Category: لاہور

لاہور: لاہور ہائی کورٹ بھی پاکستان میں "عورت مارچ” کی حمایت میں بول پڑی ،اطلاعات کےمطابق لاہور ہائی کورٹ نے آئندہ ماہ 8 مارچ کو ہونے والے ’عورت مارچ‘ کو رکوانے کے لیے دائر درخواست پر سماعت کرتے ہوئے ریمارکس دیے ہیں کہ عدالت ’اظہار رائے پر پابندی نہیں لگا سکتی‘۔

لاہور ہائی کورٹ میں رواں ماہ 24 فروری کو عورت مارچ کے خلاف جوڈیشل ایکٹیوزم کونسل کے چیئرمین اظہر صدیقی نے درخواست دائر کرتے ہوئے عدالت سے استدعا کی تھی کہ مارچ کو روکنے کا حکم دیا جائے،اظہر صدیقی کی جانب سے دائر درخواست میں کہا گیا تھا کہ ملک میں انتشار اور عریانیت پھیلانے کے لیے عورت مارچ کو ریاست مخالف تنظیمیں اور پارٹیاں فنڈز فراہم کر رہی ہیں۔

عدالت میں دائر کردہ درخواست میں عورت مارچ کو اسلام کے خلاف قرار دیتے ہوئے اسے خفیہ منصوبے سے بھی تشبیہ دی گئی تھی اور ساتھ ہی کہا گیا تھا کہ اس مارچ کا مقصد عریانیت پھیلانا ہے درخواست میں وکیل اظہر صدیقی نے لکھا تھا کہ گزشتہ سال ہونے والے عورت مارچ کے شرکا نے قابل اعتراض پیغامات والے پلے کارڈز اور بینرز اٹھا رکھے تھے۔

اظہر صدیقی کی درخواست پر لاہور ہائی کورٹ نے وفاقی تحقیقاتی ادارے اور پولیس کو 27 فروری کو طلب کرتے ہوئے وضاحت مانگی تھی۔آج ہونے والی سماعت میں ڈاریکٹر ایف آئی اے عبدالرب اور ڈی آئی جی آپریشنز لاہور عدالت میں پیش ہوئے جب کہ درخواست گزار اظہر صدیقی سمیت عورت مارچ کے حق میں نامور وکلا حنا جیلانی اور نگہت داد بھی پیش ہوئیں۔

اظہر صدیقی کی درخواست پر چیف جسٹس مامون الرشید کی سربراہی میں قائم بینج نے سماعت کی جس دوران عورت مارچ کے حق میں دلائل دینے والی وکیل حنا جیلانی نے عدالت کو بتایا کہ وہ عورت مارچ صرف خواتین کی اہمیت کو اجاگر کرنے کے لیے کرنا چاہتے ہیں۔

حنا جیلانی نے عدالت کو آگاہ کیا کہ اس بار عورت مارچ اتوار والے دن یعنی عام تعطیل کے دن پر منعقد ہوگا جس سے ملکی معیشت پر کوئی اثر نہیں پڑے گا۔انہوں نے عدالت میں دلائل دیتے ہوئے کہا کہ خواتین ایسے ہی منہ اٹھا کر تو مارچ نہیں کر رہیں۔

عورت مارچ کے خلاف درخواست دائر کرنے والے وکیل اظہر صدیقی نے اپنے دلائل میں کہا کہ ان کا مقصد عورت مارچ رکوانا نہیں ہے، اس ضمن میں پچھلے سال کے عورت مارچ کے پوسٹرز دیکھیں اور اندازا لگائیں کہ کیا ہوا تھا۔

اظہر صدیقی کے دلائل کے بعد حنا جیلانی نے عدالت سے سوال کیا کہ درخواست گزار کا عورت مارچ سے کیا تعلق ہے اور وہ کیوں اس کی تشہیر پر سوشل میڈیا میں پابندی چاہتے ہیں۔اسی دوران عدالت میں ایک اور وکیل کی جانب سے بات کیے جانے پر چیف جسٹس نے برہم ہوتے ہوئے کہا کہ اگر ایسے کریں گے تو وہ کیس نہیں سنیں گے۔

