Category: ملتان

پاکستان پیپلز پارٹی کے چئیرمین بلاول کا دورہ ملتان فائنل ‘یوسف رضا گیلانی 7ارکان اسمبلی کا تحفہ دیں گے-

باغی ٹی وی : تفصیلات کے مطابق بلاول بھٹو ایک ہفتے تک بلاول ہاؤس ملتان میں قیام کے دوران جنوبی پنجاب کی اہم شخصیات اور پارٹی رہنمائوں سے ملاقاتیں کریں گے پیپلز پارٹی کا آئندہ الیکشن میں ٹارگٹ جنوبی پنجاب ہو گا ‘جس کی نگرانی خود بلاول بھٹو کریں گے ‘یوسف رضا گیلانی ارکان اسمبلی کی بلاول سے خفیہ ملاقات کرائیں گے-

ذرائع کے مطابق پاکستان پیپلز پارٹی کے چیئرمین بلاول بھٹو زرداری 30اگست کو جنوبی پنجاب کے دورے پر ملتان آئیں گے امکان ہے کہ وہ کم و بیش ایک ہفتہ تک بلاول ہائوس ملتان میں قیام کریںگے۔ اس دوران سابق وزیراعظم سید یوسف رضا گیلانی بلاول بھٹو کو جنوبی پنجاب سے تعلق رکھنے والے سات ارکانِ قومی و صوبائی اسمبلی کا تحفہ دینگے اور ان کی ملاقات بلاول بھٹو سے کرائیں گے ۔

ذرائع کے مطابق ان ارکانِ اسمبلی میں جنوبی پنجاب کے مختلف علاقوں کے تحریک انصاف کے وہ ارکان جو آزاد حیثیت سے الیکشن جیتے تھے اور ن لیگ کے ارکان اسمبلی شامل ہیں اسی طرح دیگر اہم شخصیات بھی بلاول بھٹو سے ملاقات کے بعد پیپلز پارٹی میں شمولیت کا اعلان کرینگے-

واضح رہے کہ پیپلز پارٹی کا آئندہ الیکشن کا ٹارگٹ جنوبی پنجاب ہوگا جس کی بلاول بھٹو خود نگرانی کرینگے اس سلسلے میں بلاول بھٹو نے پہلے ہی سید یوسف رضا گیلانی کو ٹارگٹ دے رکھا ہے یہی وجہ ہے کہ سابق وزیراعظم نے بلاول بھٹو کی ملتان آمد سے قبل اہم سیاسی شخصیات اورموجودہ و سابقہ ارکان اسمبلی سے ملاقاتوں کا سلسلہ شروع کردیا ہے ۔

ذرائع نے اس خبر کی بھی تصدیق کی ہے کہ سابق وزیراعظم و اپوزیشن لیڈر سینٹ سید یوسف رضاگیلانی سے جنوبی پنجاب کے تین ارکانِ قومی اسمبلی و چار ارکان صوبائی اسمبلی نے رابطہ کیا ہے ان میں ملتان سے کوئی رکن اسمبلی شامل نہیں ہے البتہ ان ارکان ِ اسمبلی کا تعلق جنوبی پنجاب کے مختلف علاقوں سے ہے –

ذرائع کے مطابق ملاقات کرنے والے ارکان اسمبلی نے سید یوسف رضا گیلانی سے کہا ہے کہ آپ نے ہمارا خیال رکھناہے ہوسکتا ہے کہ ہمیں آئندہ الیکشن میں آپ کی ضرورت پڑے-

ذرائع کے مطابق توقع ہے کہ ان ارکان اسمبلی کی بلاول بھٹو کے 30اگست کے دورہ ملتان کے دوران بلاول ہائوس میںخفیہ ملاقات کرائی جائے گی جسے میڈیا پر ظاہر نہیں کیا جائیگا۔ البتہ یہ واضح امکان موجود ہے یہ ارکان اسمبلی آئندہ الیکشن پیپلز پارٹی کے ٹکٹ پر لڑیں گے۔

