Category: لاہور

فیصل آباد:ویلڈن ڈپٹی کمشنرفیصل آباد: عوام کوتازہ،حفظان صحت والی سبزیوں اورپھلوں کی فراہمی کے لیے ہنگامی دورے،اطلاعات کےمطابق ڈپٹی کمشنر محمد علی نے سبزی منڈی غلام محمد آباد کا دورہ کیا اور مختلف شیڈز میں جا کر بعض پھلوں وسبزیوں کی بولیوں کے عمل،اشیاء کی دستیابی اور ان کے معیار کاجائزہ لیا۔

ایس پی لائلپور ٹاؤن شہزادہ عمر بابر،اسسٹنٹ کمشنرز صدر وہیڈ کوارٹرز عمر مقبول،سید ایوب بخاری،ایکسٹرااسسٹنٹ ڈائریکٹر زراعت عبدالرحمن اور مارکیٹ کمیٹی کے افسران بھی موجود تھے۔ڈپٹی کمشنر نے پھلوں وسبزیوں کی دستیابی اور ان کی تھوک کے حساب سے فروخت کے لئے دی جانے والی نیلامیوں کا بغور جائزہ لیااور کہا کہ مختلف پھلوں وسبزیوں کی قیمتوں پرگہری نظر رکھی جائے۔

انہوں نے سبزی منڈی میں فروخت کیلئے آنے والی اشیاء کا ریکارڈ چیک کرتے ہوئے مارکیٹ کمیٹی کے افسران سے کہا کہ کسی شے کی قلت کی صورت میں سپلائی کے فوری اقدامات کریں تاکہ قیمتیں بڑھنے کا خدشہ نہ ہو۔انہوں نے کسان پلیٹ فارمز پر کاشتکاروں کے لئے دستیاب سہولیات کا بھی جائزہ لیا اور تمام تر انتظامات کو ہمہ وقت برقرار رکھنے کی تاکید کی۔

انہوں نے کہا کہ سبزی منڈیوں کے باقاعدگی سے دوروں کا سلسلہ جاری رہے گا تاکہ پھلوں وسبزیوں کی بولیوں کے عمل کی انسپکشنز کرکے قیمتوں کو اعتدال میں رکھا جاسکے۔ایس پی نے سبزی منڈی میں سیکورٹی امورکاتفصیلی جائزہ لیا اور متعلقہ پولیس افسران کو آڑھتیوں وخریداروں کے تحفظ کے لئے گشت بڑھانے کی تاکید کی۔انہوں نے کہا کہ نیلامیوں کے اوقات میں پولیس ڈیوٹی کو ہرصورت یقینی بنایا جائے۔

فیصل آباد:فیصل آباد کو خوبصورت ، امن کا گہوارہ شہراورشہریوں کے لیے تمام ترسہولیات کی فراہمی ممکن بنائیں گے،اطلاعات کےمطابق ڈویژنل کمشنر/ایڈمنسٹریٹر میٹروپولیٹن کارپوریشن عشرت علی نے کہا ہے کہ مونسپل سروسز کے معیار کو مزید بہتر بنانے کے لئے جامع اقدامات کئے جارہے ہیں تاکہ شہریوں کوشہری سہولیات سے متعلق بہتر سے بہتر ریلیف فراہم کیا جاسکے۔

انہوں نے یہ بات میٹروپولیٹن کارپوریشن میں ارکان اسمبلی کو میٹروپولیٹن کارپوریشن کی کارکردگی کے بارے میں آگاہ کرتے ہوئے کہی۔وفاقی پارلیمانی سیکرٹری برائے ریلویز میاں فرخ حبیب،ارکان اسمبلی فیض اللہ کموکا،لطیف نذر،شکیل شاہد اور دیگر ارکان اسمبلی کے نمائندے موجود تھے جبکہ چیف آفیسر میٹروپولیٹن کارپوریشن سردار نصیراحمد،چیف ٹریفک آفیسر سردار محمد آصف اورمیٹروپولیٹن کے دیگر افسران بھی موجود تھے۔

ڈویژنل کمشنر نے ارکان اسمبلی کا خیر مقدم کرتے ہوئے کہا کہ شہریوں کے انفرادی واجتماعی مسائل تیزی سے حل کرنے کے لئے موثر لائحہ عمل اختیار کیا گیاہے اور انہیں بنیادی سہولیات کی فراہمی کے لئے تمام تر دستیاب وسائل بروئے کار لائے جارہے ہیں۔انہوں نے کہا کہ ارکان اسمبلی کی مشاورت وتجاویز کی روشنی میں عوامی خدمت کا معیار مزید بلند کرنے کے لئے کوشاں ہیں۔