عدالت نے عورت مارچ کی سیکیورٹی کے حوالے سے پولیس سے استفسار کیا کہ انہوں نے عورت مارچ کی سیکیورٹی کے کیا انتطامات کیے ہیں؟جس پر حنا جیلانی نے عدالت کو بتایا تھا کہ گزشتہ سال بھی عورت مارچ پر امن ہوا تھا اور اس بار بھی پر امن ہوگا۔

جس پر چیف جسٹس نے کہا کہ عدالت صرف سرکاری اداروں کا موقف جاننا چاہتی ہے اور اسی لیے پولیس اور ایف آئی اے عورت مارچ کو سیکیورٹی فراہم کرنے کے حوالے سے عدالت میں رپورٹ جمع کرائیں۔ساتھ ہی چیف جسٹس نے اپنے ریمارکس میں کہا کہ سوشل میڈیا پر بھی غیر ذمہ دارانہ بیان نہیں ہونے چاہیے۔

خیال رہے کہ اس سال بھی خواتین کے حقوق سے متعلق کام کرنے والی مختلف تنظیموں نے لاہور کے علاوہ، اسلام آباد، راولپنڈی، ملتان، کراچی، حیدرآباد، سکھر، کوئٹہ اور پشاور سمیت ملک کے بڑے اور اہم شہروں میں 8 مارچ کو عالمی یوم خواتین کے موقع پر ’عورت مارچ‘ منعقد کرنے کا اعلان کر رکھا ہے۔

کورونا وائرس سے حفاظتی تدابیر کے لیے استعمال ہونے والا ماسک مہنگے داموں فروخت ، ر ہائی کورٹ میں درخواست دائر

باغی ٹی وی :کورونا وائرس سے حفاظتی تدابیر کے تحت استعمال کیے جانے والے ماسک کی ملک بھر میں مہنگے داموں فروخت کے خلاف لاہور ہائی کورٹ میں درخواست دائر کردی گئی۔

درخواست گزار کا کہنا ہے کہ ادویات اورماسک کی عام شہریوں کو فراہمی حکومتی ذمہ داری ہے، جبکہ اس کے برعکس ذخیرہ اندوزوں نے ماسک مارکیٹ سےغائب کر دیئے ہیں۔

اس سلسے میں مراد علی شاہ نے کہا کہ دواؤں اور ماسک کی ضرورت ہے، ہمیں پتا چلا ہے کہ ماسک مہنگے ہوگئے ہیں، پولیس اور رینجرز کو کہا ہےکہ جہاں بھی یہ چیزیں دستیاب ہیں سندھ حکومت ان کو اٹھائے گی، ڈیلرز کو مناسب قیمت دے کر ماسک خریدیں گے تاکہ کوئی مارکیٹ میں کوئی کمی نہ ہو، ماسک کی کمی کو پورا کرنے کے لیے ویئر ہاؤسز سے رابطہ کریں گے، ماسک کی اصل قیمت فروخت کو یقینی بنائیں گے اور جو ماسک مہنگا بیچ رہے ہیں ان کے خلاف کارروائی ہوگی۔
عدالت میں درخواست گزار نے مؤقف اپنایا کہ حکومت بنیادی حقوق کی فراہمی میں ناکام ہوچکی ہے۔درخواست گزار نے عدالت سے استدعا کی کہ ماسک مہنگے داموں فروخت کرنے والوں کے خلاف کارروائی کا حکم دیا جائے..

