Category: لاہور

باغی ٹی وی کی رپورٹ کے مطابق مسلم لیگ ن کے صدر شہبازشریف نے پارٹی سی ای سی کااجلاس طلب کرلیا

مسلم لیگ ن کی ترجمان مریم اورنگزیب کا کہنا ہے کہ اجلاس آج سہ پہر 3 بجے شہبازشریف کی زیرصدارت منعقد ہو گا، سینٹرل ایگزیکٹو کمیٹی کے ارکان ویڈیو کانفرنس کے ذریعے شریک ہوں گے،سینٹرل ایگزیکٹو کمیٹی اجلاس میں اہم فیصلے کئے جائیں گے،

مریم اورنگزیب کا کہنا تھا کہ کورونا کی صورتحال، پھیلاوَ اور دیگر منسلکہ امور پر غور کیاجائے گا،عوام کو ریلیف اور امدادی رقوم کی فراہمی کے عمل کا جائزہ لیاجائے گا،معاشی صورتحال اور بجٹ 2020-21کے خدوخال پر غور ہوگا،قومی اسمبلی اور سینیٹ کے اجلاس کی حکمت عملی طے کی جائے گی،

واضح رہے کہ شہباز شریف لندن میں‌ تھے اور نواز شریف کے ساتھ گئے تھے، نواز شریف علاج کے لئے لندن میں ہیں اور شہباز شریف واپس آ چکے ہیں، شہباز شریف کو نیب نے طلب کیا تھا لیکن وہ نیب میں دو بار پیش نہیں ہوئے، نیب نے شہباز شریف کو پھر طلبی کا نوٹس جاری کر دیاہے، شہباز شریف نیب میں تو پیش نہیں ہوتے لیکن انہوں نے دیگر سرگرمیاں جاری رکھی ہوئی ہیں.

پانچ کمپنیوں میں 19 کروڑ کی منتقلی،حمزہ شہباز نیب کو مطمئن نہ کر سکے

شہباز شریف کو لائف ٹائم ایوارڈ برائے کرپشن دیا جائے: شہباز گل

حمزہ شہباز کے پروڈکشن آرڈر کے خلاف درخواست دائر

عوام کرونا سے اور نیب شہباز شریف سے لڑ رہا ہے، مریم اورنگزیب

وفاقی وزیر ریلوے شیخ رشید نے شہباز شریف کے نیب میں پیش نہ ہونے پر رد عمل میں کہا کہ ن لیگ کہتی ہے کہ اسمبلی کے 400 ممبران کا اجلاس بلایا جائے وہان شہباز شریف خطاب کریں گے وہاں انہیں کرونا نہیں ہو گا، لیکن جب نے بلایا تو شہباز شریف نہیں گئے، اگر وہ اسی طرح کرتے رہے تو حراست میں لیا جا سکتا ہے، پارلیمنٹ میں کرونا نہیں ہو رہا لیکن نیب میں جانے سے کرونا ہو رہا ہے،اب شہباز شریف کو پکڑے جانے کے علاوہ کوئی حل باقی نہیں رہ گیا

لاہور ہائیکورٹ، توہین عدالت کی درخواست پر ڈاکٹر یاسمین راشد سے جواب طلب
باغی ٹی وی کی رپورٹ کے مطابق لاہور ہائیکورٹ میں صوبائی وزیرصحت یاسمین راشد کے خلاف توہین عدالت کی درخواست پرسماعت ہوئی،

درخواست میں سیکرٹری پرائمری ہیلتھ اور سیکرٹری صحت پنجاب کو بھی فریق بنایا گیاہے،عدالت نے یاسمین راشد سمیت دیگر فریقین کو نوٹس جاری کر کے ایک ہفتے میں جواب طلب کر لیا۔

صوبائی وزیر صحت ڈاکٹر یاسمین راشد کے خلاف توہین عدالت کی کارروائی کے لئے درخواست دائر کی گئی تھی . جوڈیشل ایکٹو ازم پینل کی جانب سے دائر درخواست میں میں موقف اختیار کیا گیا ہے کہ عدالتی احکامات کے باوجود برطرف ڈاکٹرز کو بحال نہیں کیا گیا،

عدالتی احکامات کی خلاف ورزی توہین عدالت کے زمرے آتی ہے .کرونا وائرس کی وجہ سے ڈاکٹروں کی ضرورت ہے،صوبائی وزیر نے عدالتی احکامات اور موجودہ صورتحال کی نزاکت دونوں کو نظر انداز کیا ہے. عدالت سے استدعا ہے کہ عدالتی احکامات پر عمل نہ کرنے پر صوبائی وزیر کیخلاف توہین عدالتکی کارروائی کی جائے.

