Category: لاہور

ایف آئی اے نے پاکستان کے میڈیا سیکٹر میں مبینہ منی لانڈرنگ کے ایک بڑے نیٹ ورک کی تحقیقات کا دائرہ وسیع کر دیا ہے۔ اس سلسلے میں ہم نیٹ ورک کے کمپنی سیکریٹری کو طلب کر لیا گیا ہے جبکہ متعدد دیگر معروف اداروں کے مالیاتی ریکارڈز بھی حاصل کیے جا رہے ہیں۔

ذرائع کے مطابق یہ تحقیقات ابتدا میں ایک معمول کی کارروائی کے طور پر شروع ہوئیں جب ایف آئی اے کے کمرشل بینکنگ سرکل کراچی نے جے ایس بینک کی زمزمہ برانچ پر چھاپہ مارا۔ چھاپے کی وجہ حوالہ اور ہنڈی کے ذریعے غیر قانونی رقوم کی ترسیل اور غیر قانونی طور پر غیر ملکی کرنسی کی فروخت کے الزامات تھے،اس کارروائی کے دوران بینک کے ایریا منیجر نعمان رؤف کو اپنے چند ساتھیوں سمیت گرفتار کیا گیا۔ حکام کے مطابق ان پر تقریباً 15 ہزار امریکی ڈالر غیر قانونی طور پر فروخت کرنے کا الزام ہے،تفتیش کے دوران جب حکام نے نعمان رؤف کا ذاتی موبائل فون چیک کیا تو اس میں موجود ڈیٹا نے پورے کیس کا رخ بدل دیا۔ تحقیقاتی ٹیم کو ایسے شواہد ملے جن سے میڈیا انڈسٹری سے مبینہ مالی روابط اور رقوم کی ترسیل کے نیٹ ورک کا انکشاف ہوا۔

تحقیقاتی حکام کے مطابق حوالہ سسٹم کے ذریعے تقریباً ایک کروڑ متحدہ عرب امارات درہم پاکستان منتقل کیے گئے اور بعد ازاں یہ رقم جے ایس بینک کی زمزمہ برانچ سے مختلف افراد تک پہنچائی گئی۔ بعد کی کارروائیوں میں ایک اور نیٹ ورک بھی سامنے آیا جس میں حوالہ ٹرانزیکشنز اور غیر قانونی ڈالر ٹریڈنگ کا انکشاف ہوا۔ایف آئی اے کے مطابق اس نیٹ ورک کی سرگرمیوں کو چھپانے کے لیے انتہائی منظم طریقہ کار اختیار کیا گیا تھا۔ رقم کی نقل و حرکت میں شامل افراد ایسی سمز استعمال کرتے تھے جو سری لنکا، نیپال، دبئی اور سنگاپور میں رجسٹرڈ تھیں۔ پورے نیٹ ورک میں پاکستانی موبائل نمبرز کا استعمال نہیں کیا گیا،حکام ان نمبرز کے ذریعے متعلقہ افراد تک پہنچنے کی کوشش کر رہے ہیں۔ تفتیش کاروں کا کہنا ہے کہ کچھ نام فرضی بھی ہو سکتے ہیں تاہم کال اور پیغامات کا ریکارڈ موجود ہے جس کی بنیاد پر مزید تحقیقات جاری ہیں۔

میڈیا رپورٹس کے مطابق ابتدائی شواہد سے پتہ چلتا ہے کہ یہ مبینہ نیٹ ورک کم از کم تین سال سے خاموشی کے ساتھ کام کر رہا تھا۔ ایف آئی اے کے اندرونی ذرائع کا کہنا ہے کہ اب تک سامنے آنے والی معلومات ممکنہ طور پر پورے نیٹ ورک کا صرف پانچ فیصد ہیں۔تحقیقاتی ٹیم کو شبہ ہے کہ جب کمپنیوں کے مکمل مالیاتی ریکارڈ حاصل کر کے ان کا تفصیلی تجزیہ کیا جائے گا تو مزید بڑے نام سامنے آ سکتے ہیں۔

