Category: لاہور

‎شدید گرمی اور شہریوں کی لاپرواہی کے باعث لاہور میں قربانی کے جانور مختلف بیماریوں کا شکار ہونے لگے ہیں، جس کے بعد ویٹرنری اسپتالوں میں بیمار مویشیوں کی تعداد میں نمایاں اضافہ دیکھا جا رہا ہے۔
‎رپورٹس کے مطابق گزشتہ دو ہفتوں کے دوران ساڑھے 3 ہزار سے زائد جانور بخار، کھانسی، نزلہ، زکام، ڈائریا اور چچڑ جیسی بیماریوں میں مبتلا ہو کر ویٹرنری اسپتال پہنچائے گئے۔
‎لاہور کے سرکاری ویٹرنری اسپتال کی ایمرجنسی میں روزانہ تقریباً ڈھائی سو چھوٹے اور بڑے مویشی علاج کے لیے لائے جا رہے ہیں، جہاں انہیں مفت طبی سہولیات اور ادویات فراہم کی جا رہی ہیں۔
‎شہریوں کا کہنا ہے کہ قربانی کے جانور اچانک بیمار پڑ رہے ہیں جس کے باعث انہیں فوری طور پر اسپتال منتقل کرنا پڑ رہا ہے۔
‎ویٹرنری ماہرین کے مطابق شدید گرمی میں جانوروں کو تنگ جگہوں پر رکھنا اور بیمار مویشیوں کے ساتھ باندھنا بیماریوں کے پھیلاؤ کی بڑی وجہ بن رہا ہے۔
‎ماہرین نے خبردار کیا ہے کہ جانوروں کو غیر مناسب خوراک دینا بھی ان کی صحت کے لیے نقصان دہ ثابت ہو رہا ہے۔ ان کے مطابق چارے کے بجائے روٹیاں، برگر، پیزا، تربوز اور دیگر غیر متوازن غذائیں کھلانے سے مویشی بیمار ہو رہے ہیں۔
‎طبی ماہرین کا کہنا ہے کہ جانوروں میں چچڑ کی بیماری بھی تیزی سے پھیل رہی ہے، اس لیے منڈی سے جانور خریدتے وقت ان کے جسم اور کانوں کا اچھی طرح معائنہ کرنا چاہیے۔
‎ویٹرنری اسپتال انتظامیہ کے مطابق جانوروں کے لیے 24 گھنٹے مفت علاج، ادویات اور ایمبولینس سروس کی سہولت بھی فراہم کی جا رہی ہے تاکہ عید الاضحیٰ کے موقع پر شہریوں کو مشکلات کا سامنا نہ کرنا پڑے۔
‎ماہرین نے شہریوں کو ہدایت کی ہے کہ جانوروں کو سایہ دار جگہ پر رکھیں، صاف پانی فراہم کریں اور مناسب خوراک کا خاص خیال رکھیں تاکہ انہیں بیماریوں سے محفوظ رکھا جا سکے۔

لاہور: وزیراعلیٰ پنجاب مریم نواز کی زیر صدارت ویڈیو لنک اجلاس میں عیدالاضحیٰ کے موقع پر صوبہ بھر میں صفائی ستھرائی کے فول پروف انتظامات کا جامع پلان تیار کر لیا گیا۔ اجلاس میں گلی محلوں اور ممنوعہ مقامات پر جانوروں کی آلائشیں اور باقیات پھینکنے والوں پر 50 ہزار روپے جرمانہ عائد کرنے کی منظوری دے دی گئی۔

