Category: لاہور

میر شکیل الرحمان کا نیب نے مانگا مزید جسمانی ریمانڈ،فیصلہ محفوظ
باغی ٹی وی کی رپورٹ کے مطابق احتساب عدالت لاہور میں میرشکیل الرحمٰن کیخلاف پلاٹ معاملے کی سماعت ہوئی، میر شکیل الرحمان کو عدالت میں پیش کیا گیا.

میر شکیل الرحمان کے وکیل امجد پرویز ایڈوکیٹ نے کہا کہ تمام رکارڈ نیب کے پاس ہے،اب لاک ڈاؤن کا بہانا بناکرنیب حکام عدالت کو گمراہ کررہے ہیں،میر شکیل الرحمٰن کو سیاسی بنیادوں پر گرفتار کرکے پرانا جھوٹا کیس ڈالا گیا،میرشکیل الرحمٰن کو نیب حکام نے جب بھی شامل تفتیش ہونے کا نوٹس دیا وہ پیش ہوئے،

نیب پراسیکیوٹر نے کہا کہ ایل ڈی اے کےاجلاس میں سابق وزیراعلیٰ پنجاب نوازشریف،ڈی جی ایل ڈی اےہمایوں سعید موجود تھے،اجلاس میں نواز شریف نے ہمایوں سعید کو حکم دیا تھا کہ میرشکیل الرحمٰن کی درخواست پرعمل کیاجائے،

امجد پرویز ایڈوکیٹ نے کہا کہ میرشکیل الرحمٰن کی سرکاری کیمرا مین سے سلاخوں کے پیچھے کھڑا کرکے تصویر بنوائی گئی،نیب حکام نے وہ تصویر اپنے من پسند میڈیا ہاؤسز کو دی جو کہ میر شکیل الرحمٰن مخالف ہیں،احد چیمہ کی گرفتاری کی تصویر جاری کرنے پرعدالت عالیہ کا نیب کیخلاف فیصلہ موجود ہے،عدالت کی عزت کرتے ہیں اور کبھی سماعت پر اثر انداز ہونے کا سوچ بھی نہیں سکتے،عدالت کے خلاف کبھی کوئی خبر نہیں چلائی اگر کچھ ایسا ہوا تو میر شکیل الرحمٰن سے پہلے میں اپنے آپ کو سر نڈر کروں گا،

کسی سیٹھ کی مالی معاملات میں ہونے والی گرفتاری کو میڈیا کی‌ آزادی کے ساتھ جوڑنا صحافتی اقدار کی نفی ہے،فردوس عاشق اعوان

نیب پراسیکیوٹر نے عدالت میں کہا کہ مزید دو گواہان سے میر شکیل الرحمٰن کا بالمشافہ کروانا ہے،جسمانی ریمانڈ بڑھایاجائے

میر شکیل الرحمٰن کےجسمانی ریمانڈ کی درخواست پر فیصلہ محفوظ کر لیا گیا

واضح رہے کہ جیو جنگ کے مالک اورنواز شریف کے یارخاص میر شکیل الرحمن بالآخرقانون کی گرفت میں آہی گئے، گزشتہ روز نیب نے میر شکیل کو گرفتار کیا تھا،جیو،جنگ پرنوازشریف کی نوازشات،لاہورکی قیمتی ترین 54 کنال اراضی کا تحفہ ،نیب نے میرشکیل کونیب آفس بلایا جہاں وہ سوالات کے جوابات نہ دے سکے جس پرنیب نے میر شکیل الرحمن کو گرفتار کرلیا ،اطلاعات کےمطابق قومی احتساب بیور(نیب) نے جنگ گروپ کے مالک میر شکیل الرحمن کو 54 کنال غیر قانونی اراضی کیس میں کل 12 مارچ کو طلب کیا تھا۔ اور سوالات کے جوابات نہ دینے پر گرفتار کر لیا

اس سے قبل میر شکیل 5 مارچ کو پہلی مرتبہ اس کیس میں پیش ہوئے تھے، اس پیشی کی اندرونی کہانی سامنے آ گئی۔ میر شکیل نے پہلی پیشی میں تین ملازم اور دو بچے نیب دفتر ساتھ لے جانے کی درخواست کی تھی تاہم ملازم ساتھ لانے کی درخواست مسترد کردی گئی تھی اور بچوں کو نیب دفتر میں داخلے کی اجازت دی گئی۔

