Category: لاہور

فلسطینی پشیماں نہیں پرامید ہیں کہ اسرائیل سے آزادی ملے گی۔ ۔حافظ طلحہ سعید،حافظ خالد نیک

مرکزی مسلم لیگ کے رہنماؤں سیف اللہ قصوری، حافظ طلحہ سعید ،حافظ خالد نیک نے کہا ہے کہ اسرائیل کے غزہ کے ہسپتالوں پر حملے درندگی کی انتہا ہے، غزہ میں مسلمانوں پر اسرائیلی حملوں کی محض مذمت سے کچھ نہیں ملے گا۔ وقت کا تقاضاہے کہ فلسطینی مسلمانوں کا ہر طرح سے ساتھ دیا جائے۔ فلسطینی اپنی قربانیوں پر پشیماں نہیں بلکہ پر امید ہیں کہ اسرائیل سے آزادی ملے گی۔

ان خیالات کا اظہار انہوں نے خدمت کا رمضان مہم کے تحت سحر و افطار پروگراموں سے خطاب و کارکنان سے گفتگو کرتے ہوئے کیا، مرکزی مسلم لیگ کے سیکرٹری جنرل سیف اللہ قصوری کا کہنا تھا کہ امت مسلمہ کو اسرائیلی جارحیت کے خلاف متحد وبیدار ہو کر لائحہ عمل دینا چاہئے،ڈیڑھ سال سے مذمتیں ہو رہی ہیں لیکن مسئلہ مذمتوں سے حل نہیں ہو گا، ہسپتالوں، اسکولوں اور عام شہری آبادی پر بمباری جنگی جرائم کے زمرے میں آتی ہے .

مرکزی مسلم لیگ کے نائب صدر حافظ طلحہ سعید ڈپٹی سیکرٹری جنرل حافظ خالد نیک کا کہنا تھا کہ غزہ کی جنگ مسلمانوں نے جیتنی ہے ۔ پاکستان فلسطینیوں کے ساتھ کھڑا ہے۔ اللہ کے دین پر کھڑے ہوں گے تو حالات بدل جائیں گے۔رمضان میں قرآن مجید کو دلوں میں بسائیں۔ خدمت کا رمضان مہم ملک بھر میں جاری ہے. مرکزی مسلم لیگ خدمت کی سیاست ،منشور پر عمل پیرا اور ملک بھر میں عوام کی خدمت کر رہی ہے.

لاہور: مشہور ڈرامہ نگار خلیل الرحمان قمر کے ہنی ٹریپ اور اغوا برائے تاوان کیس کی سماعت انسداد دہشتگردی عدالت میں ہوئی۔

کیس میں ملزمہ آمنہ عروج، حسن شاہ اور دیگر 12 ملزمان کی موجودگی میں آج سماعت ہوئی۔آمنہ عروج اور حسن شاہ سمیت دیگر ملزمان کو جیل سے عدالت میں پیش کیا گیا جہاں عدالت میں مدعی مقدمہ خلیل الرحمان قمر بطور گواہ پیش ہوئے۔ دوران سماعت، ملزمان کے وکلاء نے خلیل الرحمان قمر کے بیان پر جرح کی، جبکہ تمام ملزمان کے وکلاء نے الگ الگ بیانات پر جرح کی۔خلیل الرحمان قمر نے عدالت میں اپنے بیان میں کہا کہ ملزمہ آمنہ عروج نے دھوکہ دہی سے انہیں اپنے فلیٹ پر بلایا اور وہاں پر انہیں اغوا کر لیا گیا۔ انہوں نے یہ بھی کہا کہ ملزمان نے ان سے ایک کروڑ روپے تاوان کا مطالبہ کیا۔

سماعت کے دوران دیگر گواہان کی شہادتیں بھی ریکارڈ کی جا چکی ہیں، جنہوں نے ملزمان کے اغوا اور تاوان کے مطالبے کی تصدیق کی۔عدالت نے کیس کی مزید سماعت کل تک ملتوی کر دی ہے، اور کل آخری گواہ، تفتیشی افسر عمران یوسف کے بیان پر جرح کی جائے گی۔

لاہور ہائیکورٹ نے اس کیس کا جلد فیصلہ کرنے کا حکم دے رکھا ہے، اور انسداد دہشتگردی عدالت کے جج ارشد جاوید نے کیس پر سماعت کی۔

آزادی اظہار رائےبنیادی حق، کمپرومائز نہیں کیا جا سکتا، صحافیوں کو ڈیجیٹل تربیت دیں گے.تابش قیوم