خیال رہے کہ کراچی کے ایک نوجوان میں کرونا وائرس کی تصدیق ہو گئی ہے۔ محکمہ صحت سندھ نے کہا ہے کہ 22 سالہ نوجوان یحییٰ جعفری ایران گیا تھا جہاں سے اس نے ہوائی جہاز کے ذریعے واپسی کی۔
محکمہ سندھ کا کہنا ہے کہ یحییٰ جعفری نامی یہ نوجوان کو نجی ہسپتال کے انتہائی نگہداشت وارڈ میں رکھا گیا ہے جہاں اسے طبی امداد فراہم کی جا رہی ہے۔
واضح‌رہے کہ حکمہ تعلیم بلوچستان نے کورونا وائرس کی وجہ سے صوبے کے تمام تعلیمی ادارے 15 مارچ تک بند کرنے کا اعلان کردیا ہے۔ بلوچستان حکومت نے میٹرک کے امتحانات بھی 15 مارچ تک ملتوی کردیے ہیں۔ اس ضمن میں باقاعدہ نوٹی فکیشن جاری کردیا گیا ہے۔وزیراعلیٰ بلوچستان جام کمال اور وزیراعظم کے معاون خصوصی برائے صحت ڈاکٹر ظفر مرزا نے ذرائع ابلاغ سے ہنگامی بنیادوں پر خصوصی بات چیت کرتے ہوئے کہا کہ ضرورت اس امر کی ہے کہ جو لوگ حالیہ دنوں میں چین اور ایران سے آئے ہیں وہ اپنا طبی معائنہ کرائیں

کورونا وائرس کےخطرے کے پیش نظر پنجاب حکومت نے تمام ممکنہ اقدامات کیے ہیں، وزیر اعلیٰ پنجاب

باغی ٹی وی : وزیر اعلی پنجاب سردار عثمان بزدار نے ٹویٹ کرتے ہوئے کہا ہے کہ کورونا وائرس کےخطرے کے پیش نظر پنجاب حکومت نے تمام ممکنہ اقدامات کیے ہیں، ڈاکٹرز اور نرسز کی ٹریننگ، پنجاب میں ٹیسٹ، سکریننگ کی سہولت موجود ہے، اقدامات میں بڑے ہسپتالوں میں اسپیشل وارڈز کا قیام، اور متعلقہ SOPs طےکرنا شامل ہیں، کسی مشتبہ مریض کےبارے میں فوری قریبی ہسپتال سےرجوع کریں،

کورونا وائرس کےخطرے کےپیش نظر پنجاب حکومت نے تمام ممکنہ اقدامات کیے ہیں جن میں ڈاکٹرز اور نرسز کی ٹریننگ، پنجاب میں ٹیسٹ/سکریننگ کی سہولت، بڑےہسپتالوں میں isolation/quarantine وارڈز کا قیام، اور متعلقہ SOPs طےکرنا شامل ہیں.
کسی مشتبہ مریض کےبارے میں فوری قریبی ہسپتال سےرجوع کریں. pic.twitter.com/z3Qvi2ndw1

— Usman Buzdar (@UsmanAKBuzdar) February 26, 2020

واضح‌ رہے کہ کراچی کے ایک نوجوان میں کرونا وائرس کی تصدیق ہو گئی ہے۔ محکمہ صحت سندھ نے کہا ہے کہ 22 سالہ نوجوان یحییٰ جعفری ایران گیا تھا جہاں سے اس نے ہوائی جہاز کے ذریعے واپسی کی۔
محکمہ سندھ کا کہنا ہے کہ یحییٰ جعفری نامی یہ نوجوان کو نجی ہسپتال کے انتہائی نگہداشت وارڈ میں رکھا گیا ہے جہاں اسے طبی امداد فراہم کی جا رہی ہے۔
واضح‌رہے کہ حکمہ تعلیم بلوچستان نے کورونا وائرس کی وجہ سے صوبے کے تمام تعلیمی ادارے 15 مارچ تک بند کرنے کا اعلان کردیا ہے۔ بلوچستان حکومت نے میٹرک کے امتحانات بھی 15 مارچ تک ملتوی کردیے ہیں۔ اس ضمن میں باقاعدہ نوٹی فکیشن جاری کردیا گیا ہے۔وزیراعلیٰ بلوچستان جام کمال اور وزیراعظم کے معاون خصوصی برائے صحت ڈاکٹر ظفر مرزا نے ذرائع ابلاغ سے ہنگامی بنیادوں پر خصوصی بات چیت کرتے ہوئے کہا کہ ضرورت اس امر کی ہے کہ جو لوگ حالیہ دنوں میں چین اور ایران سے آئے ہیں وہ اپنا طبی معائنہ کرائیں۔