صدر پبلک ایڈ کمیٹی جماعت اسلامی لاہور قیصر شریف نے لاہور ڈویژن کی انتظامی کارکردگی کو شدید تنقید کا نشانہ بناتے ہوئے کہا ہے کہ تقریباً 3 کروڑ آبادی پر مشتمل 4 اضلاع میں پرائس کنٹرول کی صورتحال تشویشناک حد تک غیر تسلی بخش ہے۔

قصیر شریف کا کہنا تھا کہ گزشتہ 15 دنوں کے دوران کمشنر لاہور ڈویژن کی جانب سے صرف 3 فیلڈ وزٹس کیے گئے، جو کہ مہنگائی کے موجودہ طوفان کے مقابلے میں نہایت ناکافی ہیں۔سوشل میڈیا پر وزیر اعلیٰ پنجاب مریم نواز شریف کو مخاطب کرتے ہوئے قیصر شریف نے اعداد و شمار جاری کیے، جن کے مطابق تقریباً 3 کروڑ کی آبادی اور 4 اضلاع پر مشتمل لاہور ڈویژن میں گزشتہ 15 دنوں کے دوران پرائس کنٹرول کے حوالے سے کمشنر کی جانب سے صرف 3 دورے کیے گئے ہیں۔ ضلع لاہور میں صرف دو اور ننکانہ میں ایک دورہ کیا جبکہ قصور اور شیخوپورہ کے اضلاع میں کوئی دورہ نہیں کیا گیا۔

https://x.com/Qaisarsharif555/status/2029277798829842731

قیصر شریف نے کہا کہ رمضان المبارک میں بھی آٹا، چینی، سبزیاں، پھل اور دیگر اشیائے ضروریہ کی قیمتوں میں مسلسل اضافے کے باعث عوام شدید ذہنی دباؤ اور معاشی مشکلات کا شکار ہیں، مگر انتظامیہ کی فیلڈ میں موجودگی نہ ہونے کے برابر ہے۔ پرائس کنٹرول کمیٹیوں کے اجلاس اور بیانات اپنی جگہ، مگر عملی اقدامات اور اچانک چھاپوں کی کمی نے ذخیرہ اندوزوں اور منافع خوروں کو کھلی چھوٹ دے رکھی ہے۔انہوں نے وزیراعلیٰ پنجاب مریم نواز شریف سے مطالبہ کیا کہ وہ فوری طور پر لاہور ڈویژن سمیت پورے صوبے میں پرائس کنٹرول نظام کی ازسرنو نگرانی کریں اور فیلڈ افسران کی کارکردگی کا سختی سے جائزہ لیں۔قیصر شریف نے مزید کہا کہ اگر حکومتی مشینری عوام کو ریلیف دینے میں سنجیدہ ہے تو محض کاغذی کارروائی کے بجائے عملی اقدامات ناگزیر ہیں۔ انہوں نے خبردار کیا کہ مہنگائی پر قابو نہ پایا گیا تو عوامی بے چینی میں مزید اضافہ ہو سکتا ہے۔

مرکزی مسلم لیگ کے صدر خالد مسعود سندھو نے کہا ہے کہ پاکستان پر اسرائیل کی ممکنہ جارحیت ایک خواب ثابت ہوگی اور پاکستانی قوم و افواج دشمن کے قدم ڈگمگا دیں گی،موجودہ حالات میں امت کے اتحاد کی اشد ضرورت ہے، صیہونی قوتوں کا مقابلہ باہمی اتحاد سے ہی کیا جا سکتا ہے،

