باغی ٹی وی کی رپورٹ کے مطابق علی موسیٰ گیلانی سمیت گرفتار رہنماؤں کی ضمانت منظورکر لی گئی

علاقہ مجسٹریٹ جواد ظفر نے علی موسیٰ گیلانی سمیت گرفتار رہنماؤں کی ضمانت منظور کی،علی موسیٰ گیلانی کو گزشتہ روز گرفتار کیا گیا تھا۔

علی موسیٰ گیلانی احتجاج کے لیے تھانہ چہلیک پہنچے تھے جہاں انہیں گرفتار کیا گیا ہے۔ پولیس نے پیپلزپارٹی کی جانب سے بغیر اجازت ریلی نکالنے پر مقدمہ درج کیا تھا۔ مقدمےمیں سابق وزیراعظم یوسف رضاگیلانی کے 4 بیٹوں کے علاوہ پیپلزپارٹی کے رہنما خواجہ رضوان، ڈویثرنل صدر خالد لودھی کو بھی مقدمےمیں نامزد کی۔

پاکستان پیپلز پارٹی کے چیئرمین بلاول بھٹوزرداری نےعلی موسیٰ گیلانی کی گرفتاری کی شدید مذمت کی تھی۔

انہوں نے کہا کہ علی موسیٰ گیلانی کی گرفتاری سلیکٹڈ حکمرانوں کی غنڈہ گردی ہے، دھاندلی کی پیداوار حکومت اب عوامی تحریک کو طاقت سے دبانا چاہتی ہے۔

بلاول نے کہا کہ حکومت مخالف احتجاج کو اوچھے ہتھکنڈوں سے روکنے کی توقع رکھنے والوں کو منہ کی کھانا پڑے گی۔ ان کا کہنا تھا کہ پرامن سیاسی سرگرمیاں اوراحتجاج عوام کاحق ہےانہیں روکناآئین کی خلاف ورزی ہے۔

ملتان، پی ڈی ایم کے سیاسی رہنماؤں اور ورکرز کے خلاف مقدمہ درج، کیا الزامات لگے

باغی ٹی وی رپورٹ کے مطابق ، ملتان اسٹیڈیم قلعہ کہنہ قاسم باغ میں پی ڈی ایم کے سیاسی رہنماوں اور ورکرز کے خلاف کار سرکار میں مداخلت، اسٹیڈیم کا تالا توڑنے اور سنگل چرانے کے الزام میں مقدمہ درج کر لیا گیا۔ پی ڈی ایم رہنماوں کی طرف سے اسٹیڈیم کا تالا توڑنے پر حکومت کا ڈاکٹر جاوید صدیقی، شیخ طارق رشید، عبد الوحید آرائیں اور عبدالقادر گیلانی سمیت 30 افراد کے خلاف کار سرکار میں مداخلت اور اسٹیڈیم کا تالا اور سنگل چوری کر کے لے جانے پر تھانہ لوہاری گیٹ میں مقدمہ درج کر لیا گیا۔ پیپلزپارٹی اور مسلم لیگی کارکنان نے مقدمہ درج کرنے کی شدید الفاظ میں مذمت کی ہے۔

دوسری جانب ملتان پولیس کے ترجمان کے مطابق ملزمان کی گرفتاری کے لیے ٹیمیں تشکیل دے کر چھاپے مارے جا رہے ہیں، ملزمان نے غیرقانونی طور پر اسٹیڈیم کا تالا توڑ کر اسٹیڈیم میں داخل ہونے کی کوشش کی اور اسٹیڈیم کے سرکاری عملے کے ساتھ مزاحمت کرتے ہوئے فرار ہو گئے۔ پی ڈی ایم کے رہنماوں کا کہنا ہے کہ ملتان پولیس نے دبا میں آکر مقدمہ درج کیا ہے،

پی ڈی ایم کے رہنماؤں نے الزام عائد کیا ہے کہ اس وقت ڈی سی ملتان اور سی پی او ملتان سمیت تمام سرکاری مشینری پر جلسہ رکوانے کے لیئے اوپر سے شدید دبا ہے، ملتان کا سفیدے کا درخت بھی انتظامیہ کو جلسہ ہونے پر ٹرانسفر اور معطلی کی دھمکیاں دے رہا ہے جنہوں نے دباو کے تحت جھوٹے مقدمے درج کرنا شروع کر دیئے ہیں، ان کا کہنا تھا کہ انتظامیہ اور حکومت کو یہ بتانا چاہتے ہیں کہ ملتان کا جلسہ ہر صورت ہوگا، اگر روک سکتے ہو تو روک لو۔

