Category: لاہور

مقبوضہ کشمیر میں انسانی حقوق کی پامالی اور اس کی خود مختار حیثیت ختم کرنے کیخلاف بھارتی سپریم کورٹ میں پاکستانی وکیل نے بھی درخواست دائر کر دی

باغی ٹی وی کی رپورٹ کے مطابق بھارتی سپریم کورٹ میں درخواست جوڈیشل ایکٹیوزم پینل کے سربراہ اظہر صدیق ایڈووکیٹ نے دائر کی ہے ،درخواست میں بھارتی سپریم کورٹ کو مقبوضہ کشمیر کی صورت حال پر از خود نوٹس لینے کی استدعا کی گئی ہے.بھارتی آئین کے آرٹیکل 32 کے تحت سپریم کورٹ از خود نوٹس لے سکتی ہے،

اظہر صدیق ایڈوکیٹ نے درخواست میں کہا کہ سپریم کورٹ کے کرفیو ہٹانے کے احکامات کے باوجود صورت حال میں کوئی خاص تبدیلی نہیں آئی، انسانی حقوق کی کھلی خلاف ورزی کی جا رہی ہے، مقبوضہ کشمیر کی خود مختار حیثیت ختم کرنا بھارتی آئین کی نفی ہے،

درخواست گزار نے استدعا کی کہ بھارتی آئین کے آرٹیکل 370 کے مقبوضہ کشمیر کی خود مختار حیثیت کو بحال کیا جائے، پاکستانی وکلا کو مقبوضہ کشمیر کی صورت حال کے بارے میں بھارتی سپریم کورٹ میں پیش ہونے کی اجازت دی جائے،

کشمیر پر بھارتی سپریم کورٹ کا فیصلہ بڑی کامیابی ہے، وزیر خارجہ

بھارتی سپریم کورٹ نے بڑا فیصلہ سناتے ہوئے بھارتی حکومت کو حکم دیا کہ مقبوضہ کشمیر کے حالات معمول پر لائے جائیں، بھارتی سپریم کورٹ نے کانگریس رہنما غلام نبی آزاد کو مقبوضہ کشمیر کا دورہ کرنے کی بھی اجازت دے دی، عدالت نےغلام نبی آزاد کو مقبوضہ کشمیرکی صورتحال پررپورٹ عدالت پیش کرنے کی بھی ہدایت کی. کانگریس رہنما 4 اضلاع سرینگر،بارہ مولہ، اننت ناگ اور جموں کا دورہ کریں گے

کشمیر کے حالات کو معمول پر لایا جائے، بھارتی سپریم کورٹ کا بڑّا فیصلہ

بھارتی چیف جسٹس گوگوئی نے دوران سماعت کہا کہ ضرورت پڑی تو خود بھی جموں و کشمیر کا دورہ کروں گا،عدالت نے جموں و کشمیر ہائی کورٹ سے کشمیری بچوں کی صورتحال پر رپورٹ طلب کر لی،

مقبوضہ جموں و کشمیر سے دفعہ 370 ہٹائے جانے کے خلاف کئی درخواستیں بھارت سپریم کورٹ میں دائر کی گئی تھیں

انسدادِ منشیات عدالت لاہو ر میں رانا ثنااللہ کی درخواست ضمانت پر سماعت ہو گی

باغی ٹی وی کی رپورٹ کے مطابق منشیات کیس میں گرفتار مسلم لیگ ن کے رکن قومی اسمبلی رانا ثناء اللہ کی درخواست ضمانت پر آج سماعت ہو گی،عدالت نے فریقین کے وکلا کو بحث کے لیے طلب کررکھا ہے ،رانا ثنااللہ کی جانب سے فرہاد علی شاہ ایڈووکیٹ عدالت میں پیش ہوں گے

رانا ثناء اللہ کی جانب سے دائر درخواست میں کہا ہے کہ اے این ایف حکام نے حقائق کے برعکس مقدمہ درج کیا،منشیات کا جھوٹا کیس بنایا گیا،عدالت درخواست ضمانت بعدازگرفتاری منظور کرنے کا حکم دے .