احساس پروگرام سے سفید پوش افراد کو بھکاری بنا دیا گیا، لاہور ہائیکورٹ

باغی ٹی وی :حکومتی پروگرام پر عدالت کی برہمی ، لاہور ہائیکورٹ نے بار کو حکومتی فنڈز کی عدم فراہمی کے خلاف کیس میں پنجاب حکومت کے جواب پر عدم اطمینان کا اظہار کر دیا۔ چیف جسٹس قاسم خان نے ریمارکس دیئے کہ احساس پروگرام سے سفید پوش افراد کو بھکاری بنا دیا گیا۔

لاہور ہائیکورٹ بار کو حکومتی فنڈز کی عدم فراہمی کے خلاف کیس کی سماعت ہوئی۔ چیف جسٹس قاسم خان نے ریمارکس دیئے کہ پروگرام کی سربراہ شہریوں کو لائنوں میں لگا کر تصاویر بنواتی ہیں، جب تک آٹے کے تھیلے کے ساتھ تصویر نہ بنے غریب کی مدد نہیں ہوتی۔

چیف جسٹس قاسم خان نے کہا کیا ریاست مشکل حالات میں اسطرح مدد کرتی ہے، احساس پروگرام کی سربراہ تصاویر بنا کر بری الزمہ ہوجاتی ہیں، جو سفید پوش لائنوں میں نہیں لگ سکتے وہ کہاں جائیں.

واضح رہے کہ لاک ڈاؤن کے باعث گورنمنٹ کی طرف سے دیہاڑی دار مزدور طبقے کیلئے احساس پروگرام کے تحت مبلغ 12000 روپیہ دینے کا اعلان کیا گیا تھا جس کے حصول کیلئے لوگوں نے ایس ایم ایس کئے کچھ لوگوں کی جانچ پڑتال مکمل ہونے کے بعد جوابی ایس ایم ایس آ چکے ہیں مگر ان کو پتہ ہی نہیں کہ انہوں نے جانا کس مرکز پر ہے اور ان کے نزدیک ترین احساس مرکز کونسا ہے کی بدولت لوگوں کو سخت پریشانی کا سامنا ہے لوگوں کا کہنا ہے کہ کئی دن ہو چکے لاک ڈاؤن ہوئے ہمارے پاس کھانے پینے کو کچھ نہیں لہذہ جلد سے جلد ہمیں پیسے دے تاکہ ہم اپنا اور اپنے بچوں کا پیٹ بھرنے کیلئے سامان خرید سکیں نیز چھوٹے گاؤں دیہات میں بھی احساس پروگرام مراکز بنائے جائیں تاکہ لوگوں کو رقم لینے میں دشواری کا سامنا نا کرنا پڑے کیونکہ پبلک ٹرانسپورٹ بند ہے اور ہر غریب کے پاس موٹر سائیکل بھی نہیں

ہائی کورٹ نے چین میں پھنسے پاکستانی طلبا کی واپسی کی درخواست نمٹا دی

باغی ٹی وی :کچھ عرصہ پہلے دائر کی گئی درخواست نمٹا دی . ہائی کورٹ نے والدین کی جانب سے دائر کی گئی درخواست کی سماعت ہوئی اور وفاق کی جانب سے ڈپٹی اٹارنی جنرل طیب شاہ عدالت میں پیش ہوئے۔ عدالت نے ریمارکس دیئے کہ اب کورونا عالمی مسئلہ ہے اور صورتحال تبدیل ہو چکی ہے۔

گزشتہ ماہ ہونے والی ایک سماعت میں چیف جسٹس اسلام آباد ہائی کورٹ اطہرمن اللہ نے ریمارکس دیے تھے کہ یہ درخواست قابل سماعت نہیں ہے لیکن عدالت بچوں کے والدین کو مطمئن کرنے کے لئے سن رہی ہے۔ سرکاری اعداد و شمار کے مطابق اس وقت چین میں تقریباً 1200 پاکستانی طلبا پھنسے ہوئے۔

چینی شہر ووہان میں پھنسے پاکستانی طلبا کے لیے وزارت سمندر پار پاکستانیز نے چین کے شہر ووہان میں پھنسے پاکستانی طلبہ کو امداد بھیجی تھی .

