Category: لودھراں

لودھراں(نمائندہ باغی ٹی وی) ڈسٹرکٹ ایمرجنسی آفیسر سید ماجد احمد کی ہدایت پر ریسکیو 1122 کمیونٹی سیفٹی ونگ کی جانب سے فرسٹ ایڈ کے حوالے سے ضلع بھر کے مختلف سکولوں اور کالجز میں آگاہی پروگراموں کا انعقاد کیا گیا

ریسکیو اینڈ سیفٹی آفیسر محمد عامر رشید،کمیونٹی انسٹرکٹر منور خان اور اسرار احمد و دیگر ریسکیو اہلکاروں نے کسی بھی ناگہانی آفات اور ایمرجنسی سے نمٹنے کیلئے طلباء اور اساتذہ کرام کو سکول سیفٹی پروگرام،بیسک لائف سپورٹ،فائر سیفٹی اور روڈ سیفٹی کے حوالے سے ٹریننگ دی،جس میں طلباء و طالبات نے بڑھ چڑھ کر حصہ لیا-

لودھراں(نمائندہ باغی ٹی وی)پاکستان تحریک انصاف کے سینئر ایم پی اے پی پی 228 خان نزیر خاں بلوچ نے لودھراں کی یونین. کونسل سمرا کے علاقہ عبداللہ پور میں چاول کی فصل میں سپرے کے دوران چار افراد کے جاں بحق ہونے پر افسوس کا اظہار کیا ہے

یاد رہے کہ نزیر خاں بلوچ اس واقعہ کے رونما ہونے پر ضروری میٹنگز کیلئے لاہور تھے جس وجہ سے وہ بروقت نہیں پہنچے سگے کل بروز اتوار کو وہ لواحقین کے ساتھ اظھار تعزیت کرنے کیلئے ان کے گھر پہنچے گے ایم پی اے نزیر خاں بلوچ نے کہا کہ کہا کہ قیمتی جانوں کے ضیاع پر دلی دکھ ہے۔

مشکل کی اس گھڑی میں لواحقین کے غم میں برابر کا شریک ہوں۔ایم پی اے نزیر خاں بلوچ نے کہا کہ میری دعا ہے کہ اللہ تعالی مرحومین کو جنت الفردوس میں جگہ دیں اور لواحقین کو صبر جمیل عطا کریں۔

لودہراں (نمائندہ باغی ٹی وی) تحصیل دنیاپور کے تھانے جلہ آرائیں کے علاقے میں ڈی پی او ملک جمیل ظفر کا ویڈیو وائرل ہونے پر نوٹس

تفصیلات کے مطابق ڈی پی او لودہراں فوراً تھانہ جلہ آرائیں پہنچ گئے.
ویڈیو تین ماہ پرانی ہے.
ویڈیو چوکی تھانہ جلہ آرائیں کے مختیار ASI کی ہے.
ویڈیو میں مختیار اے ایس آئی نوجوان پر تشدد کر رہا ہے.
مختیار اے ایس آئی کو گرفتار کر کے مقدمہ درج کیا جا چکا ہے. ترجمان پولیس
کسی کو قانون ہاتھ میں لینے کی ہر گز اجازت نہیں دی جائے گی . ڈی پی او لودہراں ملک جمیل ظفر

دنیاپور (نمائندہ باغی ٹی وی) کے نواحی قصبے جلہ آرائیں گورنمنٹ ہائیر سیکنڈری سکول جلہ ارائیں کے سٹاف نے گزشتہ سال کی طرح اس سال بھی شاندار مثال قائم کرتے ہوئے فروغ تعلیم اور غریب اور نادار بچوں کی حوصلہ افزائی کے لیے اپنی جیب سے مستحق بچوں میں یو نیفارم،سکول بیگز،اور جوتے فراہم کیے گئے۔اور ان غریب اور نادار بچوں کی مدد کے لیے ایک ویلفئیر فاؤنڈیشن کا قیام عمل میں لایا گیا ہے۔جلہ ارائیں کے کاروباری اور سول سوسائٹی اس فنڈ میں بھرپور حصہ ملانے کی اپیل ہے۔۔

لودہراں (نمائندہ باغی ٹی وی) اسٹوڈنٹس کشمیر کمیٹی کے زیراہتمام کشمیر بنے گا پاکستان ریلی بڑی تعداد میں طلبہ کی شرکت

