وزیراعلیٰ پنجاب اچانک کس شہر پہنچ گئے؟ انتظامیہ کی دوڑیں لگ گئیں

باغی ٹی وی کی رپورٹ کے مطابق وزیراعلیٰ پنجاب عثمان بزدار میاں چنوں پہنچ گئے، وزیراعلیٰ نے رابطہ سڑک منصوبے کا سنگ بنیاد رکھ دیا سڑک کی لمبائی 9کلومیٹر،لاگت 11کروڑروپے آئے گی،وزیراعلیٰ پنجاب کا کہنا ہے کہ معیشت کی مضبوطی کیلئے”نیا پاکستان منزلیں آسان”پروگرام شروع کیا، پروگرام دیہی معیشت کیلئے گیم چینجرثابت ہوگا،

اسوہ حسنہ پر عمل پیرا ہوکرپاکستان کو امن کا گہوارہ بنایا جاسکتا ہے، وزیراعلیٰ پنجاب

وزیراعلیٰ پنجاب کا کا کاٹیج انڈسٹریز کے فروغ کیلئے بڑا فیصلہ

وزیراعلیٰ پنجاب کا کہنا تھا کہ کارکنوں کی عزت ہماری عزت ہے، کارکنوں کے جائز مسائل حل کیے جائیں گے۔ عوام کی خدمت کیلئے آئے ہیں، تبدیلی کی راہ میں کوئی رکاوٹ برداشت نہیں کی جائے گی.پنجاب کے ہر شہر میں جا کر زمینی حقائق کا خود جائزہ لوں گا پنجاب میں بہترین انتظامی ٹیم کام کررہی ہے پارٹی عہدیداروں اورکارکنوں کی عزت ہماری عزت ہے پارٹی عہدیداروں اورکارکنوں کے جائز مسائل حل کیے جائیں گےعوام کی خدمت کیلئے آئے ہیں اورخدمت کرتے رہیں گے

وزیراعلیٰ پنجاب آج وہاڑی کا بھی دورہ کریں گے اور 17 ارب روپے کے منصوبوں کا افتتاح کریں گے

جماعت اسلامی اب کیا سرپرائز دے گی، سراج الحق نے کیا بڑا اعلان

باغی ٹی وی کی رپورٹ کے مطابق امیر جماعت اسلامی پاکستان سینیٹر سراج الحق نے منصورہ میں جاری مرکزی مجلس شوریٰ کے تین روزہ اجلاس کے افتتاحی اجلاس اور جامع مسجد منصورہ میں جمعہ کے بڑے اجتماع سے خطاب کرتے ہوئے کہا ہے کہ اسلام آباد میں سخت سردی اوردھند سے عوام ،حکومت اور ادارے سب پریشان ہیں۔ گیس کی کمی نے چولہے اور حکومت کی کارکردگی نے یوتھ کا جوش ٹھنڈا کردیا ہے ۔جماعت اسلامی بلدیاتی انتخابات میں سرپرائز دے گی۔ قومی اسمبلی کا دس منٹ کااجلاس قوم کے ساتھ مذاق ہے۔ پہلے فیصلے کابینہ میں ہوتے تھے اور اب وزیراعظم صرف مشیروں اور ترجمانوں سے مشاورت کرتے ہیں۔

سراج الحق نے مزید کہا کہ سینیٹ کا اجلاس کئی ماہ سے نہیں بلایا گیا۔احتساب اور کرپشن ختم کرنے کا نعرہ اب مذاق بن گیا ہے ۔ممبران کی سرگرمیوں کو مانیٹر کیا جاتا ہے تاکہ وہ کسی اور کی منڈیرپر نہ جابیٹھیں ۔حکومت کی ہر محاذ پر ناکامی ثابت ہوچکی ہے ۔وزیراعظم بار بار کہتے ہیں کہ ترقی یافتہ ممالک میں کرپشن ناقابل قبول ہے ،وہ یہ بتائیں کہ ترقی یافتہ ممالک میں کرپٹ لوگوں کو کوئی پارٹی میں قبول کرکے عہدیدار بناتا ہے۔انڈیا کشمیر میں اپنے سامراجی عزائم کو آگے بڑھا رہا ہے ۔

