Category: لاہور

پاکستان میں کرونا کے مریضوں کی تعداد 5 ہزار سے زائد، کس صوبے میں ہوئیں ایک روز میں 6 اموات ؟

باغی ٹی وی کی رپورٹ کے مطابق پاکستان کے صوبہ خیبر پختونخواہ میں کرونا وائرس کے مریضوں میں اضافہ ہوا ہے جبکہ 24 گھنٹوں میں 6 ہلاکتیں ہوئی ہیں

پاکستان بھر میں بھی کرونا وائرس کے مریضوں میں اضافہ ہوا ہے،پاکستان میں مریضوں کی تعداد 5011 ہو گئی ہے ،جبکہ ملک بھر میں ہلاکتوں کی تعداد 77 ہو گئی ہے. پاکستان میں مہلک وباء سے 762 افراد صحتمند ہو چکے ہیں، 5011 افراد میں سے 50 افراد کی حالت تشویشناک ہے۔

پنجاب میں کورونا وائرس کے مریضوں کی تعداد 2414 ہے،سندھ میں 1318 ،کے پی میں 697،بلوچستان میں 220، اسلام آباد میں 113ل گلگت میں 215 اور آزاد کشمیر میں 34 مریض ہیں.

خیبر پختون خواہ میں کورونا وائرس کے مزید45 کیسز سامنے آگئے،صوبے میں کورونا کیسز کی تعداد697 ہوگئی،خیبر پختون خوا میں 24 گھنٹے کے دوران 6افراد جاں بحق ہوئے جس کے بعد ہلاکتوں کی مجموعی تعداد30ہوگئی ہے.

وزیراعلیٰ سندھ سید مراد علی شاہ نے کہا ہے کہ یہ بات انتہائی تشویش ناک ہے کہ آج کورونا کے سب سے زیادہ کیسز سامنے آئے ہیں ؛

وزیراعلیٰ سندھ سید مراد علی شاہ کا کہنا تھا کہ گذشتہ 24 گھنٹوں میں 104 کورونا کے کیسز آئے ہیں جومجموعی ٹیسٹ کا 20 فیصد ہیں ؛ یہ دنیا کی سب سے زیادہ اوسط ہے جو کہ تشویش کا باعث ہے ؛ گذشتہ 24 گھنٹوں میں 531 ٹیسٹ کیے گئے  جس میں 104 یعنی 20 فیصد مثبت آئے ؛ گذشتہ 24 گھنٹوں میں 6 اموات ہوئی ہیں جوکہ زیادہ ہیں ؛ اس سے ظاہر ہوتا ہے کہ صورتحال خراب ہورہی ہے ؛

وزیراعلیٰ سندھ مراد علی شاہ کا کہنا تھا کہ صورتحال خراب ہونے کی وجہ لاک ڈائون پر سختی سے عمل نہیں ہورہا؛اس لاک ڈائون پر جب تک سختی سے عمل ہورہا تھاتو صورتحال بہتر تھی ؛ ملیر میں لاک ڈائون کافی کمزور تھا جس کو میں نے آج مزید سخت کرنے کی ہدایت دی ہے ؛ حیدرآباد میں بھی کیسز کی تعداد بڑھ رہی ہے جس کی وجہ سے لاک ڈائون سخت کیا جا رہا ہے  ؛371 لوگ صحتیاب ہوکر اپنے گھروں کوچلے گئے ہیں ؛

قبل ازیں محکمہ لوکل گورنمنٹ پنجاب نے کورونا سے وفات پانے والے افراد کی تدفین کیلئے ایس او پی جاری کردیا ہے، ایس او پی سے تمام ایڈمنسٹریٹو سیکرٹریز اور لوکل گورنمنٹ پنجاب کے تمام چیف آفیسرز کو بھجوادیاگیا۔ ایس او پی کے مطابق تدفین پرمامور 6 افرادپر مشتمل ٹیم ہوگی، کلورین سپرے کنٹینر میں لے جایا جائے گا، ٹیکنیکل سپروائزر، سپرے کرنے کیلئے ایک ممبر اور چار ممبران مزید ٹیم میں شامل ہونگے۔

