Category: اوکاڑہ

اوکاڑہ (نامہ نگارملک ظفر) ریجنل یونین آف جرنلسٹس ضلع اوکاڑہ اور ڈی یو جے کے نو منتخب عہدیداران کی تقریب حلف برداری بلدیہ ہال اوکاڑہ میں منعقد ہوئی، جس میں آر یو جے پاکستان کے قائدین سمیت مختلف شعبوں کی نمایاں شخصیات نے شرکت کی۔

تقریب میں ریجنل یونین آف جرنلسٹس پاکستان کے مرکزی سینئر نائب صدر سید طاہر احمد شاہ، سیکرٹری اطلاعات سید شہزاد نقوی، صوبائی صدر ویسٹ پنجاب رانا خالد محمود، جنرل سیکرٹری جنوبی پنجاب رضوان الحسن قریشی اور پیپلز پارٹی کے رہنما سید علی حسنین نقوی نے حلف لیا۔

اس موقع پر ایڈیشنل ڈپٹی کمشنر فنانس چوہدری جبار گجر، مسلم لیگ (ن) کے رہنما چوہدری فیاض ظفر، پرنسپل کیڈٹ کالج عامر روف، ڈسٹرکٹ الیکشن کمشنر چوہدری شفیق، ڈپٹی ڈائریکٹر انفارمیشن سید سلمان شاہ، ڈی ایس پی لیگل تصدق کچھی، صدر غلہ منڈی چوہدری حبیب الحق، ضلعی صدر پی ایم ایل (ق) علی عمران چوہدری، ممبر ڈسٹرکٹ امن کمیٹی قاری سعید عثمانی، عوامی پریس کلب کے بانی آصف کھوکھر اور سینئر صحافی ملک ظفر اقبال و عمر فاروق سمیت ضلع اوکاڑہ کے 21 پریس کلبز کے عہدیداران نے بھی شرکت کی۔

تقریب میں صحافیوں کے کردار، میڈیا کی آزادی اور درپیش چیلنجز پر بھی گفتگو کی گئی۔

اوکاڑہ،باغی ٹی وی (نامہ نگارملک ظفر) یونیورسٹی آف اوکاڑہ میں بین الاقوامی کانفرنس، تعلیمی اصلاحات اور تحقیق پر تبادلہ خیال

اوکاڑہ یونیورسٹی کے شعبہ ایجوکیشنل ریسرچ اینڈ اسیسمنٹ کے زیر اہتمام دو روزہ بین الاقوامی کانفرنس کا انعقاد کیا گیا، جس میں دنیا بھر سے اسکالرز، محققین اور مقررین نے بھرپور شرکت کی۔

کانفرنس کی صدارت وائس چانسلر پروفیسر ڈاکٹر سجاد مبین نے کی، جبکہ چیف آرگنائزر شعبہ کے سربراہ ڈاکٹر طاہر خان فاروقی تھے۔ مختلف ممالک سے آئے ماہرین نے تعلیمی پالیسیوں، نصاب میں اصلاحات اور جدید تعلیمی رجحانات پر تبادلہ خیال کیا۔

افتتاحی خطاب میں پروفیسر سجاد مبین نے تعلیمی نظام میں مساوی مواقع، نصاب کی بہتری اور اساتذہ کی تربیت پر زور دیا۔ پروفیسر منور سلطانہ نے تعلیمی انصاف اور اجتماعی فیصلہ سازی کی اہمیت پر روشنی ڈالی، جبکہ ڈاکٹر زینن بنت مصطفیٰ نے جنوبی ایشیا میں تعلیمی تحقیق کے رجحانات پر بات کی۔

کانفرنس کے اختتام پر طلبہ اور محققین کو تحقیق کے فروغ اور بین الاقوامی تعلیمی اشتراک پر زور دیا گیا۔ تقریب کے دوران شرکاء میں شیلڈز اور اسناد بھی تقسیم کی گئیں، جبکہ باہمی روابط بڑھانے کے لیے قوالی نائٹ کا اہتمام کیا گیا۔

