Category: ننکانہ

ننکانہ صاحب: نمائندہ باغی ٹی وی
باغی ٹی وی کی رپورٹ کے مطابق ڈپٹی کمشنر راجہ منصور احمد نے کہا ہے کہ ضلع بھر میں عوام الناس کے لیےآٹے کی دستیابی کویقینی بنایاجا رہا ہے ضلع بھرمیں آٹے کی کوئی قلت نہیں فلورملز اور آٹے کے
سٹالوں پر وافر مقدار میں آنے کا سٹاک موجود ہے، افسران کی گرانی میں عوام الناس کو آٹے کی فراہمی
کی جارہی ہے۔ ان خیالات کا اظہار انہوں نے مقامی صحافیوں سے گفتگو کرتے ہوئے کیا
انہوں نے کہا کہ جہاں آٹے کی مصنوعی قلت کی نشاندہی ہوتی ہے وہاں ضلعی انتظامیہ کی زیرنگرانی
آٹے کا سٹال لگا کر عوام الناس کو آٹے کی فراہمی یقینی بنائی جارہی ہے انہوں نے مزید کہا کہ 20 کلوگرام کےآٹے کا تھیلا860 روپے سے زیادہ فروخت نہیں ہونے دیا جائے گا جہاں آٹا مہنگا فروخت ہونے کی شکایت موصول ہوں گی وہاں بھر پور انداز میں کریک ڈاؤن کر کے قانون کے مطابق کاروائی عمل میں لائی جائے گی۔

ننکانہ صاحب: نمائندہ باغی ٹی وی
باغی ٹی وی کی رپورٹ کے مطابق تھانہ صدر شاہکوٹ پولیس نے گھر سے لاپتہ ہونے والا 9سالہ بچے کو دو گھنٹوں میںتلاش کرلیا،تفصیلات کے مطابق تھانہ صدر شاہکوٹ پولیس نے مجاہد علی کے گھر سے لا پتہ ہونے والا 9سالہسفیان کو 2 گھنٹے میں تلاش کر کے اس کے والد مجاہد علی کے حوالے کر دیا۔ مجاہد علی نے بیٹے کے لاپتہ ہونے کی بابتاندراج مقدمہ کی درخواست دی تھی۔ ایس ایچ او تھانہ صدرشا ہکوٹ عمر امین نے مقدمہ درج کر کے 2 گھنٹے کی
مسلسل کاوش کے بعد سفیان کو تلاش کر لیا۔ ڈی پی او اسماعیل کھاڑک کا کہنا ہے کہ ضلعی پولیس عوامی تحفظ اورخدمت کے جذبے سے سرشار ہے۔ عوامی جان و مال کا تحفظ ضلعی پولیس کی اولین ترجیح ہے۔

ننکانہ صاحب : نمائندہ باغی ٹی وی
باغی ٹی وی کی رپورٹ کے مطابق وزیر اعلی پنجاب عثمان بزدار کی خصوصی ہدایت پرضلع بھر میں بغیر حکومتی دستیاویزات کے چلنے والے پٹرول پمپوں کے خلاف کریک ڈاﺅن کاآغازکر دیا گیاہے جس کے لیے ایڈیشنل ڈپٹی کمشنر (ریونیو) محمد عثمان خالد کی سربراہی میں ڈسٹرکٹ انفورسمنٹ کمیٹی تشکیل دے دی گئی ہے،ڈسٹرکٹ انفورسمنٹ کمیٹی میں اسسٹنٹ کمشنر ز،محکمہ اینٹی کرپشن،کسٹم،سول ڈیفنس،انڈسٹریز ،پولیس سمیت دیگر متعلقہ اداروں کے سربراہان شامل ہیں، حکومتی دستاویزات نہ ہونے، پیمانے میں کمی اور حکومتی نرخوں سے زائد وصول کرنے والے پٹرول پمپوں کے خلاف بلا امتیازکاروائی عمل میں لائی جائے گی۔ان خیالات کا اظہا رڈپٹی کمشنر ننکانہ صاحب راجہ منصور احمد نے حکومت پنجاب کی ہدایت پرتشکیل کردہ ڈسٹرکٹ انفورسمنٹ کمیٹی کے حوالے سے بات کرتے ہوئے کیا۔تفصیلات کے مطابق ایڈیشنل ڈپٹی کمشنر (ریونیو) محمد عثمان خالد کی سربراہی میں تحصیل ننکانہ صاحب کی حدود میں ڈسٹرکٹ انفورسمنٹ کمیٹی نے 09 پٹرول پمپس سیل کیے جن میںہسکول ننکانہ پٹرولنگ اینڈ سی این جی اسٹیشن ،علیزپٹرولنگ سروس ،عرفان فلنگ اسٹیشن بچیکی روڈ ، مقبول پہلوان فلنگ اسٹیشن چاہ پکا، النور فلنگ اسٹیشن جڑانوالہ روڈ موڑ کھنڈا، غلام دستگیر فلنگ اسٹیشن ہیڈبلوکی روڈ موڑکھنڈا، عبداللہ فلنگ اسٹیشن ہیڈبلوکی روڈ موڑکھنڈا، اتفاق پٹرولنگ سروس موڑکھنڈا، اعوان فلنگ اسٹیشن جڑانوالہ روڈ منڈی فیض آبادشامل ہیں۔ڈپٹی کمشنر ننکانہ صاحب راجہ منصور احمد نے بتایا کہ سربمہر کیے گئے پٹرول پمپس کے مالکان کو نوٹس جاری کردیے گئے ہیں،07یوم کے اندرمطلوبہ دستاویزات بارے جواب جمع کرانے کے حکم نامے جاری کردیے گئے ہیں۔ڈی سی ننکانہ نے کہا کہ تسلی بخش جواب نہ ہونے کی صورت میں پٹرول پمپس مالکان کے خلاف کسٹم ایکٹ کے تحت مقدمہ درج کیا جائے گا ، مقدمہ درج ہونے پر پٹرول پمپس مالکان کو 14سال قید اور جائیداد ضبط کرنے کی سزا ہوسکتی ہے۔