ملتان کے شہر کی رہائشی یتیم لڑکی عالیہ شعیب کی وراثتی جائیداد پر سوتیلے بھائی اور چچا نے قبضہ کر لیا متاثرہ لڑکی نے وزیراعظم اور وزیراعلیٰ پنجاب سے انصاف کی اپیل کی ہے-

باغی ٹی وی : سوشل میڈیا پر ایک ویڈیو وائرل ہو رہی ہے جس میں ملتان کے قریبی شہر کی رہائشی عالیہ شعیب کہنا ہے کہ ان کے والد کا دو سال ہوئے انتقال ہو چکا ہے دو سال گزرنے کے باوجود وارثت میں ان کوحصہ نہیں ملا ان کے چچا اور سوتیلے بھائی نے وراثتی جائیداد پر رقبضہ جما رکھا ہے-
https://twitter.com/PTI_ki_cheeti/status/1421386090095779841?s=20
میڈیکل فرسٹ ائیر کی طالبعلم عالیہ شعیب نےسوال کیا کہ کیا اس ملک میں انصاف ملنا اتنا مشکل ہے کیا اس ملک میں اگر آپ یتم ہوتے ہو تو اتنا دربدر کر دیا جاتا ہے کیا آپ کو دھمکیاں ملتی ہیں کہ آپ کو اپنا حق مانگنے پر قتل تک کرنے کی دھمکی دی جاتی ہے؟-

عالیہ شعیب نے وزیر اعظم پاکستان، وزیراعلیٰ پنجاب ، چیف آف آرمی سٹاف اور چیف جسٹس آف پاکستان سے سوال کیا کہ کیوں ہمارے ادراوں میں سیاسی اثرو رسوخ اور پریشر بڑھ رہاہے کیوں ہمیں انصاف نہیں ملتا؟-

عالیہ نے کہا کہ میرے والد کی وفات کو دوسال سےزیادہ عرصہ گزر گیا ہے میرے والد صاحب کہا کرتے تھے کوئی اپنا نہیں ہے لوگ صرف مطلب کے ہوتے ہیں اگر کوئی آپ کے ساتھ حد سے زیادہ اچھا اور میٹھا ہے اس سے زیادہ آپ کے لئے بُرا کوئی نہیں ہے اور ان کی وفات کے بعد مجھے یہ بات بہت اچھے سے سمجھ آئی اور انہی کے اپنوں نےمجھے یہ بات بات سمجھائی-

ملتان کی رہائشی متاثرہ لڑکی نے مزید کہا کہ میرا ایک سوال ہے کیا اس ملک میں انصاف ملنا اتنا مشکل ہے کہ ہر کسی کے ساتھ ہی یہی ہو رہا ہے کیا یتیم بچے ہر وقت عدالتوں اور حکومتی اداروں کے چکر لگاتے پھریں کیا بیوہ عورتوں کے ساتھ بد سلوکی ہو رہی ہے کیا ان پر سیاسی پریشر بڑھ رہا ہے یا صرف ہمارے ساتھ ہی ہو رہا ہے ؟-

انہوں نے بتایا کہ شروع میں سوتیلا بھائی اور چچا اچھے بن کر ریوینیو ڈیپارٹمنٹ کے ساتھ مل کر جھوٹے کیس بناتے رہے وراثت کا انتقال جو کہ قانوناً ایک ماہ کے اندر اندر درج کیا جاتا ہے ہمیں کروانے میں ایک سال لگ گیا حلقہ پٹواری جو ہمارے چچا اور بھائی سے رشوت لئے بیٹھے ہیں ہمیں ہماری زمینوں کے دستاویزات نہیں دیتے-
https://twitter.com/PTI_ki_cheeti/status/1421387772192038912?s=20
ملتان کے ایم این اے احمد حسین ڈہہڑ کے سیاسی دباؤ وجہ سے کوئی ایکشن نہیں لیتا کمشنر ، ڈی سی تمام آفس کے بعد اب مجھے انصاف کی امید نہیں
میری اعلیٰ حکام سے گذارش ہے کہ ہمیں انصاف دلایا جائے-