Category: لاہور

پاکستان مرکزی مسلم لیگ کے زیر اہتمام آپریشن بُنْيَانٌ مَّرْصُوْص کی کامیابی پر ملک بھر میں یومِ فتح منایا گیا۔ لاہور، فیصل آباد، گوجرانوالہ، بہاولنگر، پشاور، گجرات، سرگودھا، مظفرگڑھ ،ننکانہ صاحب سمیت متعدد شہروں میں ریلیاں نکالی گئیں جن میں شہریوں، وکلا، ڈاکٹرز، بچوں، اور سول سوسائٹی کے افراد نے بڑی تعداد میں شرکت کی۔

ریلیوں میں شرکاء نے پاکستانی پرچم تھامے "پاکستان زندہ باد” اور "افواج پاکستان پائندہ باد” کے فلک شگاف نعرے لگائے۔ پشاور، ملتان اور لاہور سمیت کئی شہروں میں عوام نے خوشی کے اظہار کے طور پر مٹھائیاں بھی تقسیم کیں۔قاری محمد یعقوب شیخ، چوہدری محمد سرور، شیخ فیاض احمد، مزمل اقبال ہاشمی، حافظ ابوالحسن اور احسن تارڑ سمیت مرکزی مسلم لیگ کے رہنماؤں نے مختلف شہروں میں ریلیوں سے خطاب کیا۔ قاری محمد یعقوب شیخ کا کہنا تھا کہ بھارتی جنگی جنون کا افواج پاکستان نے چند گھنٹوں میں بھرپور اور منہ توڑ جواب دے کر دشمن کو دنیا کے سامنے رسوا کر دیا ہے۔ دہلی دہلا، راجھستان اور گجرات میں جوابی کارروائی نے بھارتی غرور خاک میں ملا دیا۔

لاہور میں مزمل اقبال ہاشمی نے مال روڈ پر یوم فتح کی ریلی سے خطاب کرتے ہوئے کہا کہ ہم نے بھارت کو دن کے اجالے میں جواب دیا، اور اگر دشمن نے دوبارہ ایسی حرکت کی، تو دوگنا جواب دیں گے،فیصل آباد میں ضلع کونسل چوک سے گھنٹہ گھر تک نکالی گئی ریلی کی قیادت شیخ فیاض احمد اور محمد احسن تارڑ نے کی۔ گھنٹہ گھر پر افواج کی کامیابی کی خوشی میں مٹھائی بھی تقسیم کی گئی۔ملتان میں یومِ فتح ریلی پریس کلب کے باہر نکالی گئی جبکہ حافظ آباد میں جناح چوک سے فوارہ چوک تک شہریوں کی بڑی تعداد نے شرکت کی۔ تحصیل شاہ کوٹ مین بازار ضلع ننکانہ صاحب میں پاکستان زندہ باد ریلی نکالی گئی جس کی قیادت ثاقب مجید نے کی، دیگر شہروں میں بھی عوام نے قومی جوش و جذبے کے ساتھ افواجِ پاکستان کو خراج تحسین پیش کیا۔

بھارت باز نہ آیا،ایل او سی پر بھارت کی بلا اشتعال فائرنگ جاری ہے، پاکستانی فورسز بھارت کو منہ توڑ‌جواب دے رہی ہیں.

بھارت کی جانب سے چند گھنٹوں بعد ہی سیز فائر معائدے کی خلاف ورزی، ایل او سی اور ورکنگ باؤنڈری پر بھارت کی بھمبر،برنالہ، کوٹ جیمل اور چھمب سیکٹر میں سیز فائر کے بعد بھی بھاری ہتھیاروں سے بلا اشتعال فائرنگ جاری ہے،
ایل او سی بھمبر میں فاٸرنگ ہو رہی ہیں،جس وجہ سے نیلم،مظفرآباد اور باغ میں انتظامیہ نے الرٹ جاری کیا ہے۔