پاکستان مرکزی مسلم لیگ کے صدر خالد مسعود سندھو نے کہا ہے کہ حکمرانوں کی ناقص پالیسیوں کی وجہ سے پاکستان بدامنی کی لپیٹ میں ہے.بلوچستان پاکستان کی شان، مسائل کے حل کے لیے سیاسی جماعتیں کردار ادا کریں، دہشتگردخواہ کوئی بھی ہو، ہمدردیاں سمیٹنے کا موقع نہیں ملنا چاہئے، ایک قوم بن کر ملک کو درپیش مسائل سے نکالا جاسکتا ہے، پاکستان میں سیاسی استحکام کے لیے ڈائیلاگ بہت ضروری ہے،خدمت کا رمضان مہم کے تحت ملک بھر میں سحر و افطار دسترخوان لگائےگئے ہیں،

ان خیالات کا اظہار انہوں نے ننکانہ میں صحافیوں کے اعزاز میں افطار ڈنر کی تقریب کے موقع پر گفتگوکرتے ہوئے کیا، اس موقع پر مرکزی مسلم لیگ کے ترجمان تابش قیوم،مرکزی مسلم لیگ ننکانہ کے سیکرٹری جنرل ثاقب مجید، ڈپٹی انفارمیشن سیکرٹری پنجاب محمد عبداللہ بھی موجود تھے. خالد مسعود سندھو کا کہنا تھا کہ پاکستان بیرونی دہشت گردی کی زد میں ہے، بلوچستان، خیبرپختونخوا میں دہشت گردی پر تشویش ہے، امن و امان قائم کرنا صوبائی حکومتوں پر لازم ہے، پاکستان میں امن قائم کرنے کے لیے قومی سطح پر گرینڈ جرگہ بلایا جائے، کلمہ کے نام پر حاصل کیا گیا ملک 77 سال میں آگے بڑھنے کے بجائے پیچھے چلا گیا،وطن عزیز پاکستان میں امن و امان کے قیام کے لیے صدر مملکت کو خط لکھا ہے.

خالد مسعود سندھو کا مزید کہنا تھا کہ پنجاب حکومت نے گندم کا ریٹ تاحال مقرر نہیں کیا ،حکومت کسانوں کو ریلیف فراہم کرے، مہنگائی کے خاتمے کے دعویدار حکمران اپنی تںخواہوں میں تو اضافے کر رہے ہیں لیکن عوام غربت کی چکی میں پستی چلی جا رہی ہے. آئی ایم ایف ودیگر عالمی اداروں سے قرضے لے کر ملک نہیں چلایا جا سکتا، اگر پاکستان کو معاشی استحکام کی راہ پر گامزن کرنا ہے تو سب سے پہلے سودی نظام کو ختم کرنا ہوگا،

مرکزی مسلم لیگ کے ترجمان تابش قیوم کا کہنا تھا کہ مرکزی مسلم لیگ سیاست کو خدمت سمجھتی ہے، مرکزی مسلم لیگ پاکستان کی بہتری کے لیے سیاست کر رہی ہے، پیکا قانون صحافت پر قدغن ہے، پاکستان کی صحافت مضبوط ہوگی تو ملک مضبوط ہوگا، پیکا ایکٹ کی وجہ سے صحافی ڈر، خوف کا شکار ہیں، آزادی اظہار رائےبنیادی حق، اس پر کمپرومائز نہیں کیا جا سکتا،ہم ملک بھر میں صحافیوں کو ڈیجیٹل تربیت فراہم کریں گے، سیاسی شعور سے قوموں کی تقدیر بدلتی ہے،مرکزی مسلم لیگ اقتدار میں نہ ہوتے ہوئے بھی عوام کی خدمت کر رہی ہے ، پاکستان کو اس سیاست کی ضرورت ہے جو انتشار اور تفریق کی بجائے اتحادویکجہتی کے لئے ہو.

پانی زندگی ہے، پاکستان میں پانی کا مسئلہ سنگین بحران کی صورتحال اختیار کر چکا ،چولستان کینال منصوبے پریکطرفہ فیصلے کی بجائے قومی اتفاق رائے پیدا کیا جائے، حکومت ہنگامی بنیادوں پر ڈیموں کی تعمیر کرے اور پانی کے ضیاع کو روکنے کے لیے اقدامات اٹھائے، مرکزی مسلم لیگ عوام میں پانی کے درست استعمال اور بچت کے حوالے سے آگاہی مہم چلائے گی.

