Category: لاہور

ایف آئی اے (فیڈرل انویسٹیگیشن ایجنسی) نے انسانی سمگلنگ کے ایک بڑے نیٹ ورک کے خلاف کارروائی کرتے ہوئے مراکش کشتی حادثے میں ملوث ایک اہم انسانی اسمگلر کو گرفتار کر لیا۔

یہ کارروائی ایف آئی اے کمپوزٹ سرکل گجرات اور ڈی جی خان کے مظفرگڑھ میں مشترکہ طور پر کی گئی، جس کے دوران گرفتار ہونے والے ملزم کی شناخت عدیل احمد کے نام سے ہوئی ہے۔گرفتار ملزم عدیل احمد کا تعلق انسانی اسمگلنگ کے ایک منظم گروہ سے تھا، جو غیر قانونی طور پر افراد کو غیر محفوظ راستوں سے مختلف ممالک بھیجنے کی کوشش کرتا تھا۔ ملزم کو مظفرگڑھ میں ایک چھاپہ مار کارروائی کے دوران گرفتار کیا گیا۔ عدیل احمد ایف آئی اے کمپوزٹ سرکل گجرات کی فہرست میں مطلوب تھا اور اس پر مراکش میں پیش آنے والے کشتی حادثے میں ملوث ہونے کا الزام تھا۔ملزم اور اس کے ساتھیوں نے متاثرہ شخص، ریحان اسلم، کو اسپین پہنچانے کے لیے 40 لاکھ روپے کا معاہدہ کیا تھا۔ متاثرہ کے اہل خانہ نے رقم گرفتار ملزم کے بینک اکاؤنٹ میں ٹرانسفر کی تھی۔ ان ملزمان نے ریحان اسلم کو پہلے پاکستان سے دبئی بھجوایا، پھر دبئی سے ایتھوپیا اور سینیگال کے ذریعے موریطانیہ تک پہنچایا، جہاں سے کشتی کے ذریعے اسپین پہنچانے کی کوشش کی گئی۔ تاہم، اس کشتی حادثے میں ریحان اسلم کی موت واقع ہوگئی۔

گرفتار ملزم کے خلاف مقدمہ درج کر کے تفتیش کا آغاز کر دیا گیا ہے، اور گینگ کے دیگر ملزمان کی گرفتاری کے لیے چھاپے مارے جا رہے ہیں۔ ایف آئی اے کی ٹیمیں اس معاملے میں متاثرہ کے لواحقین سے مسلسل رابطے میں ہیں تاکہ کیس کی مزید تفصیلات کو سامنے لایا جا سکے۔ڈائریکٹر ایف آئی اے گجرانوالہ زون عبدالقادر قمر نے کہا کہ انسانی اسمگلنگ کے نیٹ ورک کے خلاف کارروائیاں مزید تیز کر دی گئی ہیں اور ان افراد کے خلاف زیرو ٹالرنس پالیسی پر عمل کیا جا رہا ہے۔ انہوں نے کہا کہ "معصوم جانوں سے کھیلنے والوں کو انصاف کے کٹہرے میں لایا جائے گا اور ان کے خلاف سخت کارروائی کی جائے گی۔”عبدالقادر قمر نے مزید کہا کہ کشتی حادثات میں ملوث انسانی سمگلروں کو سخت سزائیں دلوائی جائیں گی اور بین الاقوامی سطح پر ان کے نیٹ ورک کو جڑ سے ختم کرنے کی کوششیں جاری رکھی جائیں گی۔

ایف آئی اے کی کوشش ہے کہ انسانی اسمگلنگ کے عالمی نیٹ ورک کو ختم کیا جائے تاکہ آئندہ اس طرح کے سانحات سے بچا جا سکے۔ اس سلسلے میں ایف آئی اے کی ٹیمیں دنیا بھر میں اپنے روابط کو مزید مستحکم کر رہی ہیں تاکہ غیر قانونی اسمگلنگ کے معاملے میں ملوث افراد کے خلاف سخت کارروائیاں کی جا سکیں۔یہ کارروائی انسانی اسمگلنگ کے خلاف ایف آئی اے کی عزم کا اظہار ہے اور اس بات کو واضح کرتی ہے کہ انسانی سمگلنگ کی روک تھام کے لیے کسی بھی فرد کو بخشا نہیں جائے گا۔