ایڈوکیٹ جنرل پنجاب احمد جمال سکھیرا کا اپنے عہدے سے استعفیٰ‌، آخر وجہ کیا بنی

باغی ٹی وی :ایڈوکیٹ جنرل پنجاب احمد جمال سکھیرا نے اپنے عہدے سے استعفیٰ دیدیا، یہ استعفیٰ انہوں نے گورنر پنجاب چوہدری سرور کوبھجوادیاہے ۔

مقامی میڈیاکے مطابق ایڈووکیٹ جنرل پنجاب احمد جمال سکھیرا نے استعفیٰ دیتے ہوئے مؤقف اختیار کیا ہے کہ ذاتی وجوہات کی بنا پراستعفی دے رہا ہوں، استعفیٰ گورنر پنجاب کو بھجوا دیا ہے۔احمد جمال سکھیرا کے استعفے کے متن کے مطابق جمال سکھیرا کا کہنا ہے کہ میں ایمانداری اور اپنے ضمیر کے مطابق کام کرتا رہا ہوں، میں نے بطور ایڈووکیٹ جنرل پنجاب اعلیٰ عدلیہ کی بھر پور معاونت کی ہے ۔

سابق ایڈووکیٹ جنرل پنجاب احمدجمال کا کہنا ہے کہ پنجاب حکومت کے قانونی مفادات کاتحفظ کیا، اپنی معیاد عہدہ کے دوران جو اچھے کام کیے وہ اللّٰہ پاک کی مدد اور رحمت کی و جہ سے ہے۔

واضح‌رہے کہ اپریل2019ءکو جس وقت سردار احمد جمال سکھیرا نے ایڈووکیٹ جنرل پنجاب کا عہدہ سنبھالا وہ اسلام آباد ہائی کورٹ اور لاہور ہائی کورٹ میں زیرسماعت متعدد مقدمات میں وکیل تھے،قانونی اور آئینی طور پر ایڈووکیٹ جنرل پنجاب پرائیویٹ پریکٹس نہیں کرسکتے،انہوں نے نجی مقدمات چھوڑنے کی بجائے ان میں جنرل ایڈجرنمنٹ کی درخواست دے کر انہیں التواءمیں ڈال رکھاہے،جن میں پاکستان ٹوبیکو کمپنی،اٹک ریفائنری لمیٹڈ،پاکستان آئل فیلڈزلمیٹڈ، اٹک پٹرولیم، کسٹم اور ایف بی آر کے علاوہ ایک بڑی کھاد کمپنی اور ان کا ذاتی کیس سرداراحمد جمال سکھیرا بنام گورنمنٹ آف پاکستان بھی شامل تھا.رداراحمد جمال سکھیرا نے جنرل ایڈجرنمنٹ کے لئے لاہور ہائی کورٹ اور اسلام آباد ہائی کورٹ کو جو درخواستیں دیں ان میں خود تسلیم کیا ہے کہ وہ آئین کے آرٹیکل140(3) کے تحت پرائیویٹ مقدمات میں پیش نہیں ہوسکتے اس لئے ان کے مقدمات کی سماعت ملتوی کی جائے،اس حوالے سے لاہورہائی کورٹ کے متعلقہ ایڈیشنل رجسٹرار (جوڈیشل)سید شبیر حسین شاہ نے ان کی جنرل ایڈجرنمنٹ کی درخواست پریہ نوٹ بھی دے رکھاہے کہ ایڈووکیٹ جنرل کی عمومی التواءکی درخواست کے حوالے سے رولز خاموش ہیں تاہم ایڈووکیٹ جنرل نے اس سلسلے میں اسلام آباد ہائی کورٹ کی طرف سے ان کی جنرل ایڈجرنمنٹ منظور کئے جانے کے اقدام کو بطور نظیر پیش کیاہے۔