اوکاڑہ،باغی ٹی وی (نامہ نگارملک ظفر) حضرت کرمانوالہ سرکار کے سالانہ عرس کی تقریبات کا آغاز، فول پروف سیکیورٹی انتظامات

اوکاڑہ میں حضرت اسماعیل شاہ بخاری المعروف کرمانوالہ سرکار کے 58 ویں سالانہ عرس مبارک کی تین روزہ تقریبات کا آغاز ہوگیا۔ زائرین کی بڑی تعداد نہ صرف ملک بھر سے بلکہ بیرون ممالک سے بھی شرکت کے لیے پہنچ رہی ہے۔

ضلعی انتظامیہ نے سیکیورٹی کے سخت انتظامات کیے ہیں، جن میں 600 سے زائد پولیس اہلکار تعینات کیے گئے ہیں۔ ڈسٹرکٹ پولیس آفیسر راشد ہدایت نے دربار کرمانوالہ شریف کا دورہ کر کے سیکیورٹی انتظامات کا جائزہ لیا اور کنٹرول روم کا معائنہ بھی کیا۔

ڈی پی او نے ہدایات جاری کیں کہ زائرین کی مکمل چیکنگ تین مقامات پر یقینی بنائی جائے تاکہ کسی بھی ناخوشگوار واقعے سے بچا جا سکے۔

اوکاڑہ,باغی ٹی وی (نامہ نگار ملک ظفر) سول ڈیفنس کے افسران نے کریانہ شاپس پر چینی کے سٹاک کی چیکنگ کرتے ہوئے ڈکلیئریشن میں کمی پر دو دکانداروں کو جرمانہ کر دیا۔

تفصیلات کے مطابق سول ڈیفنس آفیسر وقار اکبر نے فیصل آباد روڈ پر واقع ایک کریانہ شاپ کی انسپیکشن کے دوران گودام میں چینی کی بوریوں کی تعداد کم ظاہر کرنے پر مالک کو 10 ہزار روپے جرمانہ کر دیا، جبکہ نواحی علاقے 49/2 ایل میں چینی کی 90 سے زائد بوریوں کے ڈکلیئریشن ریکارڈ کی عدم فراہمی پر ایک اور دکاندار کو 10 ہزار روپے کا جرمانہ عائد کیا گیا۔

اس موقع پر سول ڈیفنس آفیسر وقار اکبر کا کہنا تھا کہ رمضان المبارک میں چینی کی قیمتوں کو کنٹرول کرنے کیلئے سخت اقدامات کیے جا رہے ہیں، اور جو دکاندار چینی کا سٹاک ظاہر نہیں کریں گے، ان کے خلاف مزید سخت کارروائی عمل میں لائی جائے گی۔ انہوں نے واضح کیا کہ سٹاک ڈکلیئر نہ کرنا بھی ذخیرہ اندوزی کے زمرے میں آتا ہے، لہٰذا کریانہ شاپس اور مارٹس مالکان سٹاک کا مکمل اندراج یقینی بنائیں بصورت دیگر سخت قانونی کارروائی کی جائے گی۔

اوکاڑہ ،باغی ٹی وی(نامہ نگارملک ظفر) کھرل فاؤنڈیشن پاکستان کے زیر اہتمام پنجابی زبان، ثقافت اور کلچر کے فروغ کے لیے "جگت ماں بولی دیہاڑ” منایا گیا۔ میونسپل کارپوریشن اوکاڑہ میں منعقدہ اس تقریب میں سینکڑوں کارکنان نے بھرپور شرکت کی۔

