Category: ملتان

بستی ملوک(نمائندہ باغی ٹی وی )محکمہ صحت کی مبینہ سرپرستی و نااہلی کی وجہ سے بستی ملوک کے گردونواح میں عطائیت کادھندہ اپنے عروج پر کھلے عام جنسی ادویات کی فروخت جاری تفصیلات کے مطابق بستی ملوک کے علاقہ قصبہ مڑل,باقر پور میں عطائی ڈاکٹرز نے اپنے پنجے گاڈ لئے عرصہ دراز سے قائم عطائی ڈاکٹرز اپنے کلینکس پر نشہ آوار ادویات,انجکشن اور جنسی ادویات بھی کھلے عام فروخت کر رہے ہیں باقر پور میں قائم عطائی عبداللہ کے کلینک پر درجنوں کے حساب سے جنسی تسکین کے لئے استعمال ہونے والی معمنوعہ ادویات جن میں گولیاں,کیپسول,سپرے,ٹیوب شامل ہیں موجود جب اس سے پوچھا گیا کہ عطائیت کے ساتھ ساتھ جنسی ادویات کی بھرمار ہے کلینک پر تو عطائی نے کہا کہ یہ تو ہر میڈیکل سٹور اور میرے آس پاس موجود دیگر عطائی داکٹرز کے پاس موجود ہیں سب منتھلی دیتے ہیں اس کے علاوہ عطائی عبداللہ کے پاس درجنوں دو نمبر انجکشن موجود تھے جو کہ اس نے جانوروں کو لگائے جانے والے محلول سے خود تیار کئے تھے اور غریب سادہ لوح مریضوں کو 3سو روپے سے 5سو روپے تک کا ایک انجکشن لگاتا ہے چند پیسوں کی خاطر عطائی ڈاکڑر انسانی زندگیوں سے کھیلواڑ کرنے میں مصروف ہے اہل علاقہ کے مطابق عطائی عام طور پر شام کے اوقات میں کلینک کھولتا ہے تاکہ محکمہ صحت کی ٹیم چھاپہ نہ مار سکے جب کہ عطائی کے مطابق محکمہ ہیلتھ کے اہلکار مبینہ طور پر اپنا حصہ وصول کرتے ہیں صحافیوں نے جب عطائی سے سوال کیا کہ کس حیثیت سے کلینک بنایا ہوا ہے تو عطائی نےبتایا کہ میں نے لائق رفیق لاڑ ہسپتال سے ڈسپینسر کا ڈپلومہ کیا ہوا ہے جبکہ ابھی رزلٹ نہیں آیا اہل علاقہ نے محکمہ ہیلتھ کے اعلی احکام سے اپیل کی ہے کہ عطائی عبداللہ سمیت گردونواح میں موجود دیگر موت کے گھروں کے خلاف سخت کاروائی کی جائے تاکہ غریب سادہ لوح عوام کو ان کے ہاتھوں سے محفوظ رکھ سکیں( رپورٹ رانا اظہر منیر نمائندہ باغی ٹی وی ملتان شجاع آباد )

شجاع آباد: (نمائندہ باغی ٹی وی )
گرین اینڈ کلین کے سلسلے میں شجر کاری پریمئیر کالج آف ٹیکنالوجی میں پودے لگائے گئے اس مو قع پر ملک مشتاق احمد ڈائریکٹر،محمد رضوان اسلم پرنسپل نے کہا کہ ملک کو سر سبز اور شاداب کرنے کے لیے ہمیں اپنا قومی فریضہ سمجھ کرزیادہ سے زیادہ درخت لگانے چاہیے۔ہم نے تمام طلباء اوراستاتذہ کرام کو خصوصی ہدایت کی ہے اپنے اپنے حصے کا ایک ایک پودا ضرور لگائیں
حافظ کامران دلشاد خان، فرحان بخاری نے کہا کہ موسمیاتی تبدیلیوں کے لیے درخت لگانا انتہائی ضروری ہے لکٹری سے بننے والی مصنوعات میں درخت اہم کردار ادا کر تے ہیں درخت ہمیں سایہ فراہم کرتے ہیں درخت لگانا صدقہ جاریہ ہے۔ اس مو قع پر محمد زاہد ملک، محمد صفدر،حافظ شعیب،وقاص گوہر،ارسلان جمیل نے بھی اپنے اپنے ہاتھوں سے پودا لگایا
(رانا اظہر منیر نمائندہ باغی ٹی وی ملتان شجاع آباد )