سراج الحق کا مزید کہنا تھا کہ بھارت مقبوضہ کشمیر میں بھی بہار اور آسام کی طرح ایسے کیمپ بنارہا ہے جن میں رہنے والے مسلمان نہ بھارت کے شہری ہونگے اور نہ پاکستان آسکیں گے۔ حکومت نے بڑے بڑے دعوے کرکے اور لوگوں کو سبز باغ دکھا کر سخت مایوس کیا ہے ۔ہر محفل اور مجلس میں لوگ حکومت کی ناکامیوں کا رونا رورہے ہوتے ہیں۔ پی ٹی آئی کو ووٹ اورسپورٹ دینے والے اپنے ہاتھ مل رہے ہیں ۔ لوگ کہتے ہیں کہ ہمیں وہی پرانا پاکستان واپس کردیں۔آزادی کے بعد پاکستان انگریز کے وفاداروں کے ہتھے چڑھ گیا جنہوں نے ملک کو جی بھر کر لوٹا ،اپنی جاگیریں بنائیں ،کارخانے لگائے اور پھر مزدوروں اور کسانوں کا استحصال کیا۔

قائداعظم کے پاکستان کی تکمیل کون کرے گا؟ وزیراعظم آزاد کشمیربول پڑے

بانی پاکستان کے یوم پیدائش پر وزیراعلیٰ خیبرپختونخواہ نے دیا کشمیریوں کو اہم پیغام

پاکستان کو اسلامی فلاحی ریاست بنانے کا خواب کب پورا ہو گا؟ وزیراعلیٰ پنجاب نے کیا بڑا دعویٰ

بانی پاکستان کے یوم پیدائش پر وزیراعلیٰ سندھ نے دیا اہم پیغام

ہم ملک کو مستحکم، خوشحال اور ترقی یافتہ بنا سکتے ہیں؟ گورنر سندھ نے بتا دیا

قائداعظم کی کشمیر بارے کیا خواہش تھی؟ صدر آزاد کشمیر نے ایکبار پھر اظہار کر دیا

کشمیر کے حوالے سے حکومت کے کردار پر سراج الحق نے اٹھائے سوالات

سراج الحق نے مزید کہا کہ وسائل کی غیر منصفانہ تقسیم نے غریب کو غریب تراور امیرکو امیر تر بنا دیا ہے ۔ایک پاکستان کے دعویداروں نے پاکستان کے ہر شہر کو امیراور غریب کے تعلیمی اداروں ہسپتالوں میں تقسیم کردیا ہے ۔

ق لیگ نے اپنے دور حکومت میں عوام کے لئے کیا فری کیا تھا؟ پرویز الہیٰ کو آئی آج بھی یاد

باغی ٹی وی کی رپورٹ کے مطابق سپیکر پنجاب اسمبلی چودھری پرویز الہیٰ نے کہا ہے کہ ق لیگ حکومت نے سرکاری اسکولوں میں تعلیم فری کی،مشکلات میں گھرے افراد کیلئے 1122سروس شروع کی،ایسے منصوبے شروع کرناچاہتے تھے جس سے عوام کو فائدہ ہو،ہم بیماریوں سے متعلق سروے کراتے تھے ق لیگ حکومت نے وزیرآباد میں دل کا اسپتال بنایا ،10 سالہ سروے سے پتہ چلا کہ دل کے مریضوں کی تعداد زیادہ ہے،شہبازشریف نے اسپتال چلنے نہیں دیا، اب اس پر کام جاری ہے.

چودھری پرویز الہیٰ نے مزید کہا کہ یونیورسٹی آف گجرات میں بچے،بچیاں تعلیم حاصل کررہے ہیں،مخالفین نے ہمارے خلاف مقدمات درج کرائے ہم ایسا نہیں کریں گے،مسلم لیگ ق تحریک انصاف حکومت کیساتھ ڈٹ کرکھڑی ہے، حکومت5 سال پورے کرے گی

آزادی مارچ مذاکرات میں وزیراعظم کے استعفیٰ پر بات ہوئی تھی یا نہیں؟ پرویز الہیٰ کا اہم انکشاف

”کشمیر بنے گا پاکستان” کا نعرہ جلد حقیقت بننے والا ہے۔ چودھری پرویز الہیٰ کا یوم دفاع پر پیغام