ننکانہ صاحب:نمائندہ باغی ٹی وی
باغی ٹی وی کی رپورٹ کے مطابق بزدارحکومت کی خصوصی ہدایت پر عوام الناس کو کرونا وائرس سے بچانے کے لئے تمام وسائل کو بروئے کار لایا جا رہا ہے، تمام ضلعی افسران کروناوائرس کے خاتمہ کے لئے دن رات کوشاں ہیں، عوام الناس سے اپیل ہے کہ وہ حکومت کی جانب سے جاری کردہ احتیاطی تدابیر پر عمل پیرا ہو کر اس کرونا وائرس سے نجات حاصل کرنے کے لئے حکومت اور ضلعی انتظامیہ کا ساتھ دیں تاکہ ملک پاکستان میں کرونا وائرس کے خاتمے کو یقینی بنایا جا سکے۔ان خیالات کا اظہار ڈپٹی کمشنر راجہ منصور احمد نے ایڈیشنل ڈپٹی کمشنر ریونیو محمد عثمان خالد اور سی او ہیلتھ کے ہمراہ ریلوے روڑ پر کرونا آگاہی ویک کے پیش نظر عوام الناس کو کرونا سے بچاؤ کی احتیاطی تدابیر کے با رے میں آگاہی دیتے ہوئے کیا اس موقع پر ڈپٹی کمشنر ننکانہ راجہ منصور احمد نے عوام الناس میں ہینڈ سینٹائزرز اور ماسک بھی تقسیم کیے گئے۔بعدازاں ڈپٹی کمشنر کی ہدایت پر اسسٹنٹ کمشنر ننکانہ صاحب صولت حیات وٹو نے لاری اڈے پر کرونا ایس او پیز پر عملدرآمد کا جائزہ لیا ،اسسٹنٹ کمشنر نے مسافر گاڑیوں کے اندر داخل ہو کر مسافروں کو احتیاطی تدابیر اختیار کرنے کے بارے آگاہی بھی دی۔اس موقع پر انہوں نے ٹرانسپورٹرز سے گفتگو کرتے ہوئے کہا کہ کرونا ایس او پیز پر عملدرآمد نہ کرنے والی گاڑیوں کو بند کر دیا جائےگا،اسسٹنٹ کمشنر نے مذید کہا کہ ہم سب کو کرونا وائرس کاپھیلاﺅ روکنے اور اس وباءکے خاتمے کے لیے حکومتی ایس او پیز پر عمل درآمد کرکے حکومت اور ضلعی انتظامیہ کا ساتھ دینا ہوگا تاکہ جلداز جلد اس وباءکا خاتمہ یقینی بنایا جاسکے، انہوں نےکہا کہ کرونا ایس او پیز ہفتہ کے تحت ضلع بھرمیں آگاہی بینرز آویژاں کیے جارہے ہیں،پبلک ٹرانسپورٹ میں حکومتی احکامات پر عملدرآمد کروایا جائے گا،شاپنگ مالز،مارکیٹوں ،بازاروں،دوکانوں،شادی ہالوں ،ہسپتالوں سمیت دیگرمقامات پر کرونا آرڈیننس پر سختی سے عملدرآمد کروایا جائے گا ،حکومتی احکامات کی خلاف ورزی کرنے والوں کے خلاف سخت کاروائی عمل میں لائی جائے گی اور بھاری جرمانے بھی عائد کیے جائیں گے۔ ڈپٹی کمشنر ننکانہ راجہ منصور احمد نے ضلع بھر کی عوام سے اپیل کی کہ ماسک کا استعمال ضرور کریں، غیر ضروری سفر،بلاوجہ گھروں سے نکلنے سے پرہیز کریں،اپنے ہاتھوں کو بار بار صابن سے دھوئیں اور ہینڈ سینیٹائزر کے استعمال کو یقینی بنائیں ۔