دنیاپور:محرم الحرام میں امن وامان کے قیام کے سلسلے میں ڈسٹرکٹ پولیس آفیسر لودھراں ملک جمیل ظفر کی زیر صدارت امن کمیٹی کا اجلاس
اس موقع پر ڈپٹی کمشنر لودھراں راؤامتیازاحمد..اسسٹنٹ کمشنر دنیاپور سیدوسیم حسن شاہ ،صوبائی وزیر زوار حسین وڑائچ ، ڈی ایس پی دنیاپور جواد سخا گورائیہ اور صدرریجنل یونین آف جرنلسٹس جنوبی پنجاب راؤ عابد علی خاں اور امن کمیٹی کے ممبران شامل تھے.
دنیاپور (نمائندہ باغی ٹی وی) ڈپٹی کمشنر لودھراں راؤ امتیاز احمد اور ڈسٹرکٹ پولیس آفیسر ملک جمیل ظفر نے دنیاپور کا دورہ کیا۔
ڈپٹی کمشنر راؤ امتیاز احمد اور ڈسٹرکٹ پولیس آفیسر ملک جمیل ظفر نے اسسٹنٹ کمشنر سید وسیم حسن،ڈی ایس پی سرکل دنیاپور جواد سخا،میونسپل کمیٹی کے عملے اور دیگر افسران کے ہمراہ امام بارگاہ فیض پنجتن کے محرم الحرام کے سلسلہ میں ماتمی جلوس کے مکمل روٹ کا وزٹ کیا،ڈپٹی کمشنر راؤ امتیاز احمد اور ڈسٹرکٹ پولیس آفیسر ملک جمیل ظفر نے صفائی ستھرائی،تجاوزات اور سیکیورٹی کے انتظامات کا جائزہ لیا-
لودھراں (نمائندہ باغی ٹی وی) پارلیمانی سیکرٹری نذیر خان بلوچ نے ترین ایجوکیشن فاؤنڈیشن کی جانب سے گورنمنٹ گرلز ہائی سکول چک ہمتہ میں اپ گریڈ کی گئی کمپیوٹر لیب کا افتتاح کردیا۔
اس موقع پر ترین ایجوکیشن فاؤنڈیشن کے چیف ایگزیکٹیو آفیسر اکبر خان اور سکول انتظامیہ و علاقہ معززین کی کثیر تعداد موجود تھی۔ افتتاحی تقریب سے خطاب کرتے ہوئے نذیر خان بلوچ نے کہا کہ جدید ترین کمپیوٹر لیب کی فراہمی جہانگیر ترین کے علم دوستی کے وژن کی عکاس ہے۔ نذیر خان بلوچ نے جہانگیر ترین کو خراج تحسین پیش کرتے ہوئے کہا کہ انشاء اللہ وہ وقت دور نہیں جب تعلیمی اعتبار سے ضلع لودھراں کا شمار بھی جنوبی پنجاب کے ٹاپ کے اضلاع میں ہوگا۔
ترین ایجوکیشن فاؤنڈیشن کے چیف ایگزیکٹیو آفیسر اکبر خان نے کہا کہ جہانگیر خان ترین نے 80لاکھ روپے کی خطیر رقم ہائی سکولز میں کمپیوٹر لیبس کی تعمیرو اپ گریڈیشن کے منصوبے کے لئے مختص کی ہے اور اس منصوبے پر کام جارہی ہے۔ انشاء اللہ لودھراں کے طلباء و طالبات کو بہترین اور معیاری تعلیم کی فراہمی کے لئے کوششیں جاری رکھیں گے۔
لودھراں (نمائندہ باغی ٹی وی) 9 اور 10 محرم الحرام کو پنجاب بھر کی طرح ضلع ہذا میں ڈبل سواری پر پابندی عائد
تفصیلات کے مطابق ڈبل سواری پابندی سے 12 سال کم عمر بچے،خواتین اور بزرگ افراد مستثنی ہوں گے۔ڈبل سواری پر پابندی کا مقصدامن وامان کی صورتحال کویقینی بنانا ہے۔
ڈبل سواری پرپابندی کی خلاف ورزی کرنے والے افراد کےخلاف کارروائی عمل میں لائی جائے گی۔ترجمان پولیس لودھراں