ملتان ۔ ملتان شہر کے علاقے پراناشجاع آباد روڈ پردکانداروں اوریڑھی والوں نے تجاوزات کے خلاف آپریشن کے دوران انسدادتجاوزات کی ٹیم پرحملہ کردیا۔میٹروپولٹین کارپوریشن ٹیم نے کمشنر ملتان جاویداخترمحمودکے حکم پرتجاوزات کے خلاف کریک ڈاون کیاتھا۔کارپوریشن کاعملہ جب پراناشجاع آبادروڈ پرپہنچاتوتجاوزات مافیا کی جانب سے انسداد تجاوزات ٹیم کو مزاحمت کا سامنا کرناپڑا۔کمشنر ملتان نے کار سرکار میں مداخلت کرنے والوں کیخلاف فوری طورپر مقدمہ درج کروانے کا حکم دیاہے اورملزمان کی فوری گرفتاری کے احکامات جاری کیے ہیں۔ کمشنر کے مطابق شہریوں کی شکایات پر تجاوزات آپریشن کیا جارہا ہے۔چیف ایگزیکٹو آفیسر کارپوریشن اقبال فرید نے بتایاکہ تجاوزات آپریشن میں 3 ٹرک سامان قبضے میں لیکر پختہ تعمیرات مسمارکردی گئیں۔انہوںنے کہاکہ سرکار کی رٹ کو چیلنج کرنے والے کسی رعایت کے مستحق نہیں ہیں۔انہوںنے مزیدکہاکہ سیٹزن پورٹل، سوشل میڈیا پر شہریوں کی شکایات پر تجاوزات آپریشن کیا جارہا ہے، تجاوزات نے شہر کا حسن گہنا کر رکھ دیا ہے۔گرین کلین ملتان ڈویژن مہم کی کامیابی کیلئے تمام تجاوزات کو ہر صورت ختم کیا جائے گا۔ ان کے مکمل خاتمے بارے بھی لائحہ عمل تیار کیا جاچکا ہے۔شہری بھی تجاوزات مافیا کی حوصلہ شکنی کرکے انتظامیہ کا ساتھ دیں۔

شجاع آباد:(نمائندہ باغی ٹی وی)
گرین اینڈ کلین کے سلسلے میں زراعت آفس شجاع آباد میں پودے لگائے گئے اس موقع پر چوہدری لیاقت علی گوندل ڈپٹی ڈائریکٹر زراعت نے کہا کہ درخت لگانے کے ساتھ ساتھ اس کی دیکھ بھال اور آبیاری کرنا بھی انتہائی ضرور ی ہے فیلڈ آفیسروں اور عملے کو خصوصی ہدایت کی ہیں کے وہ کسانوں سے کہیں کہ وہ کھیتوں میں زیادہ سے زیادہ درخت لگائیں کیونکہ درخت منافع بخش صنعت بھی ہے درختوں کی لکٹری ہمارے بہت سے کاموں میں استعمال ہوتی ہے۔ سید لیاقت حسین گیلانی اسسٹنٹ،جام غلام عباس انسپکٹر، عبدالخالق بھٹی، دلشاد خان، خورشید نے کہا کہ درخت اس دھرتی ماں کا حسن ہے درختوں کے پتے زمین کو زرخیز کرنے میں بہت اہم کردار ادا کرتے ہیں دور حاضر میں ہمیں درخت لگا کر آنے والی نسلوں کو آلودگی سے محفوظ کرناہے اس لئے درخت لگا نا بہت ضروری ہے پھل دار اور پھول دار پودے زیادہ سے زیادہ لگائیں تاکہ ملک سر سبز اور شاداب رہے اس موقع پر محمد آصف زراعت آفس،محمد عرنان سید حسن عباس، فرحان بخاری، خالد چیئر مین،قاری عبدالرحمن ملک آصف اسلام،اظہر کلیم،خرم اشتیاق و دیگر نے بھی اپنے ہاتھوں سے پودے لگائے۔
(رپورٹ رانا اظہر منیر نمائندہ باغی ٹی وی ملتان شجاع آباد )

