امیرِ جماعتِ اسلامی پاکستان سراج الحق کا کہنا ہے کہ ہم غریب عوام کے لیے ٹرین مارچ کر رہے ہیں۔ ملتان میں ٹرین مارچ کی روانگی سے قبل کینٹ اسٹیشن پر میڈیا سے گفتگو کرتے ہوئے امیرِ جماعتِ اسلامی پاکستان سراج الحق نے کہا کہ اس وقت پاکستان جل رہا ہے، فصلیں اور کاروبار تباہ ہیں۔

انہوں نے کہا کہ جن کے پاس پیسہ ہے، وہ بیرونِ ملک بھاگ رہے ہیں، ان کی کھاؤ پیو سیاست ہے۔ سراج الحق کا کہنا ہے کہ پی ڈی ایم ہو یا تحریکِ انصاف دونوں نے پاکستان کو آئی ایم ایف کو بیچا، یہ دونوں مافیاز کی پناہ گاہیں ہیں۔ان کا کہنا ہے کہ ان جماعتوں کا آپس میں نا اہلی کا مقابلہ ہے، یہ سب کرپٹ، لینڈ مافیا اور ڈرگ مافیا کے سرپرست ہیں۔

امیرِ جماعتِ اسلامی نے سوال اٹھایا کہ لوگ اپنے بچوں کو کھلا نہیں سکتے، تعلیم کیسے دلوائیں، بل کیسے ادا کریں۔انہوں نے مزید کہا ہے کہ یہ لوگ الیکشن میں کروڑوں روپے خرچ کر کے، اسمبلیوں میں جاتے ہیں اور پھر پیسے کماتے ہیں۔جماعتِ اسلامی پاکستان کے امیر سراج الحق کا یہ بھی کہنا ہے کہ کشمیر کو بیچنے میں پی ڈی ایم اور تحریکِ انصاف شامل ہیں۔

مزید برآں جماعت اسلامی کے کے رہنما قیصع شریف کا کہنا ہے کہ مہنگائی۔کرپشن سودی نظام کیخلاف ٹرین مارچ کے دوسرے مرحلے کا آغاز ملتان ریلوے اسٹیشن سے کیا ہے،امیر جماعت اسلامی سراج الحق ملتان سے لاہور تک ٹرین مارچ کی قیادت کریں گے، ۔سراج الحق خانیوال، ساہیوال ، اوکاڑہ، توکی ، رائیونڈ ،کوٹ لکھپت، لاہور کینٹ ریلوے اسٹیشن پر استقبالیہ جلسوں سے خطاب کریں گے،سراج الحق ٹرین مارچ کے دوسرے مرحلے کے اختتام پر لاہور ریلوے اسٹیشن پر جلسے سے خطاب کریں گے۔

ملتان میں کھیلے جانیوالے ون ڈے سیریز کے تیسرے اور آخری میچ میں پاکستان اور ویسٹ انڈیز کی ٹیمیں آج مدمقابل ہوں گی۔ ابتدائی دو میچوں میں پاکستان نے 3 روزہ ون ڈے سیریز 0-2 سے اپنے نام کرلی ہے۔

قومی ٹیم اب کلین سوئپ کے عزم کے ساتھ میدان میں اُترے گی جبکہ ویسٹ انڈین ٹیم کی کوشش ہوگی کہ آخری میچ جیت کر سیریز کا اختتام خوشگوار انداز میں کیا جائے۔ پاکستان نے پہلے میچ میں 5 وکٹ سے فتح حاصل کی تھی جس میں بابر اعظم نے 103 رنز کی اننگز کھیلی تھی۔ پہلے میچ کے آخری اوورز میں خوشدل شاہ نے جارحانہ انداز میں 41 رنز بنا کر ٹیم کو کامیابی دلائی۔

دوسرے ایک روزہ میچ میں بابر اعظم اور امام الحق کی نصف سنچریوں اور پھر محمد نواز کی عمدہ بولنگ کے باعث پاکستان نے حریف ٹیم کو 120 رنز کے بڑے مارجن سے شکست دی تھی۔ قومی ٹیم اور ویسٹ انڈیز کے درمیان سیریز کا آخری ون ڈے میچ آج شام 4 بجے شروع ہوگا۔

ملتان کے انٹرنیشنل کرکٹ اسٹیڈیم میں کھیلے گئے میچ میں پاکستان نے ٹاس جیت کر پہلے بیٹنگ کا فیصلہ کیا اور مقررہ 50 اوورز میں 8 وکٹوں پر 275 رنز بنائے پاکستان کے 276 رنز کے ہدف کے تعاقب میں ویسٹ انڈیر کی پوری ٹیم 33ویں اوور میں 155 رنز بنا کر آؤٹ ہوگئی تاہم ویسٹ انڈیز کی اننگز کے دوران ایک حیرت انگیز واقعہ ہوا .

