اوکاڑہ(نامہ نگارملک ظفر) اوکاڑہ میں 22 فور ایل سے 31 فور ایل تک جانے والی اہم سڑک گزشتہ 25 برسوں سے خستہ حالی کا شکار ہے۔ یہ سڑک قریبی دیہاتوں کو کئی شہر سوں ے جوڑتی ہے اور روزانہ سینکڑوں افراد اس پر سفر کرتے ہیں۔ سڑک پر جگہ جگہ بڑے گڑھے پڑ چکے ہیں، جس کی وجہ سے شہریوں کو شدید مشکلات کا سامنا ہے۔
سڑک کی اس خراب حالت کے باعث ٹریفک حادثات میں نمایاں اضافہ ہوا ہے۔ خاص طور پر موٹر سائیکل اور رکشہ ڈرائیور روزانہ حادثات کے خطرے سے دوچار رہتے ہیں۔ مقامی کسانوں نے بھی شکایت کی ہے کہ خراب سڑک کی وجہ سے ان کی فصلیں اور دیگر اجناس وقت پر منڈیوں تک نہیں پہنچ پاتیں، جس سے انہیں مالی نقصان اٹھانا پڑتا ہے۔
شہریوں نے حکومت اور ضلعی انتظامیہ سے فوری طور پر اس سڑک کی مرمت اور از سر نو تعمیر کا مطالبہ کیا ہے تاکہ عوام کو اس پریشانی سے نجات مل سکے۔