بستی ملوک (نمائندہ باغی ٹی وی )
بستی ملوک سمیت پورے حلقے میں جلد فلٹریشن پلانٹ لگوائیں جائیں گے،سپیڈو بس کا باقاعدہ افتتاح بھی جلد ہو جائے گا،محمد ابراہیم خان ایم این اے
تفصیل کے مطابق پاکستان تحریک انصاف کے ایم این اے محمد ابراہیم خان نے بستی ملوک میں راؤ عمران وارث کی رھائش گاہ پرصحافیوں سے گفتگو کرتے ہوئے اپنے ایک بیان میں کہا کہ بستی ملوک سمیت پورے حلقے میں جلد فلٹریشن پلانٹ لگوائے جائیں گے،حلقہ158 کے ہر علاقے میں ترقیاتی کام میری اولین ترجیح ہے،بستی ملوک تا شجاع آباد روڈ جلد ہی مکمل ہو جائے گا،بستی ملوک کو ٹاؤن کادرجہ دلوادیا، ٹاؤن بننے سے بستی ملوک کی محرومیوں میں کمی آئے گی،اور انشاءاللہ جلد ہی سپیڈو بس کا با قا عدہ افتتاح بھی بستی ملوک میں کر دیا جائے گا ،محمد ابراہیم خان نے راؤ عمران وارث کی نئی نشتر فارمیسی بنانےکی مبارک دی،اس کے علاوہ مختلف جگہوں پر جا کر فاتحہ خوانی دی،اور مختلف علاقوں میں جا کر لوگوں کے بنیادی مسائل جن میں بجلی،گیس،سیوریج جیسے مسائل کو فوری حل کروایا،محمد ابراہیم خان کے ہمراہ سابق چیئرمین یونین کونسل بستی ملوک ڈاکٹر فیاض حسین ملک،سابق چیئرمین یونین کونسل 5 فیض محمد علی خاں خاکوانی،راؤ عمران وارث،غلام نبی طاہر جنرل سیکرٹری ملتان بار کونسل،راو جاوید وارث ،حاجی وارث علی،محمد عمران سابق کونسلر،بھی موجود تھے (رپورٹ رانا اظہر منیر نمائندہ باغی ٹی وی ملتان شجاع آباد )

بستی ملوک(نمائندہ باغی ٹی وی ) کاروباری شخصیت ملک محمد عارف کے بڑے بھائی حافظ محمد اقبال جو کہ کافی عرصہ سے شدید بیمار ہیں کی تمارداری کےلئے ایم این اے ابراہیم خان,سابق یو سی چیئرمین ملک فیاض حسین،راؤ عمران وارث ،مہر ریاض ان کی رہائش گاہ پر آئے اور جلد صحت یابی کے لیے دعا کی اس موقع پر ایم این نے ابراہیم خان نے کہا کہ بستی ملوک ریسکیو کی بلڈنگ مہیا کر دی گئی ہے اب انشاء اللہ بہت جلد بستی ملوک کی عوام کا سیوریج کا مسلہ بھی حل کردیا جائے گا جس کےلئے ہوم ورک کیا جارہا ہے جوکہ ملک فیاض کے ذمہ ہے اس بارے میں جلد عوام کو خوشخبری دیں گے۔ (رپورٹ رانا اظہر منیر نمائندہ باغی ٹی وی ملتان شجاع آباد )

