Category: ملتان

دریائے چناب میں سیلابی صورتحال کے پیش نظر شیر شاہ بند میں شگاف ڈالنے کا فیصلہ کیا گیا ہے، جبکہ قریبی آبادیوں کو خالی کرنے کے اعلانات بھی جاری ہیں۔

ذرائع محکمہ انہار کے مطابق شیر شاہ بند کے ساتھ ملحقہ علاقوں کو پہلے ہی آگاہ کر دیا گیا ہے۔ دریائے چناب کے بیٹ کے علاقے پہلے ہی پانی سے بھر چکے ہیں اور مزید گنجائش نہ ہونے کے باعث بند میں شگاف ڈالنے کا فیصلہ کیا گیا۔محکمہ انہار کے مطابق تریموں سے 5 لاکھ 40 ہزار کیوسک پانی کا ریلا آئندہ دو روز تک ملتان کی حدود میں داخل ہوگا۔ ڈی جی پی ڈی ایم اے پنجاب عرفان کاٹھیا نے کہا کہ ملتان کے علاقے مزید 48 گھنٹے ہائی رسک زون میں رہیں گے، شہری احتیاط کریں اور حکومتی ہدایات پر عمل کریں۔

امریکی عدالت کا ٹرمپ پر 8 کروڑ 33 لاکھ ڈالر جرمانہ برقرار

لندن ہیّتھرو ایئرپورٹ کا ٹرمینل 4 مشتبہ مواد کی اطلاع پر خالی

پی ایف یو جے کا طیب بلوچ پر تشدد کے خلاف احتجاجی مظاہروں کا اعلان

وزیراعلیٰ سندھ کی یونیسیف نمائندہ سے ملاقات، سیلابی امداد پر بات

ملتان کی تحصیل جلال پور پیر والا میں دریائے چناب اور ستلج کے اونچے درجے کے سیلابی پانی کے داخل ہونے پر شہریوں کو فوری طور پر گھروں سے نکلنے کی ہدایت کر دی گئی ہے۔

پولیس کی جانب سے مساجد میں اعلانات کیے جا رہے ہیں، جبکہ متاثرہ بستیوں میں ریسکیو آپریشن جاری ہے۔ریسکیو 1122 کی اضافی ٹیمیں بھی علاقے میں روانہ کر دی گئی ہیں تاکہ متاثرین کو محفوظ مقامات پر منتقل کیا جا سکے۔ مقامی ریسکیو ورکرز پہلے سے بستیوں میں موجود ہیں اور شہریوں کے انخلا کے لیے کارروائیاں جاری ہیں۔

واضح رہے کہ گزشتہ روز جلال پور پیر والا میں سیلاب متاثرین کی کشتی پانی کے تیز بہاؤ کے باعث الٹ گئی تھی، جس میں خاتون سمیت 4 افراد جاں بحق ہوئے۔ کشتی میں زیادہ تر خواتین اور بچے سوار تھے، جبکہ ایک بچے کی تلاش کے لیے سرچ آپریشن اب بھی جاری ہے۔

روس کا یوکرین پر حملہ، 3 افراد ہلاک18زخمی، مختلف عمارتوں میں آتشزدگی

دریائے چناب کا بپھرا ہوا ریلا جنوبی پنجاب میں بڑے پیمانے پر تباہی مچاتا ہوا ملتان شہر کے قریب پہنچ گیا۔

پانی نے تمام رکاوٹیں توڑ کر درجنوں بستیاں زیرِ آب کر دیں، ٹول پلازہ اور قومی شاہراہ کا بڑا حصہ بھی متاثر ہوا۔مظفرگڑھ، جھنگ اور خانیوال سمیت کئی علاقوں کے گاؤں ڈوب گئے جبکہ پانی تیزی سے ہیڈ پنجند میں داخل ہو رہا ہے۔ شیرشاہ کے قریب زمیندارہ بند دباؤ برداشت نہ کر سکا اور پانی شہر کی جانب بڑھنے لگا۔ شیرشاہ فلڈ بند پر پانی کی سطح خطرناک حد کو چھو رہی ہے، ہیڈ محمد والا کی نواحی بستیاں بھی شدید متاثر ہوئیں۔شیرشاہ ٹول پلازہ تک پانی پہنچنے کے بعد سطح میں مسلسل اضافہ ہو رہا ہے، جس سے لاکھوں ایکڑ رقبے پر کھڑی فصلیں تباہ ہو گئیں۔

