Category: لاہور

پاکستان کی مختلف مذہبی، سیاسی جماعتوں کی جانب سے بھارتی حملوں پر ردعمل اور مذمت کا سلسلہ جاری ہے.

باغی ٹی وی کے مطابق پاکستان پیپلزپارٹی کے چیئرمین بلاول بھٹو زرداری نے بھارت کی جانب سے پاکستانی سرزمین پر کیے گئے حملوں کو بزدلانہ قرار دیتے ہوئے شدید الفاظ میں مذمت کی ہے۔ ان کا کہنا ہے کہ بھارت کی یہ جارحیت ناقابلِ قبول ہے اور کسی بھی قسم کی مہم جوئی کو نظرانداز نہیں کیا جائے گا۔بلاول بھٹو زرداری نے اپنے بیان میں کہا کہ پاکستانی سرزمین اور شہری اہداف کو نشانہ بنانے کے لیے بھارت نے بزدلانہ حملہ کیا۔ یہ حملے بلا اشتعال ہیں اور بین الاقوامی قوانین کی کھلی خلاف ورزی ہیں.

انہوں نے بھارت کی جانب سے شہری علاقوں، معصوم خواتین اور بچوں کو نشانہ بنانے پر شدید غم و غصے کا اظہار کرتے ہوئے کہ یہ طاقت کا مظاہرہ نہیں، بلکہ درندگی ہے۔ شہری آبادی کو نشانہ بنانا جنگی جرائم کے زمرے میں آتا ہے۔”چیئرمین پیپلزپارٹی نے اس عزم کا اظہار کیا کہ پاکستان کی مسلح افواج پوری قوم کی حمایت کے ساتھ دشمن کی جارحیت کا بھرپور جواب دے رہی ہیں.

ترجمان مرکزی مسلم لیگ تابش قیوم نے کہا ہے کہ بھارت نے رات کی تاریکی میں پاکستان کے معصوم شہریوں اور مساجد کو بزدلانہ طور پر نشانہ بنایا ہے،پاک فوج بھارت کے اس بزدلانہ حملے کا منہ توڑ جواب دینے کی بھرپور صلاحیت رکھتی ہے، پاکستان کی چوبیس کروڑ عوام اپنی افواج کے ساتھ کھڑی ہے، قوم بھارت کے اس بزدلانہ حملے پر فوری اور بھاری جواب کی خواہاں ہے.

تحریک لبیک پاکستان (ٹی ایل پی) کے سربراہ حافظ سعد حسین رضوی نے بھارت کی جانب سے پاکستان پر کیے گئے میزائل حملوں کو سخت ترین الفاظ میں مذمت کرتے ہوئے کہا ہے کہ یہ حملے نہ صرف پاکستانی خودمختاری پر حملہ ہیں بلکہ عالمی امن کے لیے بھی ایک سنگین خطرہ ہیں۔حافظ سعد رضوی نے اپنے بیان میں کہا کہ پوری قوم اس وقت پاک افواج کے ساتھ شانہ بشانہ کھڑی ہے۔ بھارت کا بزدلانہ کردار کسی سے ڈھکا چھپا نہیں، اس نے ہمیشہ پیٹھ میں چھرا گھونپنے کی کوشش کی ہے۔

سربراہ ٹی ایل پی نے بھارت کی جانب سے آزاد کشمیر اور بہاولپور سمیت کئی شہروں کو نشانہ بنانے پر شدید ردعمل دیتے ہوئے کہایہ حملے صرف دہشت گردی نہیں بلکہ انسانی حقوق اور بین الاقوامی قوانین کی کھلی خلاف ورزی ہیں۔انہوں نے زور دے کر کہا کہ پاکستانی قوم دشمن کے ان حملوں کا بھرپور اور منہ توڑ جواب دے گی، اور اس موقع پر پوری قوم اپنی افواج کے ساتھ سیسہ پلائی دیوار بن چکی ہے۔

تحریک لبیک پاکستان کے تمام کارکنان اور عہدیداران کو افواج پاکستان کی مکمل حمایت کا یقین دلاتے ہوئے انہوں نے کہا”ٹی ایل پی کا ہر ذمہ دار اور کارکن افواج پاکستان کے ساتھ کندھے سے کندھا ملا کر کھڑا ہے۔ وطن عزیز کے دفاع کے لیے کسی بھی قربانی سے دریغ نہیں کیا جائے گا۔سربراہ ٹی ایل پی نے عالمی برادری سے بھی مطالبہ کیا کہ وہ بھارت کی اس کھلی جارحیت کا نوٹس لے اور جنوبی ایشیا میں امن و استحکام کو برقرار رکھنے کے لیے مؤثر کردار ادا کرے۔