ایس او پی میں مزید کہا گیا ہے کہ سپرے مشین، صابن، صاف پانی، کلورین سلوشن، ٹشو پیپرز وافر مقدارمیں ٹیم کے پاس موجود ہونگے، خاتون میت کی صورت میں ٹیم میں دو خوایتن ارکان موجود ہونگی، تدفین میں شریک اہل خانہ کیلئے ضروری حفاظتی انتظامات کیے جائیں۔ایس او پی کے مطابق صرف ضروری افراد کو ہی تدفین کی اجازت دی جائے، کورونا سے متاثرہ ہلاک ہونے فرد کو غسل کے بجائے تیمم کروایا جائے، تدفین کیلئے جاری شدہ فتوی بھی فراہم کیا جائے۔ میت کی منتقلی کی گاڑی میں کسی کو بھی بیٹھنے کی اجازت نہ دی جائے، صرف تدفین پر مامور ٹیم ہی گاڑی میں سوار ہوگی۔ دعا اور دیگررسوم کو محدود رکھا جائے، تمام استعمال شدہ گلوز وغیرہ ڈسپوز کیے جائیں .

ایمرا وفد کی سی سی پی او لاہور سے ملاقات،کرونا سے بچاؤ کیلئے پولیس میں بھی صحافی برادری نے کئے ماسک تقسیم

باغی ٹی وی کی رپورٹ کے مطابق الیکٹرانک میڈیا رپورٹرز ایسوسی ایشنز کے وفد کی سی سی پی او لاہور اور ایس ایس پی ایڈمن سے ملاقات ہوئی ہے

دوران ملاقات ایمراء کے وفد نے کورونا وائرس کے خلاف جنگ میں لاہور پولیس کی کاوشوں اور اقدامات کو سراہا۔ ایمراء وفد میں سینئر صحافی بیورو چیف ایکسپریس محمد الیاس، صدر ایمرا آصف بٹ اور ایڈیشنل سیکرٹری ایمرا نعمان شیخ سمیت دیگر صحافیوں نے شرکت کی،

ایمرا اور الرحمن گارڈنز اینڈ ڈویلپرز کی جانب سے سی سی پی او کے ملازمین کیلئے ڈس انفیکشن ٹنل لگا دیا گیا، ایمراء نے ایس اے گارڈن اور الکبیر ٹاون کی طرف سے لاہور پولیس کو سینکڑوں ماسک بھی فراہم کئے،

سی سی پی او لاہور کا کہنا تھا کہ سی سی پی او آفس آنے والا ہر شخص ڈس انفیکشن ٹنل سے گزر کرداخل ہو گا تاکہ تمام ملازمین محفوظ ماحول میں فرائض سر انجام دیں، صحافی برادری کی جانب سے پولیس کے تحفظ کے لئے کیے گئے ان اقدامات کو قدر کی نگاہ سے دیکھتے ہیں،

بحثیت قوم ہم سب مل کر کورونا کے خلاف جنگ میں اپنا کردار ادا کر رہے ہیں، لیاقت علی ملک کی الیکٹرانک میڈیا رپورٹرز ایسوسی ایشنز کے وفد سے ملاقات@PunjabPoliceCPO #PunjabPolice #CoronaVirusPakistan #COVID__19 pic.twitter.com/dZI70u1jZy

— Baaghi TV باغی ٹی وی (@BaaghiTV) April 11, 2020

لیاقت علی ملک کا کہنا تھا کہ بحثیت قوم ہم سب مل کر کورونا کے خلاف جنگ میں اپنا کردار ادا کر رہے ہیں،

واضح رہے کہ کرونا وائرس سے بچاؤ کے لئے ایمر اکی جانب سے نہ صرف لاہور بلکہ دیگر شہروں کے پریس کلبوں کو بھی سامان بھجوایا گیا ہے، کرونا وائرس کی وجہ سے بے روزگار ہونے والے صحافیوں میں راشن بھی تقسیم کیا گیا ہے

یاد رہے کہ ایمراباڈی لاہورکے صحافی ورکروں کے دکھ درد میں‌شریک ہے ، جہاں ایک طرف میڈیا مالکان کی طرف سے ورکروں کو بےروزگارکیا گیا اوران کی تنخواہیں بھی نہیں دے رہے ان حالات میں ایمرا نے ایسے کئی خاندانوں کے دکھ درد بانٹنے کی بھرپورکوشش کی