بستی گرے والا میں دو سو فٹ چوڑا شگاف پڑنے سے مزید بستیاں زیرِ آب آ گئیں۔ مظفرگڑھ–ڈی جی خان قومی شاہراہ کا ایک ٹریک ڈوب گیا اور عارضی رکاوٹ کھڑی کر دی گئی۔شور کوٹ کے قریب درمیانے درجے کا سیلاب ہے اور سلطان باہو پل سے 2 لاکھ 60 ہزار کیوسک کا ریلا گزر رہا ہے۔ احمد پور سیال کے موضع سمندوانہ بند میں شگاف پڑنے سے کئی علاقے ڈوب گئے۔ جھنگ اور گردونواح میں پانی نے زندگی مفلوج کر دی ہے جبکہ متاثرین کو امدادی سامان کی شدید قلت کا سامنا ہے۔

پی ڈی ایم اے کے مطابق بہاولنگر اور جھنگ کی ضلعی انتظامیہ کو اضافی ریلیف سامان روانہ کر دیا گیا ہے تاکہ امدادی کام مؤثر بنایا جا سکے۔ درکھانہ کے مقام پر ریلوے پل سے پانی ٹکرانے کے بعد شور کوٹ–خانیوال ریلوے سیکشن دوسرے روز بھی بند رہا۔ خانیوال کے درجنوں دیہات ڈوب گئے، کبیروالا میں متاثرین کی تعداد ایک لاکھ سے تجاوز کر گئی جبکہ 17 ہزار ایکڑ فصلیں تباہ اور 80 ہزار مکانات گر گئے۔

لیاقت پور میں دریائے چناب اور دریائے سندھ کے ریلوں نے مزید بستیاں اجاڑ دیں۔ موضع نور والا پانی میں ڈوب گیا جبکہ ہیڈ پنجند پر پانی کی سطح 3 لاکھ 10 ہزار کیوسک سے بڑھ گئی۔

جسٹس منصور علی شاہ کا چیف جسٹس کو خط، اہم سوالات اٹھا دیے

مریم نواز کا گجرات کے سیلاب متاثرہ علاقوں کا دورہ،متاثرین سے ملاقات

برطانیہ: کابینہ میں بڑے پیمانے پر ردوبدل، یویٹی کوپر وزیر خارجہ مقرر

خیبرپختونخوا میں گورننس کا وجود نہیں رہا، مولانا فضل الرحمان

چیئرمین سینٹ یوسف رضا گیلانی نے کہا ہے کہ ملکی موجودہ سیلابی صورتحال میں تمام پاکستانیوں کو یک جہتی کا مظاہرہ کرتے ہوئے متاثرین کی مدد کرنی چاہیے،مشکل وقت میں ہمیں تنقید کی بجائے عوامی مفاد اور ریلیف کیلئے مل کر کام کرنا چاہئے۔

ان خیالات کا اظہار انہوں نے بدھ کو یہاں جھوک وینس، بستی ریاض آباد اور لک والا نواب پور کے علاقوں میں قائم فلڈ ریلیف کیمپوں کے دورہ کے دوران میڈیا سے گفتگو کرتے ہوئے کیا۔سید یوسف رضا گیلانی نے کہا کہ حالیہ سیلاب سے ملک بھر سمیت پنجاب میں بہت لوگ متاثر ہوئے ہیں،اپنے گھروں کو چھوڑنا آسان نہیں ہوتا لیکن زندگی بچانے کےلئے یہ ضروری ہے کہ سیلاب زدہ علاقوں کو فوری چھوڑا جائے،تا کہ انسانی جانوں کو بچایا جا سکے۔سید یوسف رضا گیلانی نے کہا کہ قومی یکجہتی کےلئے ضروری یے کہ مصیبت کی اس گھڑی میں سیلاب متاثرین کا اجتماعی طور پر ساتھ دیا جائے،پوری قوم خاص طور پر کہ مخیر حضرات کو چاہیے کہ دکھ کی اس گھڑی میں گھر بار چھوڑنے والوں کی ہر طرح سے مدد کریں۔

چیئرمین سینٹ نے کہا کہ ملتان اور گرد و نواح میں سیلاب زدہ علاقوں میں مقامی افراد،سول سوسائٹی ،انتظامیہ اور دیگر ادارے متاثرین کی مدد کیلئے ہر ممکن کوشش کر رہے ہیں،میں خود مسلسل فلڈ ریلیف کیمپوں کا دورہ کررہا ہوں،سیلاب زدہ علاقوں میں جلد کی بیماری اور سانپ کاٹنے کے واقعات سامنے آ رہے ہیں،ریلیف کیمپوں میں تمام ادویات وافر مقدار میں موجود ہیں جبکہ ڈاکٹرز بھی ڈیوٹی سر انجام دے رہے ہیں ۔