وزارت اوورسیز کی جانب سے ووہان میں ہھنسے 1300 پاکستانی طلبہ کے لیے 15 دن کا امدادی سامان بھیجابھی بھیجا گیا امدادی سامان میں طلباہ کے لیے کھانے، پینے اور دیگر ضروری اشیا شامل ہیں۔

ذخیرہ اندوزی کرنے والوں کے خلاف سخت سزا، آرڈیننس نافذ

باغی ٹی وی :پنجاب میں انسداد ذخیرہ اندوزی آرڈیننس نافذ کر دیا گیا، اشیائے ضروریہ کی ذخیرہ اندوزی پر سرسری سماعت کے بعد 3 سال سزا ہو گی، ذخیرہ کی گئی اشیاء ضبط کر لی جائیں گی اور ان کی مالیت کا 50 فیصد جرمانہ بھی ہوگا۔

پنجاب میں ذخیرہ اندوزی ناقابل ضمانت جرم قرار دے دیا گیا، تمام اضلاع کے ڈپٹی کمشنر کسی بھی جگہ بغیر وارنٹ چھاپے مار سکیں گے، ذخیرہ اندوزی کے کیس میں سپیشل مجسٹریٹ 30 دن کے اندر فیصلہ سنائیں گے، سزا کے خلاف 30 دن کے اندر سیشن جج کی عدالت سے رجوع کیا جا سکے گا، سیشن جج بھی اپیل پر 30 دن کے اندر فیصلہ سنانے کے پابند ہوں گے۔

ذخیرہ اندوزی کیس میں ضبط شدہ مال ڈپٹی کمشنرز نیلام کرنے کے مجاز ہوں گے، نیلامی سے حاصل شدہ رقم منافع بخش بینک اکاؤنٹ میں جمع کرائی جائے گی، غلط بیانی کرنے والے ڈیلر، سٹاکسٹس کو 10 لاکھ روپے جرمانہ بھی ہوگا، آٹا، چینی، گھی دالوں سمیت 41 اشیاء کی ذخیرہ اندوزی پر یہ آرڈینینس لاگو ہوگا۔

دوسری جانب پنجاب حکومت نے ذخیرہ اندوزی آرڈیننس کے اطلاق کی حامل اشیا کی فہرست بھی جاری کر دی، مجموعی طور پر 41 اشیا ذخیرہ کرنے والوں کے خلاف آرڈیننس کا اطلاق ہوگا۔ ذخیرہ اندوزی کے خلاف آرڈیننس کا اطلاق چائے، چینی، پاوڈر ملک پر ہوگا۔

ہم نے "Punjab Prevention of Hoarding" آرڈیننس نافذ کر دیا ہے جس کے تحت ذخیرہ اندوزی کو ایک ناقابل ضمانت جرم قرار دیا گیا ہے اور اس کی سزا 3 سال تک ہو گی.

ذخیرہ اندوزوی سے ناصرف معاشرے میں ہیجان اور ناجائز منافع خوری کی کیفیت پیدا ہوتی ہے بلکہ یہ ایک غیر اسلامی فعل بھی ہے.

— Usman Buzdar (@UsmanAKBuzdar) April 22, 2020

بچوں کا دودھ، ایڈیبل آئل، فروٹ جوسز ذخیرہ کرنے پر بھی پابندی ہوگی، نمک، آلو، پیاز، دالیں، مچھلی، بڑا اور چھوٹا گوشت، انڈے بھی ذخیرہ کرنے کی اجازت نہیں ہوگی، گڑ، مصالحہ جات، سبزیاں، کیروسین آئل، ماچس، کوئلہ، کیمیکل فرٹیلائزر ذخیرہ کرنے پر بھی پابندی ہوگی۔

پولٹری فوڈ، سیمنٹ، پھٹی، ہر طرح کے کاٹن کے بیج، کاسٹک سوڈا بھی ذخیرہ کرنے پر ایکشن ہوگا، پیسٹیسائڈز، گندم کا آٹا، فیس ماسک، این 95 ماسک، سینٹی ٹائزر ذخیرہ کرنے والوں کے خلاف بھی سخت کارروائی ہوگی، زمین صاف کرنے والی آئٹمز، الکوحل، وول کا ذخیرہ کرنے پر بھی ذخیرہ اندوزی کے خلاف جاری آرڈیننس کا اجرا ہوگا۔

وزیراعلیٰ پنجاب کا کہنا تھا ذخیرہ اندوزی کسی صورت برداشت نہیں ہوگی، ذخیرہ اندوزی کرنے والوں کے خلاف سخت کارروائی ہوگی، مشکل کی گھڑی میں ذخیرہ اندوزی کرنے والے کسی رعایت کے مستحق نہیں، ذخیرہ اندوزی کے خلاف آرڈیننس کا اجرا ہوگیا ہے، آرڈیننس کا فوری طور پر صوبہ بھر میں اطلاق ہوگا، خلاف ورزی کرنے والوں کو تین سال قید ہوگی.
محکمہ قانون و پارلیمانی امور کی جانب سے ذخیرہ اندوزی آرڈیننس کا گزٹ نوٹیفکیشن جاری کیا گیا، جس کے مطابق ذخیرہ اندوزی کرنے والے کو تین سال کی سزا ہو گی، ڈپٹی کمشنرز کو ذخیرہ اندوزی پر کارروائی کا اختیار ہو گا، چھاپے کے دوران قبضے میں لیا گیا مال سرکار کی ملکیت تصور ہو گا،متعلقہ افسر سامان کی نیلامی کرکے رقم سرکاری خزانے میں جمع کروائے گا۔ذخیرہ اندوز کے بارے میں اطلاع دینے والے کو انعام دیا جائے گا، نیلامی سے حاصل ہونے والی رقم کا دس فیصد بھی اطلاع کنندہ کو دیا جائے گا۔

