قرنطینہ میں 207 مریض ہیں، پنجاب کے صوبائی دارالحکومت لاہور میں 116 کرونا کے مریض ہیں ،پنجاب کے ضلع گجرات میں کرونا وائرس کے 51 مریض سامنے آئے ہیں

پنجاب کے اضلاع گوجرانوالہ میں 9، جہلم میں 19، راولپنڈی میں 15، ملتان میں 3، فیصل آباد میں 9، منڈی بہاوالدین میں 4، ناروال 1، رحیم یار خان 1 اور سرگودھا میں 2 مریضوں کی تصدیق ہوئی ہے۔میانوالی میں 2، ننکانہ صاحب میں 2، خوشاب ،اٹک اور بہاولنگر میں ایک ایک، ڈی جی خان شہر میں 5 مریضوں میں کرونا کی تشخیص ہوئی ہے

جیل میں حمزہ شہباز کو کرونا وائرس کا خوف، بڑا قدم اٹھا لیا

باغی ٹی وی کی رپورٹ کے مطابق کرونا وائرس کے خدشے کے پیش نظر مسلم لیگ ن کے رہنما حمزہ شہباز نے لاہور ہائیکورٹ میں ضمانت کیلئے درخواست دائر کر دی۔

حمزہ شہباز نے امجد پرویز ایڈووکیٹ کی ذریعے عدالت میں درخواست دائر کی۔ درخواست میں چیئرمین نیب، ڈی جی نیب اور تفتیشی افسر کو فریق بنایا گیا ہے ،لاہور ہائیکورٹ میں دائر درخواست میں موقف اپنایا گیا ہے پاکستان سمیت دنیا بھر میں کرونا وائرس پھیل رہا ہے، میڈیا رپورٹس کے مطابق جیلوں میں بھی کرونا وائرس کے مشتبہ مریض موجود ہیں، جیل میں قید صوبائی اپوزیشن لیڈر حمزہ شہباز کو کرونا وائرس سے متاثر ہونے کا خدشہ ہے۔

عدالت میں دائر درخواست میں مزید موقف اپنایا گیا کہ لاہور ہائیکورٹ نے کرونا وائرس کے خدشے کے پیش نظر جیلوں میں قید ملزموں کی ضمانتیں دائر کرنے کی ہدایات بھی جاری کی ہیں۔ عدالت سے استدعا ہے آمدن سے زائد اثاثہ جات کیس میں گرفتار حمزہ شہباز کو ضمانت پر رہا کرنے کاحکم دیا جائے۔

واضح رہے کہ حمزہ شہباز کی ضمانت منسوخی کے لئے نیب نے سپریم کورٹ سے رجوع کر لیا ,نیب کی جانب سے سپریم کورٹ میں دائر درخواست میں عدالت سے استدعا کی گئی ہے کہ لاہور ہائیکورٹ کے فیصلے کو کالعدم قرار دیکرضمانت منسوخ کی جائے۔ حمزہ شہباز کولوکل گورنمنٹ کو جاری 360 ملین کی رقم میں مبینہ کرپشن کے الزام میں گرفتارکیا گیا، یہ رقم نو کلومیٹر لمبے ویسٹ واٹر کی نکاسی کے منصوبہ کے لیے استعمال ہونا تھی، رمضان شوگر ملز کے منصوبہ کو عوامی منصوبہ ظاہر کیا گیا۔

نیب کی درخواست میں مزید کہا گیا ہے کہ حمزہ شہباز شریف کے خلاف شکایت آنے پر انکوائری کی گئی، تحقیقات سے ظاہر ہوا کہ وزیرِاعلیٰ پنجاب شہبازشریف نے اپنےاختیارات کا ناجائزاستعمال کیا، شہباز شریف نے رمضان شوگر ملز کو سرکاری خزانے سے فائدہ پہنچایا۔ شہباز شریف نے دباؤ ڈال کر این او سی حاصل کیا، لاہور ہائیکورٹ نے حقائق کا درست جائزہ نہیں لیا لہذا لاہور ہائیکورٹ کے فیصلے کو کالعدم قرار دیتے ہوئے ضمانت منسوخ کی جائے