تصاویر:برطانیہ اور آئرلینڈ میں طوفان ایووین کی تباہی، نظام زندگی درہم برہم

سی ٹی ڈی نے کالعدم تنظیموں کے 10 دہشت گردوں کو گرفتار کر لیا

صوبہ پنجاب میں کاؤنٹر ٹیررازم ڈیپارٹمنٹ (سی ٹی ڈی) نے پنجاب کے مختلف علاقوں میں کارروائیوں کے دوران کالعدم تنظیم سے تعلق رکھنے والے 10 دہشت گردوں کو گرفتار کر کے دہشت گردی کا بڑا منصوبہ ناکام بنا دیا۔

ترجمان کے مطابق سی ٹی ڈی پنجاب نے دہشت گردی کے کسی بھی ناخوشگوار واقعے سے موثر انداز میں نمٹنے کے لیے صوبے کے مختلف اضلاع میں انٹیلی جنس پر مبنی 163 کارروائیاں کیں، جن میں 165 مشتبہ افراد سے پوچھ گچھ کی گئی اور 10 دہشت گردوں کو اسلحہ، دھماکہ خیز مواد اور دیگر ممنوعہ مواد سمیت گرفتار کیا گیا۔ گرفتار دہشت گردوں میں رفیق ۔اکبر ۔زین اللہ ۔اویس احمد ۔احسان ۔سجاد ۔لقمان ۔ندیم وغیرہ شامل ہیں، انہوں نے مزید کہا کہ دہشت گردوں کا تعلق فتنہ خوارج اور دیگر تنظیموں سے ہے ، انہوں نے کہا کہ ان دہشت گردوں کی گرفتاری لاہور ۔ ۔راولپنڈی ۔شیخوپورہ ۔بہاول نگر ۔میانوالی۔ سرگودھا ۔فیصل اباد میں انٹیلی جنس بیسڈ آپریشنز کے دوران کی گئی۔ دھماکہ خیز مواد 3010 گرام، ڈیٹونیٹرز 11، سیفٹی فیوز وائر 22 فٹ، ائی ای ڈی بم 1 کالعدم تنظیم کے پمفلٹ 75، میگزین .14350 روپے نقدی دہشت گردوں کے قبضے سے برآمد کر لی ہے

ترجمان نے کہا کہ دہشت گردوں نے لاہور اور دیگر شہروں میں اہم عمارتوں کو ٹارگٹ کرنے کا منصوبہ بنا رکھا تھا انہوں نے مزید کہا کہ گرفتار دہشت گردوں کے خلاف 10 مقدمات درج کر کے ان سے مزید تفتیش کی جا رہی ہے ، انہوں نے کہا کہ رواں ہفتے کے دوران مقامی پولیس اور سیکیورٹی اداروں کے تعاون سے 2893 کومبنگ آپریشنز بھی کیے گئے، 111849 افراد کو چیک کیا گیا، 736 مشتبہ افراد کو گرفتار کیا گیا، 551 ایف آئی آر درج کی گئیں اور 497 بازیابیاں کی گئیں۔

کاؤنٹر ٹیررازم ڈیپارٹمنٹ پنجاب مستعدی سے محفوظ پنجاب کے اپنے ہدف پر عمل پیرا ہے اور دہشت گردوں اور ریاست دشمن عناصر کو سلاخوں کے پیچھے پہنچانے کی کوششوں میں کوئی کسر نہیں چھوڑی جائے گی،

آئین اور قانون کی پاسداری ہر ادارے کی ذمہ داری ہے، شرجیل میمن

رہائشی کمپلیکس میں سیکیورٹی معاملات بہت سنجیدگی سے لینے کی ضرورت ہے،شاہد کپور