میر شکیل سے استقبالیہ پر شناختی کارڈ لیا گیا اور اندراج رجسٹر پر دستخط کروائے گئے جس کے بعد انھیں کمرہ نمبر 2 میں لے جایا گیا جہاں اس سے قبل نواز شریف اور شہباز شریف سے بھی تفتیش ہو چکی ہے

میرشکیل الرحمان کی گرفتاری کیخلاف اہلیہ نے بڑا قدم اٹھا لیا، کہاں پہنچ گئی؟

چند منٹ بارش ،بجلی غائب، کئی گھنٹے گزرنے کے باوجود بحال نہ ہو سکی
باغی ٹی وی کی رپورٹ کے مطابق لاہور میں بارش سے موسم توخوشگوار ہو گیا لیکن شہری پریشانی میں مبتلا ہو گئے،

پنجاب کے صوبائی دارالحکومت لاہور میں بارش آئی تو بجلی چلی گئی ،کئی گھنٹے گزر گئے ، بجلی بحال نہ ہونے پر شہریوں نے احتجاج کرتے ہوئے کہا ہے کہ گھروں میں پانی ختم ہو چکا اب حکومتی ہدایات بار بار ہاتھ دھوؤ پر عمل کیسے کریں

https://twitter.com/MNaeemShehzad/status/1251370528738164736?s=08

لاہور کے علاقے کینٹ میں گزشتہ شب بارش کے دوران بجلی چلی گئی تھی جو ابھی تک بحال نہ ہو سکی، بجلی نہ ہونے کی وجہ سے گھروں میں پانی ختم ہو چکا ہے جس کی وجہ سے شہریوں کو شدید مشکلات کا سامنا ہے،

شہریوں کا کہنا ہے بارش تو چند منٹ کے لئے آئی اور چلی گئی لیکن بجلی گئی اور کئی گھنٹے گزرنے کے باوجود ابھی تک بحال نہیں ہوئی.

دوسری جانب محکمہ موسمیات کے مطابق لاہور شہر میں مزید بارش کا امکان ہے جو دو روز تک جاری رہے گی، بارشوں کا یہ سلسلہ پیر کے روز تک جاری رہے گا۔ گزشتہ چوبیس گھنٹوں کے دوران ملک کے بیشتر علاقوں میں موسم خشک اور مطلع جزوی طور پر ابر آلود رہا۔ تاہم بلوچستان، بالائی سندھ، بالائی پنجاب، بالائی خیبر پختونخوا اور کشمیر کے اضلاع میں گرج چمک کے ساتھ بارش ہوئ

ملک کے مختلف حصوں میں بارش ، موسم خوشگوار ہوگیا

باغی ٹی وی: ملک کے مختلف شہروں میں بارش سے موسم خوشگوار ہوگیا، موسم کی خبر دینے والوں کا کہنا ہے پنجاب، شمالی بلوچستان، خیبر پختونخوا، گلگت بلتستان اور کشمیر میں تیز بارش کا امکان ہے، بعض علاقوں میں ژالہ باری بھی ہو سکتی ہے۔ڈیرہ اسماعیل خان شہر اور گرد و نواح میں موسلا دھار بارش ہوئی .

ڈیرہ اسماعیل خان میں موسلا دھار بارش pic.twitter.com/CeWWl8bbJ3

— Baaghi TV باغی ٹی وی (@BaaghiTV) April 17, 2020

کوئٹہ سمیت بلوچستان کے مختلف علاقوں میں بھی بادلوں نے رنگ جمایا، وادی کرم سمیت خیبرپختونخوا میں بھی بعض مقامات پر برسات ہوئی۔ محکمہ موسمیات کا کہنا ہے آئندہ چوبیس گھنٹوں کے دوران پنجاب، شمالی بلوچستان، خیبر پختونخوا، گلگت بلتستان اور کشمیر میں تیز بارش کا امکان ہے، بعض مقامات پر ژالہ باری بھی ہو سکتی ہے
گرینڈ ہیلتھ الائنس کی بھوک ہڑتال جاری ، وزیر صحت پنجاب پر شدید تنقید