سپیکر پنجاب اسمبلی چودھری پرویزالٰہی کا ملتان کے صحا فیوں کے لیے ایک اور بڑا قدم

نیب لاہور کی 2019 کی کارکردگی پر رپورٹ جاری، ایک برس میں کیا کچھ کیا؟ اہم خبر

باغی ٹی وی کی رپورٹ کے مطابق نیب لاہورنے سال 2019 کی کارکردگی رپورٹ جاری کردی، نیب لاہور کی جانب سے جاری رپورٹ میں کہا گیا ہے کہ سال 2019میں کرپشن و بدعنوانی میں ملوث138 ملزمان گرفتار کئے،ایک سال کے دوران مجموعی طور پر 29 ارب 93 کروڑ روپےکی ریکوری کی،رواں سال 100نئی انکوائریزاور36نئی انوسٹی گیشنز شروع کی گئیں،2019میں مجموعی طور پر 55 ریفرنسز احتساب عدالتوں میں دائرہوئے،

رپورٹ میں مزید کہا گیا کہ نیب لاہور نے رواں سال تحقیقات مکمل کرکے25کرپشن کے ریفرنسز دائر کیے،پلی بارگین کے 30 ریفرنس احتساب عدالتوں میں داخل کئے گئے،رواں سال 3 ارب روپے کیش کی صورت میں متاثرین کو واپس لوٹائے ،27 ارب روپےسے زائد مالیت کے مکانات و پلاٹ بھی واپس لوٹائے گئے

رانا مشہور نیب پیشی کے بعد روانہ، نیب نے سوالنامہ اور اگلی تاریخ دیدی

مسلم لیگ ن کے اہم رہنما امریکہ جانے کیلیے ائیر پورٹ پہبنچے تو ایف آئی اے نے روک دیا

سابق ڈی جی سپورٹس پنجاب جسمانی ریمانڈ پر نیب کے حوالے

نیب لاہور کے مطابق 2017 سے تاحال نیب لاہور میں کم و بیش 1 لاکھ افراد کوتحقیقات کیلئے نیب لاہور طلب کیا گیا، ڈھائی سالوں میں دوران تحقیقات ٹھوس شواہد کی بنیاد پر 859 ملزمان کی گرفتاری کے وارنٹ جاری ہوئے جن پر عملدرآمد کیا گیا، نیب لاہور کے قیام (1999) سے 2016 تک تقریبا 7 لاکھ افراد کو مختلف نوعیت کے مقدمات میں طلب کیا گیا، 17 سالوں کے دوران 7 لاکھ میں سے کل 1532 ملزمان کی گرفتاری پر عمل درآمد کیا گیا،

نیب لاہور کی طرف سے تفصیلات فراہم کرتے ہوئے کہا گیا کہ اس تاثر کی نفی کی جاتی ہے کہ نیب میں ملزمان کو طلب کر کے بٹھا لیا جاتا ہے، نیب ایک قومی ادارہ ہے جسکے تمام اقدامات قانون اور آئین کی روشنی میں سرانجام پاتے ہیں، نیب میں ماورائے آئین کسی نوعیت کے اقدام کا تصور بھی نہیں کیا جا سکتا

لاہور: پنجاب میں ٹیچرز کے لیے لائسنس ہونا ضروری قرار، ٹیچرزکاردعمل پروفیشنل ڈگری کس لئے؟اطلاعات کے مطابق پنجاب کے وزیر تعلیم مراد راس کا کہنا ہے کہ پنجاب میں پہلی بار اسکول ایجوکیشن پالیسی تشکیل دی ہے، ان کے مطابق اب اساتذہ کا بھی لائسنس ہوگا۔دوسری طرف اساتذہ نے حکومت کی اس پالیسی کومسترد کردیا ہے

پنجاب کے وزیر تعلیم مراد راس کا کہنا تھا کہ اسکولوں پر 21 کروڑ روپے خرچ آئے گا۔ جن علاقوں میں اسکول موجود نہیں موبائل اسکول بھجوا رہے ہیں۔ پنجاب میں پہلی بار اسکول ایجوکیشن پالیسی تشکیل دی ہے۔انہوں نے کہا کہ ٹیچر لائسنس کا معاملہ کابینہ نے منظور کرلیا ہے۔ وکیل کا لائسنس ہو سکتا ہے تو ٹیچر کا بھی ہونا چاہیئے۔