تفصیلات کے مطابق آج نماز جمعہ سے پہلے لودہراں اسٹوڈنٹس کشمیر کمیٹی کے طلبہ نے پرائیویٹ سکولز کے طلبہ کے ہمراہ ایک بڑی ریلی نکالی جس میں طلبہ کی کثیر تعداد شریک ہوئی

ریلی میں شریک طلبہ نے کشمیری پرچم اٹھا رکھے تھے اور یکجہتی کشمیر کے حوالے سے تحریر پلے کارڈز ہاتھوں میں تھام رکھے تھے

طلبہ شرکاء ریلی نے کشمیریوں کے ساتھ اظہار یکجہتی کرتے ہوئے کشمیریوں کے حق میں نعرے بازی کی

لودھراں (نمائندہ باغی ٹی وی) بھارتی مظلوم کشمیریوں کے حق میں اظہار یکجیتی کے لیے ڈپٹی کمشنر لودھراں آفیس سے احتجاجی ریلی نکالی گئی

ریلی میں ڈپٹی کمشنر راؤ امتیازاحمد، ڈسٹرکٹ پولیس آفیسر ملک جمیل ظفر، ایڈیشنل ڈپٹی کمشنر جنرل عبدالطیف خاں، اسسٹنٹ کمشنر لودھراں کلیم یوسف، پی ٹی آئی رہنما طاہر امیر غوری و پارٹی ورکر، صوبائی و وفاقی محکموں کے سربراہوں، طلبا ء و طالبات، تاجر تنظیموں کے نمائندوں، وکلاء، ڈاکٹرز، اقلیتی برادری اور دیگر لوگوں نے شرکت کی۔

لودھراں (نمائندہ باغی ٹی وی) ٹرالے نے سائیکل سوار بزرگ کو کچل دیا لاش کی شناخت نہ ہو سکی

تفصیلات کے مطابق مشترکہ ہوٹل بہاولپور روڈ لودھراں کے قریب ٹرالر کی زد میں آ کر نامعلوم بزرگ سائیکل سوار عمر تقریباً 50 سال موقع پر جان بحق ہوگیا ، جان بحق ہونے والے بزرگ کی لاش کی شناخت نہیں ہوسکی – ریسکیو ذرائع

لودہراں (نمائندہ باغی ٹی وی) ڈی پی او ملک جمیل ظفر ہمراہ ڈپٹی کمشنر راؤ امتیاز نے 9 محرم الحرام کے سلسلہ میں مجالس ڈیوٹی کے سکیورٹی انتظامات کو چیک کیا.

اس موقع پر ڈی پی او ملک جمیل ظفر نے سیکورٹی اور دیگر انتظامات کے بارے میں ڈپٹی کمشنر راؤ امتیاز کو بریف کیا.ڈپٹی کمشنر راؤ امتیاز نے سیکورٹی بارے انتظامات پر اطمینان کا اظہار کیا. ترجمان پولیس

دنیاپور (نمائندہ باغی ٹی وی) چکنمبر 356 WB میں امیرزادوں کا ایک محنت کش اور غریب پر تشدد

امیرزادوں نے انسانیت کی دھجیاں اُڑا دی

تشدد کا شکار ھونے والے علی رضا کو چار دن گزر جانے کے باوجود انصاف نامل سکا

ایف آئی آر تو درج کرلی گئی لیکن ملزمان گرفتار نا کئیے گئے ملزمان بااثر ھونے کی وجہ سے علی رضا در بدر کی ٹھوکریں کھانے پر مجبور با اثر ملزمان کی علی رضا کوجان سے مارنے کی دھمکیاں

علی رضا کی وزیر اعلی پنجاب سے انصاف کی اپیل اور با اثر ملزمان کی فوری گرفتاری کی اپیل

لودھراں (نمائندہ باغی ٹی وی) غیر معیاری آئسکریم فروخت کرنے کے خلاف شہری نے درخواست دائر کر دی تحقیقات کا احکام جاری

تفصیلات کے مطابق آئس فریش آئسکریم کے نام پر لودهراں میں غیر معیاری مضر صحت آئسکریم کی فروخت پر ڈپٹی کمشنر صاحب اور پنجاب فوڈ اتھارٹی کو درخواست دے دی گئی غیر معیاری اور ناقص آئس فریش آئسکریم فروخت کرنے پر لودھراں کے رہاشی شہری کی درخواست پر تحقیقات کا حکم دے دیا گیا ۔