ان خیالات کا اظہار انہوں نے مرکزی مسلم لیگ حیدرآباد کی جانب سے صحافیوں کے اعزاز میں افطار ڈنر کی تقریب سے خطاب کرتے ہوئے کیا،اس موقع پرترجمان مرکزی مسلم لیگ تابش قیوم ،مرکزی مسلم لیگ حیدرآباد کے صدر عقیل لغاری ،عبد الواحدسمیت دیگر قیادت نے شرکت کی ،خالد مسعود سندھو کا کہنا تھا کہ پاکستان کا دفاع مضبوط ہاتھوں میں ہے،ایٹمی پاکستان کی جانب کوئی میلی آنکھ سے نہیں دیکھ سکتا،9 مئی کو پاکستان کی مسلح افواج نے بھارت کو وہ سبق سکھایا جس کی گونج آج بھی عالمی دنیا میں موجود ہے ،امریکہ و اسرائیل کے ایران پر حملے قابل مذمت ہیں،ایران کو جوابی کاروائی میں اپنے دشمن پرفوکس کرنا چاہیے، ہر وہ ریاست جہاں ظلم، جبر یا قبضہ ہو، وہ اس کی مذمت کرتے رہیں گے،ہم ہر ظالم کے خلاف اور ہر مظلوم کے ساتھ ہیں گے۔مرکزی ترجمان تابش قیوم کاکہنا تھا کہ ملک کی سیاسی جماعتیں اپنے منشور پر قائم نہیں رہتیں، جس کی وجہ سے وہ ڈیلیور نہیں کر پائیں۔ ، دشمن جانتا ہے کہ اگر پاکستان پرامن اور مستحکم ہو تو وہ مسلم ممالک کی مدد کر سکتا ہے، اسی لیے پاکستان پر نظریں رکھی جا رہی ہیں، پاکستان میں امن، ترقی اور خوشحالی مرکزی مسلم لیگ کا مشن ہے اور اسی مقصد کے لیے میدانِ سیاست میں سرگرم عمل ہیں۔مرکزی مسلم لیگ حیدرآباد کے صدر عقیل لغاری،ترجمان مرکزی مسلم لیگ حیدرآباد عبدالواحد کا کہنا تھا کہ مرکزی مسلم لیگ کا منشور معاشرے کی تشکیل اور تربیت ہے تاکہ شہری ایک قوم بن سکیں، مرکزی مسلم لیگ واحد سیاسی جماعت ہے جس نے یونین کونسل سطح پر انٹرا پارٹی الیکشن کروائے ہیں، اور جب اقتدار گراس روٹ لیول سے آئے گا تو سیاسی حالات بہتر ہوں گے.

‎وزیراعلیٰ پنجاب مریم نواز شریف کی زیر صدارت صوبائی ایپکس کمیٹی کا اجلاس ہوا جس میں صوبے کی مجموعی سیکیورٹی صورتحال، امن و امان اور ترقیاتی اقدامات کا تفصیلی جائزہ لیا گیا۔
‎اجلاس میں آپریشن ضرب للحق میں کامیابی پر پاک فوج کو خراج تحسین پیش کیا گیا جبکہ وطن کے دفاع میں جان قربان کرنے والے کرنل گل فراز اور دیگر شہدا کے لیے فاتحہ خوانی بھی کی گئی۔
‎اجلاس میں اداروں کے درمیان مؤثر تعاون اور اشتراک کار پر اطمینان کا اظہار کیا گیا جبکہ غیر قانونی طور پر مقیم افغان باشندوں کے انخلا اور دہشت گردی کے خلاف مشترکہ اقدامات پر زور دیا گیا۔
‎مریم نواز شریف نے کہا کہ پاکستان کو مختلف چیلنجز کا سامنا ہے مگر ملک کی قیادت اور اداروں پر فخر ہے۔ انہوں نے کہا کہ ایران جنگ کے بعد پنجاب میں امن و امان برقرار رکھنے کے لیے فوری اقدامات کیے گئے اور پولیس کو ہدایت دی گئی کہ پرامن مظاہرین کے ساتھ احترام اور تحمل سے پیش آئے۔
‎وزیراعلیٰ نے بتایا کہ کچے کے علاقوں میں سیکیورٹی بہتر بنانے کے لیے سیف سٹی، تعلیم، صحت اور دیگر شعبوں میں تقریباً 10 ارب روپے کے ترقیاتی منصوبے شروع کیے جا رہے ہیں جبکہ 1500 اہلکار تعینات کیے جائیں گے اور بلٹ پروف گاڑیاں بھی فراہم کی جائیں گی۔
انہوں نے کہا کہ سماج دشمن عناصر کی ڈیجیٹل نگرانی ضروری ہے جبکہ چینی باشندوں کی سیکیورٹی کے لیے سخت اقدامات کیے جائیں گے۔ اجلاس میں کمانڈر لاہور کور سمیت دیگر متعلقہ حکام بھی شریک تھے۔