وزیراعلیٰ پنجاب نے ہدایت کی کہ عید کے دوران صفائی کے تمام ادارے “ون گورنمنٹ یونٹ” کے طور پر کام کریں گے، جبکہ بہترین کارکردگی دکھانے والوں کو انعام اور شکایات پر متعلقہ اہلکاروں کے خلاف کارروائی کی جائے گی۔اجلاس میں بتایا گیا کہ ممنوعہ مقامات پر آلائشیں پھینکنے کی روک تھام اور نگرانی کیلئے خصوصی ویجلینس اسکواڈ قائم کر دیے گئے ہیں، جو ڈرینوں، نہروں، گلیوں اور دیگر حساس مقامات کی مسلسل نگرانی کریں گے۔ وزیراعلیٰ نے ہر شہر میں ڈرین، کینال اور دیگر عوامی مقامات کی خصوصی صفائی یقینی بنانے کی ہدایت بھی جاری کی۔مریم نواز نے پرائیویٹ ہاؤسنگ سوسائٹیوں، ریلوے کالونیوں اور کنٹونمنٹ ایریاز میں بھی صفائی کے مؤثر انتظامات یقینی بنانے کی ہدایت کی۔ اس کے علاوہ پنجاب بھر کی 2687 نمایاں کمرشل مارکیٹوں کی خصوصی صفائی کا حکم بھی دیا گیا تاکہ عید کے دنوں میں شہریوں کو صاف ستھرا ماحول فراہم کیا جا سکے۔

اجلاس کے دوران وزیراعلیٰ کو بریفنگ دی گئی کہ عید صفائی آپریشن میں 1 لاکھ 76 ہزار سینیٹری ورکرز جبکہ 8 ہزار سے زائد عارضی کارکن حصہ لیں گے۔ صوبے بھر میں جانوروں کی باقیات جمع کرنے کیلئے 3800 پرائمری کلیکشن سینٹرز اور 3100 ڈمپنگ سائٹس قائم کی گئی ہیں، جبکہ آلائشیں تلف کرنے کیلئے 7 ہزار ڈمپنگ پوائنٹس بھی بنائے جائیں گے۔بریفنگ کے مطابق “ستھرا پنجاب” عید آپریشن کیلئے 4500 خصوصی کیمپ قائم کیے جائیں گے اور 40 ہزار سے زائد اضافی گاڑیاں استعمال کی جائیں گی۔ اس کے علاوہ لوڈر رکشے، منی ڈمپرز، ٹریکٹر ٹرالیاں اور پک اپ گاڑیاں بھی ہائر کی جائیں گی تاکہ صفائی کے عمل کو تیز اور مؤثر بنایا جا سکے۔پنجاب حکومت کی جانب سے شہریوں کو جانوروں کی باقیات محفوظ طریقے سے تلف کرنے کیلئے ڈی گریڈ ایبل شاپنگ بیگز فراہم کیے جائیں گے۔ عید کے اجتماعات اور مساجد میں عرق گلاب کا اسپرے بھی کیا جائے گا تاکہ ماحول کو خوشگوار بنایا جا سکے۔حکومت نے شہریوں کی شکایات اور رہنمائی کیلئے “ستھرا پنجاب” ہیلپ لائن 1139 بھی فعال رکھنے کا اعلان کیا ہے تاکہ صفائی سے متعلق مسائل فوری طور پر حل کیے جا سکیں۔

صوبہ پنجاب میں کاؤنٹر ٹیررازم ڈیپارٹمنٹ (سی ٹی ڈی) نے پنجاب کے مختلف علاقوں میں کارروائیوں کے دوران مختلف کالعدم تنظیموں سے تعلق رکھنے والے 13 دہشت گردوں کو گرفتار کر کے دہشت گردی کا بڑا منصوبہ ناکام بنا دیا۔ لاہور سے فتنہ الخوارج کا خطرناک دہشت گرد مختار بھاری مقدار میں برودی مواد سمیت گرفتار ۔مختار کا تعلق علاقہ غیر سے ہے

ترجمان کے مطابق سی ٹی ڈی پنجاب نے دہشت گردی کے کسی بھی ناخوشگوار واقعے سے موثر انداز میں نمٹنے کے لیے صوبے کے مختلف اضلاع میں انٹیلی جنس پر مبنی 58 کارروائیاں کیں، جن میں ،58 مشتبہ افراد سے پوچھ گچھ کی گئی اور 13 دہشت گردوں کو اسلحہ، دھماکہ خیز مواد اور دیگر ممنوعہ مواد سمیت گرفتار کیا گرفتار دہشت گردوں میں مختار احمد ۔یونس ۔فیروز خان ۔ولی ۔اویس ۔فرمان ۔مومن ۔عدنان ۔راجہ فیصل ۔رضا خان ۔غلام شبیر ۔ساجد ۔مختار شاہ شامل ہیں ، ان گرفتار دہشت گردوں کا تعلق فتنہ الخوارج اور دیگر دہشت گرد تنظیموں سے ہے گرفتار دہشت گردوں کا تعلق لاہور ۔جھنگ ۔ساہیوال ۔جیلم ۔چنیوٹ ۔منڈی بہاؤدین ۔میانوالی سے ہیں