باغی ٹی وی کی رپورٹ کے مطابق لاہور کے پارک میں شیر نوجوان کو کھا گئے، 17 سالہ نوجوان ہلاک ہو گیا

واقعہ لاہور کے سفاری پارک میں پیش آیا جہاں شیروں نے 17 سالہ نوجوان بلال پر حملہ کر کے اسے کھا لیا، یہ انکشاف اسوقت سامنے آیا جب ایک نوجوان تین دن سے لاپتہ تھا اور اس کی تلاش جاری تھی، اس نوجوان کے کپڑے اور باقیات سفاری پارک سے ملیں.

اطلاع پر پولیس موقع پر پہنچ گئی،، نوجوان کے لواحقین نے بھی احتجاج کیا اور سفاری پارک کے دفتر کے شیشے توڑ دیئے، لواحقین کا کہنا تھا کہ نوجوان سفاری پارک میں گھاس کاٹنے آیا تھا، انتظامیہ واقعہ سے لاعمی کا اظہار کر رہی ہے، نوجوان کی باقیات پارک سے برآمد کر لی گئی ہیں. پولیس کی تفتیشی ٹیمیں موقع پر پہنچ گئی ہیں، جائے وقوعہ سے شواہد اکھٹے کرنے کا عمل جاری ہے۔

15 ایکڑ کے رقبے پر مشتمل پارک ہے اور اس میں 39 شیر ہیں جن کو مختلف اوقات میں چھوڑا جاتا ہے، انتظامیہ کا کہنا ہے کہ سیر کے لئے آنے والوں کو گاڑی کے ذریعے گھمایا جاتا ہے، ان کو الگ جانے کی اجازت نہیں دی جاتی.

نوجوان کے لواحقین احتجاج کر رہے ہیں، دوسری جانب پولیس واقعہ کی تحقیقات کر رہی ہے، بتایا جا رہا ہے کہ پارک میں شیروں‌ کو کھلا رکھا گیا ہے اور وہاں کسی کو اکیلا جانے کی اجازت نہیں دی جاتی، یہ نوجوان کیسے اکیلا پہنچا اس حوالہ سے بھی تحقیقات ہوں گی،

رانا ثناء اللہ کی ایک بار پھر گرفتاری کا امکان
باغی ٹی وی کی رپورٹ کے مطابق مسلم لیگ ن کے رہنما، رکن قومی اسمبلی رانا ثناء اللہ کی گرفتاری کے ایک بارپھر امکانات ظاہر ہو گئے، نیب نے رانا ثناء اللہ کو طلب کر لیا، نیب کے مطابق رانا ثناء اللہ تحقیقات میں تعاون نہیں کر رہے

نیب نے ن لیگ کے رہنماؤں رانا ثناء اللہ کو 6 مارچ اور جاوید لطیف کو 13 مارچ کو طلب کیا ہے، دونوں رہنماؤں کو نیب لاہور میں پیشی کے نوٹس موصول ہو گئے ہیں.