لودھراں (نمائندہ باغی ٹی وی) سٹی سے 2 روز قبل سکول چھٹی سےواپسی پر کھیلنے کیلئے جانیوالا اور لاپتہ ہونیوالا دوسری کلاس کا سات سالا طالبعلم محمد بلال کی لاش گٹر سے مل گئی۔
والدین غم سےنڈھال، علاقے میں غم و غصّے کی لہر،بچہ محلہ قائدآباد کا رہائشی تھا، والد محنت مزدوری کرتا ہے۔ محمد بلال دوسری جماعت کا طالب علم تھا، سکول سے واپسی پر غائب ہوا،اہل خانہ کاموقف،گٹر کا ڈھکنا نہ ہونے کیوجہ سے بچہ گرا یا پھر کسی نے قتل کیا پولیس تحقیقات جاریSHO کاموقف
2دن قبل تھانہ سٹی میں درخواست بھی گزاری مقدمہ تو درج ہوا مگر کوئی شنوائی نہ ہوئی،اہل خانہ، پوسٹمارٹم کیلئے بچے کی لاش نکال کر نیوڈسٹرکٹ ہیڈ کوارٹر ہسپتال منتقل کر دی گئی ہے۔
لودہراں (نمائندہ باغی ٹی وی) چھاڑ نہر میں شگاف پڑنےسےہزاروں ایکڑ رقبہ زیر آب4بڑی فصلیں شدیدمتاثر،ضلعی انتظامیہ دیگر تقریبات میں مصروف
اہل علاقہ اپنی مددآپ کےتحت شگاف بند کرنے میں مصروف،متاثرہ علاقہ میں چک 99ایم 97 ایم چک 95 ایم اور بستی دوران والا کے علاقے زیر آب آئے پانی کی وجہ سے چار فصلیں شدید متاثر،جسمیں کپاس، دھان، مکئ اور گنا کی فصلیں شامل ہیں۔
شگاف پڑنے کو کئی گھنٹے گزر چکے ضلعی انتظامیہ نہ پہنچ سکی۔اہل علاقہ اپنی مدد آپ کے تحت ٹریکر لگا کر شگاف بند کرنے میں مصروف،ضلعی انتظامیہ غائب،ضلعی انتظامیہ وزیر ریلوے کی لودھراں استقبالیہ آمدکی تقریب میں مصروف رہی۔متعلقہ محکموں کی عدم توجہی کی وجہ سے اہل علاقہ امدادی سرگرمیوں میں مصروف –
اگر انتظامیہ نے بروقت شگاف کو بند نہ کیا تو مزید بستیاں متاثر ہوسکتی ہیں۔اہل علاقہ،شگاف سے تقریباً تین ہزار ایکڑ سے زائد رقبہ متاثر ہوا ہے اہل علاقہ کی گفتگو
دنیاپور (نمائندہ باغی ٹی وی) یوٹرن نہ ہونے کی وجہ سے ایک اور جان چلی گئی
تفصیلات کے مطابق دنیاپور سپر چوک خونی روڑ ایک اور جان لے گیا مزدا کی ٹرالر کو ٹکر مزده مویشی لے کر جارھا جبکه حادثہ تیز رفتاری کے باعث پیش آیا مزدے کے ڈرائیور نے کود کر جان بچائی جبکہ مزدے میں موجود مویشیوں کامالک موقع پر جاں بحق ھوگیا
حادثے کی اطلاع ملتے ہی ریسکیو 1122موقع پر پہنچ گئی اور فوری امدادی کارروائی کی
لودھراں (نمائندہ باغی ٹی وی) شیخ رشید احمد نے آج ریلوے اسٹیشن لودھراں بیس منٹ رکنا تھا اور عوام سے خطاب بھی کرنا تھا
مگر مقررہ وقت پر لوگوں کی بڑی تعداد ریلوے اسٹیشن پر جمع ہوئی لوگوں نے استقبال کے لیے پھولوں کے ہار اٹھا رکھے تھے
شیخ رشید احمد ٹرین سے باہر نہیں نکلے جس پر مقامی لوگ مایوس ہو کر گھروں کو واپس چلے گئے
لودہراں (نمائندہ باغی ٹی وی) ڈی پی او ملک جمیل ظفر ہمراہ ڈپٹی کمشنر راؤ امتیاز نے محرم الحرام کے سلسلہ میں مجالس ڈیوٹی کے سیکورٹی انتظامات کو چیک کیا.