ڈاکٹر کرونا کا شکار ہوا تو تنخوا ہ روک لی گئی،انتظامیہ کی بے حسی کی انتہا

باغی ٹی وی رپورٹ کے مطابق، ملک میں‌کرونا پھر سے بڑھ رہا ہے اور اس کے ساتھ ساتھ میڈیکل کے لوگ بھی متاثر ہو رہے ہیں. کرونا کی پچھلی لہر میں‌ کئی ڈاکٹرز ، نرسز اور پیرا میڈیکل سٹاف بھی کرونا کی وجہ سے جاں بحق ہوئے . . اس طرح اب بھی یہی صورت حال ہے کہ ڈاکٹر حضرات کورونا کا شکار ہو رہے ہیں. لیکن ایک ایسا وقعہ پیش آیا جسے سن کر ہسپتال انتطامیہ کی بے حسی پر رونا آتا ہےنشتر ہسپتال ملتان کا ایک ڈاکٹر کا کرونا ٹیسٹ مثبت آیا تو اس کو 15دن کے لیے بنا تنخواہ چھٹی پر بھیج دیا گیا ہے. اس پر انتظامیہ پر شدید تنقید ہور ہی ہے. اس سلسلے میں‌کہا جا رہا ہے کہ کیا جنگ جب کوئی فوجی زخمی ہو جائے تو اس کی تنخواہ روک دی جاتی ہے . ؟

ڈاکٹر حضرات اور دیگر میڈیکل کے لوگ بھی اپنی جان ہتھیلی پر رکھ کر پاکستانیوں کا علاج کر رہے ہیں. لیکن کیا اگر وہ خود اس کا شکار ہو جائیں تو ان کو بجائے اس کہ تعاون کیا جائے الٹا تنخواہ روک کر گھر بھیج دیا جائے گا. اس سلسلے میں‌ انتطامیہ کو دیکھنا ہوگا. کہ ان کا یہ عمل کتنا غلط ہے اور اس عمل سے ان ڈاکٹر حضرات کو کیا پیغام جائے گا . جو اپنی جان خطرے میں‌ڈال کر خدمت کا فریضہ انجا م دے رہے ہیں.
ادھر ڈاکٹرز نے نشتر ہسپتال میں پریس کانفرنس کرتے ہوئے کہا کہ نشتر ہسپتال میں اس وقت کورونا کے سب سے زیادہ مریض داخل ہیں،کورونا مریضوں کو دیگر مریضوں سے علیحدہ کرنے کا کوئی مربوط نظام موجود نہیں ہے،نشتر ہسپتال کے ڈاکٹر اور دیگر عملہ تیزی سے کورونا میں مبتلا ہو رہا ہے،نشتر ہسپتال کے ڈاکٹروں سمیت دیگر عملے کو حفاظتی سامان فوری طور پر مہیا کیا جائے ،ڈاکٹروں کا کہنا تھا کہ حکومت فوری طور پر سرکاری ہسپتالوں میں انتہائی نگہداشت کے 100 بستروں کا اضافہ کرے۔

باغی ٹی وی :مسلم لیگ ن کے سابق رکن قومی اسمبلی ملک عبدالغفار ڈوگر کو محکمہ اینٹی کرپشن نے گرفتار کر لیا۔

ملتان میں ن لیگی رکن اسمبلی کی گرفتاری کے متعلق ضلعی صدر مسلم لیگ (ن) بلال بٹ نے بتایا کہ سابق ایم این اے عبدالغفار ڈوگر کو چوک کمہاراں پر واقع ان کی رہائشگاہ سے گرفتار کیا گیا۔عبدالغفار ڈوگر کی گرفتاری کے خلاف ن لیگ کے کارکنوں نے اینٹی کرپشن دفتر کے سامنے احتجاج کیا گیا۔

مسلم لیگ ن کے رہنماؤں اور کارکنوں کا کہنا تھا کہ ملتان میں پی ڈی ایم کے جلسے سے قبل حکومت خوف کا شکار ہے جس کی وجہ سے ایسے اوچھے ہتھکنڈے استعمال کیے جا رہے ہیں۔ذرائع اینٹی کرپشن کا اس حوالے سے بتانا ہے کہ عبدالغفار ڈوگر کو کرپشن اور اختیارات سے تجاوز کے الزام میں گرفتار کیا گیا۔

جلسے پہلے بھی ہوتے آئے ہیں اور انشاءاللہ ملتان کا جلسہ بھی اپنے مقررہ وقت پہ ہوگا کٹھ پتلی اور سلیکٹڈ حکومت جتنےاوچھے ہتھکنڈےاستعمال کرلے یہ ہمارے کارکنوں کےجذبے,ہمت اور حوصلے کو پست نہیں کرسکتے عبدالغفار ڈوگر صاحب کا جرم یہی ہےکہ وہ نوازشریف صاحب کےبیانیےکا علم بلند کیےہوئے ہیں pic.twitter.com/sRImfsKJ5Q

— Maryam Nawaz Sharif (@MaryamNSharif) November 15, 2020

ادھر مریم نواز نے اس گرفتاری پر رد عمل دیتے ہوئے کہا ہےکہ جلسے پہلے بھی ہوتے آئے ہیں اور انشاءاللہ ملتان کا جلسہ بھی اپنے مقررہ وقت پہ ہوگا کٹھ پتلی اور سلیکٹڈ حکومت جتنےاوچھے ہتھکنڈےاستعمال کرلے یہ ہمارے کارکنوں کےجذبے,ہمت اور حوصلے کو پست نہیں کرسکتے عبدالغفار ڈوگر صاحب کا جرم یہی ہےکہ وہ نوازشریف صاحب کےبیانیےکا علم بلند کیےہوئے ہیں