اقوام متحدہ کا بھارتی حملوں پر اظہارِ تشویش، دونوں ممالک سے تحمل کی اپیل

کراچی ایئرپورٹ کے اردگرد لیزر لائٹس کے استعمال پر پابندی ، ایمرجنسی نافذ

کراچی ایئرپورٹ کے اردگرد لیزر لائٹس کے استعمال پر پابندی ، ایمرجنسی نافذ

پاکستان پر حملہ ناقابلِ قبول، دشمن کو منہ توڑ جواب دیا جا رہا ہے، وزیرِ اعظم شہباز شریف

بھارت کی جانب سے رات کی تاریکی میں کیے گئے بزدلانہ حملے کے بعد گورنر پنجاب سردار سلیم حیدر خان نے شدید ردِ عمل دیتے ہوئے کہا ہے کہ بھارت کا یہ حملہ جنگی جنون اور شرمناک اقدام ہے، جس کا پاکستان کی مسلح افواج بھرپور اور مؤثر جواب دے رہی ہیں۔

باغی ٹی وی کے مطابق گورنر سردار سلیم حیدر خان نے اپنے بیان میں کہا بھارت نے سویلین آبادی پر حملہ کر کے اپنی بزدلی کا ثبوت دیا ہے۔ لیکن افواجِ پاکستان نے بروقت کارروائی کرتے ہوئے بھارتی رافیل طیارہ مار گرایا اور دشمن کو منہ توڑ جواب دیا۔انہوں نے مزید کہا کہ:
پاکستان کی مسلح افواج دشمن کے ہر وار کا جواب دینا جانتی ہیں۔ بھارت کی طرف سے کیا گیا یہ حملہ نہ صرف بزدلانہ تھا بلکہ بین الاقوامی قوانین کی بھی کھلی خلاف ورزی ہے۔

گورنر پنجاب نے کہا کہ پوری قوم افواج پاکستان کے ساتھ شانہ بشانہ کھڑی ہے اور دشمن کے ناپاک عزائم کو کبھی کامیاب نہیں ہونے دے گی۔ دوسری جانب عوام کی حفاظت کے پیشِ نظر پنجاب حکومت نے اعلان کیا ہے کہ صوبے بھر کے تمام تعلیمی ادارے کل بند رہیں گے۔ گورنر پنجاب نے کہا کہ یہ اقدام سیکیورٹی اور شہریوں کی جان و مال کے تحفظ کو مدنظر رکھتے ہوئے کیا گیا ہے۔

واضح رہے کہ حکومت پنجاب اور سیکیورٹی ادارے مکمل طور پر الرٹ ہیں جبکہ ہسپتالوں، ریسکیو اداروں، اور شہری دفاع کے عملے کو ہنگامی صورتحال سے نمٹنے کے لیے تیار رہنے کی ہدایات جاری کی جا چکی ہیں۔

کراچی ایئرپورٹ کے اردگرد لیزر لائٹس کے استعمال پر پابندی ، ایمرجنسی نافذ

پاکستان پر حملہ ناقابلِ قبول، دشمن کو منہ توڑ جواب دیا جا رہا ہے، وزیرِ اعظم شہباز شریف

پنجاب بھر میں ہنگامی حالت کا نفاذ، ہائی الرٹ ،مریم نواز کی بھارت کو دو ٹوک وارننگ

پاکستان کی 8 مقامات پر جوابی کاروائی،بھارتی بریگیڈ کا ہیڈکوارٹر تباہ

پیپلزپارٹی شہید بھٹو گروپ کے رہنما ذوالفقارعلی بھٹو جونئیر کا کہنا ہے کہ صدر زرداری نے سندھ کا سودا کیا ہے-

لاہور ہائیکورٹ بار میں جمہوریت کیلئے عوام کی جدوجہد کے عنوان سے کانفرنس کا انعقاد کیا گیا کانفرنس سے خطاب کرتے ہوئے مہمان خصوصی پیپلز پارٹی شہید بھٹو گروپ کے رہنما ذوالفقار علی بھٹو جونئیرنے کہا کہ صدر آصف علی زرداری نے سندھ کا سودا کیا حکومت احتجاج سے ڈر گئی ہے، وکلاء کی وجہ سے چھ کینال کا منصوبہ فی الحال ختم ہوا ہے۔

ذوالفقار جونیئر نے خطاب میں کہا کہ جو آئین دیا اس کو 26 ترمیم کے ذریعے تباہ کیا گیا، 26 ویں ترمیم کے ذریعے جوڈیشل سسٹم پر حملہ کیا جا رہا ہےپاکسان میں ایک دور میں غریبوں کی سیاست ہوتی تھی لیکن اب امیروں کی سیاست ہوتی ہے ریاست کسانوں اور مزدوروں کو بھول گئی ہے پاکستان ایک قوم نہیں ہے ہم ایک قومی اتحاد ہیں، اتحاد صرف محبت سے پیدا ہوسکتا ہے، دریا ہماری پہچان ہیں پاکستان کسی کیلئے نہیں بنا تھا، ملک کی اقتصادی صورت حال خراب ہے۔