نیب تفتیشی ٹیم نے ن لیگ کے رہنما رانا ثناء اللہ کو عدم تعاون اور سوالوں کے نامکمل جوا ب دینے پر دوبارہ طلب کیا ہے، لیگی رہنما رانا ثناء اللہ نیب ترمیمی آرڈیننس کی آڑ میں تفتیشی ٹیم سے مکمل تعاون نہیں کر رہے،رانا ثناء اللہ نیب ٹیم کے سامنے بضد ہیں کہ ان کی پراپرٹی کا تخیمہ خریداری کے وقت کے ڈی سی ریٹ کے مطابق لگایا جائے۔

نیب لاہور نے رانا ثناء اللہ کے دیگر بیانات کی روشنی میں ان کے داماد اور دیگر اہل خانہ کو بھی شامل تفتیش کرنے کا فیصلہ کیا ہے، ریکارڈ فراہم نہ کرنے پر نیب کی ٹیم کو کیس کی کارروائی آگے بڑھانے میں مشکلات کا سامنا ہے۔ راناثناء اللہ کو جب بھی نیب میں طلب کیا گیا ہے وہ مختلف جواز پیش کر کے سوالوں کے جوابات نہیں دیتے۔

ذرائع کے مطابق اگر یہی صورتحال رہی اور رانا ثناء اللہ نے تحقیقات میں تعاون نہ کیا تو انہیں گرفتار کر لیا جائے گا

واضح رہے کہ منشیات کیس میں رانا ثناء اللہ کو لاہور ہائیکورٹ نے رہا کیا تھا،سپریم کورٹ میں راناثنااللہ کی ضمانت منسوخی کی درخواست دائرکر دی گئی،راناثنااللہ کی ضمانت منسوخی کی درخواست نےاے این ایف نےدائر کی،ضمانت منسوخی کی درخواست 17 صفحات پر مشتمل ہے ،

رانا ثناء اللہ کی ضمانت منظور، رانا کی اہلیہ اور ن لیگی رہنماؤں نے بڑے سوالات اٹھا دیئے

رانا ثناء اللہ ایک بار پھرمشکل میں پھنس گئے، حکومت نے اب کیا کیا؟ جان کر ہوں حیران

رانا ثناء اللہ نے سینئر صحافی و اینکر پرسن مبشر لقمان کوجیل سے لکھا خط، کیا کہا؟

رانا ثناء اللہ کی ضمانت، شہر یار آفریدی میدان میں آ گئے، بڑا اعلان کر دیا

واضح رہے کہ منشیات کیس میں رانا ثناء اللہ چھ ماہ کے بعد رہا ہوئے تھے ،منشیات کیس میں رہائی پانے والے رکن قومی اسمبلی ،مسلم لیگ ن پنجاب کے صدر رانا ثنا اللہ نے کہا ہے کہ اس مقدمے کا کوئی سر اور پاؤں نہیں ہے۔ جن حالات میں مجھے جیل میں رکھا گیا، اس کا ذکر نہیں کروں گا۔ میری چھ ماہ بعد ضمانت ہوئی لیکن پورا انصاف نہیں ہوا۔ جن لوگوں نے جھوٹا مقدمہ درج کرایا اللہ کا قہر اور غضب ان پہ نازل ہو ، اگر میں جھوٹا ہوں تو مجھ پہ اللہ کا قہر اور غضب نازل ہو

رانا ثناء اللہ رہائی کے بعد متحرک ہیں اور مولانا فضل الرحمان کو منانے کی کوشش کر رہے ہیں.

بارشوں کا نیا سلسلہ، پی ڈی ایم اے نے الرٹ جاری کر دیا،اضلاع کو لکھا مراسلہ

باغی ٹی وی کی رپورٹ کے مطابق پی ڈی ایم اے نے الرٹ جاری کیا ہے کہ پاکستان میں کل جمعرات سے ہفتے تک طوفانی بارشوں کا امکان ہے ،

پی ڈی ایم اے کے الرٹ میں کہا گیا کہ طوفانی ہوا اورموسلا دھار بارشوں کانظام کل پنجاب میں داخل ہوگا، جس سے لاہور اور راولپنڈی ،چکوال، اٹک، خوشاب، جہلم،فیصل آباد، ٹوبہ، جھنگ، سہایوال سمیت پنجاب کے بیشترشہروں میں شدید بارش اور ژالہ باری متوقع ہے جبکہ ڈی جی خان، ملتان، بہالپور اور جنوبی پنجاب کے شہروں میں گرد کے طوفان اور بارش کا امکان ہے۔