شجاع آباد (نمائندہ باغی ٹی وی )کھوکھراں اسٹاپ کے قریب ٹریفک حادثہ ۔ مسافر وین جلالپور سے لاہو جا رہی تھی کے تیز رفتار ی کے باعث ٹرک سے بچاتے ہوئے دیوار سے جا لگی حادثہ کے باعث ایک ہی خاندان کے خواتین اور بچوں سمیت 9 افراد شدید زخمی ہوئے ہیں اس واقعہ کی اطلاح ملتے ہی پنجاب پولیس پیٹرولنگ پولیس سکندرآباد ریسکیو 1122 جائے حادثہ پر فوری طور پر پہنچ گئے ۔ زخمی ہونے والے تمام افراد کو ابتدائی طبی امداد فراہم کر کے سول اسپتال منتقل کردیا گیا ہے، ریسکیو ذرائع رپورٹ رانا اظہر منیر نمائندہ باغی ٹی وی ملتان شجاع آباد

شجاع آباد ( نمائندہ باغی ٹی وی )جمعیت علماء پاکستان جنوبی پنجاب کے نائب صدر مولانا حاجی عاشق علی خان قادری نے کہا ملک کی موجودہ صورتحال حساس ہے ناموس رسالت ص پر کوئی آنچ نہیں آنے دیں گے صحابہ کرام کی شان میں گستاخی ہونا اہل پاکستان کے مقتدر حلقوں اور حکومت پر سوالیہ نشان ہے وطن عزیز کے غیور مسلمان صحابہ کرام و اہلبیت عظام رضی اللہ عنہ کی شان میں نازیبہ کلمات کسی صورت بھی برداشت نہیں کریں گے یہ ملک حضور اکرم صلی اللہ علیہ وسلم اور صحابہ کرام اہلبیت اطہار و اولیاء اللہ کے چاہنے والوں کا ملک ہے کسی بھی مقدس ہستی کی گستاخی ناقابل قبول ہوگی ہمارا حکومت سے پر زور مطالبہ ہے صحابہ کی گستاخی کرنے والوں گرفتار کرکے کیفر کردار تک پہنچایا جاۓ انہوں نے مزید کہا 24 ستمبر کو ملتان میں تحفظ ناموس رسالت و دفاع صحابہ و اہلبیت مارچ ہوگا جس میں مفتی اعظم پاکستان مفتی منیب الرحمان صاحب و دیگر قائدین ملت خطاب کریں گے مارچ میں شرکت کے لیۓ شجاع آباد سے بھر پور قافلے شرکت کریں گے ہماری اہل عاشقان رسول ص و صحابہ و اہلبیت سے اس عظیم الشان مارچ میں شرکت کی اپیل ہے جے یو پی شجاع آباد کے قافلے 24 ستمبر کو روانے ہونگے مولانا عاشق علی قادری نے مزید کہا سیدنا صدیق اکبر رضہ کی محبت کے بغیر ایمان مکمل نہیں ان کی گستاخی اہل ایمان کے لیے ناقابل قبول ہے ہمارا ریاست مدینہ حکمرانوں سے مطالبہ ہے کہ موٹروے واقعہ کے مجرموں کو گرفتار کرکے نشان عبرت بنایا جاۓ وہ ظالم کسی قسم کی رعایت کے مستحق نہیں ہیں ریاست مدینہ میں خواتین کی عزتوں کا تحفظ یقینی بنایا جاۓ اور ہم یہ بھی واضع کرنا چاہتے ہیں کہ اسلام نے عورت کو جو حقوق دیۓ ہیں وہ کسی بھی مزہب نے نہیں دیۓ پھر ایسے حالات میں کچھ بیرونی ایجنڈے پر عمل پیرا میرا جسم میری مرضی والی خواتین میدان میں آکر کہتے ہیں چھین کے لیں گے آزادی یہ نعرہ اسلامی اطوار کے منافی ہے جس پر ہم پہلے اور اب بھی پابندی کا مطالبہ کرتے ہیں ان خیالات کا اظہار انہوں نے جے یو پی کے زمہ داران کی مشاورتی میٹنگ میں کیا جس میں علامہ ابو تہامی قادری. حافظ شیراز حیدری. عبدالوھاب قادری. کامران بھٹی. حبیب الرحمان مہروی. ابراہیم سعیدی سمیت دیگر نے شرکت کی (رپورٹ رانا اظہر منیر نمائندہ باغی ٹی وی ملتان شجاع آباد )

