لاہور: مسلم لیگ ن کے رہنما ملک احمد خان نے کہا ہے کہ اسپیکر نے پروسیجر کو بلڈوز کیا،سپریم کورٹ کی ہدایت کے مطابق پارٹی قائد کی ہدایت کیخلاف کوئی ووٹ نہیں ڈال سکتا-

باغی ٹی وی :مسلم لیگ ن کے رہنما ملک احمد خان نے کہا ہے کہ گورنر پنجاب اسمبلی کی تحلیل کی سمری پر ضرور دستخط کریں گے ہم الیکشن میں ان کا مقابلہ کریں گے ان کی بھول ہے کہ یہ الیکشن میں جیت جائیں گے۔

پنجاب اسمبلی تحلیل کا معاملہ، سمری گورنرہاؤس میں موصول

ملک احمد خان کا کہنا تھا کہ یہ رات 12 بجے تک اسمبلی اجلاس چلاتے ہیں، اگلے دن کی کارروائی رات 12بجکر 5منٹ پر شروع کرتے ہیں،میں نے اسپیکر سے کہا ہمیں آپ کے نمبر پر اعتراض ہے جبکہ اسپیکر نے پولنگ ایجنٹ تعینات کرنے کی درخواست نہیں مانی۔

انہوں نےکہاکہ اسپیکرنےپروسیجر کو بلڈوزکیا،سپریم کورٹ کی ہدایت کےمطابق پارٹی قائد کی ہدایت کیخلاف کوئی ووٹ نہیں ڈال سکتا،آئین اور قانون کے مطابق اسمبلی کی ووٹنگ کہیں بھی چیلنج نہیں کی جا سکتی اسمبلی اجلاس میں حکومت کے 5 لوگ موجود نہیں تھے، ان کے 5 اراکین اسمبلی کی تحلیل کے خلاف تھے۔

کے پی اسمبلی کی تحلیل کا معاملہ، عمران خان نے اہم اجلاس طلب کرلیا

لیگی رہنما نے کہا کہ یہ اپنی سیاست کو اس نہج پر لے گئے جہاں پر ان سے بات ہوسکتی ہے نہ مذاکرات،معاشی حالات بہت خراب ہیں،نگران حکومت بڑے فیصلے لینے کی پوزیشن میں نہیں ہے۔

دوسری جانب وزیر اعلیٰ پنجاب پرویز الٰہی کی جانب سے گورنر پنجاب بلیغ الرحمان کو صوبائی اسمبلی تحلیل کرنے کی تجویز کی سمری پر دستخط کرنے کے فوراً بعد، پاکستان ڈیموکریٹک موومنٹ (PDM) کی بڑی جماعتوں کے رہنماؤں نے مستقبل کا لائحہ عمل وضع کرنے پر ہنگامی بات چیت کی۔

اس سلسلے میں پاکستان پیپلز پارٹی (پی پی پی) کے شریک چیئرمین آصف علی زرداری، پاکستان مسلم لیگ (ن) کے سربراہ نواز شریف اور جمعیت علمائے اسلام ف اور پی ڈی ایم کے سربراہ فضل الرحمان نے جمعرات کی شام ٹیلی فونک گفتگوکی انہوں نے پنجاب اور پھر خیبرپختونخوا میں ابھرتے ہوئے منظر نامے پر تبادلہ خیال کیا۔

واضح رہے کہ وزیراعلیٰ پنجاب چوہدری پرویز الہٰی نے پنجاب اسمبلی تحلیل کرنے کی سمری پر دستخط کر کے سمری گورنر پنجاب کو ارسال کی تھی جو کہ گورنر ہاؤس میں موصول ہو گئی ہے گورنر بلیغ الرحمان نے پنجاب اسمبلی توڑنے کی سمری موصول ہونے کی تصدیق کر دی ہے-

پنجاب اسمبلی تحلیل کا معاملہ، سمری گورنرہاؤس میں موصول

چیئرمین پاکستان تحریک انصاف (پی ٹی آئی) عمران خان نے خیبرپختونخوا کی قیادت کا اجلاس کل زمان پارک لاہور میں طلب کرلیا۔

باغی ٹی وی: وزیراعلیٰ خیبر پختونخوا محمود احمد خان، کابینہ ارکان اور دیگر قیادت کل عمران خان سے ملاقات کریں گے اجلاس میں خیبرپختونخوا اسمبلی توڑنے کے روڈ میپ پر بات ہوگی۔ خیبر پختونخوا اسمبلی توڑنے کی سمری بھی ہفتے تک بھیجے جانے کا امکان ہے۔

وزیراعلی پنجاب پرویز الہی نے پنجاب اسمبلی تحلیل کرنے کی سمری گورنر پنجاب کو ارسال کردی

دوسری جانب وزیراعلیٰ خیبرپختونخوا محمودخان کا کہنا ہے کہ عمران خان کےحکم کا انتظار کر رہا ہوں، حکم ملتے ہی اسمبلی تحلیل کرنےکی ایڈوائس گورنر کو بھیج دوں گا،عمران خان کا سپاہی ہوں۔