اس سلسلے میں ان کی معاونت ناگزیر ہے۔انہوں نے میٹروپولیٹن کارپوریشن کے انتظامی ودفتری امور سے آگاہ کرتے ہوئے کہا کہ افسران کی کارکردگی کی کڑی مانیٹرنگ کی جارہی ہے اور اہداف تفویض کرکے ان کے حصول کو بھی یقینی بنایا جارہا ہے۔

ڈویژنل کمشنر نے ارکان اسملی سے کہا کہ وہ علاقائی تعمیر وترقی کے منصوبے تجویز اور عوام کے مسائل حل کرنے کے سلسلے میں میٹروپولیٹن کارپوریشن کی معاونت کریں تاکہ مل جل کر شہری ترقی اورعوامی بہبود کے مشن کو آگے بڑھایا جاسکے۔ارکان اسمبلی نے بعض عوامی مسائل کی نشاندہی کرتے ہوئے میٹروپولیٹن کارپوریشن کی کارکردگی کاگراف مزید بلند کرنے کیلئے اپنے بھرپور تعاون کی یقین دہانی کرائی۔
۔۔۔///۔۔۔

پیچھے رہ جانے والے علاقوں کو ان کا حق دیا جائے گا. سردار عثمان بزدار

باغی ٹی وی :وزیراعلیٰ پنجاب سردار عثمان بزدار نے کہا ہے کہ ترقی کے سفر میں پیچھے رہ جانے والے علاقوں کوان کا حق دیں گے۔

اپنے ایک بیان میں ان کا کہنا تھا کہ ہماری حکومت ان علاقوں میں عوامی سہولتوں کو بہتر بنائے گی۔انہوں نے کہا کہ پنجاب میں ہر کام میرٹ پر ہورہا ہے، کسی کو اس کے خلاف کام کرنے دیا ہے اور نہ کرنے دوں گا۔

عثمان بزدار نے کہا کہ کچی آبادیوں کو مالکانہ حقوق دینے کے لئے پالیسی مرتب کی جارہی ہے تاہم عوام کو لوٹنے والے مافیا کو کسی صورت برداشت نہیں کیا جائے گا۔انہوں نے کہا کہ سرکاری اراضی پر قبضہ کرنے والے مافیا کو منظقی انجام تک پہنچایا جائے گا۔

ان کا کہنا تھا کہ قبضہ مافیا کے خلاف آپریشن کسی دباؤ کے بغیر جاری ر ہے گا۔عثمان بزدار کا مزید کہنا تھا کہ حکومت نے ہر ضلع کے متعلق عوامی مسائل حل کرنے کے لئے مربوط حکومت عملی بنائی ہے۔
واضح‌رہے کہ مودجودہ حکومت اس وقت اپنے زیادہ تر فنڈ پسماندہ علاقوں پر خرچ کر رہی ہے . وزیر اعظم عمران خان نے اس بات اپنا خاص خیال مرکوز کررکھا ہےکہ سابقہ حکومتوں کی طرح فنڈ صرف لاہور اور اس کے گرد ونواح تک محدوس نہیں کرن.ا

لاہور:پبلک نیوز کے مالکان سے کامیاب مذاکرت، تین ماہ کی تنخواہیں دینے کا اعلان ،اطلاعات کےمطابق آج الحمد اللہ ایمرا باڈی اور پبلک نیوز چینل کے ورکرز کا پبلک نیوز چینل کے مالک سے کامیاب مذاکرات ہوئے ہیں مذاکرات ٹیم میں صدر ایمرا محمد آصف بٹ ، میاں ادریس ، دانیال مصطفی ، زبیر وارثی ، کرار ہمایوں شامل تھے اور پبلک نیوز چینل کی جانب سے مالک عبدالجبار صاحب نے مذاکرات میں شرکت کی

باغی ٹی وی کےمطابق مذاکرات کروانے میں سینئر اینکر مبشر لقمان صاحب نے اہم کردار ادا کیا ہے۔ مذاکرات میں طے یہ پایا ہے کہ تین روز میں ایک تنخواہ کی ادائیگی کے ساتھ پندرہ روز میں مزید دو تنخواہوں کی ادائیگی کی جائے گی جس کا شیڈول تین روز میں جاری کردیا جائے گا اس موقع پر پبلک نیوز چینل کے مالک عبدالجبار صاحب اور صدر ایمرا آصف بٹ کے اصرار پر پبلک نیوز چینل کے نیوز روم میں آکر اپنے مذاکرات کے دوران ہونے والے وعدوں کا اعلان کیا