بستی ملوک( نمائندہ باغی ٹی وی )موٹروے پولیس بیٹ نمبر 19نے تھانہ بستی ملوک کے علاقہ اڈا بصیرہ پر زاہد موبائل شاپ پرتقربیا ساڑھے چار لاکھ کی واردات کر کے فرار ہونے والے ملزمان کو بستی ملوک کے قریب پکڑ لیا اور تھانہ بستی ملوک پولیس کو اطلاع کر کے ملزمان کو پولیس کے حوالے کر دیا۔جبکہ تھانہ بستی ملوک پولیس کی گاڑی میں ایک اہلکار جو کہ ڈرائیور تھا موقع پر پہنچا جس پر موٹروے پولیس نے تھانہ بستی ملوک کی گاڑی کو تھانے پہنچایا اور پولیس اہلکار پیچھےگاڑی میں ملزمان کے ساتھ بیٹھ کر گیا ملزمان کی گاڑی کو بھی موٹروے اہلکار ہی تھانے چھوڑ کر آئےاطلاع کے باوجود تھانہ بستی ملوک سے صرف ڈرائیور گاڑی سیمت موقع پر پہنچا خدانخواستہ ملزمان پولیس سے فرار ہونے کی کوشش کرتے توکیا ایک اہلکار دو ملزمان کو قابو کر پاتا جبکہ گاڑی بھی اسی اہلکار نے ڈرائیو کر کے لے جانی تھی اگر موٹروے پولیس اپنا ڈرائیور ساتھ نہ دیتی تو پولیس اہلکار ملزمان کو تھانے تک نا لے جا پاتا شہریوں نے پولیس کی نااہلی پر اعلی افسران سے نوٹس لینے کا مطالبہ کیا ہے(رپورٹ رانا اظہر منیر نمائندہ باغی ٹی وی ملتان شجاع آباد )

بستی ملوک(نمائندہ باغی ٹی وی )بستی ملو ک مین سٹی اور موٹر وے روڈ پر تجاوزات کی بھر مار عوام پریشان اعلی حکام سے ایکشن لینے کی اپیل . . . . ( تفصیلات کے مطابق ) میں کشادہ اور وسیع و عریض رقبہ پر سبزی منڈی قائم ہونے کے باوجود تجاوزات مافیا نے اپنی عادت نہ بدلی سابقہ سبزی منڈی کے سامنے تجاوزات مافیا کی موٹروے پر تجاوزات کی وجہ متعددجان لیوا حادثات کے باعث تقریبا 22 افراد لقمہ اجل بنے اور سینکٹروں افراد زخمی ہوکر معذوری کی زندگی گزار رہے ہیں کچھ عرصہ قبل رانا صابر اور رانا رب نواز نے نئی کشادہ سبزی منڈی بنائی تاکہ سبزی اور فروٹ فروش کشادہ جگہ پر کاروبار کرسکیں اور موٹروے پر تجاوزات مافیا کا راج ختم ہو لیکن سبز ی منڈی کے قیام کے کچھ عرصہ بعد ہی تجاوزات مافیا متحرک ہوگئی اور حسب عادت سبزی منڈی کے سامنے موٹروے پر تجاوزات قائم کرلیں تجاوزات کی وجہ سے موٹروے پر ٹریفک کی روانی شدید متاثر ہورہی ہے اور بے ہنگم تجاوزات کی وجہ جان لیوا حادثوں کے خطرات موجود ہیں بے تحاشہ تجاوزات کے باوجود موٹروے پولیس نے چشم پوشی اختیار کررکھی ہے اور سبزی منڈی کے مالکان اور سبزی منڈی کے صدر اور دیگر عہدیداروں نے مالی فوائد کی وجہ سے مجرمانہ خاموشی اختیار کررکھی ہے عوامی مطالبہ ہے کہ سبزی منڈی کے سامنے موٹروے پر تجاوزات مافیا کے خلاف آپریشن کیا جائے(رپورٹ رانا اظہر منیر نمائندہ باغی ٹی وی ملتان شجاع آباد )