Category: لودھراں

لودھراں (نمائندہ باغی ٹی وی) ڈسٹرکٹ ایمرجنسی آفیسر ریسکیو 1122، ڈاکٹر سید ماجد احمد کی زیرِ صدارت، ریسکیو 1122کا ماہانہ کارکردگی پر جائزہ کے حوالے سے خصوصی اجلاس ریسکیو اسٹیشن لودھراں میں منعقد ہوا۔ اجلاس کی صدارت کرتے ھوئے ڈاکٹر سید ماجد احمد کا کہنا تھا کہ شہر یوں کو بہترین سروس کی فراہمی انکی اولیں ترجیح ھے اور اس پر کسی قسم کا سمجھوتہ نہیں کیا جا ئے گا ان کا کہنا تھا کہ تمام ریسکیو اھلکار اپنی فزیکل فٹنس کو یقینی بنائیں تاکہ فرائض کی انجام دہی میں کیا قسم کی دشواری کا سامنا نہ کرنا پڑے اور کسی بھی ایمرجنسی صورتِ حال میں عوام کو فوری ریلیف فراہم کیا جا سکے۔ انہوں نے مزید کہا کہ کنٹرول روم سروس کیلئے دماغ کی حیثیت رکھتا ھے اسلئے کنٹرول روم سٹاف اپنی بہترین پرفارمینس کو برقرار رکھتے ہوئے ایمرجنسی وہیکلز کے ریسپانس کو مزید بہتر کریں تاکہ کسی بھی ایمرجنسی یا سانحہ سے نمٹنے کے لئے بروقت سروس فراہم کی جاسکے۔ اس موقع پر انکا کہنا تھا ہمارا مقصد عوام میں احساس تحفظ پیدا کرنا ہے اور ہم عوام کو بہترین سروس کی فراہمی کے لئےہمہ وقت تیار ہیں۔ اجلاس کے دوران گزشتہ دنوں لاھور میں شہید ھونے والے ریسکیو اھلکار کے لئے فاتحہ خوانی بھی کی گئی۔۔
اجلاس میں مغیث خان کنٹرول روم انچارج ،محمد آصف پھل اکاؤنٹنٹ،صفدر ملک ڈسپیچ اینڈ مانیٹرنگ کوآرڈینیٹر،ملک وسیم ڈسپیچ اینڈ مانیٹرنگ کوآرڈینیٹر، عمران اسٹیشن کوآرڈینیٹر، ارشد ٹرانسپورٹ مینٹیننس انسپکٹر سمیت شفٹ انچارجز اور دیگر ریسکیو اھلکاروں نے شرکت کی۔۔

لودھراں (نمائندہ باغی ٹی وی) ڈی پی او ملک جمیل ظفرکی ہمراہ ڈی ایس پی صدر سرکل ہمایوں افتخار تھانہ گیلے وال کی انسپکشن-تھانہ کی صفائی،عمارت،کوت،مال خانہ،فرنٹ ڈیسک اور تھانہ کی حوالات کو چیک کیا گیا- اس موقع پر ڈی پی او لودھراں ملک جمیل ظفر کا کہنا تھا کہ کرپشن کے معاملہ میں کوئی رعایت نہ ہوگی، بلا تفریق سخت احتساب ہو گا۔مظلوم کو انصاف فراہم کرنا پولیس کی اولین ذمہ داری ہے۔اللہ تعالیٰ نے ہم پر بہت اہم ذمہ دارایاں سونپی ہیں کہ لوگوں کو انصاف فراہم کیا جائے-جھوٹے مقدمات کا اندراج کسی صورت برداشت نہیں کئے جائیں گے۔میرٹ پر انصاف کی فراہمی کو یقینی بنائی جائے۔

دنیاپور (نمائندہ باغی ٹی وی) سبزی منڈی میدان جنگ بن گئی سبزی منڈی میں آڑھتی اور خریدار میں معمولی تلخ کلامی طول پکڑ گئی۔ خریدار کا 20 ساتھیوں کے ہمراہ آڑھت پر دھاوا۔ نامعلوم افراد ڈنڈے سوٹوں اور آہنی راڈ سے لیس تھے۔ نامعلوم افراد نے آڑھتیوں اور پلے داروں کو تشدد کا نشانہ بنایا۔ آڑھتیوں سے ہزاروں روپے نقدی موبائل فون چھین لیے۔ نامعلوم افراد کے تشدد سے 3پلے دار زخمی ہو گئے دنیاپور کی سبزی منڈی کا دنیاپور تھانہ سٹی سے فاصلہ چند قدم ہے مگر اس کے باوجود بھی پولیس موقع پر نہیں پہنچ سکی

لودھراں (نمائندہ باغی ٹی وی) میں کہروڑپکا روڈ پر تیز رفتار ویگن کی زد میں آ کر ایک بزرگ شخص موقع پر ہی جاں بحق ہو گیا جاں بحق ہونے والے بزرگ کی شناخت کر لی گئی ہے طالب حسین 335 ڈبلیو بی تحصیل میلسی ضلع وہاڑی کا رہائشی تھا اور اس کی عمر 70 برس تھی ۔ حادثے کی اطلاع ملتے ہی ریسکیو ٹیم 1122 موقع پر پہنچ گئی اور نعش کو ڈسٹرکٹ ہسپتال ہیڈکوارٹر لودھراں میں منتقل کر دیا گیا ۔