واضح رہے کہ رمضان شوگرملز کیس میں حمزہ شہباز کی ضمانت 6 فروری کو منظورہوئی تھی جبکہ حمزہ شہباز کی آمدن سے زائد اثاثہ جات کیس میں درخواست ضمانت مسترد کر دی گئی تھی، حمزہ شہباز کوٹ لکھپت جیل میں قید ہیں، نیب نے انہیں لاہور ہائیکورٹ سے ضمانت کی درخواست مسترد ہونے پر گرفتار کیا تھا.

حمزہ شہباز کا فرنٹ مین بن گیا نیب میں وعدہ معاف گواہ،بیان ریکارڈ کروا دیا

مریم نواز کے وکلاء نے ہی مریم نواز کی الیکشن کمیشن میں مخالفت کر دی، اہم خبر

صرف اللہ کوجوابدہ ،کوئی کچھ بھی رائے رکھےانصاف کے مطابق فیصلہ دیں گے، عدالت کےحمزہ کیس میں ریمارکس

نیب نے احتساب عدالت میں رپورٹ جمع کروائی ہے جس میں کہا گیا ہے کہ شہبازشریف فیملی نے اپنے مختلف ملازموں کے ناموں پرکمپنیاں بنا رکھی ہیں،منی لانڈرنگ کی رقوم بے نامی کمپنیوں میں منتقل کی جاتی رہیں ،اور ان بے نامی کمپنیوں سے شریف فیملی کے اکاؤنٹس میں رقم منتقل ہوتی رہی. نیب رپورٹ میں مزید کہا گیا کہ نیب کو 10 غیرملکی منی ایکس چینجرزکا ریکارڈمل چکاہے، شہبازشریف، حمزہ،سلمان کوبرطانیہ کی 4 منی ایکس چینج سے رقوم منتقل ہوئیں، دبئی کی 6 منی ایکس چینج سے بھی رقوم منتقل کی گئیں۔ نیب رپورٹ کے مطابق شہبازشریف فیملی کو 10 کمپنیوں سے 37 کروڑبھیجے گئے

واضح رہے کہ لاہور کی کیمپ جیل میں ایک قیدی میں کرونا وائرس کی تشخٰیص ہوئی ہے، ملک بھر کی عدالتوں نے جیلوں سے قیدیوں کو رہا کرنے کے احکامات بھی جاری کئے ہیں.

اٹلی اور فرانس جیسے حالات سے بچنے کے لیے عوام گھروں میں رہیں، گورنر پنجاب

باغی ٹی وی کی رپورٹ کے مطابق گورنر پنجاب چودھری سرور نے کہا ہے کہ عوام کورونا خطرات کو سنجیدہ لیں حفاظتی تدابیر پر عمل کر یں،

گورنر پنجاب کا کہنا تھا کہ اٹلی اور فرانس جیسے حالات سے بچنے کے لیے عوام گھروں میں رہیں ،کورونا سے نمٹنے کےلیے قوم کو ایک ہونا ہوگا ،ہر فرد ذمہ داری پورے کر ے کورونا بحران سے متاثر غر یب خاندانوں کو مفت راشن کی فراہمی یقینی بنائیں گے ،ریاست بے سہارا لوگوں کے تحفظ کی ذمہ داری ہر صورت پوری کر یں گی ،

گورنر پنجاب چودھری سرور کا مزید کہنا تھا کہ کورونا بحران سے متاثر افرادکی مدد کلیےے مخیر حضرات کوآگے بڑھ کر اپنا کردار ادا کر نا ہوگا،وزیر اعظم عوام دوست وژن کے تحت پالیساں بنا رہے ہیں ،خدا کے لیے عوام حالات کو سنجیدہ لیں، کوتاہی کی گنجائش نہیں,اگر عوام نے گھروں میں رہنے کی اپیل نا مانی تو سختی سے بھی گریز نہیں کرینگے،حکومت کورونا سے بچاؤ کے لیے سخت اقدامات کرے گی,