276 رنز کے ہدف میں ویسٹ انڈیز کی بیٹنگ جاری تھی کی 29 ویں اوور میں اچانک امپائر کی جانب سے مہمان ٹیم کو 5 رنزپنالٹی میں دیئےگئ پاکستا ن کو 5 رنز کا نقصان اس لئےاٹھانا پڑا کیونکہ ویسٹ انڈیز کی اننگز کے29 ویں اوور کی پہلی گیند پر پاکستان کرکٹ ٹیم کے کپتان بابر اعظم کو وکٹ کیپر رضوان کا گلوز پہنے گیند کو پھینکتے ہوئے دیکھا گیا۔

جبکہ انٹرنیشنل کرکٹ کونسل کےقوانین کے مطابق میچ کے دوران وکٹ کیپر کے علاوہ کوئی بھی کھلاڑی گلوز پہن کر فیلڈنگ نہیں کرسکتا تاہم بابر کی غیر قانونی فلیڈنگ کی وجہ سے ویسٹ انڈیز کو 5 رنز انعام میں مل گئے-

شاہ محمود قریشی کے بیٹے کے کاغزات نامزدگی منظور
تحریک انصاف کے رہنما، سابق وزیر خارجہ شاہ محمود قریشی نے کہا ہے کہ زین قریشی کے کاغذات نامزدگی منظور ہوگئے ہیں،

شاہ محمود قریشی کا کہنا تھا کہ ن لیگی امیدوارکے کاغذات خاموشی سے منظورکرلیے گئے،ہمیں موقع نہیں دیا گیا کہ ہم اپنے اعتراضات کو لیول کر سکے ہم نے اپنے اعتراضات جمع کروا دیئے تھے،ہم نے کہا ہمارے اعتراضات کو ریکارڈ کر لیں، الیکشن کمیشن نے ن لیگ کے امیدوار کو نا اہل قرار دیا تھا، ن لیگ کے امیدوار نے الیکشن کمیشن کے فیصلے کو ہائیکورٹ میں چیلنج کیاتھا،ہمارا اعتراض تھا ن لیگی امیدوار کے پاس دو شناختی کارڈ ہیں، ن لیگی امیدوار تیسری بار ڈی سیٹ ہوئے،ن لیگی امیدوار ہی ڈی سیٹ ہوئے تبھی الیکشن ہو رہے ہیں،امید ہے الیکشن کمیشن اس پورے ماحول کو آلودہ نہیں کرے گا، میں نے مانیٹرنگ انچارج کو ویڈیو کلپس دیئے ہیں،ویڈیو میں ترقیاتی کاموں کے حوالے سے فنڈز کی بات کی گئی ہے،

شاہ محمود قریشی کا کہنا تھا کہ ہم نے تصادم کی سیاست نہیں کی ہم شریف لوگ ہیں،کسی علاقے کا حق نہیں مارنا چاہتے ،سرکاری وسائل کے استعمال کی بات کررہے ہیں،حکومت نے ان الیکشن میں پوری منصوبہ بندی بنا رکھی ہے،حکومت نے اپنی مرضی سے نیب کا قانون تبدیل کر دیا،بجٹ نے عوام کی کمر کو توڑ دیا ہے،حکومت میں مختلف خیال لوگوں کو اکٹھا کیا گیا ہے،وزیر خزانہ خود کہتا ہے ملک ڈیفالٹ کے قریب ہے،شاہد خاقان عباسی نے کہا ہم نے پیٹرول کی قیمت اور بڑھانی ہے،

