Category: لاہور

لاہور : بہادر ماوں کو سلام ، شہر کے پوش علاقہ ڈیفنس میں ڈاکو راج، وطین چوک جیسے مصروف علاقے میں مین سڑک پر خاتون سے ڈکیتی کی کوشش، خاتون کی بہادری نے ڈاکوؤں کی کوشش ناکام بنا دی، سی سی ٹی وی فوٹیج منظر عام پر آنے کے بعد پولیس نے تاحال مقدمہ بھی درج نہ کیا۔

لاہور پولیس کے 50 تربیت یافتہ گھوڑے اس وقت کہاں ہیں، رپورٹ نے کھلبلی مچادی

ذرائع کے مطابق وطین چوک پر دو موٹر سائیکل سوار چار ڈاکووں نے اسلحہ کے زور پر خاتون کی گاڑی روک لی۔ خاتون نے بہادری کا مظاہرہ کرتے ہوئے راستہ روک کر کھڑے ہونے والے ڈاکو کی موٹر سائیکل کو ہٹ کر دیا، اسی دوران دو ڈاکووں نے گاڑی کا شیشہ توڑ کر فائرنگ کردی۔ ڈاکوؤں کی گاڑی پر فائرنگ کے دوران ایک پستول گاڑی کے اندر ہی گر گیا۔ خاتون کی مزاحمت پر ڈاکوؤں نے بھاگ جانے میں ہی عافیت سجھی۔

لاہور : محکمہ داخلہ کا عجیب فیصلہ ، محرم الحرام کا جلوس دیکھنے پر پابندی لگادی اس حوالے سے نوٹیفکیشن بھی جاری کردیا گیا۔دفعہ 144 کی خلاف ورزی پر سخت سزا کی وارننگ

ذرائع کے مطابق محکمہ داخلہ پنجاب کی جانب سے جاری ہونے والےنوٹیفکیشن کے مطابق جلوس کے راستے میں چھتوں پرچار یا چار سے زائد افراد کےجمع ہو کرجلوس دیکھنےکے خلاف دفعہ 144 نافذ کر دی گئی ہے،پولیس کو حکم دیا گیا ہے کہ جہاں کہیں مکانوں اور گھروں کی چھتوں پرچار یا چار سے زائد افراد اکٹھےکھڑے ہوں ان کے خلاف مقدمات درج کیے جائیں۔

لاہور : قتل کے بعد وفا کی تو کیا کی ! صوبائی وزیر تعلیم ڈاکٹر مراد راس کی نجی سکول میں استاد کے تشدد سے ہلاک ہونے والے طالب علم حافظ حنین کے گھر پہنچ گئے ، مراد راس نے مرحوم کے اہلخانہ سے اظہار تعزیت کیا اور انھیں انصاف کیلئے ہرممکن تعاون فراہم کرنے کی یقین دہانی کرائی۔

تفصیلات کے مطابق گلشن راوی میں صوبائی وزیر تعلیم ڈاکٹر مراد راس نے امریکن لائسٹف سکول میں ٹیچر کے تشدد سے ہلاک ہونے والے طالبعلم حافظ حنین کے گھر کا دورہ کیا، اس موقع پر سی ای او ایجوکیشن پرویز اخترخان اور اسسٹنٹ ڈائریکٹر مرزا غلام حسین بھی ہمراہ تھے۔ مرحوم طالبعلم کے والد محمد بلال نے انصاف میں حائل روکاٹوں سے وزیر تعلیم کو آگاہ کیا،

ذرائع کے مطابق اس موقع پر حافظ حنین کے والد محمد بلال کا کہنا تھا کہ سبق یاد نہ کرنے پر طالبعلم کی جان لے لینا انصاف نہیں، صوبائی وزیر تعلیم ڈاکٹر مراد راس کی آمد پر مرحوم حافظ حنین کے دوستوں نے بھرپور احتجاج کیا اورٹیچر کے خلاف بھرپور نعرے بازی کی۔