رانا ثناء اللہ کیس کی سماعت کرنیوالے جج کا تبادلہ، ضمانت کیس کی سماعت ملتوی

رانا ثناء اللہ نے سینئر صحافی و اینکر پرسن مبشر لقمان کوجیل سے لکھا خط، کیا کہا؟

واضح رہے کہ رانا ثناء اللہ کو گزشتہ سماعت پر انسداد منشیات کی عدالت میں پیش کیا گیا ان کی ضمانت کی درخواست پر سماعت ہوئی ، اے این ایف کے وکیل نے کہا کہ مجھے رات ہی تعینات کیا گیا اس لئے کیس کو پڑھنا چاہتا ہوں ،عدالت نے اے این ایف کے وکیل کو ایک گھنٹے کا وقت دیا، اسی دوران وفاقی حکومت نے رانا ثناء اللہ کیس کی سماعت کرنے والے جج کی خدمات لاہور ہائیکورٹ کو واپس کر دیں ،جج مسعود ارشد نے رانا ثنااللہ کے کیس کی سماعت کرنے سے معذرت کر لی ،جج مسعود ارشد کا کہنا تھا کہ ہائیکورٹ نے واٹس ایپ میسج کے ذریعے کام کرنے سے روک دیا ہے، ضمانت کی درخواست پر فیصلہ نہیں کر سکتا نہ ہی ٹرائل کا ،

رانا ثناء اللہ کے خلاف درج ایف آئی آر میں لکھا گیا ہے کہ جب رانا ثناء اللہ کو روکا گیا تو انہوں نے بدتمیزی کی اور گریبان پکڑے، رانا ثناء اللہ نے ناجائز اختیارات کا استعمال کرتے ہوئے منشیات سمگل کرنے کی کوشش کی، رانا ثناء اللہ کی گاڑی سے 21 کلو منشیات ملی جس میں سے 15 کلو ہیروئن بھی شامل تھی، رانا ثناء اللہ کے خلاف مخبر کی اطلاع پر کاروائی کی گئی مخبرنےاطلاع دی کہ راناثنااللہ کی گاڑی میں منشیات ہے

وفاقی وزیرریلوے شیخ رشید راولپنڈی سے بذریعہ ٹرین لاہورپہنچ گئے

باغی ٹی وی کی رپورٹ کے مطابق وفاقی وزیر ریلوے شیخ رشید احمد لاہور پہنچ گئے ہیں، انہوں نے پنڈی سے لاہور کا سفر ٹرین میں کیا، ٹرین میں وفاقی وزیر ریلوے کے سفر کرنے پر عوام نے خوشگوار حیرت کا اظہار کیا، ٹرین میں سوار مسافر دوران سفر وفاقی وزیر ریلوے شیخ رشید احمد کے ساتھ سیلفیاں بناتے رہے ،مسافر شیخ رشید احمد کو ٹرینوں کے اوقات درست کرنے کی بھی سفارش کرتے رہے.

اگلے پانچ برس بھی عمران خان ہوں گے وزیراعظم، پیشنگوئی ہو گئی

وفاقی وزیر ریلوے شیخ رشید احمد کا کہنا تھا کہ ٹرین میں سفر اسی لئے کیا تا کہ ٹرینوں کے اوقات درست کئے جا سکیں ، اب ٹرینیں لیٹ نہیں ہوں گی، کبھی کبھار ایک ٹرین رک جائے تو پھر سب کو روکنا پڑتا ہے، ٹرین کو خسارے سے نکال رہے ہیں، اب نئی ٹرینیں چلانے کی بجائے پرانی ٹرینوں پر توجہ دیں گے ،جو گاڑیاں خسارے میں جا رہی ہیں ان کو بند کر دیں گے.