پی ڈی ایم اے نے ڈپٹی کمشنرز کو مراسلے میں کہا ہے کہ پنجاب کی تمام ضلعی انتظامیہ حفاظتی اقدامات کریں۔

پاکستان کے مختلف علاقوں میں بارش، ژالہ باری تیز آندھی اور شدید گرج چمک کے طوفانوں کی آمد کا امکان ہے،

ایک طاقتور مغربی سسٹم پاکستان میں جمعرات کو داخل ہوگا جسکے زیر اثر خیبرپختون خواہ ، بلوچستان، پنجاب، کشمیر اور گلگت بلتستسان میں بارش ،برفباری متوقع ہے،

خیبر پختون خواہ میں جمعرات کی شام/رات سے پشاور ،چارسدہ ، مردان ،کوہاٹ ، ڈیرہ اسماعیل خان، بنوں، چترال ، سوات ، کالام ،دیر ، کوہستان، مانسہرہ ، ایبٹ آباد اور بالاکوٹ ، کاغان ، ناران ، شوگران میں گرج چمک، تیز آندھی کے ساتھ بارش ژالہ باری اور بلند پہاڑوں پر برفباری کا امکان ہے.

صوبہ پنجاب میں ملکہ کوہسار مری ، راولپنڈی، اٹک اور دارلحکومت اسلام آباد سمیت خطہ پوٹوھار میں شدید موسمی حالات متوقع ہیں، اسکے علاوہ جہلم ، چکوال، تلہ گنگ ،میانوالی، کلر کہار ،سرگودھا، خوشاب ، فیصل آباد، جھنگ ، ٹوبہ ٹیک سنگھ، شورکوٹ ، اٹھارہ ہزاری، پیر محل ، ساہیوال، اوکاڑہ ، پتوکی ، لاہور ، شیخوپورہ، گوجرانوالہ، گجرات ،حافظ آباد سیالکوٹ ، منڈی بہاؤالدین، ملک وال ، کھاریاں اور وزیرآباد میں جمعہ اور ہفتہ کے روز تیز ہواؤں کے ساتھ بارش اور کچھ مقامات پر ژالہ باری بھی ہو سکتی ہے ۔

اس دوران جنوبی پنجاب میں ڈیرہ غازی خان،لیہ ، بھکر ،تونسہ شریف، جام پور ، راجن پور ،علی پور ، بہاولپور، ملتان اور بہاولنگر میں گرد آلود جھکڑ( مٹی کے طوفان ) گرج چمک کے ساتھ چند مقامات پر بارش اور ژالہ باری ہو سکتی ہے ،کشمیر اور گلگت بلتستان میں وسیع پیمانے پر بارش اور بلند پہاڑوں پر برفباری کا سلسلہ جمعرات کی شام سے شروع ہوگا اور وقفے وقفے سے اتوار کی صبح تک جاری رہے گا

نوٹ ملکہ کوہسار مری اور گلیات میں 28 اور 29 فروری کو گرج چمک کے ساتھ پہلے بارش اور پھر برفباری کے 75 ٪ فیصد امکانات موجود ہیں ۔

دوران طوفان تیز آندھی اور آسمانی بجلی گرنے کے واقعات پیش آ سکتے ہیں تمام فالوورز سے احتیاطی تدابیر اختیار کرنے کی درخواست ہے کہ وہ غیر ضروری طور کھلے آسمان کے نیچے ٹھہرنے یا درختوں، دیوار ، سائن بورڈز کے نیچے پناہ لینے سے گریز کریں ۔