دھماکہ خیز مواد2010 گرام، ڈیٹونیٹر 8 سیفٹی فیوز وائر 15 فٹ، ائی ای ڈی بم 4 . کالعدم تنظیم کے پمفلٹ ، میگزین.پرائمہ کارڈ .موبائل فون اور نقدی دہشت گردوں کے قبضے سے برآمد کر لی ہے ، ترجمان نے کہا کہ دہشت گرد قانون نافذ کرنے والے اداروں کے دفاتر کو نشانہ بنانا چاہتے تھے انہوں نے مزید کہا کہ گرفتار دہشت گردوں کے خلاف 13 مقدمات درج کر کے ان سے مزید تفتیش کی جا رہی ہے ، انہوں نے کہا کہ مقامی پولیس اور سیکیورٹی اداروں کے تعاون سے 1487 کومبنگ آپریشنز بھی کیے گئے، 53335 افراد کو چیک کیا گیا، 168 مشتبہ افراد کو گرفتار کیا گیا، 153 ایف آئی آر درج کی گئیں اور 150 بازیابیاں کی گئیں

وزیرِ اعظم محمد شہباز شریف اپنے چار روزہ دورہء چین کے پہلے مرحلے میں ہانگژو روانہ ہو گئے

نائب وزیرِ اعظم و وزیرِ خارجہ سینیٹر محمد اسحاق ڈار، وزیرِ منصوبہ بندی احسن اقبال، وزیرِ اطلاعات و نشریات عطاء اللہ تارڑ، وزیر آئی ٹی شزہ فاطمہ خواجہ اور معاون خصوصی طارق فاطمی وزیرِ اعظم کے ہمراہ روانہ ہوئے.وزیرِ اعظم ہانگژو میں ژجیانگ صوبے کے پارٹی سیکریٹری سے ملاقات کریں گے. سی پیک فیز 2 کے تحت پاکستانی اور چینی کمپنیوں کے مابین تعاون کے فروغ کیلئے منعقدہ بزنس فورم میں شرکت کریں گے اور معاہدوں و مفاہمتی یادداشتوں کے تبادلے کی تقریب میں شرکت کریں گے.علاوہ ازیں وزیرِ اعظم کی معروف چینی کمپنیوں کے سی ای اوز سے ملاقاتیں بھی ہونگی. وزیرِ اعظم چینی کمپنی علی بابا کے ہیڈکوارٹر کا دورہ بھی کریں گے اور تعاون کی مفاہمتی یادداشتوں پر دستخط کی تقریب میں شرکت کریں گے.

بعد ازاں وزیرِ اعظم دورہء بیجنگ کیلئے روانہ ہونگے. بیجنگ میں وزیرِ اعظم کی چینی صدر شی جنپنگ اور وزیرِ اعظم لی چیانگ سے ملاقاتیں ہونگی. وزیرِ اعظم پاک چین سفارتی تعلقات کی 75 ویں سالگرہ کے حوالے سے منعقدہ تقریب میں شرکت بھی کریں گے.وزیرِ اعظم معروف چینی کمپنیوں کے سربراہان سے بھی ملاقاتیں کریں گے. وزیرِ اعظم چائنہ اکیڈمی آف ایگری کلچر سائنسز (CAAS) کا بھی دورہ کریں گے.وزیرِ اعظم کا دورہء چین پاکستان چین تعلقات میں نئی جہتوں کا اضافہ کرے گا جس میں بالخصوص سی پیک فیز 2 کے تحت پاکستان و چینی کمپنیوں کے ساتھ تعاون میں اضافہ شامل ہے.