اس موقع پر صدر ایمرا آصف بٹ کا کہنا تھا کہ ہمارا مقصد ادارے بند کروانا نہیں ہے اور نہ ہی ہماری کسی مالک کے ساتھ کوئی ذاتی دشمنی ہے مالکان ہمارے ورکرز کی تنخواہیں اور بقایا جات کلئیر کریں ہم ان کے شانہ بشانہ اس میڈیا بحران میں ان کے ساتھ کھڑے ہونگے اور ہر سطح پر مالکان کی جنگ ورکرز لڑے گے ایمرا ورکرز اتحاد زندہ باد

لاہور ہائی کورٹ بار ایسوسی ایشن کے نومنتخب عہدیدارن کو بلاول بھٹو کی مبارکباد دی

باغی ٹی وی :پی پی پی چیئرمین بلاول بھٹو زرداری نے لاہور ہائی کورٹ بار ایسوسئیشن کے نومنتخب عہدیدارن کو مبارکباد دی ہے.

پی پی پی چیئرمین نے عاصمہ جہانگیر گروپ سے وابسطہ نومنتخب صدر طاہر نصراللہ وڑائچ کو کامیابی پر مبارکباد دی،بلاول بھٹو زرداری نے لاہور ہائی کورٹ بار ایسوسی ایشن کے دیگر نومنتخب عہدیدارن کو بھی ان کی کامیابی پر مبارکباد دی. بلاول بھٹو زرداری نے کہا کہ یقین ہے، نومنتخب عہدیداران انسانی حقوق کی پاسداری اور آئین و قانون کی بالادستی کے لیئے کردار ادا کریں گے:

وکلاء برادری تحریکِ آزادی پاکستان سے لے کر جدوجہد برائے بحالیِ جمہوریت تک، پیش پیش رہی ہے:ملک کے 22 کروڑ عوام کے حقوق کی حفاظت کی جدوجہد میں پیپلز پارٹی اور وکلاء برادری کا اتحاد قائم رہے گا: بلاول بھٹو زرداری

باغی ٹی وی کی رپورٹ کے مطابق پیپلزپارٹی کے چیئرمین بلاول زرداری کے دورہ پنجاب کا شیڈول جاری کر دیا گیا

بلاول زرداری 2 مارچ کو لاہور پریس کلب میں میٹ دی پریس میں شرکت کریں گے ،بلاول بھٹو 3 مارچ کو سیکرٹریز اطلاعات اور سوشل میڈیا ایکٹویسٹس سے ملیں گے۔ وہ پیپلزپارٹی سنٹرل پنجاب کےتمام ڈویژنل اور ضلعی سیکرٹری اطلاعات اورسوشل میڈیا ایکٹوسٹ سےمیٹینگ کرینگے۔ یہ ملاقات بلاول ہاؤس لاہور میں ہو گی، بلاول 5 مارچ کو لاہور میں خواتین کنونشن سے بھی خطاب کریں گے ۔

بلاول زرداری 11 مارچ سے ساہیوال ڈویژن کا دورہ شروع کریں گے ۔بلاول زرداری 11مارچ کو اوکاڑہ پہنچیں گے ۔وہ 12 مارچ کو پاکپتن جائیں گے۔ بلاول بھٹو 12 مارچ کی رات ساہیوال پہنچیں گے۔ اور 13مارچ کو ساہیوال شہر کا دورہ کریں گے۔

پیپلز پارٹی کے چیئرمین چئیرمین بلاول بھٹو تینوں ضظلاع میں ورکرز کنونشنز اور ڈسٹرکٹ بار سے بھی خطاب کریں گے۔ بلاول زرداری کے دورہ پنجاب کی تیاریاں و انتظامات مکمل کر لئے گئے ہیں. اس حوالہ سے باقاعدہ کمیٹیاں بنائی گئی ہیں.