کیا یہ شکل سے ایس پی لگتا ہے؟ عدالت میں بھی سو رہا ہے، عدالت نے آئی جی کو طلب کر لیا
باغی ٹی وی کی رپورٹ کے مطابق لاہور ہائیکورٹ میں‌ گیس چوری کے مقدمہ میں ملوث ملزم کی عبوری ضمانت کی درخواست پر سماعت ہوئی،عدالت نے درست معاونت نہ کرنے پر ایس پی، ڈی آئی جی کی سخت سرزنش کی اور عدالت نے کل آئی جی پنجاب کو زاتی حثیت میں پیش ہونے کا حکم دے دیا

جسٹس سید مظاہر علی اکبر نقوی نے ملزم شفیق رامے کی درخواست ضمانت پر سماعت کی ، درخواست گزار نے کہا کہ پولیس نے سیاسی انتقام کا نشانہ بناتے ہوئے گیس چوری کا جھوٹا مقدمہ درج کیا، محکمہ سوئی گیس نے 27 لاکھ روپے کی گیس چوری کا الزام لگایا ہے، مقدمہ میں شامل تفتیش ہونا چاہتا ہو عبوری ضمانت منظور کی جائے،

عدالت نے ڈی آئی جی سے استفسار کیا کہ آپ نے اپنے ایس پی سے پوچھا کیوں بلوایا گیا، ایس پی صدر گوجرانوالہ نے کہا کہ مجھے معاف کردیا جائے، جسٹس مطاہر علی اکبر نقوی نے کہا کہ معرزت مجھ سے نہیں عوام سے مانگیں، کیوں ناں ابھی آئی جی کو بلا لیا جائے، کیا یہ چہرے سے یہ ایس پی لگتا ہے، یہ ابھی بھی آدھا سویا ہوا ہے، کیا یہ اس قابل ہے کہ یہ کچھ کر سکتا ہے ایک لفظ کا نہیں پتہ کہ کس لیے بلایا ہے کہتا ہے کہ مجھے بلایا اور میں آگیا،

عدالت نے کہا کہ پائپ کی کتنی لینتھ ہے۔کس نے پائپ لائن بچھائی ہوئی ہے، جس پر سوئی گیس اہلکار نے کہا کہ 2014 میں اطلاع ملی کہ سوئی گیس کے پائپ غیرقانونی طور پر بچھایا گیا یے، سوئی گیس کے ریکارڈ میں ٹیمپر کر کہ تین گلیوں کو گیس فراہم کی جا رہی تھی، موقعہ پر گیے تو پتہ چلا کہ شدید سوئی گیس لیک ہو رہی تھی،

عدالت نے کا کہ بتائیں کتنی گیس چوری ہوئے، جس پر سرکاری وکیل نے کہا کہ 27 لاکھ گیس چوری کا تخمینہ لگایا گیا ہے،وکیل ملزمان نے کہا کہ میں نے کسی کو کوئی کنکشن نہیں دیا، کہیں ملوث نہیں پایا گیا، میں نے وہ جگہ 2013 میں فروخت کر دی۔میرے فیملی کے ڈاکٹرز کو بھی ملوث کر دیا گیا،

سی پی گجرانوالہ نے بتایا کہ ملزمان قصور وار ہیں ، تفتیشی افسر نے کہا کہ ریونیو ریکارڈ کے مطابق ملزمان جگہ کے مالک ہیں عدالت نے کہا کہ بتائیں ایس پی صاحب آپ نے پھر 4 افراد کو بے گناہ کیسے قرار دیا، ایس پی نے جواب دیا کہ یہ میری پوسٹنگ سے پہلے کا کیس ہے، عدالت نے کہا کہ یہ بتائین پائپ کب نکالا، تفتیشی عدالت کو نہں بتا سکے۔ جس پر عدالت نے برہمی کا اظہار کرتے ہوئے کہا کہ یہ تفتیش کا لیول ہے، عدالت نے کہا کہ صبح سب کے بارے میں لکھ کر رپورٹ لے کر آئیں گے،

عدالت نے آئی جی پنجاب کو کل پیش ہونے کا حکم دے دیا