مودی سے غلطی ہوئی ، ہم اسے جانے نہیں دیں گے،آخری حد تک لڑیں گے، شیخ رشید

جس جس نے گاجریں کھائیں اس کو نیب کا چورن ملے گا، شیخ رشید

مسافروں نے جب وفاقی وزیر ریلوے شیخ رشید احمد سے ریلوے کے کرایوں میں کمی کا مطالبہ کیا تو شیخ رشید غصے میں آ گئے کہا جس نے سفر کرنا ہے کرے ،کرایوں میں کمی نہیں ہو سکتی، پٹرول کی قیمتوں میں اضافے کی وجہ سے کرایہ ہوا، ہم کم کرائے میں سفر نہیں کروا سکتے.

لاہور پہنچنے پر شیخ رشید نے میڈیا سے گفتگو کرتے ہوئے کہا کہ کشمیرمیں کرفیواٹھے گا تو کشمیریوں کی تحریک خود بخود سرگرم ہو گی ،بھارت پاکستان پرالزام لگائےگالیکن برہان وانی جیسےکشمیری اس تحریک کاحصہ ہونگے،نیب میں جس جس کاکیس ہےاسےحساب دیناہوگابےشک خورشیدشاہ ہویاکوئی اور،عمران خان کےدورمیں ہی ایم ایل ون بنےگااورسی پیک کبھی پیک نہیں ہو گا،

صوبائی وزیر اطلاعات و ثقافت میاں اسلم اقبال نے کہا ہے کہ کشمیر پاکستان کی شہ رگ ہے اور ہم اس کے لئے کسی بھی حد تک جائیں گے، کشمیر کے ایک کروڑ اور پاکستان کے 22کروڑ عوام نے کشمیری بن کر اپنا مقدمہ دنیا کے سامنے پیش کر دیا ہے،

باغی ٹی وی کی رپورٹ کے مطابق میاں‌ اسلم اقبال نے کہاکہ اگر دنیا نے مقبوضہ کشمیر میں بھارتی مظالم کی روک تھام اور کشمیریوں کو ان کا حق خودارادیت دلانے میں اپنا کردار ادا نہ کیا تو پھر نتائج کی ذمہ دار بھی دنیا ہی ہو گی، مودی کی ہٹ دھرمی خطے کے امن کے لئے خطرہ بن چکی ہے، صوبائی وزیر نے ان خیالات کا اظہار آج الحمرا آرٹ گیلری میں لاہور آرٹس کونسل الحمرا کے زیر اہتمام کشمیریوں کے ساتھ اظہار یکجہتی کے لئے مقابلہ مصوری ”کشمیر ہے لہولہو“ اور پنجاب یونین آف جرنلسٹس آفیشل کے زیر اہتمام الحمرا ہال میں منعقدہ تقریبات سے خطاب کرتے ہوئے کیا، ایگزیکٹو ڈائریکٹراطہر علی خان بھی اس موقع پر موجود تھے، صوبائی وزیر نے نوجوان آرٹسٹوں کا کشمیر کے موضوع پر کام کو دیکھا اور ان کے فن پاروں کو سراہا، صوبائی وزیر نے اطہر علی خان کے ہمراہ اعلیٰ پوزیشن حاصل کرنے والے آرٹسٹوں میں انعامات اور سرٹیفکیٹس تقسیم کئے،