شیخ رشید کا کراچی سے پشاور تک کراسنگ پوائنٹ ختم کرنے کا اعلان

باغی ٹی وی کی رپورٹ کے مطابق وفاقی وزیر ریلوے شیخ رشید احمد نے کہا کہ روہڑی حادثے پر افسوس ہے کراچی سے لے کر پشاور تک تمام ریلوے کراسنگ ختم ہو جائیں گے،پل بنائے جائیں گے جس سے کراسنگ پوائنٹ ختم ہو جائیں گے،ایم ایل ون کے حوالہ سے قوم 10 مئی تک خوشخبری سنے گی، ہم نے کل فیصل آباد میں افتتاح کیا، چشتیاں، وزیرآباد، کندیاں ، جیابگا میں نئی ٹرینیں چلا رہے ہیں ، پوری کوشش ہے کہ فریٹ سے ریونیو زیادہ ہو،ہم اپنے ٹارگٹ سے زیادہ وصول کر رہے ہیں ،پانچ سالوں میں ریلوے کا نقشہ ہی بدل جائے گا، سپریم کورٹ کے فیصلے کے مطابق کام کر رہے ہیں، وزیراعظم نے کل ریلوے پر بریفنگ کے لئے بلایا ہے ہم کل بریفنگ دیں گے، ریلوے کے حوالہ سے مضبوط پالیسی ہو گی، سپریم کورٹ کے فیصلے پر عمل کریں گے، کل وزیراعظم عمران خان سے بھی مشاورت ہو گی

شیخ رشید نے مزید کہا کہ ریلوے کا فیصلہ ہے کہ تین سال سے زیادہ بیٹھے ہوئے افسروں کا تبادلہ کریں گے، رائل پام کی جو سپریم کورٹ نے تاریخ دی اس پر کام ہو جائے گا،ریلوے کی کوچیں بہت پرانی ہو چکی ہیں، نئی ٹرینیں لا رہے ہیں پرانی کوچوں‌کو بھی استعمال میں رکھیں گے، ریلوے میں ہمہ گیر تبدیلی لائیں گے

امریکا طالبان معاہدہ پاکستان کی بہت بڑی کامیابی ہے، ٹرمپ نے بھارت میں بیٹھ کر پاکستان کی تعریف کی، ستر سالوں میں ایسا نہیں ہوا یہ بہت بڑی سفارتی کامیابی ہے، بھارت میں مسلمانوں کی زندگی تنگ کر دی گئی ہے، 40 شہادتیں ہو چکی ہیں، اقوام متحدہ، امریکہ کردار ادا کریں،

امریکا طالبان معاہدہ کس کی جیت ہے؟ گورنر پنجاب نے کیا دعویٰ کر دیا
باغی ٹی وی کی رپورٹ کے مطابق گورنر پنجاب چودھری سرور نے امریکا طالبان امن معاہدے کے حوالہ سے کہا ہے کہ طالبان امریکا معاہدہ عمران خان کے امن ویژن کی جیت ہے ،

گورنر پنجاب کا مزید کہنا تھا کہ خطے میں امن کیلئے افواج پاکستان کی قربانیاں دنیا میں ایک مثال ہے،افغانستا ن میں امن خطے کےلئے بہت فائدہ مند ہوگا ۔جنگوں سے مسائل حل نہیں ہوتے ان میں اضافہ ہوتاہے ،مودی نے خود اپنے پاﺅں پر کلہاڑی مارلی ہے ،

گورنر پنجاب نے مزید کہا کہ نئی دہلی فسادات پر اقوام متحدہ کیوں خاموش تماشائی بنی ہوئی ہے؟ بھارتی مسلمانوں کیلئے بھر پور آواز بلند کر نے پر ترک صدر رجب طیب ایردوان کا شکر یہ ادا کرتے ہیں.

واضح رہے افغانستان میں امن کی بحالی کے لیے امریکا اور افغان طالبان میں مذاکرات ایک سال سے جاری ہیں، فریقین کے درمیان معاہدے کی صورت میں افغانستان میں 18 سال سے جاری جنگ کے خاتمے کا امکان روشن ہو گیا ہے. معاہدے کے بعد جنگ ختم ہو جائے گی، امن معاہدے کے لئے پاکستان کا کردار بھی اہم رہا ہے.

امریکا اور افغان طالبان کے درمیان معاہدے پر دستخط آج قطر میں ہوں گے، وزیر خارجہ پاکستان شاہ محمود قریشی نے بھی گزشتہ روز کہا تھا کہ افغانستان امن مفاہمت کی جانب بڑھ رہا ہے۔ وزیر خارجہ نے مزید کہا کہ تقریب میں مختلف ممالک کے وزرائے خارجہ سمیت 50 ملکوں کے نمائندے شریک ہوں گے،پاکستان کو دعوت دی گئی کہ وہ اس سارے عمل کا حصہ بنے اور شرکت کرے،پاکستان کے لیے یہ بہت بڑا اعزاز ہے اور پاکستان کی کوششوں کا اعتراف ہے،امن معاہدہ اوردلی کی تشویش ناک صورتحال پر بات ہو رہی ہے

امریکا طالبان امن معاہدہ، امریکہ کی طرف سے کون کرے گا دستخط؟ ٹرمپ نے بتا دیا