گرینڈ ہیلتھ الائنس کی بھوک ہڑتال جاری ، وزیر صحت پنجاب پر شدید تنقید

باغی ٹی وی :ملک بھر کے ہسپتالوں میں کورونا وائرس کے مریض ہیں تو ایسے وقت میں ڈاکٹر ہڑتال پر چلے گئے ہیں، حفاظتی کٹس کی عدم دستیابی کیخلاف گرینڈ ہیلتھ الائنس نے بھوک ہڑتالی کیمپ لگایا ہوا ہے،سیکرٹریٹ کے اندر گھسنے پر پولیس اور ڈاکٹرز میں ہاتھا پائی ہوئی ۔بھوک ہڑتالی کیمپ میں موجود گرینڈ ہیلتھ الائنس کے ارکان سیکرٹریٹ میں بند کردیا گیا۔زیر صحت پنجاب ڈآکٹر یسمین راشد پر گرینڈ ہیلتھ الائنس کے رہنما نے شدید تنقید کرتے ہوئکے کرتے ہئکے ہوئے کہا کہ آپ کو ڈاکٹرز کا سامنا کرنا چاہیے . آپ ٹی وی پر آتی ہیں اور ایک فقرہ بول کر چلی جاتی ہیں. آپ میں خلاقی جرات ہے تو ہمارا سامنا کریں، آپ کو اپنے عہدے سے استعفیٰ دے دینا چاہیے .

لاہور میں ڈاکٹرز اور پیرا میڈیکل اسٹاف مطالبات کی منظوری تک بھوک ہڑتالی کیمپ جاری رکھنے کے فیصلہ پرڈٹ گئے،گرینڈ ہیلتھ الائنس کے اراکین آج دوسرے روز محکمہ صحت کے دفتر پہنچے۔پولیس کی جانب سے دھرنا ختم کرنے کی کوشش پر ڈاکٹرز اور پولیس اہلکاروں میں ہاتھا پائی ہوئی،

چئیرمین وائے ڈی اے پنجاب خضر حیات کا کہنا ہے کہ مطالبات کی منظوری تک گرینڈ ہیلتھ الائنس کا بھوک ہڑتالی کیمپ جاری رہے گا۔ پنجاب بھر میں تمام سروسز جاری رہیں گی کام بند نہیں ہوگا۔ گجرات میں صدف جمیل کورونا کے مریضوں کا علاج کرتے ہوئے شہید ہوگئی۔ ابتدائی رپورٹ کے مطابق حکومت کہتی ہے نرس کا کورونا کا ٹیسٹ نہیں ہوا، حکومت صدف کی موت کے حقائق چھپا رہی ہے۔

چیئرمین گرینڈ ہیلتھ الائنس ڈاکٹر سلیمان نے کہا کہ پی آئی سی میں کورونا کا ایک مریض ہے جبکہ کورونا سے متاثرہ ڈاکٹرز اور پیرامیڈیکل سٹاف کی تعداد 11 ہے، تنخواہیں ڈبل کرنے کا معاملہ بھی حکومت کا صاف جھوٹ ہے۔ لاہور قرنطینہ سنٹرز میں ملازمین کو ڈیلی ویجز پر بھرتی کیا جا رہا ہے ڈاکٹر یاسمین راشد ابھی تک اپنی انا کی جنگ سے باہر نہیں آئیں

پنجاب حکومت کی جانب سے گندم خریداری کیلئے تمام معاملات کو تحریری شکل دینے کی ہدایت

باغی ٹی وی :وزیرخوراک پنجاب کی زیرصدارت گندم خریداری پر اعلیٰ سطحی اجلاس ہوا جس میں سینئر وزیر عبدالعلیم خان کی چیف سیکرٹری سے پنجاب بارڈر سیل کرنے پر مشاورت ہوئی ، گندم خریداری کیلئے تمام معاملات کو تحریری شکل دینے کی ہدایت کی گئی ،
کرونا وائرس کے پیش نظر حکومت پنجاب نے گندم خریداری کے لیے ٹوکن سسٹم متعارف کرا دیا
عبدالعلیم خان نے ہدایت کی کہ پنجاب کے تمام بارڈر سیل کرینگے،گندم باہر نہیں جائے گی.گندم خریداری کا ہدف حاصل ہونے تک گندم کہیں نہیں بھیجیں گے لاہور:دیگر صوبوں کے ساتھ گندم خریداری کے باقاعدہ معاہدے ہونگے:
لاہور:کسی پرائیویٹ خریدار کو پنجاب سے گندم اٹھانے کی اجاز ت نہیں ہوگی:

نیب میں پیش نہیں ہو سکتا، شہباز شریف نے کیوں کیا انکار؟

باغی ٹی وی کی رپورٹ کے مطابق قومی اسمبلی میں قائد حزب اختلاف شہباز شریف آج نیب میں پیش نہیں ہوں گے، ن لیگی رہنما عطاء اللہ تارڑ نے اس بات کی تصدیق کی ہے اور کہا ہے کہ شہباز شریف آج پیش نہیں ہوں گے،شہبازشریف نے نیب کو اپنا تحریری جواب جمع کرادیا ہے،شہبازشریف 130دن زیر حراست رہے جس میں سے 61 دن نیب کی تحویل میں رہے،

