Category: لاڑکانہ

میہڑ،باغی ٹی وی (نامہ نگارمنظورعلی جوئیہ)صحافیوں کے قتل عام، ڈرانے دھمکانے کے خلاف بھٹائی پریس کلب کی جانب سے انڈس ہائی وے پراحتجاجی دھرنااور نعرےبازی کی گئی.

پورے ملک میں صحافیوں کاقتل عام اور صحافیوں کو ڈرانے دھمکانے اور حملوں کےخلاف بھٹائی پریس کلب کے صحافیوں کا بابوعبداللہ سومرو اور منظورعلی جوئیہ کی قیات میں اندس ہائی وے پر تپتی دھوپ میں احتجاجی مظاہرہ کیاگیا اورسخت نعرے بازی کی گئی

احتجاج کرتے صحافیوں نے کہاکہ ککڑ شہر کے پریس کلب کے صدر گل حسن نودھرانی پر بااثر افراد کی جانب جان لیوا حملہ کرنے والوں کو فوراََ گرفتار کیا جائے اور پوری ملک میں بے گناہ قتل ہونے والےصحافیوں کے قاتلوں کو گرفتارکیا جائے

مظلوموں کی مدد کرنے والے صحافیوں کو تحفظ دیا جائے دوسری صورت میں احتجاج کا دائرہ وسیع کیا جائیگا.

میہڑ،باغی ٹی وی (منظورعلی جوئیہ)کاروکاری تنازعہ،سولنگی برادری میں تصادم 3 خواتین سمیت 7 افراد زخمی

تفصیل کے مطابق گاؤں غازی خان سولنگی میں کارو کاری کے تنازعہ پر سولنگی برادری کے دو گروپوں میں جھگڑاہوگیا ،کلہاڑیوں اور ڈنڈوں کاآزادانہ استعمال ،

کلہاڑیوں اور ڈنڈوں سے مسمات صائمہ سولنگی ،نواب سولنگی،اکبر سولنگی، مسمات اسلام سولنگی، مسمات رکبعہ سولنگی ،عبدالحمید سولنگی اور عاشق سولنگی زخمیوں میں شامل ہیں

زخمیوں کو ورثاءکی جانب سے تحصیل ہسپتال میہڑ منتقل کیا گیا جہاں سے زخمیوں کو طبیٰ امداد دیکر مزید علاج کے لئے لاڑکانہ ہسپتال منتقل کردیاگیا ہے

آخری اطلاع ملنے تک پولیس کی جانب سے اس واقعہ پر کوئی قانونی کارروائی عمل میں لائی گئی اور نہ ہی کوئی مقدمہ درج کیا گیا ،پولیس کے تساہل اور نااہلی کی وجہ سے حالات مزید خراب ہوسکتے ہیں ،علاقہ میں خوف وہراس پایا جارہا ہے.

شہریوں کی جانب سے پولیس کے ارباب اختیار نوٹس لینے کامطالبہ کیا گیا ہے.

میہڑ،باغی ٹی وی (نامہ نگارمنظورعلی جوئیہ)زرعی پانی کی قلت کیخلاف آباد گاروں کا دھوپ میں انڈس ہائی وے پر دھرنا

مختلف نہروں میں زرعی پانی کی قلت کے خلاف آبادگاروں کا آبادگار کنوینر سکندر سوڈھر کی قیادت میں سینکڑوں آبادگاروں کے ساتھ اندس ہائی وے پر تپتی دھوپ میں 2گھنٹے دھرنا اور ایریگیشن عملے کہ خلاف سخت نعرے بازی کی گئی

آبادگاروں نے کہاکہ ایک سوچی سمجھی سازش کہ تحت کسانوں کی زرعی زمینوں کو بنجر بنایا جارہاہے اور کسانوں آبادگاروں کو فاقہ کشی کرنے پر مجبور کیا جارہاہے.

مظاہرین نے اعلیٰ حکام سے مطالبہ کیا ہے فوراََ زرعی پانی کی قلت کو ختم کرکے آبادگاروں کی بےچینی دور کی جائے دوسری صورت میں پرامن احتجاجی جاری رہیگا.