بارڈر ایریا سے ملحقہ تمام احباب سے گزارش ہے کہ سیز فائر کا سن کر واپس اپنے گھروں کی طرف نہ لوٹیں، سیز فائر انٹرنیشنل بارڈر پر ہوا ہے ایل او سی پر نہیں۔ بھارت اور پاکستان کے مابین ابھی بھی کشمیر کی ایل او سی سرحد پر کئی سارے سیکٹرز پر شدید بمباری کا آغاز کر دیا گیا ہے۔پاکستانی فوج بھارت کو منہ توڑ جواب دے رہی ہے، پاکستانی فوج نے بھارتی دو چیک پوسٹوں پر بھی قبضہ کر لیا ہے

ایل او سی پر چھوٹے ہتھیاروں سے فائرنگ ایک معمول کی بات ہے،سیکورٹی ذرائع
سیکورٹی ذرائع کے مطابق ورکنگ باؤنڈری اور ایل او سی پر چھوٹے ہتھیاروں سے فائرنگ ایک معمول کی بات ہے اور اسے جنگ بندی کی خلاف ورزی میں شمار نہیں کیا جاتا کیونکہ جنگ بندی کا مقصد بڑے ہتھیاروں کی فائرنگ کو روکنا ہے۔

پاکستان کے سینئر صحافی و اینکر پرسن مبشر لقمان نے کہا ہے کہ پاکستان کو مبارک ہو، بھارت نے جنگ بندی کی درخواست کی اور امریکہ سے پاکستان کو روکنے کی اپیل کی کیونکہ بھارت مزید مار برداشت نہیں کر سکا۔ شرمناک ہے کہ مودی نے پہلگام میں بے گناہ لوگوں کو قتل کرایا اور ایک جھوٹا آپریشن کر کے بھارت کو شرمندہ اور رسوا کر دیا۔”

سماجی رابطے کی ویب سائٹ ایکس پر مبشر لقمان نے مودی سرکار پر شدید تنقید کی اور کہا کہ پاکستان کے منہ توڑ جواب کے بعد بھارت مزید حملے برداشت نہیں کر سکتا تھا اس لئے بھارت کو جنگ بندی کی بھیک مانگنی پڑی،بھارت نے امریکہ کے سامنے دہائیاں‌دیں کہ ہمیں پاکستان سے بچایا جائے،مودی حکومت کی جانب سے پہلگام میں بے گناہ کشمیریوں کی ہلاکت مودی سرکار کا ڈرامہ تھا یہ عمل بھارت کے لیے شرمندگی کا باعث بنا۔پہلگام ڈرامہ بھارتی حکومت کی جانب سے اپنے داخلی بحرانوں سے توجہ ہٹانے کے لیے کیا گیا ایک ناپاک منصوبہ تھا۔

مبشر لقمان کا مزید کہنا تھا کہ پاکستان جنگ جیت چکا،پاکستان فاتح ٹھہرا،بھارت کا جنگی جنون پاکستانیوں نے خاک میں ملا دیا،مودی رافیل کے بل پر اکڑتا تھا رافیل نے مودی کو دنیا کے سامنے شرمندہ کر دیا، یہ وقت پاکستان کے لیے خوشی کا ہے اور ہمیں اس موقع کا بھرپور فائدہ اٹھانا چاہیے۔