پروگرام میں کھرل فاؤنڈیشن پاکستان کے مرکزی صدر رائے غلام احمد کھرل، بانی و جنرل سیکریٹری رائے بارش کھرل، بانی پیر رائے گلزار شاکر کھرل، دیپالپور ایگری ایسوسی ایشن کے صدر چوہدری محمد امین صادق، جنرل سیکریٹری صاحبزادہ فخر حیات کھرل، ڈسٹرکٹ اوکاڑہ کے صدر رائے محمد مجتبیٰ کھرل، سینئر نائب صدر رائے عبدالرحمن کھرل، نائب صدر رائے ضمیر حیدر کھرل، رائے ظفر اقبال نوری کھرل، سینئر سیاستدان ریاض ناگوری، شاعر رائے ظہیر کھرل ایڈووکیٹ سمیت دیگر نمایاں شخصیات نے شرکت کی۔

خصوصی مہمانوں میں بزرگ شاعر رائے محمد خان ناصر، رائے عتیق الرحمن کھرل اور کھرل برادری کے افراد شامل تھے۔ شرکاء نے ڈھول کی تھاپ پر روایتی پنجابی بھنگڑا ڈال کر تقریب کو مزید رنگین بنا دیا۔

مقررین نے پنجابی زبان کے فروغ کی اہمیت پر زور دیتے ہوئے کہا کہ ہمیں اپنی روزمرہ زندگی میں پنجابی زبان کا زیادہ سے زیادہ استعمال کرنا چاہیے تاکہ ہماری آنے والی نسلیں اپنی مادری زبان سے جڑی رہیں اور اس کی ترقی ممکن ہو سکے۔

اوکاڑہ ,باغی ٹی وی(نامہ نگار ملک ظفر) حلقہ این اے 136 کے ایم این اے چوہدری ریاض الحق جج نے کہا ہے کہ حلقے کے عوام کے مسائل کو حل کرنا ان کی اولین ترجیح ہے اور وہ عوامی خدمت کے مشن کو ہر صورت جاری رکھیں گے۔

چوہدری ریاض الحق جج کا کہنا تھا کہ ان کی کامیابی کا راز عوام کے اعتماد اور اللہ تعالیٰ کی مدد ہے۔ انہوں نے کہا کہ وہ سیاست کو عبادت سمجھ کر کرتے ہیں اور ان کے دروازے ہر شہری کے لیے ہمیشہ کھلے ہیں۔ عوام نے ہمیشہ ان پر بھروسہ کیا، یہی وجہ ہے کہ لوگ انہیں سیاستدان کے بجائے دوست سمجھتے ہیں۔

انہوں نے مزید کہا کہ اوکاڑہ میں کئی میگا پروجیکٹس پر کام جاری ہے، جن کے مکمل ہونے سے عوام کو دیرینہ مسائل سے نجات ملے گی اور انہیں ریلیف حاصل ہوگا۔ ان کا کہنا تھا کہ وہ حلقے میں ترقیاتی کاموں کو اپنی ذمہ داری سمجھ کر سرانجام دے رہے ہیں اور عوام کی خدمت کا یہ مشن آئندہ بھی جاری رہے گا۔

اوکاڑہ (باغی ٹی وی) پاکستان مسلم لیگ (ن) کے سینئر رہنما اور سماجی کارکن ملک خالد یعقوب نے کہا ہے کہ اوکاڑہ میں کئی میگا پروجیکٹس پر کام تیزی سے جاری ہے، جن کی تکمیل سے شہریوں کو درپیش مشکلات کا خاتمہ ہوگا۔

اخبار نویسوں سے گفتگو کرتے ہوئے انہوں نے بتایا کہ ایم این اے چوہدری ریاض الحق جج نے ہمیشہ اوکاڑہ کی ترقی میں خصوصی دلچسپی لی، جس کے نتیجے میں اہم ترقیاتی منصوبے پایہ تکمیل کی جانب گامزن ہیں۔

ملک خالد یعقوب کے مطابق حلقہ کے عوام کے لیے خصوصی منصوبے اپنے آخری مراحل میں داخل ہو چکے ہیں، جو عوام کے لیے خوشخبری سے کم نہیں۔ انہوں نے مزید کہا کہ اوکاڑہ کی تعمیر و ترقی ہی چوہدری ریاض الحق جج کا ویژن ہے، جس پر عملدرآمد جاری ہے۔