دوسری جانب اپوزیشن لیڈر شہبازشریف نے منی لانڈرنگ کیس میں نیب نوٹس کا جواب دے دیا، شہباز شریف نے نیب کو بھجوائے گئے جواب میں کہا کہ منی لانڈرنگ سے متعلق حالیہ جسمانی ریمانڈ کے دوران تمام معلومات فراہم کرچکا ہوں،

شہباز شریف کا کہنا ہے کہ نیب کی طرف سے طلبی کے تمام نوٹسز کا وقت پرجواب دیا،ہربار ذاتی حیثیت میں پیش ہوکر نیب کے ساتھ مکمل تعاون کیا،تمام نوٹسز کے جواب کو غیرتسلی بخش قرار دینا بدقسمتی ہے

شہبازشریف نے نیب میں طلبی کی تاریخ لاک ڈاوَن کے خاتمے سے مشروط کرنے کی درخواست کی ہے،شہباز شریف نے کہا ہے کہ لاک ڈاوَن کی وجہ سے مطلوبہ ریکارڈ اورتفصیلات کیلیے اسٹاف دستیاب نہیں

ن لیگی رہنما عطاء اللہ تارڑ کا کہنا تھا کہ دو سال سے زائد کا عرصہ گزر جانے کے باوجود نیب ایک دھیلے کی کرپشن ثابت نہیں کر سکا، ثبوت نہ پیش کرنے کے باعث نیب کی اعلیٰ عدالتوں میں سبکی ہوئی،لاک ڈاؤن ختم ہونے پر نیب جب بھی بلائے گا میاں شہباز شریف صاحب ڈاکٹروں کے مشورے کے بعد ضرور پیش ہونگے ،تفتیشی عمل کے دوران میاں شہباز شریف نے نیب سے ہمیشہ تعاون کیا ہے ،عدالت میں نہ تو ریفرنس دائر کیا جارہا ہے اور نہ ہی کوئی ثبوت پیش کیے جارہے ہیں،نیب کا ادارہ آخر کب تک عمران نیازی کی انا کی تسکین کے لئے اپوزیش رہنماؤں کے خلاف انتقامی کارروائیاں کرے گا ،احتساب کا یہ ڈھونگ چینی اور آٹا چوری سے توجہ ہٹانے کی ایک مذموم کوشش ہے ,نیب نیازی گٹھ جوڑ کے نتیجے میں ہونے والی انتقامی کاروائیوں سے ہمارے حوصلے پست نہیں ہوں گے

واضح رہے کہ شہباز شریف کو نیب نے آج طلب کر رکھا تھا،

پانچ کمپنیوں میں 19 کروڑ کی منتقلی،حمزہ شہباز نیب کو مطمئن نہ کر سکے

شہباز شریف کو لائف ٹائم ایوارڈ برائے کرپشن دیا جائے: شہباز گل

حمزہ شہباز کے پروڈکشن آرڈر کے خلاف درخواست دائر

نیب نے شہباز شریف کو ایک سوالنامہ بھی بھجوایا ہے جس میں کہا گیا ہے کہ سال 1998 سے سال 2018 کے دوران فیملی کے اثاثے بڑھ کر 549 ارب ہوئے۔ پبلک آفس ہولڈر ہونے کی حیثیت سے ان اثاثوں میں اضافے کی وضاحت دیں۔ بیرون ملک کون کون سے اثاثے اور بینک اکاوَنٹس موجود ہیں ان کی تفصیلات فراہم کی جائیں۔ سال 2005 سے سال 2007 کے دوران لیے جانے والے قرض کی تفصیلات فراہم کی جائیں۔ فیملی کو دیے جانے والے اور موصول ہونے والے تمام تخائف کی تفصیلات فراہم کی جائیں اور سال 2008 سے سال 2019 کے دوران زرعی آمدنی کی تفصیلات بھی فراہم کی جائیں۔ ماڈل ٹاوَن 96 ایچ کتنے سال تک وزیر اعلیٰ کیمپ ہاوَس رہا، اس کا بھی جواب دیں

عوام کرونا سے اور نیب شہباز شریف سے لڑ رہا ہے، مریم اورنگزیب