بھارت کو منہ کی کھانی پڑی، پاکستانی قوم کے حوصلے بلند ہیں، رانا جبران
لاہور () پاکستان ملی لیبر فیڈریشن نے آپریشن بنیان مرصوص کی شاندار کامیابی پر پاک فضائیہ کو زبردست خراج تحسین پیش کیا ہے۔ ملی لیبر فیڈریشن کے جنرل سیکرٹری رانا جبران نے کہا ہے کہ پاکستانی افواج وطن عزیز کے چپے چپے کے دفاع کی مکمل صلاحیت رکھتی ہیں اور دشمن کی کسی بھی جارحیت کا منہ توڑ جواب دینے کی بھرپور اہلیت رکھتی ہیں۔ پاک فضائیہ نے بھارتی فضائی تنصیبات پر کامیاب حملے کر کے دشمن کے دانت کھٹے کر دیے ہیں، جو نہ صرف عسکری کامیابی ہے بلکہ پوری قوم کے حوصلے کی علامت ہے۔ان خیالات کا اظہار انہوں نے ملی لیبر فیڈریشن لاہور کے تنظیمی اجلاس سے خطاب کرتے ہوئے کہی۔ اجلاس میں لاہور کے چیئرمین میاں ریاض، صدرچوہدری ابوہریرہ، جنرل سیکرٹری محبوب عالم سندھوو دیگر عہدیداران نے شرکت کی۔انہوںنے کہا کہ پاکستان کا محنت کش طبقہ، سرکاری اور نیم سرکاری ملازمین وطن کے دفاع کے جذبے سے سرشار ہیں اور مادرِ وطن کے تحفظ کے لیے کسی بھی قربانی سے دریغ نہیں کریں گے۔ انہوں نے مزید کہا کہ پوری پاکستانی قوم افواج پاکستان کے شانہ بشانہ کھڑی ہے اور ملک کے دفاع اور سلامتی کے لیے ہر محاذ پر متحد ہے۔ قوم کے حوصلے بلند اور ارادے مضبوط ہیں، اور پاکستان کا دفاع ناقابل تسخیر ہے۔

پاکستانی میڈیا نے ہوشمندی،سچ اور بہادری کے ساتھ رپورٹنگ ،حق سچ کی ترجمانی کی،تابش قیوم

پاکستان مرکزی مسلم لیگ کے ترجمان تابش قیوم نے کہا ہے کہ بھارتی پروپیگنڈے،جنگی جنون کے مقابلے میں پاکستانی میڈیا نے قومی جذبات ، حق، سچ کی ترجمانی کی، امن کی بات کی،پاکستانی میڈیا نے ہوشمندی،سچ اور بہادری کے ساتھ رپورٹنگ کی، صحافیوں نے دن رات جاگ کر دنیا تک پاکستانی مؤقف پہنچایا یہ بہت بڑی کامیابی ہے،پاکستانی میڈیا کو جراتمندانہ کردار ادا کرنے پر خراج تحسین پیش کرتے ہیں.

تابش قیوم کا کہنا تھا کہ جس وقت بھارت کی جانب سے جنگی جنون کو ہوا دی جا رہی تھی اور جھوٹے دعوے کیے جا رہے تھے، پاکستانی میڈیا نے نہ صرف ان پروپیگنڈوں کا مؤثر جواب دیا بلکہ امن، تدبر اور سچائی کا علم بلند رکھا۔پاکستانی میڈیا نے ریاستی موقف کو عالمی برادری کے سامنے مدلل انداز میں پیش کیا، جس سے پاکستان کا مؤقف دنیا بھر میں سنا اور سراہا گیا،تابش قیوم نے آپریشن بنیان المرصوص کی کامیابی، یومِ فتح کے موقع پر تمام پاکستانی صحافیوں، اینکر پرسنز، رپورٹرز اور میڈیا اداروں کو خراج تحسین پیش کیا اور کہا کہ پاکستانی میڈیا نے بھارتی جنگی جنون کے سامنے دیوار بن کر اپنی ذمہ داری نبھائی، جو کہ قابل ستائش ہے، ہمیں بطور قوم اپنے ان محب وطن صحافیوں اور میڈیا اداروں پر فخر ہے جنہوں نے انتہائی نازک حالات میں بھی حب الوطنی کا مظاہرہ کرتے ہوئے دشمن کے جھوٹ کو بے نقاب کیا۔ مرکزی مسلم لیگ میڈیا سے وابستہ تمام افراد کو یومِ فتح پر سلام پیش کرتی ہے اور ان کی خدمات کو سراہتی ہے۔