ایمرا باڈی میڈیا ورکروں کے ان خاندانوں کے بچوں کی کفالت بھی کرتی ہے جن کے سربراہ خانہ دوران ڈیوٹی وفات پاچکے ہیں، ان کے بچوں کے تعلیمی اخراجات اوران کے گھروں کے چولہے جلانے تک کا مشن سرانجام دیتے ہیں

حکمران مسلمان، کرونا سے بچاؤ کے احکامات پر مساجد کی بندش سمیت سب پر عملدرآمد ضروری، مفتی کفایت اللہ مفتی عاصم الحکیم سے لیں سبق

باغی ٹی وی کی رپورٹ کے مطابق پاکستان کی مذہبی جماعت جے یو آئی کے رہنما مفتی کفایت اللہ نے کرونا وائرس کی وجہ سے مسجدوں کی بندش کو امریکی سازش قرار دیا لیکن ان کے مسلک سے ہی تعلق رکھنے والے مفتی عاصم الحکیم نے کہا ہے کہ کرونا وائرس سے بچاو کے لیے حکومتی ہدایات پرعمل کرنا ضروری ہے، حکمران بھی مسلمان ہیں جیسے انہوں نے نائجیرین صدر بخاری کا نام لیا اورکہا کہ ہمارے حکمران بھی مسلمان ہیں وہ ہماری حفاظت کے لیے اقدامات کرہے ہیں

مفتی عاصم الحکیم کا کہنا تھا کہ کرونا وائرس سے احتیاط کرنی چاہئے،وبائی بیماریوں میں نبی کریم صلی اللہ علیہ وسلم کے دور میں بھی احتیاط کی جاتی تھی، طاعون بھی پھیلتا ہے ہے،جب نبی کریم صلی اللہ علیہ وسلم کے پاس ایسے لوگ آئے تھے جن میں طاعون کی بیماری تھی تو ان کو مسجد میں داخل نہیں ہونے دیا گیا تھا بلکہ باہر بٹھایا گیا تھا

انہوں نے مزید کہا کہ لوگ پوچھتے ہیں کہ کیا کیا جائے تو میں ان کو بتادوں اسلام ایک امن و سلامتی کا دین ہے ، اسلام نہیں چاہتا کہ کسی کو تکلیف پہنچے ، کوئی بیمار ہو،عجیب معاملہ ہےکہ جب مسلمان حکمران آپ کی زندگیوں کو بچانے کی فکرکررہے ہیں اورآپ اطاعت کی بجائے مزاحمت پراترائے ہیں یہ جائز نہیں، جس شخص کو کرونا وائرس ہے وہ اپ سے کہے کہ آو مجھے ملو ، جب وہ ملیں گے تو کیا وائرس نہیں پھیلے گا ، ضرور پھیلے گا،پھرہے کوئی جو جانتے ہوئے بھی کرونا مریض کے قریب جائے، ایسا نہیں ہو سکتا.

مفتی عاصم الحکیم کا مزید کہنا تھا کہ جب دنیائے اسلام کے عظیم مرکز سعودی عرب کے شیوخ نے یہ متفقہ فیصلہ دیا ہے کہ انسانی جانییں بچانے کے لیے گھرمیں جمع نماز پڑھنی ہے تو پھرآپ اورمیں کون ہوتے ہیں اپنی مرضی کرنے والے ،

جہاں وبا پھوٹ پڑے وہاں نہیں جانا چاہئے، نماز کے لئے مسلمان مریں اس سے بہتر ہے تو احتیاط کی جائے، اگر کعبہ بند ہو سکتا ہے تو مساجد کیوں‌ بند نہیں ہو سکتیں‌، دنیا کے کئی ممالک نے مساجد کو بند کرنے کا اعلان کیا، سعودی عرب نے طواف روک دیا تھا اور دو تین دن طواف نہین ہو سکا تھا،

مصر کے جید علماء کرام نے بھی اس حوالہ سے فتویٰ جاری کیا ہے جبکہ پاکستان میں تو ابھی تک مساجد کھلی ہیں ،مساجد کو بند کرنے کے احکامات جاری نہیں ہوئے بلکہ صوبائی حکومتوں نے نماز کے لئے صرف تین سے 5 افراد کو مسجد میں ادائیگی کا کہا ہے، عام شہریوں کے نماز کے لئے مسجد جانے پر پابندی عائد کی ہے،