اسرائیل کا صنعا ائیرپورٹ کو مکمل طور پر ناکارہ کرنےکا دعویٰ

افغانستان میں خود کش حملہ آوروں کو تربیت دیکر دہشتگرد تنظیموں کو بیچے جانے کا انکشاف

بلوچستان کے علاقے مچھ میں سیکورٹی فورسز کی گاڑی پر حملہ، سات جوان شہید

لاہور:امیر جماعت اسلامی حافظ نعیم الرحمان نے مطالبہ کیا ہے کہ اس بار بجٹ میں ایک لاکھ 20 ہزار روپے ماہانہ آمدن کو ٹیکس سے مستثنیٰ قرار دیا جائے۔

لاہور میں کانفرنس سے خطاب کرتے ہوئے امیر جماعت اسلامی نے پاک بھارت تعلقات، کشمیر کی صورتحال، غزہ میں اسرا ئیلی جارحیت اور ملکی معیشت جیسے اہم قومی و بین الاقوامی امور پر سخت مؤقف اختیار کیا، ظالمانہ ٹیرف پروفیشنل طبقے کی حوصلہ شکنی کر رہا ہے، حکومت صرف اشرافیہ کو فائدہ دے رہی ہےعام کسان کو اس کی گندم کی قیمت بھی پوری نہیں مل رہی، کپاس کی فصل تیار ہے مگر پانی کا بحران ہے، حکومت سہولت دینے کے بجائے بوجھ بڑھا رہی ہے۔

حافظ نعیم نے کہاکہ بھارت فالس فلیگ آپریشنز کر کے عالمی رائے عامہ کو گمراہ کرتا ہے، پہلگام واقعے کے فوری بعد بھارتی میڈیا نے جنگی جنون بھڑکانا شروع کیا انہوں نے الزام لگایا کہ بھارت اور اسرائیل کے درمیان گٹھ جوڑ صرف دفاعی نوعیت کا نہیں بلکہ نظریاتی ہے، یہ گریٹر اسرائیل اور اکھنڈ بھارت کا خواب دیکھتے ہیں۔

دریاؤں اور آبی ذخیروں میں پانی کی صورتحال

حافظ نعیم نے کہا کہ کشمیر، لداخ اور دیگر علاقوں میں بھارت مقامی آبادی کو اقلیت میں بدلنے کے اقدامات کر رہا ہے اور اقوام متحدہ جیسے عالمی ادارے محض خاموش تماشائی بنے ہوئے ہیں، انہوں نے حکومت سے مطالبہ کیا کہ چناب کا پانی روکنے جیسے جارحانہ اقدا مات پر فوری طور پر اقوام عالم کو مؤثر انداز میں آگاہ کیا جائے۔

حافظ نعیم نے غزہ میں اسرائیلی بمباری اور محاصرے کو ’’جبری قحط سالی‘‘ قرار دیتے ہوئے کہا کہ عالمی عدالت کے فیصلے کے باوجود اسرائیل کی نسل کشی جاری ہے۔ انہوں نے کہا کہ امریکا مسلسل اسرائیل کی حمایت کر رہا ہے، یہ مجرمانہ اقدام ہے او آئی سی کا کردار مایوس کن ہے جو محض رسمی قراردادوں تک محدود ہے،پوری قوم کو مجاہد بنانا ہوگا، نیشنل کیڈٹ کور کو فعال کیا جائے، امریکا، بھار ت اور اسرائیل اصل دہشت گرد ہیں، جو پاکستان پر الزام لگاتے ہیں وہ دراصل دشمنوں کے بیانیے کو فروغ دیتے ہیں۔

بھارت کو فیصلہ کرنا ہوگا کہ وہ مذاکرات چاہتا ہے یا تباہی،بلاول

انہوں نے حکومت و اپوزیشن دونوں کو تنقید کا نشانہ بناتے ہوئے کہا کہ نواز شریف نے آج تک بھارت کی دہشت گردی پر کوئی بیان نہیں دیا اگر علاج کروا رہے ہیں تو بھارت کے مظالم پر آواز تو اٹھائیں انہوں نے دلتوں، مسیحیوں اور سکھوں کے خلاف بھارت میں جاری مظالم پر بھی بات کرنے کا مطالبہ کیا،بلوچستان میں لاپتا افراد کی بازیابی کے لیے بااختیار کمیشن بنایا جائے، بے گناہوں کو رہا اور مجرموں کو عدالت میں پیش کیا جائے۔

سپریم کورٹ ،مخصوص نشستوں کے فیصلے کیخلاف نظرثانی درخواستیں سماعت کیلئے منظور