لاہور میں لاقانونیت کا واقعہ، ستوکتلہ میں بیوی نے اپنے بھائی کےہاتھوں شوہر کو پٹوا دیا

پولیس نے فوری کارروائی کرتے ہوئے تشدد کرنے والے ملزم یوسف کو گرفتار کر لیا ہے، جو گزشتہ دنوں ستوکتلہ کے علاقے میں اپنے بہنوئی کو رسیوں سے باندھ کر بدترین تشدد کا نشانہ بنا رہا تھا۔ پولیس نے واقعے کا نوٹس لیتے ہوئے ملزم کے خلاف مقدمہ درج کیا اور اسے گرفتار کر لیا۔پولیس کو گزشتہ روز اس تشدد کا ایک ویڈیو موصول ہوئی تھی جس کے بعد فوری طور پر پولیس نے ایکشن لیتے ہوئے ملزم یوسف کو گرفتار کیا۔ واقعے کا مقدمہ نمبر 991/25 کے تحت درج کیا گیا اور ملزم علی حسین کو گرفتار کر لیا گیا۔

ڈی آئی جی آپریشنز فیصل کامران نے میڈیا کو بتایا کہ یہ واقعہ ایک گھریلو معاملے پر پیش آیا تھا، جس میں ملزم یوسف نے اپنے بہنوئی کو باندھ کر اس پر تشدد کیا۔ فیصل کامران نے مزید بتایا کہ یوسف کی بیوی اپنے میکے جانے کے بہانے ملزم یوسف کو اپنے ساتھ لے کر گئی تھی اور سسرال والوں نے گھریلو مسائل کا بہانہ بنا کر یوسف کو تشدد کا نشانہ بنایا۔فیصل کامران نے واضح کیا کہ قانون ہاتھ میں لینے والے افراد کے خلاف سخت قانونی کارروائی کی جائے گی اور ایسے افراد کو کڑی سزا دی جائے گی۔ انہوں نے کہا کہ شہریوں کے جان و مال کو نقصان پہنچانے والوں کے خلاف زیرو ٹالرنس پالیسی اپنائی جا رہی ہے۔

فیصل کامران نے شہریوں کو آگاہ کیا کہ پولیس ایسے واقعات پر ہرگز نظر انداز نہیں کرے گی اور اس طرح کی غیر قانونی سرگرمیوں کے خلاف سخت کارروائی کرے گی۔ انہوں نے شہریوں سے درخواست کی کہ وہ کسی بھی قسم کی لاقانونیت کے خلاف پولیس سے تعاون کریں تاکہ شہر میں امن قائم رکھا جا سکے۔

محکمۂ انسداد دہشت گردی (سی ٹی ڈی) نے پنجاب کے مختلف شہروں میں 166 انٹیلی جنس بیسڈ آپریشنز کے دوران 11 دہشت گردوں کو گرفتار کرنے میں کامیابی حاصل کی ہے۔

یہ کارروائیاں سرگودھا، راولپنڈی، پاک پتن، گجرات، چکوال، بہاولپور، بہاول نگر اور فیصل آباد میں کی گئیں، جن کے دوران متعدد دہشت گردوں کو قانون کی گرفت میں لایا گیا۔ترجمان سی ٹی ڈی کے مطابق ان آپریشنز کے دوران میانوالی میں ٹی ٹی پی (تحریک طالبان پاکستان) کے ایک خطرناک دہشت گرد کو گرفتار کیا گیا، جو بارودی مواد سمیت پکڑا گیا۔ اس دہشت گرد کے قبضے سے دھماکا خیز مواد، ڈیٹونیٹرز، پمفلٹ، نقدی اور پرائمہ کارڈ بھی برآمد کیے گئے ہیں۔ترجمان سی ٹی ڈی نے مزید بتایا کہ گرفتار ہونے والے دہشت گردوں کی شناخت حیدر سلطان، ولی رحمٰن، زبیر، امین، اکبر، مقصود خان، عمیر، ظفر اقبال، ابراہیم قاسمی، محب اللّٰہ اور صدام حسین کے ناموں سے ہوئی ہے۔

سی ٹی ڈی کی جانب سے یہ کارروائیاں دہشت گردوں کے منصوبوں کو ناکام بنانے اور عوامی تحفظ کے لیے کی گئی ہیں۔ ان کارروائیوں سے یہ ظاہر ہوتا ہے کہ انسداد دہشت گردی کے ادارے اپنی صلاحیتوں کو بڑھاتے ہوئے دہشت گردوں کی سرگرمیوں کا پتہ لگا رہے ہیں اور ان کی روک تھام کے لیے موثر اقدامات کر رہے ہیں۔یہ کامیاب آپریشنز اس بات کا ثبوت ہیں کہ پاکستان میں دہشت گردی کے نیٹ ورک کیخلاف سخت کارروائیاں جاری ہیں اور سیکورٹی ادارے اپنے فرائض کو بخوبی انجام دے رہے ہیں۔