ایسے میں مفتی کفایت اللہ اپنے ہم مسلک جید عالم دین سے سبق حاصل کریں جو پیغام دے رہے ہیں کہ وبا میں مساجد کو بند کیا جا سکتا ہے ،مفتی کفایت اللہ کا کہنا تھا کہ مسجد کی ویرانی کی بات نہیں مانیں گے، ہم نے دفعہ 144 دیکھا ہے، فوج اور حکومت کو بھی دیکھا ہے، اللہ سے ڈرتے ہیں باقی کسی سے نہیں ڈرتے، یہ نہ کہا جائے کہ مسجدوں کو تالے لگائے جائیں، نماز نہ پڑھی جائے، ہمیں مجبور نہ کیا جائے کہ مساجد میں صرف ازان دینے کے لئے فتویٰ دیا جائے، ہم کوئی بات برادشت نہیں کریں گے، یہ نہ کہا جائے کہ سپیکر میں اذان نہ دو، اگر ایسا کرو گے تو ہم یہ سمجھیں گے کہ امریکہ کے اشارے پر مسجدوں کو ویران کیا جا رہا ہے، ہم جانیں قربان کر دیں گے لیکن مسجدوں کو ویران نہیں ہونے دیں گے، ہم احتیاط کر رہے ہیں لیکن جب ہم سمجھے کہ یہ مسجدوں کے خلاف سازش ہے تو ہم میدان میں نکلیں گے

ٹرمپ کی بتائی گئی دوائی سے کرونا کا پہلا مریض صحتیاب، ٹرمپ نے کیا بڑا اعلان

کرونا کیخلاف منصوبہ بندی، پاکستان میں فیصلے کون کررہا ہے

نماز جمعہ پر پابندی، طاہر اشرفی نے کیا بڑا اعلان، طبی عملے کو کیا سلیوٹ

سندھ حکومت کا بڑا فیصلہ، نماز جمعہ کے اجتماعات پر پابندی

وفاقی وزیر مذہبی امور پیر نورالحق قادری نے کہا ہے کہ کورونا وائرس اور رمضان کا ساتھ رہے گا ،تمام مکاتب فکر کی اتفاق رائے سےرمضان میں تراویح کے حوالے سے مشاورت کریں گے

وزیر مذہبی امور کا کہنا تھا کہ اسلامی نظریاتی کونسل ایک آئینی ادارہ ہے جس کی اہمیت سے انکار نہیں کورونا وائرس سے متاثرہ مریض روزہ رکھنے سے مستثنیٰ ہے،تراویح گھروں میں ادا ہوں گی یا مساجد میں مشاورت کے بعد کچھ کہہ سکیں گے ، سماجی دوری کی حکمت عملی کواپناکر گھروں میں تراویح کی جاسکتی ہیں،گھروں میں جماعت کے ساتھ نماز یا تراویح کی ادائیگی مناسب بات ہوگی، ملک بھر میں لاک ڈاوَن کی صورت میں مساجد کو بھی بندکرنے پرمشاورت کریں گے،سعودی عرب نے کہا ہے کوروناکوقابو کرنے میں ایک سال لگ سکتاہے

نماز تراویح کی مساجد میں اجازت دی جائیگی یا نہیں؟ وزریر مذہبی امور نے بتا دیا

کرونا کا مریض فرار، میانوالی پہنچ کر ایسا کیا کام کیا کہ ڈاکٹر بھی پریشان ہو گئے
باغی ٹی وی کی رپورٹ کے مطابق ڈی ایچ کیو میانوالی کے ایم ایس نے ایک لیٹر جاری کیا ہے جس میں بتایا گیا ہے کہ لاہور سے کرونا کا ایک مریض بھاگ کر میانوالی آ گیا تھا اور اس نے یہاں کے ہسپتالوں کو کرونا کے بارے میں نہیں بتایا تھا جس کی وجہ سے ہسپتال کا عملہ اور کئی لوگوں کے متاثر ہونے کا خدشہ ہے

لیٹر میں کہا گیا ہے کہ رحمان ولد سمیر ایک پرائیویٹ سکول کا چوکیدا تھا، لاک ڈاؤن کے ابتدائی دنوں‌ میں اسکا بھتیجا اسکے پاس گیا تھا، محکمہ صحت کی ٹیم نے ٹیسٹ کئے تو رحمان اور اسکے دو بھتیجوں میں کرونا کا ٹیسٹ مثبت آیا جس پر انہیں لاہور کے میو ہسپتال میں داخل کروا دیا گیا