گورنر پنجاب کا مزید کہنا تھا کہ مشکل وقت میں عوام حکومت کے ساتھ ہے،کورونا کےخلاف اپوزیشن کو مثبت کردار ادا کر نا چاہیے،یہ وقت ملک میں کورونا سے بچاوَ کےلیے ملک وقوم کو متحد کر نے کا ہے، اپوزیشن جماعتیں کورونا وائرس کے معاملے پر سیاست نہ کریں،

باغی ٹی وی کی رپورٹ کے مطابق موٹروے پولیس سنٹرل زون نے کینٹینر میں چھپ کر سفر کرنے والوں کو پکڑ لیا

ترجمان موٹر وے پولیس کے مطابق 24 سے زائد مشتبہ افراد کراچی سے لیاقت پور سفر کر رہے تھے،پٹرولنگ افسران نے قومی شاہراہ پر ترنڈہ محمد پناہ کے قریب ٹرالر کو شک کی بنیاد پر روکا،ڈرائیور نے بھاری رقم کے عوض ان کو کراچی سے لارہا تھا، موٹروے پولیس نے کرونا تشخیصی میڑیکل ٹیم کو موقع پر بلا لیا،موٹروے پولیس افسران نے تمام افراد مشتبہ کرونا وائرس ٹیسٹ کروانے کے بعد مقامی پولیس کے حوالے کردیا

واضح رہے کہ کرونا وائرس کی وجہ سے ملک بھر میں لاک ڈاؤن ہے، پبلک ٹرانسپورٹ بند ہے،جس کی وجہ سے شہری اپنے علاقوں کو جانا چاہتے ہیں لیکن ٹرانسپورٹ بند ہونے کی وجہ سے وہ نہیں جا سکے، دو روز قبل بھی میانوالی سے چند افراد کو گرفتار کیا گیا تھا جو کینیٹینر ٔپر سفر کر کے کراچی سے میانوالی پہنچے تھے

سکھر میں بھی گزشتہ روز ایسے افراد کو گرفتار کیا گیا تھا لاک ڈاؤن کی خلاف ورزی کرتے ہوئے ایک گاڑی میں سفر کر رہے تھے

لاہور:پنجاب حکومت کے محکمے بھی کرونا سے نمٹنے کےلیے متحرک ، ہینڈ سیناٹائزر کی کمی دور کرنے کیلئے محکمہ ایکسائز میدان میں آگیا،اطلاعات کےمطابق کرونا سے ڈرنا نہیں لڑنا ہے، ہینڈ سیناٹائزر کی کمی دور کرنے کے لیے محکمہ ایکسائز کا ہنگامی بنیادوں پر کام جاری ہے۔

کورونا وائرس کی وجہ ایک دم سے مارکیٹس میں سیناٹائزر کی کمی ہوگئی ہے جس کو دور کرنے کے لیے محکمہ ایکسائزنے نئی پالیسی اپنائی ہے اور کمپنیوں کو لائسنس ایشو کرنے شروع کردیے تاکہ سپرٹ کی فراہمی کرکے سیناٹائزر کو بنایا جائے۔

ای ٹی او سفیر عباس جپا کا کہنا ہے کہ اس سے پہلے صرف ایک کمپنی کے پاس لائسنس تھا جو سیناٹائزر تیار کرکے شہر بھر میں فراہم کررہی تھی اب مزید سولہ ملکی وغیرملکی کمپنیوں کو لائسنس فراہم کردیے ہیں تاکہ سیناٹائزر کی مارکیٹ میں سپلائی یقینی بنائی جاسکے۔

سیناٹائزر بنانے کے لیے کمپنیوں سے وصول ہونے والی نئی درخواستوں پر لائسنس بھی دیے جارہے ہیں جن کی معیاد جون میں ختم ہوجائے گی اگر حکومت نے اجازت دی تو ان لائسنسوں کی معیاد مزید بڑھائی جائے گی۔