دوسری طرف پروفیشنل ڈگری ہولڈرز اساتذہ کا کہنا ہےکہ حکومت کا یہ فیصلہ نہ صرف ناقابل قبول ہے بلکہ حقیقت کے برخلاف بھی ہے، اساتذہ رہنماوں کا یہ بھی کہنا ہے کہ حکومت یہ بتائے کہ اگرٹیچنگ کے لیے لائسنس ضروری ہے توپھرپروفیشنل ڈگری کی کیا حیثیت ہے ،اساتذہ کے لیے اگرروزگارپیدانہیں کرسکتے تومسائل ہی پیدا نہ کیا جائیں‌

ملک میں عمران صاحب کی غنڈہ گردی کا راج، مریم اورنگزیب غصے میں کیوں آ گئیں؟

باغی ٹی وی کی رپورٹ کے مطابق مسلم لیگ ن کی ترجمان مریم اورنگزیب نے کہا ہے کہ نالائق، نااہل اور سلیکٹڈ وزیراعظم کا میڈیا کو مافیا کہنا شرمناک، افسوسناک اور قابل مذمت ہے ،عمران صاحب فارن فنڈنگ سے منی لانڈرنگ کرنے والا مافیا دوسروں کو مافیا کہ رہا ہے ، شرم آنی چاہئیے ،عمران صاحب اپوزیشن کو جیلوں میں سزائے موت کی چکیوں میں بند کرنے والا میڈیا کو مافیا کہ رہا ہے ؟ پارلیمنٹ، روزگار، کاروبار اورروٹی بند کرنے والا میڈیا کو مافیا کہہ رہا ہے؟ ہر مخالف آواز کو سزائے موت کی چکیوں میں بند کرنے والا میڈیا کو مافیا کہہ رہا ہے -؟

مریم اورنگزیب نے مزید کہا کہ معیشت تباہ کرنے والا میڈیا کو مافیا کہہ رہا ہے ؟چوروں اور ڈاکووں کو ساتھ بٹھا کر ملک کو آئی ایم ایف کے حوالے کرنے والا میڈیا کو مافیا کہہ رہا ہے؟چلتے ٹاک شوز بند اور ایڈیٹوریلز غائب کروانے والا میڈیا کو مافیا کہہ رہا ہے؟ عوام کا ووٹ چوری کرنے والا میڈیا کو مافیا کہ رہا ہے ؟

پاکستان مسلم لیگ (ن) کی ترجمان مریم اورنگزیب نے پارٹی ڈپٹی سیکریٹری جنرل عطاءاللہ تارڑکو ایف آئی اے طلب کرنے کی شدید مذمت کرتے ہوئے کہا کہ ملک میں عمران صاحب کی غنڈہ گردی کا راج ہے ،عطاءتارڑ نوجوان سیاسی کارکن ہے اور ان کی دونسلیں سیاست میں خدمات انجام دے رہی ہیں،

مریم اورنگزیب کا مزید کہنا تھا کہ اوچھی اور مذموم حرکتوں سے نوجوان پڑھے لکھے اور صاف ستھرے کردار کے نوجوانوں کی حوصلہ شکنی کی جارہی ہے ،عطاءاللہ تارڑ کے خلاف کوئی کرپشن،کمشن اور اختیارات کا ناجائز استعمال نہ ملا تو غیرقانونی نوٹس جاری کردیا؟ عطاءاللہ تارڑ ایک مخلص، نڈر اور بہادر نوجوان سیاسی رہنما ہیں، مسلم لیگ (ن) کا اثاثہ ہیں ،دباو، دھاندلی اور غنڈہ گردی کے اس طرح کے نوٹس کس قانون کے تحت دے رہے ہیں؟ بشیر میمن نے یہ نوٹس دینے سے انکار کیا تھا ، اسی لئے واجد ضیاءکو ڈی جی ایف آئی بنایا گیا.