فارن فنڈنگ کیس، فیصلہ 30 روز میں کرنے کے فیصلے کیخلاف اپیل سماعت کیلئے مقرر

فارن فنڈنگ کیس میں بھی عمران خان کو اب سازش نظر آ گئی، اکبر ایس بابر

عمران خان اگلے سال الیکشن کا انتظار کریں،وفاقی وزیر اطلاعات

فارن فنڈنگ کیس،اسکروٹنی کمیٹی رپورٹ میں معلومات قابل تصدیق نہیں ،وکیل

پی ٹی آئی کے 25 ارکان پنجاب اسمبلی کا پارٹی پالیسی سے انحراف ثابت ہونے پر الیکشن کمیشن آف پاکستان نے انہیں نااہل قرار دے دیا تھا الیکشن کمیشن نے منحرف ارکان پنجاب اسمبلی کو پارٹی پالیسی سے انحراف پر آرٹیکل 63 اے کے تحت نا اہل قرار دیدیا

پاکستان نے ویسٹ انڈیز کے خلاف سیریز کے دوسرے ون ڈے میں ٹاس جیت کر پہلے بیٹنگ کرنے کا فیصلہ کرلیا۔

ملتان کرکٹ اسٹیڈیم میں کھیلے جانے والے میچ میں قومی کرکٹ ٹیم کے کپتان بابراعظم نے ٹاس جیت کر فیلڈنگ کرنے کا فیصلہ کیا،اس موقع پر انہوں نے کہا کہ دوسرے میچ کے لیے ایک تبدیلی کی گئی ہے اور حسن علی کی جگہ محمد وسیم جونیئر کو ٹیم میں شامل کیا گیا ہے، جیت کے تسلسل کو برقرار رکھنے کی کوشش کریں گے۔

ویسٹ انڈیز کے کپتان نکولس پورن نے کہا کہ کوشش ہوگی میچ میں کامیابی حاصل کرکے سیریز برابر کرنے کی کوشش کریں گے۔ قبل ازیں پہلے انٹرنیشنل میچ میں پاکستان نے سنسنی خیز مقابلے کے بعد ویسٹ انڈیز کو 5 وکٹوں سے شسکت دیدی تھی۔

پاکستان اسکواڈ میں کپتان بابراعظم، شاداب خان، فخر زمان، امام الحق، محمد رضوان، محمد حارث، خوشدل شاہ، محمد نواز، شاہین شاہ آفریدی، محمد وسیم اور حارث رؤف شامل ہیں۔

یاد رہے کہ دو روز قبل کھیلے گئے پہلے انٹرنیشنل میچ میں پاکستان نے سنسنی خیز مقابلے کے بعد ویسٹ انڈیز کو 5 وکٹوں سے شکست دیدی تھی۔

گرفتاری کا خدشہ ، عثمان بزدار نے عدالت سے رجوع کر لیا

سابق وزیراعلیٰ پنجاب نے اینٹی کرپشن کیخلاف ہائیکورٹ میں درخواست دائر کردی عدالت نے چیف سیکرٹری پنجاب عثمان بزدار کیخلاف انکوائری سے متعلق جواب مانگ لیا، عثمان بزدار نے درخواست میں کہا کہ ن لیگ نے میرے خلاف جعلی کرپشن کیسز بنانے کی تیاری کرلی ہے،متعلقہ اداروں سے اس بارے میں پوچھتا ہوں تو وہ تعاون نہیں کر رہے مسلم لیگ ن کے رہنماؤں نے پریس کانفرنسوں میں متعدد الزمات لگائے،عدالت چیف سیکریٹری پنجاب،اینٹی کرپشن حکام کو تفصیلات فراہم کرنے کا حکم دے،

سابق وزیراعلیٰ پنجاب عثمان بزدار نے جمعہ کے روز لاہور ہائی کورٹ سے رجوع کیا ،ملتان بنچ میں دائر کی گئی ایک درخواست میں سابق وزیراعلیٰ پنجاب عثمان بزدار نے ہائیکورٹ سے استدعا کی کہ ان کے خلاف ممکنہ بدعنوانی کے مقدمات کی معلومات کے لیے ہدایت کرے تاکہ وہ اس کے مطابق اپنا دفاع تیار کر سکیں ،سابق وزیراعلیٰ عثمان بزدار کے مطابق متعدد مواقع پر، مسلم لیگ (ن) کے رہنما عطا اللہ تارڑ نے دعویٰ کیا کہ حکومت درخواست گزار، اس کے اہل خانہ اور سسرال والوں کے خلاف انسداد بدعنوانی کے قوانین کے تحت مقدمہ چلانے پر غور کر رہی ہے تارڑ کے بیانات سے حکومت کے ارادے ظاہر ہوتے ہیں