صوبائی وزیر نے کہا کہ خوشی ہے کہ نوجوان آرٹسٹ کشمیریوں کی آواز بن رہے ہیں۔ انہوں نے کہا کہ وزیراعظم پاکستان نے نہتے کشمیریوں پر بھارتی مظالم اور بربریت کے خلاف عالمی ضمیر کو جھنجوڑا ہے اور وہ اقوام متحدہ کی جنرل اسمبلی سے خطاب کے دوران بھی پاکستان اور کشمیر کے عوام کی آواز بنیں گے اور اپنے خطاب میں کشمیریوں پر ہونے والے مظالم کو بھرپور طریقے سے اجاگر کریں گے، انہوں نے کہا کہ مودی نے ہندوذہنیت کے ساتھ مسلمانوں پر جو مظالم ڈھائے ہیں اس کی دنیا کی تاریخ میں کوئی مثال نہیں ملتی، انہوں نے کہا کہ پاکستانی قوم کشمیریوں کے ساتھ پورے جذبے کے ساتھ کھڑی ہے اور ہم کشمیر کے حوالے سے اپنے موقف سے ایک انچ پیچھے نہیں ہٹیں گے، بھارت نے فروری میں پاکستان پر جارحیت کر کے نتائج بھگت لئے ہیں اور اسے اندازہ ہو گیا ہو گا کہ یہ قوم جذبہ ایمانی کے ساتھ لڑتی ہے اور دشمن کے ٹینکوں کے نیچے لیٹ کر انہیں اسے نیست و نابود کر دیتی ہے،

صوبائی وزیر نے اظہاریکجہتی کشمیر کی تقریب میں صحافیوں میں ایوارڈ بھی تقسیم کئے ایگزیکٹو ڈائریکٹر اطہرعلی خان نے کہا کہ ”کشمیر ہے لہولہو“ میں نوجوانوں کا کام مثالی ہے اور حقائق کو قریب سے پینٹ کیا گیا ہے،

گورنرپنجاب چوہدری سرور سے جاپانی سفیر اورکینیڈین ہائی کمشنرکی ملاقات ہوئی ہے،

باغی ٹی وی کی رپورٹ کے مطابق مسئلہ کشمیر، خطے کی صورتحال اور دہشتگردی کے خلاف جنگ سمیت دیگرمسائل پرتبادلہ خیال کیا گیا، چوہدری سرورکی جانب سے سفارتکاروں سے بھارت کے جنگی جنون، کشمیرکی صورتحال کانوٹس لینےکا مطالبہ کیا گیا، چوہدری سرور نے کہاکہ کشمیریوں پرمظالم کی وجہ سےخطےمیں صورتحال انتہائی کشیدہ ہے،

چوہدری سرور نے کہاکہ دنیاکی ذمہ داری ہےکہ وہ جارحانہ اقدامات کےخاتمےکےلیےکرداراداکرے، ہماری ترجیح امن اورمسائل کوحل کرناہے،

مسلم لیگ ن کے رہنما رانا مشہود احمد نے کہا ہے کہ پنجاب میں نالائقوں کی حکومت ہے،

باغی ٹی وی کی رپورٹ کے مطابق میڈیا سے گفتگو کرتے ہوئے انہوں‌ نے کہاکہ شہبازشریف کےہوتےہوئےایک چھتری اورسایہ تھا،
کدھرگئیں وہ دوائیاں اورپمپس جوڈینگی کےلئےہم نےرکھاتھا، حکومت نےڈینگی کےلئےبنائےایس اوپیزپرعمل نہیں کیا، پنجاب کےلوگ شہبازشریف کی واپسی کی دعائیں کررہے ہیں، آج بتایاجائےکہ وزیراعلیٰ پنجاب کدھرہے،

رانا مشہود احمد نے کہاکہ قاتل کوپکڑنےکےلئےایک کروڑکےانعام کااعلان کیاگیاتھا، ہمارےدورمیں جب قصورواقعہ ہواتوشہبازشریف خودجاکرادھربیٹھ گئے، آج پاکستان کی معیشت آئی ایم ایف اورورلڈبینک کےحوالےکردی گئی، پٹرول دنیامیں سستا،پاکستان میں مہنگاترین کردیاگیا، عمران خان نےکینسراسپتال بنایالیکن مریضوں کےلئےکینسرکی ادویات بندکردیں، بچوں کواسکالرشپ مل رہی تھی،تعلیم کاخیال رکھاجارہاتھا،