مریم اورنگزیب نے مزید کہا کہ پرویز رشید اور عظمی بخاری کو نوٹس دینا غیرقانونی اور عمران صاحب کے غنڈہ راج کا ثبوت ہے ،ارشد ملک وڈیو سکینڈل میں جج کو نوٹس دے کر پوچھا جاتا کہ کس کے دباو پر منتخب وزیراعظم کے خلاف فیصلہ دیا؟ تفتیشی ٹیم بناکر تحقیق کی جاتی کہ جج ارشد ملک پر کس نے دباو ڈالا اور قانون اور انصاف کا قتل ہوا ؟واجد ضیاءکو کٹھ پتلی کے طورپر یاد رکھاجائے گا کہ انہوں نے ایک قومی ادارے کو سیاسی مقاصد کے لئے استعمال کیا ،ملک وقوم کو نالائق اور نااہل عمران صاحب کی وجہ سے درپیش سنگین معاشی وقومی مسائل کی وجہ سیاسی انتقامی غنڈہ گردی کا سلسلہ جاری ہے

گورنر پنجاب کی دعوت پر کونسی اہم شخصیت پاکستان پہنچ گئی؟ اہم خبر

باغی ٹی وی کی رپورٹ کے مطابق گورنر پنجاب چودھری سرور نے کہا ہے کہ بھارت میں متنازعہ قانون کیخلاف اقلیتی برادری سراپا احتجاج ہے، مودی سرکار مسلمانوں پر بھارتی سر زمین تنگ کر رہی ہے۔گورنرپنجاب چودھری سرور نے نائب صدر یورپی پارلیمنٹ کے ہمراہ مشترکہ نیوز کانفرنس کرتے ہوئے کہا فابیو ماسیمو نے ہمیشہ یورپین پارلیمنٹ میں پاکستان کا ساتھ دیا۔

اس موقع پر نائب صدر یورپی پارلیمنٹ فابیوماسیمو کاستالدو کا کہنا تھا گورنر نے پاک یورپین پارلیمنٹ میں دوستی کے پل کا کردار ادا کیا، مختلف شعبوں میں تعاون جاری رکھیں گے، جی ایس پی پلس کی منظوری میں چودھری سرور کا اہم کردار ہے، پاکستان نے دہشتگردی کیخلاف بے مثال قربانیاں دیں، 70 ہزار پاکستانیوں نے جانوں کا نذرانہ پیش کیا۔پاکستان آکرخوشی ہوئی،گورنر پنجاب کادعوت دینےپرشکر گزارہوں،کشمیرمیں ہونے والےظلم کیخلاف آوازاٹھانےمیں ہم پاکستان کےساتھ ہیں،بھارتی شہریت قانون کی مذمت کرتے ہیں

بینظیر پرحملے کے بعد رحمان ملک زرداری ہاوَس کیوں بھاگ گئے تھے؟ فیاض الحسن چوہان

باغی ٹی وی کی رپورٹ کے مطابق پنجاب کے صوبائی وزیر اطلاعات فیاض الحسن چوہان نے کہا ہے کہ بینظیر پرحملے کے بعد رحمان ملک زرداری ہاوَس کیوں بھاگ گئے تھے؟رحمان ملک بینظیربھٹوکےچیف سیکیورٹی آفیسر تھے،بینظیربھٹو کی لاش کے پوسٹ مارٹم سے انکار کیوں کیاگیا؟ بلاول بھٹو آج اپنے والد سے ان سوالوں کا جواب مانگیں

فیاض الحسن چوہان کا مزید کہنا تھا کہ بلاول بھٹو زرداری گروپ کے سی ای او ہیں،بلاول بھٹو زرداری کو نیب میں پیش ہونا ہوگا،آپ راولپنڈی میں کرائے کے جتنے لوگ اکٹھے کرلیں کوئی فائدہ نہیں ہونا،آپ کھربوں روپے غریب عوام پر لگا دیتے تو بہت اچھا ہوتا،بلاول کے پاپا نے بھی نیب میں پیش نہ ہونےسے متعلق متکبرانہ بیان دیاتھا،

بے نظیر کی برسی، جائے شہادت لیاقت باغ میں سجے گا میدان

بے نظیر قتل کی تحقیقات دوبارہ کرنے کا فیصلہ ،زرداری کیلئے ایک اور مشکل

واضح رہے کہ بے نطیر بھٹو پاکستان کی پہلی خاتون وزیر اعظم تھیں جنہیں 27 دسمر 2007 کو لیاقت باغ میں جلسے کے بعد جلسہ گاہ سے باہرنکلتے ہوئے بم دھماکے میں شہید کر دیا گیا تھا .بے نظیر کی شہادت کے بعد ہونیوالے الیکشن میں پیپلزپارٹی کی حکومت بنی تھی اور آصف زرداری صدر پاکستان بنے تھے. پیپلزپارٹی نے حکومت بنانے کے بعد بے نظیر قتل کی تحقیقات اپنے پرانے مطالبے کے مطابق اقوام متحدہ سے کروانے کے لیے درخواست دی جو اس نے قبول کر لی تھی۔ آصف علی زرداری نے بے نظیر کے قتل کی پہلی برسی پر دعویٰ کیا تھا کہ انھیں معلوم ہے کہ قاتل کون ہیں۔ لیکن صدر مملکت بن جانے کے بعد قتل کی دوسری برسی پر اپنی تقریر میں اس حوالہ سے کچھ نہیں کہا .