اوکاڑہ (نامہ نگار ملک ظفر) لائیو سٹاک پروڈکشن ریسرچ انسٹی ٹیوٹ میں نیشنل ہارس اینڈ کیٹل شو پنجاب کے سلسلہ میں گائے و بھینس دودھ اور خوبصورتی مقابلہ جات کا انعقاد کیا گیا۔ ممبر صوبائی اسمبلی چوہدری غلام رضا ربیرہ، سیکرٹری لائیو سٹاک پنجاب ثاقب علی عطیل، کمشنر ساہیوال شعیب اقبال سید، ڈپٹی کمشنر احمد عثمان جاوید نے پروگرام میں بطور مہمان خصوصی اور مہمان اعزاز شرکت کی۔

اس موقع پر ڈائریکٹر جنرل لائیو سٹاک ریسرچ ڈاکٹر سجاد حسین، ڈی جی لائیو سٹاک ایکسٹینشن ڈاکٹر محمد اشرف، ایڈیشنل ڈائریکٹر لائیو سٹاک اوکاڑہ ڈاکٹر حق نواز علی سمیت بفلو بریڈرز ایسوسی ایشن کے نمائندوں سمیت کسانوں، مویشی پال اور شائقین کی بڑی تعداد موجود تھی۔

پروگرام کے شرکا نے جانوروں کی بہترین افزائش کے لیے خوراک، ونڈا اور علاج معالجہ کے لیے ادویات کے مختلف سٹالز کا تفصیلی وزٹ کیا۔ جانوروں کی خوبصورتی کے مقابلوں میں نیلی راوی، بہن چولستانی بیل، گائے، کجلی بھیڑ، راجن پوری، گجراتی، فیصل آبادی، مکھی چینی، ٹیڈی اور ناچی بیتل بکریوں کی پریڈ کا مظاہرہ پیش کیا گیا۔ پنجاب کے مختلف علاقوں کی گائے اور بھینسوں کے دودھ دینے کے بھی مقابلوں کا بھی شاندار انعقاد کیا گیا۔

ممبر صوبائی اسمبلی چوہدری غلام رضا ربیرہ نے کہا کہ مقابلہ جات میں شریک بریڈرز کا جوش و خروش واقعی دیدنی ہے۔ نئی ٹیکنالوجی کے ذریعے لائیو سٹاک ریسرچ انسٹیٹیوٹ کو جدید تقاضوں سے ہم آہنگ کیا جا رہا ہے۔ لائیو سٹاک کی ترقی اور فروغ کے لیے وزیراعلیٰ پنجاب کی کاوشیں انتہائی اہمیت کی حامل ہیں۔ وزیراعلیٰ کی قیادت میں محکمہ لائیو سٹاک میں انقلابی اقدامات کا سلسلہ جاری ہے۔ عوام اور شائقین کے لیے خوبصورت جانور دیکھنے کا بہترین موقع فراہم کیا گیا ہے۔

سیکرٹری لائیو سٹاک ثاقب علی عطیل نے کہا کہ وزیراعلیٰ پنجاب مریم نواز شریف کے احکامات پر ہارس اینڈ کیٹل شو عرصہ بعد دوبارہ انعقاد کیا گیا ہے۔ لائیو سٹاک ملکی معیشت کا بڑا ستون ہے۔ محکمہ لائیو سٹاک مویشی پال کو دودھ گوشت کی اضافی پیداوار کے ذریعے روزگار کے بہتر مواقع فراہم کر رہا ہے۔ جانوروں کے دودھ اور خوبصورتی مقابلہ جات کا پروگرام بھی اس سلسلہ کی اہم کڑی ہے۔

کمشنر ساہیوال شعیب اقبال سید نے کہا کہ وزیراعلیٰ پنجاب محکمہ لائیو سٹاک کی بہتری کی جانب خصوصی فوکس کیے ہوئے ہیں۔ شاندار پروگرام کے انعقاد پر سیکرٹری لائف سٹاک اور انسٹیٹیوٹ کی انتظامیہ مبارکباد کی مستحق ہے۔ ہمیں کسانوں اور مویشی پال کی بہتری کے لیے مل کر کام کرنا ہوگا۔