مریض نے میانوالی واپس جانے کا ارادہ کیا اور ٹرک ڈرائیور کے ہمراہ میانوالی پہنچ گیا، جب میانوالی پہنچا تو اسکو کال آئی کہ دوبارہ ٹیسٹ مثبت آیا، ٹراما سنٹر میں گیا ہے جہاں ڈاکٹر عام مریض کی طرح اس کا علاج کرتے رہے، ایک گھنٹے بعد اس نے بتایا کہ اس کو لاہور سے کرونا کے حوالہ سے کال آئی تھی

ٹراما میں آنے والے تمام مریض، لواحقین اور ڈاکٹرز کو مشتبہ مریض قرار دیا گیا ہے، محکمہ صحت کے حکام کی جانب سے کہا گیا ہے کہ ہسپتالوں میں اس حوالہ سے احتیاط کی جائے

دوسری جانب کرونا کے مریضوں کے فرار ہونے پر آئی جی پنجاب نے سخت ہدایت نامہ جاری کر دیا ہے، آئی جی پنجاب شعیب دستگیر نے اعلان کیا ہے کہ اگر قرنطینہ سینٹرز سے بغیر ٹیسٹ کوئی شخص فرار ہوا تو ڈی پی اور سی پی اوز کو فارغ کر دیا جائے گا۔ آئی جی پنجاب کی جانب سے جاری مراسلے میں کہا گیا ہے کہ سخت کارروائی کیلئے سفارشات سٹیبلشمنٹ ڈویژن کو بھجوائی جائیں گی۔ تمام افسران روزانہ کی بنیاد پر رپورٹ آر پی اوز اور آئی جی پنجاب کو بھجوائیں گے.

پنجاب میں دو بچوں نے کورونا وائرس کو شکست دے دی

باغی ٹی وی کی رپورٹ کے مطابق پنجاب میں دو بچوں نے کورونا وائرس کو شکست دے دی

چلڈرن اسپتال لاہور سے دو بچے کورونا وائرس سے صحت یاب ہونے پر ڈسچارج کر دیے گئے،چیرمین چلڈرن اسپتال پروفیسر مسود صادق
کا کہنا ہے کہ 15 ماہ کی بچی اور 10 سالہ لڑکا کورونا وائرس کا شکار ہوئے تھے، دونوں مریض کورونا وائرس کی علامات پر اسپتال آئے تھے،دونوں بچے چلڈرن اسپتال لاہور کے آئسولیشن وارڈ میں زیر علاج رہے،

لاہور دو بچوں نے کرونا وائرس کو شکست دے دی.پندرہ ماہ کی بچی اور دس سال کا لڑکا چلڈرن اسپتال کے آئسولیشن وارڈ سے صحتیاب ہونے کے بعد ڈسچارج. والدین خوشی سے نڈھال ہوگئے.
۱/۳#Corona #Covid_19 #COVID #CoronaVirusPakistan pic.twitter.com/3REg5YrKRp

— Baaghi TV باغی ٹی وی (@BaaghiTV) April 11, 2020

اسپتال سے ڈسچارج ہونے پر بچوں کے والدین خوشی سے نہال ہو گئے، والدین کا کہنا تھا کہ اسپتال انتظامیہ کے لیے بچوں میں کورونا نئی چیز تھی، بہت خیال رکھا گیا،

لاہور دو بچوں نے کرونا وائرس کو شکست دے دی.پندرہ ماہ کی بچی اور دس سال کا لڑکا چلڈرن اسپتال کے آئسولیشن وارڈ سے صحتیاب ہونے کے بعد ڈسچارج. والدین خوشی سے نڈھال ہوگئے.
۲/۳#Corona #Covid_19 #COVID #CoronaVirusPakistan pic.twitter.com/K02shMbMnh

— Baaghi TV باغی ٹی وی (@BaaghiTV) April 11, 2020

چیرمین چلڈرن اسپتال پروفیسر مسود صادق کا کہنا ہے کہ دونوں بچوں کو دس دن سے زائد آئسولیشن وارڈ میں زیر علاج رکھا گیا، دونوں بچوں کے دوبارہ کورونا ٹیسٹ کروائے جو نیگٹو آئے، نئی رپورٹ میں کورونا وائرس نہ ہونے پر بچے اسپتال سے گھر روانہ ہو گئے