اس موقع پر ڈی پی او ملک جمیل ظفر نے سیکورٹی اور دیگر انتظامات کے بارے میں ڈپٹی کمشنر راؤ امتیاز کو بریف کیا. ڈپٹی کمشنر راؤ امتیاز نے سیکورٹی بارے انتظامات پر اطمینان کا اظہار کیا.ترجمان پولیس
لودھراں (نمائندہ باغی ٹی وی)حکومت پنجاب نے شہریوں سے روڈ ٹیکس وصول کرنے کا نیا منصوبہ تیار کر لیا ۔ذرائع
تفصیلات کے مطابق پنجاب کے گیارہ مقامات پر نئے ٹول پلازے تعمیر کرنے کی منظوری دے دی گئی ۔ پنجاب حکومت نے صوبے میں گیارہ نئے ٹول ٹیکس پوائنٹ پر روڈ ٹیکس وصول کرنے کی منظوری دے دی۔ حویلی لکھا سے قصور جانے والے شہری اب 3 مقامات پر ٹول ٹیکس دیں گے ۔ گجرانوالہ سے سیالکوٹ جانے والے سیالکوٹ بائی پاس پر ٹول ٹیکس دیں گے۔
وزیرآباد بائی پاس استعمال کرنے والے اب ٹول ٹیکس دیں گے۔
اوکاڑہ سے قصور دیپالپور روڈ پر کھڈیاں خاص کے مقام پر ٹول ٹیکس وصول ہوگا ۔
مریدکے سے ناروال روڈ پر نئے ٹول پلازہ سے راہدری ٹیکس لیا جائے گا ۔
برج اٹاری کے مقام پر لاہور جڑاں والا ، فیصل آباد روڈر استعمال کرنے والوں سے ٹیکس لیا جائے گا ۔
اڈا کمیر والا کے مقام پر ساہیوال سے عارف والا جانے والوں سے روڈ ٹیکس لیا جائے گا ۔
ساہیوال سے پاکپتن جانے والے پولیس چیک پوسٹ کے مقام ٹول ٹیکس دیں گے ۔
قصور روڈ سے اوکاڑہ جانے والے کھڈیاں کے بعد راجووال کے مقام پر بھی ٹیکس دیں دے گے ۔
چیچہ وطنی بورے والا روڈ پر بھی شہریوں سے روڈ ٹیکس وصول کی جائے گی ۔
بہاولپور سے حاصل پور، چشتیاں روڈ پر پل اسلام نگر کے مقام پر بھی شہریوں سے ٹیکس وصول کیا جائے گا.
پنجاب حکومت کی منظوری کے بعد محکمہ کمیونیکیشن اینڈ ورکس نے باقاعدہ نوٹفکشین جاری کردیا .
صوبائی و وفاقی وزیر، فوج، پولیس، سرکاری گاڑیاں اور ایمبولینسز ٹیکس سے مستشنی ہوں گی.
نوٹیفکیشن جاری کر دیا ہے.ٹول پلازے آج سے شروع ہو گئے ہیں۔