Category: ملتان

بستی ملوک ( نمائندہ باغی ٹی وی ) دن دہہاڑے واردات نجی کمپنی کا سیل مین نقدی سے محروم

تفصیلات کے مطابق گزشتہ شام بستی ملوک چوک نزد پاکستان فارمیسی بلمقابل الرحمان شاپنگ پلازہ کے سامنے محمد ریاض جو کہ نجی کمپنی میں سیل مین اور شہزور ڈالا پر مال سپلائی اور ریکوری کرتا پھر رہا تھا کہ پاکستان فارمیسی بستی ملوک کے قریب 3 نامعلوم مسلح ملزمان نے اسے گن پوائنٹ پر روکا اور 30 ہزار نقدی اسلحہ کے زور پر لے کر فرار ہوگئے واقعہ کی اطلاع پولیس تھانہ بستی ملوک کو دی گئی تو پولیس نے موقع پر پہنچ کر کاروائی کا آغاز کردیا۔

شجاع آباد (نمائندہ باغی ٹی وی) بستی ملوک روڈ کی حالت زار ایم این اے ابراہیم خان صاحب اور انتظامیہ خاموش تماشائی بن گئے

تفصیلات کے مطابق شجاع آباد بستی ملوک روڈ بستی محمد پور میں بارش کے باعث مختلف جگہوں پر پانی موجود ہے, راہ گیروں کو اور نمازی حضرات کو شدید مشکلات کا سامنا ہے. سیوریج سسٹم مکمل طور پر ناکام ھو چکا ہے مین ہولز سے پانی با ہر سڑکوں پہ آرہا ہے. جس سے اہل محلہ شدید پریشانی کا شکار ہیں.
انتظامیہ نے آنکھیں بند کر دی ہیں تبدیلی سرکار کے کلین اینڈ گرین پاکستان کے دعوے دھرے کے دھرےرہ گئے ہیں اہل علاقہ نے احتجاج کرتے ہوئے کہا ایم این اے ابراہیم خان صاحب اسسٹنٹ کمشنر شجاع آباد سعید خان صاحب ڈی سی او ملتان سے اپیل ہے کہ بستی ملوک روڈ شجاع آباد کی حالت درست کردیں تاکہ عوام الناس کی زندگی مفلوج ہونے سے بچ سکے

شجاع آباد (نمائندہ باغی ٹی وی) بستی حافظ والی المعروف گنجی بستی شاہ پور ابھہ شجاع آباد بستی ملوک روڈ بجلی کے پول ناقص ہوچکے ہیں جو کسی بھی وقت ٹوٹ سکتے ہیں تاریں جھول رہیں ہیں جو کسی بھی وقت ناگہانی صورت واقع پیش آسکتا ہے غریب عوام اپنی مدد آپ کے تحت مین تاروں کو رسیوں سے باندھ کر اپنے بچاؤ کے لیے اقدامات کیے ہوئے ہیں لحاظہ خاموش واپڈا کی غفلت برتنے کا نتیجہ آپ کے سامنے ہے غریب عوام ہونے کی صورت میں شجاع آباد واپڈا کی کان میں جوں تک نہیں رینگتی برائے کرم غریب عوام کے حال پر ترس کھایا جائے ان ٹوٹے ہوئے کھمبوں کو دوبارہ لگے ہوئے 10سال سے زائد عرصہ ہو چکا ہے جو کسی بھی وقت ٹوٹ سکتے ہیں اور اور کوئی حادثہ پیش آ سکتا ہے .

ملتان (نمائندہ باغی ٹی وی)گزشتہ رات سی ٹی ڈی کی انٹیلیجنس ایجنسیوں کی انفارمیشن ہر ملتان میں بڑی کاروائی کالعدم تنظیم داعش کے 2 اہم دہشت گرد ہلاک ہوگئے۔ہلاک ہونے والے دہشت گردوں کی شناخت رضوان عرف ڈاکٹر اور عمران عرف ساقی کے نام سے ہوئی ہے جبکہ ان کے 3 ساتھی فرار ہونے میں کامیاب ہوگئے گزشتہ رات سی ٹی ڈی کو دیگر حساس اداروں کی جانب سے انٹیلیجنس انفارمیشن ملی کے ملتان پبلک سکول روڈ پر دہشت گرد موجود ہیں جو ملتان میں آئی ایس آئی اور دیگر حساس اداروں اور سرکاری افسران کو شہید کرنے اور اغواء کی کاروائی میں ملوث ہیں جس پر سی ٹی ڈی نے مذکورہ جگہ پر ریڈ کیا تو دہشت گردوں نے فائرنگ شروع کردی جس کے نتیجے میں جوابی کارروائی عمل میں لائی گئی فائرنگ کا سلسلہ روکنے بعد چیک کیا گیا تو 2 دہشت گرد اپنے ہی ساتھیوں کی فائرنگ کی زد میں آکر ہلاک ہوچکے تھے جبکہ ان کے 3 ساتھی فرار ہونے میں کامیاب ہوگئے دہشت گردوں کے قبضے سے ہینڈ گرنیڈ،رقم اور دیگر اسلحہ برآمد ہوا ہے