انسداد دہشتگردی کی خصوصی عدالت نے 9 سال8ماہ بعد بے نظیر قتل کیس کا فیصلہ سنایا تھا .عدالت کے جج اصغر خان نے فیصلہ سناتے ہوئے پولیس افسران ، سابق سی پی او راولپنڈی سعود عزیز اور سابق ایس پی سٹی خرم شہزاد کو مجموعی طور پر17، 17سال قید ، پرویز مشرف کو اشتہاری قرار دیتے ہوئے5 ملزمان بری کردیے تھے

بے نظیر کی برسی، فاروق ستار نے ایسا مطالبہ کر دیا کہ پیپلز پارٹی ہوئی پریشان

جج ویڈیو سیکنڈل، عطا تارڑ ایف آئی اے میں پیش، کیا کہا؟ اہم خبر
باغی ٹی وی کی رپورٹ کے مطابق جج ارشد ملک ویڈیو اسکینڈل ،ن لیگی رہنما عطاتارڑ ایف آئی اے لاہورآفس میں پیش ہوئے،اسسٹنٹ ڈائریکٹر اعجاز شیخ کی سربراہی میں 4 رکنی ٹیم نےعطا تارڑ سے پوچھ گچھ کی، اس موقع پر سیکورٹی کے سخت انتظامات کئے گئے تھے.

تحقیقات کے بعد میڈیا سے گفتگو کرتے ہوئے عطا تارڑ کا کہنا تھا کہ جج اسکینڈل کیس میں ہم نے اپنے بیانات اگست میں جمع کروا دئیے تھے،حکومت نے ویڈیو کا فرانزک آڈٹ کروانے کا کہا تھا مگر ابھی تک نہیں کیا گیا،جج اسیکنڈل کیس میں اپنی رپورٹ عدالت میں بھی جمع کروا دی ہے،واجد ضیا کی تقرری سیاسی ہے،ثابت ہو گیا کہ سیاسی انتقام لیا جا رہا ہے ،

قبل ازیں گزشتہ روز قومی تحقیقاتی ایجنسی ایف آئی اے نے مسلم لیگ ن کے مرکزی سیکرٹریٹ پر چھاپہ مارا ہے۔ ایف آئی اے کی جانب سے جج بلیک میلنگ کیس سے متعلق شواہد حاصل کرنے کیلئے ن لیگ کے مرکزی سیکرٹریٹ پر چھاپہ مارا گیا۔ ایف آئی اے اہلکاروں نے ن لیگ سیکرٹریٹ میں حمزہ شہباز کے دفتر میں جانے کی کوشش کی تو وہاں موجود ملازمین نے مزاحمت کی۔

ایف آئی اے نے مسلم لیگ (ن) کی رہنما عظمیٰ بخاری کو طلب کرلیا۔ ایف آئی اے کے سائبر کرائم ونگ نے مسلم لیگ (ن) پنجاب کی سیکریٹری اطلاعات عظمیٰ بخاری کو جج ویڈیو اسکینڈل میں 30 دسمبر پیر کو طلب کرتے ہوئے نوٹس جاری کیا ہے۔ ایف آئی اے کی جانب سے جاری نوٹس میں ہدایت کی گئی ہے کہ عظمیٰ بخاری ایف آئی اے زونل آفس لاہور میں 4 بجے پیش ہوں۔

جیل جا کر مر جاؤنگا، ویڈیو سیکنڈل کے ملزم میاں طارق کی عدالت میں فریاد

ویڈیو سیکنڈل، جج کی ویڈیو کس نے بنائی ؟ آخر گرفتار ہو ہی گیا

واضح رہے کہ مسلم لیگ ن کی رہنما مریم نواز نے جج ارشد ملک کی ویڈیو جاری کی تھی جس کے بعد احتساب عدالت کے جج کی خدمات دوبارہ لاہور ہائیکورٹ کے سپرد کر دی گئیں، جج ارشد ملک نے حلف نامے میں ویڈیو کو جعلی قرار دیا اور کہا کہ مجھے دھمکیاں دی گئیں اور بلیک میل کرنے کی کوشش کی گئی.