یوسف رضا گیلانی نے کہا کہ جانوروں کے کھانے کے لیے چارہ بھی مہیا کیا جا رہا ہے ،تمام پاکستانیوں کو یک جہتی کا مظاہرہ کرتے ہوئے متاثرین کی زیادہ سے زیادہ امداد کرنی چاہیے۔انہوں نے کہا کہ وزیراعلی پنجاب مریم نواز شریف ملتان آئیں اور انہوں نے سیلاب متاثرہ علاقوں کا دورہ کیا،میرے بیٹوں نے وزیر اعلیٰ پنجاب کو ریلیف کاموں اور سیلاب متاثرین کے مسائل بارے بتایا،مریم نواز شریف نے ہر ممکن تعاون کی یقین دہانی کروائی ہے۔چیئرمین سینٹ نے کہا کہ آج کا دن بہت خطرناک ہے ،ٹیمیں پانی مانیٹر کررہی ہیں ،تمام ادارے الرٹ ہیں ،جو لوگ ابھی تک دریائی علاقوں میں ہیں ان سے درخواست ہے کہ محفوظ مقامات پر منتقل ہو جائیں ۔

انہوں نے کہا کہ مزید ایک ہزار کیمپ میں نے منگوائے ہیں ہم ٹیم ورک کے طور پر کام کر رہے ہیں،جن بندوں کو بریچ کرنا ہے میں نے ان کا دورہ کیا ہے،متعلقہ محکمہ کا ایس او پی بنا ہوا ہے ،جب صورت حال پیدا ہو تی ہے تو وہ اس کے مطابق بریچ کرتا ہے -انہوں نے مزید کہا کہ سیلاب کے بعد حکومت نقصانات کا تخمینہ لگائے گی اور پھر مدد کی جائے گی۔اس موقع پر ممبر قومی اسمبلی علی قاسم سمیت مقامی زمیندار و سیاسی رہنما بھی سید یوسف رضا گیلانی کے ہمراہ تھے۔

روسی ادارے کا چین کو نیوکلیئر توانائی میں ہر ممکن تعاون فراہم کرنے کا اعلان

سندھ حکومت نے 5 اور 6 ستمبر کو عام تعطیل کا اعلان کردیا

سریاب خودکش حملہ: نیشنل پارٹی کا 3 روزہ سوگ، حب کا جلسہ ملتوی

چیئرمین سینیٹ سید یوسف رضا گیلانی نے کہا ہے کہ پاکستان اس وقت مشکل سیلابی صورتحال سے دوچار ہے،غم کی اس گھڑی میں متاثرین کا بھرپور ساتھ دیں گے۔

ان خیالات کا اظہار انہوں نے اتوار کو سرکٹ ہاؤس ملتان میں پاکستان فیڈرل یونین آف جرنلسٹ کے سینئر عہدیداروں سے ملاقات کے دوران کیا۔سجادہ نشیں درگاہ موسیٰ پاک شہید سید ابوالحسن گیلانی ،سید مجتبیٰ گیلانی اور صدر انجمن اسلامیہ سید عمران حسن گیلانی بھی ملاقات میں موجود تھے۔اس موقع پر سید یوسف رضا گیلانی نے ملتان میں اانجمن اسلامیہ کی فلاحی جدوجہد کا ذکر کرتے ہوئے کہا کہ انجمن اسلامیہ کی ملتان اور جنوبی پنجاب کے لوگوں کےلئے فلاحی اور علمی حوالے سے خدمات کو فراموش نہیں کیا جا سکتا۔اس حوالے سے یہاں بہترین پلیٹ فارم مہیا کئے گئے۔عید میلادالنبی صلی اللہ علیہ وآلہ ولسلم کے موقع پر ہر سال جو انتظامات کئے جاتے ہیں وہ لوگوں کی ترجمانی کرتے ہیں۔چئیرمین سینٹ نے مزید کہا کہ گیلانی لاء کالج تعلیمی اعتبار سے ایک بہترین درسگاہ ہے۔اس درسگاہ کے 10 پی ایچ ڈی سکالر اس وقت موجود ہیں جو ایک اعزاز ہے۔

سید یوسف رضا گیلانی نے حالیہ پاک بھارت جنگ میں پاکستانی میڈیا کے کردار کی تعریف کی اور کہا کہ صحافیوں نے قومی یکجہتی کےلئے ہمیشہ ایک مثبت کردار ادا کیا جو قابل تعریف یے۔اس سے قبل پی ایف یو جے کے صدر رانا عظیم نے ملک بھر سے آئے ہوئے سینئر عہدیداروں، کے ہمراہ چیئرمین سینٹ سے ملاقات کی اور پیکا ایکٹ کے حوالے سے اپنے تحفظات کا اظہار کیا۔آخر میں پاکستان بھر کے سیلاب متاثرین اور سید تنویر حسن گیلانی کی روح کے ایصال ثواب کےلئے دعا کرائی گئی۔

وزیراعلیٰ پنجاب مریم نوازکے ایکس اکاؤنٹ پر پوسٹ وائرل،غلطی یاکچھ اور