میہڑ،باغی ٹی وی (نامہ نگارمنظورعلی جوئیہ ) سندھ سرکار کاچھو کے علاقہ میں پینے کے پانی کی سپلائی لائن نہ دے سکی،شدید گرمی میں پینے کے پانی شدید قلت نے معصوم بچے کی زندگی چھین لی ،گھر والوں کیلئے پینے کا پانی لانے والا 8 سالہ بچہ حادثہ کاشکار ہوکر جاں بحق

8 سالہ معصوم بچہ جابر تیونو پینے کے پانی کے لئے گدھا گاڑی لیکردور دراز سے پینے کا پانی بھرنے گیا ،جہاں پر معصوم بچے سے گدھا گاڑی کنٹرول نہ ہوسکی ،گدھاگاڑی آؤٹ آف کنٹرول ہونے کی وجہ سے الٹ گئی اور معصوم بچہ جابر تیونو گدھا گاڑی کے نیچے آکر جاں بحق ہوگیا

معصوم بچے کے موت کی تصدیق مقامی ڈاکٹر نے کی.

میہڑ،باغی ٹی وی (نامہ نگارمنظورعلی جوئیہ)بڑھتی ہوئی بدامنی اور زرعی پانی کی قلت کی خلاف آبادگار اتحاد اور سندھ یونائیٹیڈ پارٹی کی جانب سے احتجاج اورٹائر نذر آتش انڈس ہائی وے بلاک، ٹریفک معطل.

میہڑمیں برھتی ہوئی بدامنی اور نہروں میں زرعی پانی کی قلت کے خلاف آبادگار اتحاد اور سندھ یونائیٹیڈپارٹی کی جانب سے آبادگار کنوینر سکندر سوڈھر اور دیگر کی قیادت میں تپتی دھوپ میں انڈس ہائی وے بلاک کرکے ٹائرنذر آتش کئے اور سخت نعرے بازی کی گئی

دھرنے کے باعث لاڑکانہ سے کراچی آنے جانے والی ٹریفک معطل ہوگئی، مسافروں کو سخت پریشانی کا سامنا مظاہرین نے کہاکہ بدامنی نے پورے شہر کو اپنی لپیٹ میں لے لیا ہے، شہری اپنے گھروں میں بھی محفوظ نہیں ہیں،پولیس انتظامیہ کے کان پر جوں تک نہیں رینگتی ہے

امن امان مکمل بحال کروایا جائے اور نہروں کی صفائی کرواکر زرعی پانی کی قلت کو ختم کیا جائے دوسری صورت میں پرامن احتجاج جاری رہیگا.

میہڑ،باغی ٹی وی (نامہ نگارمنظورعلی جوئیہ)صحافی نصراللہ گڈانی اورجان محمد مہر کے قاتلوں کی عدم گرفتاری پرصحافی احتجاجاََسڑکوں پر نکل آئے اور شدید نعرے بازی.

میرپور ماتھیلوکےصحافی نصراللہ گڈانی اور صحافی جان محمد مہر کے قاتلوں کی گرفتار کے لئے نیشنل پریس کلب کی کال پر مختلف صحافی تنظیموں اور سیاسی وسماجی تنظیموں سندھ یونائیٹید پارٹی ،جماعت اسلامی، عوامی جمہوری پارٹی، سندھ ترقی پسندپارٹی ،جی ڈی اے ،ینگ سٹوڈنس، سبزی وفوروٹ یونین، آبادگار اتحاد اور دیگر کی جانب سے گھنٹہ گھر چوک سے پریس کلب تک احتجاجی مظاہرہ کیاگیا.

مظاہرین کا کہناتھا کہ عوام کی آواز کو دبانے کہ لئے سندھ کے صحافیوں کو قتل کیا جارہاہے اور حکومت کی جانب سے صحافیو ں کو کوئی بھی تحفط نہیں دیا جارہاہے اور حق اور سچ لکھنے پر صحافیوں کو سرِ عام قتل کیا جارہاہے، سندھ سرکار صحافیوں کو تحفظ دینے میں مکمل ناکام ہوچکی ہے

مظاہرین نے حکومت سے مطالبہ کیاکہ صحافی نصراللہ گڈانی اور صحافی جان محمد مہر کےقاتلوں کو فوراََ گرفتار کرکے کیفر کردار تک پہنچایا جائے اور صحافیوں کو مکمل تحفظ دیاجائے.