ذرائع کے مطابق ڈاکٹر مراد راس نے مرحوم کے اہلخانہ کو یقین دلایا کہ قاتل کو منطقی انجام تک پہنچایا جائے گا، مراد راس کا کہنا تھا کہ بچے پر ظلم کر کے قتل کرنے والا شخص کوئی استاد نہیں سفاک درندہ ہے، ڈاکٹر مراد راس نے مرحوم کے اہلخانہ سے تعزیت کے بعد ساندہ تھانہ کا بھی دوہ کیا اور پولیس حکام کو ملزم کے خلاف قانون کے مطابق ہر ممکن کاروائی کرنے کی ہدایت کی

لاہور : لاہور پولیس کے اصطبل کو قربان لائن سے ختم کر دیا گیا، لاہور پولیس کے پاس اعلیٰ نسل کے 50 تربیت یافتہ گھوڑے موجود تھے، جنہیں فیصل آباد ، گوجرانوالہ، فاروق آباد بھجوا دیا گیا، بشیر احمد ناصر کے احکامات پر پانچ گھوڑے ریس کلب میں بھجوا دئیے گئے۔

ذرائع کےمطابق ماؤنٹین فورس غیر ملکی وفود کے اعزاز میں خدمات سرانجادم دیتی تھی، سابق ادوار میں لاہور پولیس نے اصطبل پر 2 کروڑ سے زائد کی رقم خرچ کی تھی، حکومت کے اس فیصلے سے دو سال قبل اصطبل پر لگنے والے کروڑوں روپے بھی ضائع ہو گئے، اصطبل کو اب لاکھوں روپے کا ٹھیکہ دے کر مسمار کیا جائے گا۔

ہر سال کی طرح اس سال بھی یوم دفاع بھر پور جوش وجزبے سے منایا جارہا ہے، یوم دفاع پاکستان ، لاہور کی ایئربیس پرجدید جہازوں اور جنگی سازوسامان کی نمائش، تقریب کے مہمان خصوصی گورنر پنجاب نے کہا ہے کہ قوم افواج پاکستان کےشانہ بشانہ کھڑی ہے۔پشاور میں بھی آج اسی سلسلے میں ایک نمائش ہوئی ہے

‎تفصیلات کے مطابق یوم دفاع پر پاک فضائیہ ایئر بیس پر فضائی کرتب کا شاندار مظاہرہ،، برق رفتار طیاروں کی برق رفتاری کے ناقابل فراموش مظاہرے جسکا مقصد یوم دفاع کے موقع پر شہیدوں کو خراج عقیدت پیش کرنا تھا، شاہکار ایف 7 طیاروں کا فلک کی بلندیوں سےشہدائے وطن کو سلام عقیدت ، فائٹر ایف 16 کی گھن گرج نے دشمن کے دل بھی دہلا دیئے، مناظر ایسے کہ آنکھیں جسیے پلک جھپکنا ہی بھول گئیں۔

‎چھ ستمبرکی مناسبت سے پاک فضائیہ کے طیاروں اور جنگی سازو سامان کی نمائش ہوئی،1965 کی جنگ میں استعمال کیا جانے والا جنگی سازوسامان بھی پیش کیا گیا، تقریب کے مہمان خصوصی گورنر پنجاب چودھری سرور کا کہنا تھا کہ پاک فضائیہ نے ستائیس فروری کو دشمن کی جارحیت کا منہ توڑ جواب دیا۔

ذرائع کے مطابق آج لاہور ائیر بیس پر ہونے والی دفاعی نمائش میں ‎ایئروائس مارشل طارق ضیاء نے جنگ ستمبر کے شہداء کی فیملیز کو خراج تحسین پیش کرتے ہوئے کہا کہ قوم اور افواج پاکستان میں ہم آہنگی وقت کی اہم ضرورت ہے، پاک فضائیہ کےافسران کا کہنا تھا کہ وہ ملک و قوم کیلئے کسی بھی قربانی سے دریغ نہیں کریں گے۔‎اس موقع پراسکول کےبچوں نے ملی نغمے گا کرشرکاء سے خوب داد سمیٹی۔