پروگرام کے اختتام پر سیکرٹری لائیو سٹاک ثاقب علی عطیل نے کمشنر ساہیوال شعیب اقبال سید، ایم پی اے چوہدری غلام رضا ربیرہ اور ڈپٹی کمشنر احمد عثمان جاوید کو یادگاری شیلڈز دیں۔ مہمانوں نے شجرکاری مہم کے تحت انسٹیٹیوٹ کے لان میں پودے بھی لگائے۔

اوکاڑہ (نامہ نگار ملک ظفر) لاہور ہائی کورٹ بار ایسوسی ایشن اور بزم غالب انٹرنیشنل کے زیر اہتمام لاہور ہائی کورٹ میں ایک تقریب کا انعقاد کیا گیا جس میں اوکاڑہ کی دو نامور شخصیات سمیت پاکستان کی مختلف معروف علمی و ادبی شخصیات کو سرٹیفیکیٹس، ایوارڈ اور میڈلز سے نوازا گیا۔

یہ تقریب اوکاڑہ میں علم و ادب سے دلچسپی رکھنے والوں کے لیے ایک بڑا اعزاز تھا۔ تقریب کے صدر، سابق ہیڈ آف اردو ڈیپارٹمنٹ، گورنمنٹ کالج لاہور پروفیسر ڈاکٹر سعادت سعید اور بانی چیئرمین بزم غالب، ایڈووکیٹ سپریم کورٹ آف پاکستان خالد نقاش نے اپنے دست مبارک سے اوکاڑہ کے معروف سینئر شاعر اور استاد، جنرل سیکرٹری انجمن ترقی پسند مصنفین پنجاب ڈاکٹر فضل احمد خسرو کو غالب ایوارڈ سے نوازا۔ جبکہ شاعر، صحافی اور کالم نگار، مرکزی صدر پاکستان فیڈرل کونسل آف کالمسٹ احتشام جمیل شامی کو تمغہ برائے حسن کارکردگی سے نوازا گیا۔

اوکاڑہ (نامہ نگار ملک ظفر) عوامی میڈیا کونسل اوکاڑہ کے بانی سرپرست اعلیٰ محمد آصف کھوکھر کی سالگرہ کا کیک عوامی میڈیا کونسل آفس میں کاٹا گیا۔ سالگرہ کی اس تقریب میں صحافیوں نے بھرپور شرکت کی اور نیک تمناؤں کا اظہار کیا۔

بانی عوامی میڈیا کونسل سینئر صحافی محمد آصف کھوکھر کی سالگرہ کی تقریب عوامی میڈیا کونسل اوکاڑہ کے آفس میں منعقد ہوئی۔ جنم دن کی مناسبت سے سالگرہ کا کیک کاٹا گیا اور دوستوں کی جانب سے نیک تمناؤں کا اظہار کیا گیا اور مبارک باد دی گئی۔ پھولوں کے گلدستے پیش کیے گئے۔ محمد آصف کھوکھر نے عوامی میڈیا کونسل کے ممبران کو صحافتی خدمات سرانجام دینے پر زور دیا اور کہا کہ علاقائی مسائل اجاگر کرنے میں اہم کردار ادا کرنا ہوگا تاکہ اس پلیٹ فارم سے لوگوں کی آواز کو ارباب اعلی اختیار تک پہنچایا جا سکے۔

سالگرہ کی تقریب میں عوامی میڈیا کونسل کے ممبران عمران علی بھٹی، چوہدری عمر فاروق، ڈاکٹر عبدالغنی ثاقب، رانا غلام فرید، منور حسین باجوہ، ڈاکٹر عثمان غنی، تنویر اختر، محمد یسین، فیض الرحمن چوہدری، ملک ظفر اقبال اور دیگر صحافیوں نے شرکت کی۔