Category: اوکاڑہ

اوکاڑہ (نامہ نگار ملک ظفر) ڈسٹرکٹ کونسل کے عملے نے بھاری مشینری کی مدد سے اڈا طبروق پر ناجائز تجاوزات کے خلاف آپریشن کرتے ہوئے سڑک کو عوام کے لیے کھول دیا۔ انٹی انکروچمنٹ انچارج ملک مدثر نزیر کے مطابق علاقے کو تجاوزات سے مکمل طور پر پاک کردیا گیا۔

تفصیلات کے مطابق انٹی انکروچمنٹ ٹیم نے چک نمبر 11 فور ایل، 15 فور ایل اور گردونواح میں بھی آپریشن جاری رکھا، جس پر شہریوں نے سڑکوں کی بحالی پر خوشی کا اظہار کرتے ہوئے ڈپٹی کمشنر عثمان احمد اور اسسٹنٹ کمشنر احسن ممتاز کا شکریہ ادا کیا۔

ملک مدثر نزیر نے کہا کہ ڈپٹی کمشنر کے احکامات کے مطابق ضلع کونسل کی ٹیم ہر صورت اپنے علاقے کو تجاوزات سے پاک رکھنے کی کوشش جاری رکھے گی۔

اوکاڑہ ،باغی ٹی وی(نامہ نگار ملک ظفر) ریسکیو 1122 اوکاڑہ نے گزشتہ ماہ 4761 ایمرجنسی کالز پر بروقت ریسپانس کیا اور 4767 افراد کو امداد فراہم کی۔ ڈسٹرکٹ ایمرجنسی آفیسر انجینئر احتشام کی زیر صدارت سنٹرل اسٹیشن اوکاڑہ میں ماہانہ کارکردگی اجلاس منعقد ہوا، جس میں ایمرجنسی سروسز کی تفصیلات جاری کی گئیں۔

پچھلے ماہ ریسکیو 1122 اوکاڑہ کو 15408 کالز موصول ہوئیں، جن میں سے 4761 ایمرجنسی کالز تھیں۔ ان ایمرجنسیز میں 1022 روڈ ٹریفک حادثات، 3201 میڈیکل ایمرجنسیز، 49 آگ لگنے کے واقعات، 89 کرائم اور 400 دیگر متفرق حادثات شامل تھے۔

ریسکیو 1122 نے روڈ ٹریفک حادثات میں متاثرہ 1162 افراد میں سے 18 افراد کو جان کی بازی ہارتے ہوئے ہسپتال منتقل کیا، جبکہ 620 افراد کو موقع پر ابتدائی طبی امداد فراہم کی گئی اور 524 افراد کو ہسپتال بھیج دیا گیا۔

آگ لگنے کے 49 واقعات میں سے 15 کمرشل ایریا، 27 دیگر ایریا اور 7 رہائشی علاقوں میں آگ کی وارداتیں پیش آئیں، جس سے بروقت ریسپانس کے ذریعے تقریباً 46 ملین روپے کی پراپرٹی کو بچایا گیا۔

ریسکیو 1122 کی موٹر بائیک سروس نے 2552 ایمرجنسیز پر بروقت ریسپانس کیا اور 2614 افراد کو مدد فراہم کی۔ اس کے علاوہ، 280 مریضوں کو بہتر طبی امداد کے لیے دیگر ہسپتالوں میں منتقل کیا گیا۔

اوکاڑہ,باغی وی (نامہ نگار ملک ظفر) اوکاڑہ کے علاقے صدر گوگیرہ میں ضلعی انتظامیہ نے ناجائز تجاوزات کے خلاف گرینڈ آپریشن کا آغاز کیا ہے۔ ڈپٹی کمشنر احمد عثمان جاوید کی زیر نگرانی اس آپریشن میں ضلع کونسل کے ملازمین نے عرصہ دراز سے قائم ناجائز تجاوزات کو مسمار کر دیا۔

تفصیلات کے مطابق انفورسمنٹ آفیسر مدثر نذیر نے اپنی ٹیم کے ہمراہ گوگیرہ میں عارضی اور پختہ تجاوزات کو ہٹایا۔ ضلعی انتظامیہ کے ترجمان نے بتایا کہ یہ آپریشن عوامی سہولت کو مدنظر رکھتے ہوئے کیا جا رہا ہے، جس سے ضلع بھر کی خوبصورتی میں اضافہ ہوگا اور عوام کو درپیش مشکلات کا خاتمہ ہو گا۔

عوامی حلقوں نے حکومت پنجاب کے اس بے مثال اقدام کو سراہتے ہوئے اسے ایک مثبت قدم قرار دیا ہے۔

اوکاڑہ(باغی ٹی وی، ملک ظفر) اسسٹنٹ کمشنر رینالہ خورد کی پٹرول پمپس پر کارروائیاں

اوکاڑہ میں عوامی ریلیف کو مدنظر رکھتے ہوئے اسسٹنٹ کمشنر رینالہ خورد چوہدری ضیاء اللہ نے پٹرول پمپس کی انسپکشنز کا سلسلہ شروع کر دیا۔ ڈپٹی کمشنر احمد عثمان جاوید کی ہدایت پر شہر کے مختلف مقامات پر پٹرول پمپس کی چیکنگ کی گئی، جس دوران پٹرولیم مصنوعات کے نرخ اور پیمائش کا تفصیلی جائزہ لیا گیا۔

اس موقع پر اسسٹنٹ کمشنر نے واضح کیا کہ پٹرولیم مصنوعات کی قیمتوں اور پیمائش کے معاملے میں کسی قسم کا سمجھوتہ نہیں کیا جائے گا۔ انہوں نے خبردار کیا کہ عوام سے دھوکہ دہی کرنے والے پٹرول پمپ مالکان کے خلاف سخت قانونی کارروائی کی جائے گی اور ان کے پٹرول پمپس سیل کر دیے جائیں گے۔

چوہدری ضیاء اللہ نے مزید کہا کہ پٹرولیم مصنوعات کی مہنگے داموں فروخت پر سخت ایکشن لیا جائے گا اور خلاف ورزی کرنے والے پٹرول پمپ مالکان کے لائسنس منسوخ کر دیے جائیں گے۔ انہوں نے عوام کو معیاری اور مناسب قیمت پر پٹرولیم مصنوعات کی فراہمی یقینی بنانے کے عزم کا اظہار کیا۔

اوکاڑہ، باغی ٹی وی(نامہ نگار ملک ظفر)محکمہ سول ڈیفنس کی غیر قانونی ایل پی جی شاپس کے خلاف کارروائیاں

اوکاڑہ میں محکمہ سول ڈیفنس نے غیر قانونی ایل پی جی شاپس کے خلاف کارروائیوں کا آغاز کر دیا۔ سول ڈیفنس آفیسر وقار اکبر کی ہدایات پر افسران نے متعدد مقامات پر ایل پی جی شاپس کی انسپیکشن کی۔ اس دوران خلاف ورزی کرنے والے دکانداروں کے خلاف مقدمات درج کرائے گئے اور ان کی دکانیں سیل کر دی گئیں۔

اس موقع پر سول ڈیفنس آفیسر وقار اکبر نے کہا کہ ایل پی جی شاپس میں غیر قانونی گیس فلنگ کے خطرناک عمل کو ہرگز برداشت نہیں کیا جائے گا۔ انہوں نے مزید کہا کہ اس غیر قانونی دھندے میں ملوث افراد کو کیفر کردار تک پہنچایا جائے گا اور انہیں انسانی زندگی سے کھیلنے کی اجازت نہیں دی جائے گی۔