لاہور : حکومت پنجاب محکمہ ایکسائز کی کارکردگی بہتر نہ بنا سکی . اطلاعات کے مطابق محکمہ ایکسائز نے یونیورسل نمبر پلیٹ جاری کیے بغیر عوام سے 48 کروڑ سے زائد کی رقم بٹورلی، نمبرپلیٹس کے اجراء بند ہوئے6 ماہ گزر گئے مگر تاحال کسی سے کوئی کنٹریکٹ نہیں کیا جاسکا۔ ایکسائزحکام کا کہنا ہے کہ یونیورسل نمبر پلیٹس کے اجراء میں7 سے 8 ماہ لگیں گے۔

ذرائع کے مطابق محکمہ ایکسائز یونیورسل نمبر پلیٹس کے اجراء کیلئے غیرسنجیدہ نظر آتا ہے، نئے تعینات ہونے والے ڈی جی زاہد حسین اور سیکرٹری ایکسائز بھی شہریوں کی مشکلات حل کرنے میں دلچسپی نہیں لے رہے۔

دوسری طرف یونیورسل نمبرپلیٹس تو دورکی بات پرانی نمبر پلیٹس کی مد میں فیس کی وصولی تو جاری ہے لیکن تاحال نمبر پلیٹس کے اجراء کے لیے فیصلہ نہیں کیا جا سکا کہ آیا کمپنیوں کو لائسنس جاری کیے جائیں یا ٹینڈر کے ذریعے کمپنی کو کنٹریکٹ دیا جائے۔

ذرائع کے مطابق نمبر پلیٹس کی فیس کی مد میں گزشتہ 6 ماہ کے دوران 45 ہزار سے زائد گاڑیوں اور ساڑھے 5 لاکھ سے زائد موٹر سائیکلوں کے مالکان سے 48 کروڑ کی رقم بٹورلی گئی ہے، فیس کی ادائیگی کے باوجود شہری فینسی پلیٹس بنوا کر گاڑیوں پر لگوانے کے لیے مجبورہیں، غیرنمونہ نمبر پلیٹس لگانے سے ای چالاننگ کا عمل بھی بری طرح متاثر ہورہا ہے۔

لاہور : محرم الحرام میں امن وامان کو کس طرح برقرار رکھا جائے گا ، کمشنر لاہور نے اس کے بارے میں ہدایات جاری کردیں‌، اطلاعات کے مطابق کمشنر لاہورو ایڈمنسٹریٹر میٹروپولیٹن کارپوریشن آصف بلال لودھی کی زیر صدارت محرم الحرام کی مناسبت سے اجلاس ، پی اے ایس پروبیشنرز افسران کومحرم الحرام کے حوالے سے بریفنگ دی گئی۔

کمشنرآصف بلال لودھی کے مطابق لاہور کے650 سمیت ڈویژن میں 1211 جلوس برآمد ہوں گے، شہر میں اے کیٹیگری کے143جلوس جبکہ ڈویژن میں اس کی تعداد 222 ہے، ان کا کہنا تھا کہ10 محرم کو لاہور میں نثار حویلی تا کربلا گامے شاہ کا سب سے بڑا مرکزی جلوس ہوتا ہے۔

ذرائع کے مطابق پروبیشنرزافسران بھی اے سیزکے ہمراہ محرم ڈیوٹی سر انجام دیں گے، جلوسوں کو بروقت روٹس مکمل کرانا سب سے بڑا چیلنج ہوتا ہے، تمام جلوسوں کو تین تا چار سطحی سکیورٹی مہیا کی جا رہی ہے۔