لودھراں (نمائندہ باغی ٹی وی) ڈپٹی کمشنر راؤ امتیاز اور ڈسٹرکٹ پولیس آفیسر ملک جمیل ظفر کی ڈپٹی کمشنر آفس میں مشترکہ کھلی کچہری کا انعقاد۔ڈی پی او ملک جمیل ظفر کا کہنا تھا کہ کھلی کچہری سے عوام اور پولیس میں اعتماد کا رشتہ مزید مضبوط ہو گا،کھلی کچہری کا مقصد لوگوں کے مسائل سن کر ان کا فوری ازالہ کرنا ہے،ڈی پی او ملک جمیل ظفر اور ڈی سی راو امتیاز نے لوگوں کے مسائل سنے،درخواستیں متعلقہ افسران کو مارک کرکے ہدایت کی کہ مقررہ وقت کے اندر لوگوں کی دادرسی کو یقینی بنایا جائے اور رپورٹس بھجوائی جائیں – ترجمان لودھراں پولیس

کہروڑپکا (نمائندہ باغی ٹی وی) مارکیٹ کمیٹی کہروڑپکا کے زیر اہتمام ٹھیکہ ریٹ لسٹ سال 2019–20مبلغ بارہ لاکھ اور پارکنگ اسٹینڈ کا ٹھیکہ بیس لاکھ نوے ہزار روپے میں ہوا.ٹھیکہ بذریعہ بولی دیا گیا ۔ جس میں مارکیٹ کمیٹی کی ہیڈ منزہ سحرش اور اسسٹنٹ کمشنر نے شرکت کی ۔ ریٹ لسٹ کے ٹھیکے کے اس اجلاس میں سابقہ اور نئے کئی افراد نے شرکت کی اجلاس میں شرکت کرنے والے افراد کا موقف تھا کہ اس دفعہ ٹھیکے بہت مہنگا دیا گیا ہے

لودھراں (نمائندہ باغی ٹی وی) چینی ذخیرہ اندوزوں کیخلاف اسسٹنٹ کمشنر اور خفیہ اداروں کی دوسری بڑی کاروائی، مولوی محبوب کریانہ سے4 ہزار چینی کی بوریاں پکڑی گئی،انتظامیہ کیجانب سے 5 ہزار جرمانہ عائد،،عوام ذخیرہ اندوزوں کی نشاندہی کریں تاکہ اِس مہم کو روکا جا سکے اسسٹنٹ کمشنر لودھراں کی میڈیا سے گفتگو۔

اسسٹنٹ کمشنر نے مالک مولوی محبوب کی سرزنش کی کہ آپ نے لوگوں کو آپس میں مجبت و بھائی چارے کا سبق دینا تھا مگر آپ تو مولوی صاحب ذخیرہ اندوزی کر کے انسانیت کے ساتھ مذاق کے مرتکب ہو رہے ہو اللہ کا خوف کریں

لودھراں (نمائندہ باغی ٹی وی) پیر والا پھاٹک پر لڑائی۔مخالفین نے گھر میں گھس کر محمد افضل کو گولی مار دی۔تفصیلات کے مطابق دوپہر تقریباً 3:30 بجے محمد افضل پیر والا پھاٹک پر اپنے گھر میں موجود تھا کہ اکرام اپنے دیگر ساتھیوں کے ہمراہ گھر میں گھس آیا اور آتے ہی محمد افضل کو گندی گالیاں دینا شروع کردیں اور بری طرح تشدد شروع کردیا۔گھر والوں نے بیچ بچاؤ کی کوشش کی تو مخالفین نے فائرنگ شروع کردی۔جس کے نتیجے میں ایک گولی محمد افضل کے بائیں بازو میں لگی۔ایس ایچ او تھانہ سٹی پولیس کے ہمراہ موقع پر پہنچے اور واقعہ بچشمِ خود ملاحظہ کیا۔زخمی محمد افضل اس وقت ڈی ایچ کیو ہسپتال لودھراں کے ایمرجنسی میں موجود ہے۔پولیس نے تفتیش کا آغاز کردیا ہے ۔

لودھراں (نمائندہ باغی ٹی وی) محکمہ پولیس میں ضلعی سطح پر افسران کی تبدیلیاں

تفصیلات کے مطابق محمّد اکرم سب انسپکٹر کو تھانہ صدر لودھراں سے ایس ایچ او قریشی والا تعینات کر دیا گیا ، فرحت شاہ سب انسپکٹر کو پولیس لائن سے ایس ایچ او تھانہ صدر کہروڑپکا تعینات کر دیا گیا ، محمّد اسماعیل سب انسپکٹر کو تھانہ صدر کہروڑ پکا سے پولیس لائن لودھراں ٹرانسفر کر دیا گیا – ترجمان پولیس

لودہراں (نمائندہ باغی ٹی وی) پولیس تھانہ صدر لودہراں نے کاروائی کے دوران غیر لائسنسی اسلحہ رکھنے والے 04 ملزمان کو گرفتار کر لیا۔ ملزمان یوسف ،سلیمان، محمد موسی اور غلام قادر کے قبضہ سے کلاشنکوف،پسٹل، پمپ ایکشن،بندوق، گولیاں اور کارتوس برآمد ملزمان کے خلاف تھانہ صدر لودہراں نے ناجائز اسلحہ رکھنے کےمقدمات درج کر لیے۔ ملزمان کے خلاف ڈکیتی کی نیت سے جمع ہونے کا مقدمہ بھی درج کیا گیا.

ضلع بھر سے جرائم پیشہ افراد کا خاتمہ یقینی بنایا جائے گا۔ ڈی پی او ملک جمیل ظفر کی میڈیا سے گفتگو