العزیزیہ ریفرنس کیس،نواز شریف کے وکیل اور نیب کو ملیں بیان حلفی کی مصدقہ نقول

نوازشریف و زرداری کو چھوڑنے کا اعلان، پاکستانی سیاست میں ہلچل مچ گئی

ویڈیو سیکنڈل، ناصر جنجوعہ کے خلاف شواہد نہیں ملے، ایف آئی اے،جج کا کیس سننے سے معذرت

احتساب عدالت کے سابق جج ارشد ملک کو لاہور ہائیکورٹ نے او ایس ڈی بنا دیا،او ایس ڈی بنانے کا نوٹفکیشن جاری کر دیا ہے، جج ارشد ملک کو او ایس ڈی بنانے کی منظوری لاہور ہائیکورٹ کے چیف جسٹس نے دیا. سپریم کورٹ کے حکم کے بعد جج ارشد ملک کی خدمات احتساب عدالت سے لاہور ہائیکورٹ کے سپرد کر دی گئی تھیں، لاہور ہائیکورٹ میں جج ارشد ملک کے خلاف انکوائری چل رہی ہے

سپریم کورٹ میں کیس کی سماعت کے دوران چیف جسٹس نے کہا تھا کہ ارشد ملک کے کردارسے ججوں کے سرشرم سے جھک گئے ، عجیب جج ہیں فیصلے کے بعد مجرمان کے گھر چلے جاتے ہیں،پھرمجرم کے بیٹے سے ملنے مدینہ منورہ جاتے ہیں،ارشد ملک کے کردارسے متعلق بہت سی باتیں دیکھنے والی ہیں،

سپریم کورٹ نے مزید کہا کہ لاہور ہائیکورٹ جج ارشد ملک کے خلاف کاروائی کرے، جسٹس عمر عطا بندیال نے کہا کہ جنہوں نے کہانی بنائی انہوں نے جان چھڑا لی، چیف جسٹس نے کہا کہ لاہور ہائیکورٹ کاروائی کر سکتی ہے.

واضح رہے کہ اسلام آباد کی احتساب عدالت نمبر دو کے جج محمد ارشد ملک نے دونوں ریفرنسز پر فیصلے سنائے تھے اور العزیزیہ اسٹیل ملز ریفرنس میں نواز شریف کو سات سال قید اور جرمانے کی سزا سنائی تھی جبکہ فلیگ شپ ریفرنس میں عدم شواہد کی بناء پر بری کر دیا تھا۔

نوازشریف و زرداری کو چھوڑنے کا اعلان، پاکستانی سیاست میں ہلچل مچ گئی

تم کون ہوتے ہو میری ویڈیو بنانے والے؟ مریم نواز برہم

25 دسمبر مناتے وقت دل میں شرمندگی ہوتی ہے، حمزہ شہباز نے ایسا کیوں کہہ دیا
باغی ٹی وی کی رپورٹ کے مطابق پنجاب اسمبلی میں قائد حزب اختلاف حمزہ شہباز نے کہا ہے کہ احتساب کا دہرا نظام ہے، یہ کونسا نیا پاکستان ہے ؟ آج پاکستان نازک دور سے گزر رہا ہے۔ ملک میں مایوسیوں کے ڈیرے اور حکومت کے بلند و بانگ دعوے ہیں، اورنج لائن نہیں چل سکی، بی آرٹی منصوبے پر ابھی تک کھڈے ہیں، آج بھوک غریب آدمی کے دروازے پر دستک دے رہی ہے،

حمزہ شہباز کا مزید کہنا تھا کہ حکومت کا جی بھرا نہیں، گیس، بجلی کی قیمتیں بڑھانے کا ارادہ ہے، یہ کیسا نیا پاکستان ہے جہاں لوگ بھوک سے مر رہے ہیں۔ پنجاب حکومت بتائے 14 ماہ میں کونسا منصوبہ مکمل کیا ؟ ہواؤں کا رخ بدل کر پھر مسلم لیگ (ن) کی طرف ہو جاتا ہے۔