شہباز شریف پھر نیب میں پیش نہ ہوئے، بڑی مشکل پیدا ہو گئی،نیب کا بڑا اعلان

باغی ٹی وی کی رپورٹ کے مطابق قومی اسمبلی میں قائد حزب اختلاف مسلم لیگ ن کے صدر شہباز شریف آج بھی نیب میں پیش نہیں ہوئے

شہباز شریف کی جانب سے نیب کو جواب ارسال کر دیا گیا ہے، نیب کا کہنا ہے کہ نیب لاہور کو شہباز شریف کی جانب سے بھیجا گیا جواب نامہ موصول ہو گیا ہے،نیب ٹیم نے شہبازشریف کے بھیجے گئے نامکمل جواب پر عدم اطمینان کا اظہارکر دیا

نیب ٹیم نے باہمی مشاورت کے بعد 4 مئی دن 12 بجے دوبارہ طلبی کا پروانہ ارسال کردیا،نیب کا کہنا ہے کہ شہبازشریف خود پیش ہوں اور قومی ادارے کو مطلوبہ معلومات فراہم کریں،شہبازشریف اپنے خلاف جاری تحقیقات میں قومی ادارے کیساتھ تعاون کریں،

مسلم لیگ ن کی رہنما مریم اورنگزیب کا کہنا ہے کہ شہباز شریف کرونا کی وجہ سے نیب میں پیش نہیں ہوں گے،شہباز شریف نے نیب کو جواب بھجوا دیا ہے شہباز شریف کی نیب کودرخواست کے ساتھ تمام ڈاکٹرز کےسرٹیفیکیٹس بھی منسلک ہیں،پہلےبھی درخواست کی تھی کہ موجودہ حالات میں شہبازشریف کی زندگی خطرےمیں نہ ڈالی جائے ،شہبازشریف کینسر سرجری سے گزر چکے ہیں،جس کے نتیجےمیں قوت مدافعت کی کمی کےباعث خدانخواستہ کرونا وائرس سےمتاثر ہو سکتے ہیں

مریم اورنگزیب کا مزید کہنا تھا کہ مطلوبہ مکمل معلومات بمع دستاویزات دستیاب ریکارڈ سے فراہم کردی گئی ہیں ،کوئی مزید معلومات بھی مانگی گئیں تو مہیا کر دی جائیں گی،کورونا کے باعث دقت کے باوجود پاکستان اور برطانیہ سے معلومات حاصل کرکے اور یادداشت کی بنیاد پر معلومات مہیا کر دی گئی ہیں ،مزید سوالات پوچھنا چاہیں تو وڈیو کانفرنس کے ذریعے پوچھ سکتے ہیں، سکائپ ایڈریس فراہم کردیا گیا ہے

پانچ کمپنیوں میں 19 کروڑ کی منتقلی،حمزہ شہباز نیب کو مطمئن نہ کر سکے

شہباز شریف کو لائف ٹائم ایوارڈ برائے کرپشن دیا جائے: شہباز گل

حمزہ شہباز کے پروڈکشن آرڈر کے خلاف درخواست دائر

عوام کرونا سے اور نیب شہباز شریف سے لڑ رہا ہے، مریم اورنگزیب

وفاقی وزیر ریلوے شیخ رشید نے شہباز شریف کے نیب میں پیش نہ ہونے پر رد عمل میں کہا کہ ن لیگ کہتی ہے کہ اسمبلی کے 400 ممبران کا اجلاس بلایا جائے وہان شہباز شریف خطاب کریں گے وہاں انہیں کرونا نہیں ہو گا، لیکن جب نے بلایا تو شہباز شریف نہیں گئے، اگر وہ اسی طرح کرتے رہے تو حراست میں لیا جا سکتا ہے، پارلیمنٹ میں کرونا نہیں ہو رہا لیکن نیب میں جانے سے کرونا ہو رہا ہے،اب شہباز شریف کو پکڑے جانے کے علاوہ کوئی حل باقی نہیں رہ گیا