شجاع آباد (نمائندہ باغی ٹی وی) کے ایم این اے خان ابراہیم خان نے شجاع آباد کی عوام سے شوگر مل گارمنٹس فیکٹری اور ملتان تا شجاع آباد سپیڈو بس چلوانے کے وعدے کیے لیکن شجاع آباد کی ٹرانسپورٹ مافیاں کو نوازنے کے لیے آج تک سپیڈو بس سروس کا افتتاح نہیں کیا گیا
تفصیلات کے مطابق ایم این اے ابراہیم خان بھی ٹرانسپورٹ مافیاں سے اپنے مفاد کی خاطر جا ملے اور 7 لاکھ والی آبا دی والے شہر شجاع آباد کی عوام سے کیا گیا ایک بھی وعدہ پورا نہیں کرسکے عوام الناس کی وزیراعظم عمران خان صاحب سے شجاع آباد تا ملتان سپیڈو بس سروس شروع کرانے کا پر زور مطالبہ ابراہیم خان صاحب عوام نے ووٹ آپکو نہیں عمران خان صاحب کو دیا تھا برائے مہربانی آئندہ الیکشن کے لیے وزیراعظم عمران خان صاحب کی پارٹی کی سیٹ خراب نہ کریں اور فی الفور شجاع آباد کی عوام کے مطالبات منظور کیے جائیں
بہت ہی افسوس کے ساتھ کہنا پڑ رہا ہے کہ شجاع آباد میں ایک ٹرانسپورٹ مافیا کو نوازنے کیلئے سپیڈو بس رکوائی گئی ہے خان صاحب آپ نے کہا تھا کہ این اے ایک سو اٹھاون میرا گھر ہے اور آپ نے اپنے گھر کے لوگوں کو ایک ٹولے کی خاطر بڑی مشکل میں ڈالا ہوا ہے پچاس ہزار سے زیادہ لوگ ملتان کا سفر کرتے ہیں یہ وہ شجاع آباد ہے جہاں آپ کو بہت عزت ملی ہے اور یہاں سے آپ نے ووٹ حاصل کیے ہیں خدمت کا صلہ یہی دیا کے سپیڈو بس اس روڈ پہ نہ چلائی گئی اب تک خدا کے لئے کچھ خیال کریں .

بستی ملوک (نمائندہ باغی ٹی وی) کے علاقے اڈا پل دوا کے قریب الخیر مائینرز نہر کا بند ٹوٹ گیا

تفصیلات کے مطابق آج صبح بستی ملوک کے علاقے پل دوا کے الخیر مائینرز نہر کا بند گزشتہ روز ہونے والی بارشوں کے باعث پانی کی زیادتی کی وجہ سے ٹوٹ گیا جس کے باعث نہر کا پانی قریبی کھیتوں میں داخل ہورہا ہے جس کی وجہ کئی ایکڑ پر مشتمل فصلیں تباہ ہونے کا امکان ہے کئی گھنٹے گزارنے کے باوجود کوئی امدادی ٹیم نہیں پہنچ پائی۔کئی ایکڑ پر کھڑی فصلیں پانی کی نظر ہوگئیں۔کاشتکاروں کا محکمہ انہار و انتظامیہ کے خلاف سخت احتجاج حکام بالا سے فوری نوٹس لینے کا مطالبہ۔ محکمہ انہار کا موقف ہے کہ ہمارے پاس عملہ کی کمی ہے جس کی وجہ سے ہم کچھ نہیں کر سکتے

شجاع آباد (نمائندہ باغی ٹی وی) میں صوبائی حلقہ پی پی 220 اور قومی حلقہ این اے 158 میں واقع سخی زین العابدین بستی سرور شاہ کوٹ دربار کے ساتھ واقع قبرستان کی چار دیوار ی نا ہونے کے باعث قبرستان میں ہر وقت کتے اور گدھے گھومتے پھرتے رہتے ہیں جس کی وجہ سے قبرستان کا تقدس پامال ھو رہا ہے کچھ لوگ پختہ تعمیرات کر کے قبرستان کی اراضی پر رہائش پذیر بھی ھو چکے ہیں متعدد بار محکمہ اوقاف کو تحریری درخواست دینے کے باوجود کسی قسم کی کوئی کاروائی نہیں کی گئی اہل علاقہ کی محکمہ اوقاف اعلی حکام اور ایم این اے ابراھیم خان صاحب سے اپیل ہے کہ قبرستان کی چار دیوار ی کی تعمیر کو یقینی بنایا جائے اور قبضہ مافیہ سے قبرستان کی زمین کو واگزار کرایا جائے صاف پانی کا انتظام بھی کیا جائے

بستی ملوک ( نمائندہ باغی ٹی وی ) موضع قصبہ مڑل شجاع آباد روڈ پر واقع مدرسے کی چھت گرنے سے 7 بچے زخمی ہو گئے ہیں

تفصیلات کے مطابق آج صبح ہونے والی تیز بارش کی وجہ سے بستی ملوک کے علاقے قصبہ مڑل میں واقع مدرسہ جامع حبیب کبریا کی چھت گر گئی جس کی وجہ سے 7 بچے زخمی ہوگئے ہیں
جس میں سے 3 شدید زخمی بچوں کو ملتان نشتر ہسپتال ریفر کر دیا گیا ہے اور پانچ بچوں کو رورل ہیلتھ ہسپتال قصبہ مڑل سپتال میں شفٹ کر دیا گیا زخمیوں میں طلحہ عمر 15 سال عدیل عمر 9 سال شہزاد عمر دس سال جن کو نشتر ہسپتال منتقل کیا گیا ہے جبکہ عبداللہ عمر 13 سال نوید عمر سات سال عبداللہ عمر دستان اسد عمر گیارہ سال مبشر عمر دس سال کو قصبہ مڑل رورل ہیلتھ ہسپتال ابتدائی طبعی امداد کے لئے منتقل کیا گیا ہے ریسکیو ٹیم 1122 نے موقع پر پہنچ کر مکمل امدادی کاروائی کی