عثمان بزدار نے سیمنٹ فیکٹری کے 16 لائسنس بیچے،مفتاح اسماعیل کا دعویٰ

بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

بشریٰ بی بی کی قریبی دوست فرح نے خاموشی توڑ دی

فرح خان کیسے کرپشن کر سکتی ؟ عمران خان بھی بول پڑے

نیب نے فرح خان کے خلاف تحقیقات کا آغاز کر دیا

نیب نے سابق خاتون اول کی دوست کے حوالے سے وضاحت کردی

واضح رہے کہ ترجمان پنجاب حکومت عطاء اللہ تارڑ کا ایک پریس کانفرنس میں کہنا تھا کہ عثمان بزدار اور ان کے ساتھ کرپشن میں ملوث افراد کیخلاف درخواست دائر کرینگے عمران خان ہر جلسے میں یوں کھڑے ہوتے ہیں جیسے مسیحا ہیں، ان کے کرتوت ایسے ہیں کہ شیطان شرما جائے،عمران خان نے بزدار کو اس لیے وزیراعلیٰ بنایا کہ زیادہ سے زیادہ سرمایہ لاسکے، 27کروڑ کے اثاثے صرف تونسہ میں بنائے گئے، یہ وزیر اعلیٰ بننے کے بعد بنائے گئے، 5ارب کی 55 سو کنال کی تونسہ کے قریب زمین لی گئی، یہ اس نے خریدی جس کے بارے کہا گیا کہ اس کے گھر میں بجلی بھی نہیں، یہ لوگ تقریر ایسے کرتے ہیں جیسے آسمان سے اترے ہوئے ہیں عثمان بزدار کیخلاف پنجاب اینٹی کرپشن میں درخواست دے رہے ہیں عثمان بزدار نے ساڑھے تین سالوں میں 10 ارب کے اثاثے بنا لیے

ویسٹ انڈیز نے پاکستان کے خلاف پہلے ون ڈے میچ میں ٹاس جیت لیا.پاکستان کے خلاف تین ایک روزہ میچوں کی سیریز کے پہلے میچ میں ویسٹ انڈیز نے ٹاس جیت کر پہلے بیٹنگ کا فیصلہ کیا ہے۔

پاکستان کے خلاف تین ایک روزہ میچوں کی سیریز کے پہلے میچ میں ویسٹ انڈیز نے پاکستان کو جیت کے لیے 306 رنز کا ہدف دیا ہے۔ مہمان ٹیم نے پہلےکھیلتے ہوئے مقررہ 20 اوورز میں 8 وکٹوں کے نقصان پر 305 رنز بنائے۔

ویسٹ انڈیز کی جانب سے شائی ہوپ 127 اور شمارہا بروکس 70 رنز بناکر نمایاں رہے، ان کے علاوہ رومین پاؤل 32 ، روماریو شیفرڈ 25 اور کپتان نیکولس پوران نے 21 رنز بنائے۔ پاکستان کی جانب سے حارث رؤف نے4 کھلاڑیوں کو آؤٹ کیا جب کہ شاہین شاہ آفریدی نے 2، محمد نواز اور شاداب خان نے ایک ایک وکٹ حاصل کی۔

قبل ازیں ویسٹ انڈیز کے کپتان نکولس پورن کا ٹاس جیت کر کہنا تھا کہ پاکستان کے خلاف ون ڈے سیریز چیلنجنگ ہوگی، سیریز جیتنے کی پوری کوشش کریں گے۔

قومی ٹیم کے کپتان بابر اعظم نے کہا کہ ٹاس جیتتا تو میں بھی پہلے بولنگ کا ہی فیصلہ کرتا، ہر سیریز اہم ہے اور آج کے میچ میں محمد حارث ون ڈے ڈیبیو کر رہے ہیں۔

پاکستانی ٹیم میں کپتان بابر اعظم، فخر زمان، امام الحق، محمدر ضوان، شاداب خان، محمد حارث، خوشدل شاہ اور محمد نواز شامل ہیں۔ اس کے علاوہ شاہین آفریدی، حارث رؤف اور حسن علی بھی قومی ٹیم کا حصہ ہیں۔ دونوں ٹیموں کے درمیان تین ایک روزہ میچوں کی سیریز کا دوسرا میچ 10 اور تیسرا 12 جون کو کھیلا جائے گا۔