حمزہ شہباز نے مزید کہا کہ ہم قائداعظم کا یوم پیدائش تو مناتے ہیں مگر ان کے فرمودات پر عمل نہیں کرتے، 25 دسمبر مناتے وقت دل میں شرمندگی ہوتی ہے، ہم قائد کے اصولوں پر عمل نہیں کرتے، بینظیرعظیم لیڈر تھیں، ہم سیاسی اختلاف میں محسنوں کو بھول جاتے ہیں۔

واضح رہے کہ حمزہ شہباز کو نیب نے گرفتار کر رکھا ہے وہ جوڈیشل ریمانڈ پر جیل میں ہیں‌تا ہم پنجاب اسمبلی کا اجلاس ہونے کی وجہ سے انکے پروڈکشن آرڈرجاری ہوتے ہیں اور وہ اسمبلی اجلاس میں شریک ہوتے ہیں.

حمزہ شہباز نے رمضان شوگر ملز ریفرنس میں ضمانت پر رہائی کیلئے لاہور ہائیکورٹ سے رجوع کر لیا،حمزہ شہباز نے امجد پرویز ایڈووکیٹ کی وساطت سے ضمانت کی درخواست دائر کی ،درخواست میں چیئرمین نیب، ڈی جی نیب اور تفتیشی افسر کو فریق بنایا گیا ہے

لاہور ہائیکورٹ میں دائر درخواست میں کہا گیا کہ نیب نے بد نیتی کی بنیاد پر رمضان شوگر ملز میں تحقیقات کا آغاز کیا، نیب نے رمضان شوگر ملز کے معاملے پر متعدد بار انکوائری کی مگر کچھ بھی نہیں ملا،تحصیل بھوانہ میں نالہ عوامی مفاد میں بنایا گیا تھا، صوبائی کابینہ اور صوبائی اسمبلی نے سیوریج نالے کی تعمیر کی منظوری دی تھی،حمزہ شہباز کیخلاف کوئی ثبوت موجود نہیں ہیں،

درخواست میں مزید کہا گیا ہے کہ رمضان شوگر ملز میں شریک ملزم شہباز شریف کو پہلے ہی ضمانت پر رہا کیا جا چکا ہے، رمضان شوگر ملز ریفرنس میں فرد جرم عائد ہونے کے بعد حمزہ شہباز کے وارنٹ گرفتاری جاری کئے،حمزہ شہباز صوبائی اسمبلی میں اپوزیشن لیڈر ہے اور گرفتاری سے ذمہ داریوں کی انجام دہی میں مشکلات کا سامنا ہے،حمزہ شہباز کو ضمانت پر رہا کرنے کا حکم دیا جائے،

حمزہ شہباز کا فرنٹ مین بن گیا نیب میں وعدہ معاف گواہ،بیان ریکارڈ کروا دیا

مریم نواز کے وکلاء نے ہی مریم نواز کی الیکشن کمیشن میں مخالفت کر دی، اہم خبر

صرف اللہ کوجوابدہ ،کوئی کچھ بھی رائے رکھےانصاف کے مطابق فیصلہ دیں گے، عدالت کےحمزہ کیس میں ریمارکس

نیب نے احتساب عدالت میں رپورٹ جمع کروائی ہے جس میں کہا گیا ہے کہ شہبازشریف فیملی نے اپنے مختلف ملازموں کے ناموں پرکمپنیاں بنا رکھی ہیں،منی لانڈرنگ کی رقوم بے نامی کمپنیوں میں منتقل کی جاتی رہیں ،اور ان بے نامی کمپنیوں سے شریف فیملی کے اکاؤنٹس میں رقم منتقل ہوتی رہی. نیب رپورٹ میں مزید کہا گیا کہ نیب کو 10 غیرملکی منی ایکس چینجرزکا ریکارڈمل چکاہے، شہبازشریف، حمزہ،سلمان کوبرطانیہ کی 4 منی ایکس چینج سے رقوم منتقل ہوئیں، دبئی کی 6 منی ایکس چینج سے بھی رقوم منتقل کی گئیں۔ نیب رپورٹ کے مطابق شہبازشریف فیملی کو 10 کمپنیوں سے 37 کروڑبھیجے گئے.