جبکہ علاوہ ازیں وزیراعلیٰ خیبر پختونخوا کے معاون خصوصی برائے اطلاعات بیرسٹر سیف کا کہنا تھا کہ پنجاب کے بعد خیبر پختونخوا اسمبلی کی تحلیل کیلئے ہفتے کو سمری بھیجے جانے کی توقع ہے، پنجاب اسمبلی کی تحلیل کیلئے سمری گورنر پنجاب کو بھیج دی گئی ہے، سمری پر گورنر پنجاب کے دستخط کا انتظار ہے ہفتےکو خیبرپختونخوا اسمبلی کی تحلیل کیلئے گورنر کو لکھا جائے گا۔

ایم کیو ایم کے دھڑے ملکر کراچی کو ایک بار پھر تباہ و برباد کرنے کی سازش کر رہے ہیں،حافظ نعیم الرحمان

خیال رہے کہ گزشتہ شب وزیراعلیٰ پنجاب پرویز الہیٰ پنجاب اسمبلی میں اعتماد کا ووٹ حاصل کرنے میں کامیاب ہوگئے تھے، انہوں نے 186ووٹ حاصل کیے تھے۔

چیئرمین تحریک انصاف عمران خان عہدے سے ہٹائے جانے کے بعد سے حقیقی آزادی کی تحریک چلا رہے ہیں اور اس دوران انہوں نے بار ہا فوری الیکشن کے اعلان کے مطالبات کیے تاہم نئی حکومت نے ان کی نہ مانی۔

بالآخر عمران خان نے اعلان کیا تھا کہ فوری انتخابات کا اعلان نہ ہوا تو وہ پنجاب اور کے پی اسمبلیاں تحلیل کردی جائیں گی اور آج پنجاب اسمبلی تحلیل کرنے کی سمری گورنر کو بھیج دی گئی –

لاہور: شادی شدہ خاتون سے اجتماعی زیادتی کرنیوالے 5 ملزمان گرفتار

پنجاب اور کے پی کے اسمبلی تحلیل کرنے کا معاملہ ،پی ٹی آئی کی لیڈرشپ کا عمران خان کی زیرصدارت اجلاس ہوا

پی ٹی آئی قیادت نے پنجاب اور کے پی کے اسمبلی تحلیل کرنے کی اصولی منظوری دے دی،کچھ رہنماوں کی جانب سے فروری تک اسمبلی کی تحلیل موخر کرنے کی تجویز دے دی گئی،عمران خان نے موخر کرنے کی تجویز سے اتفاق نہیں کیا،میڈیا رپورٹس کے مطابق عمران خان نے پارٹی قیادت کو دوٹوک پیغام دیا کہ ہمیں انتخابات کی طرف جانا ہے.پی ٹی آئی نے پارٹی کی سطح پر مشاورت کے بعد وزیراعلی پنجاب سے بھی مشاورت کا فیصلہ کیا

وزیراعلی پنجاب چودھری پرویز الہی کچھ دیر میں زمان پارک عمران خان سے ملاقات کیلئے آئیں گے پی ٹی آئی کی قیادت چودھری پرویز الہی کی قیادت میں اسمبلی کی تحلیل کے روڈ میپ پر بات چیت کریں گی،میڈیا رپورٹس کے مطابق پنجاب اور کے پی اسمبلی جلد تحلیل ہوجائے گی،

پنجاب اسمبلی میں پاکستان تحریک انصاف کے ڈویژنل کوارڈینیٹرز، چیف وہپ ، پارلیمانی لیڈر کی چئیرمین تحریک انصاف عمران خان سے میٹنگ ہوئی ہے،پنجاب اسمبلی میں شاندار کامیابی پر چئیرمین عمران خان نے پوری ٹیم کو شاباش دی، عمران خان کا کہنا تھا کہ ہماری ٹیم نے کل امپورٹڈ ٹولے کو تاریخی سرپرائز دیا -ہماری ساری ٹیم شاباش کی مستحق ہے جس طرح ہمارے اراکین اسمبلی نے کروڑوں کی آفرز اور دھمکیوں کو بالائے طاق رکھ کر ووٹ ڈالا وہ قابل تحسین ہے کل بھی کہا تھا کہ “ریڈ لائن” صرف اللہ تعالی کی ذات اور عوام ہی لگاتی اور ہٹاتی ہے

اس سے تو یہ ثابت ہوا کہ پلی بارگین کے بعد بھی ملزم کا اعتراف جرم تصور نہیں ہو گا،چیف جسٹس

، 25 کروڑ آبادی میں سے عمران خان ہی نیب ترامیم سے متاثر کیوں ہوئے؟

عمران خان کی اراکین اسمبلی کو الیکشن کی تیاری کی ہدایت کی اور کہا کہ فوری طور پر اسمبلی توڑ کر ہم الیکشن میں جائیں گے ملک میں جاری بحرانوں کا حل ایک مضبوط حکومت ہے جو عوامی مینڈیٹ سے آئے –