Category: اوکاڑہ

اوکاڑہ ،باغی ٹی وی( نامہ نگار ملک ظفر) سیکرٹری ایمرجنسی سروسز ڈاکٹر رضوان نصیر (ستارہِ امتیاز) کی خصوصی ہدایات پر دنیا بھر کی طرح اوکاڑہ میں بھی 04 مئی فائر فائٹرز کا عالمی دن بھرپور انداز سے منایا گیا۔

اس سلسلہ میں ریسکیو 1122 اوکاڑہ نے شہر میں خصوصی مارچ پاسٹ کیا جس میں ریسکیو ایمبولینس اور فائر وہیکلز کے ساتھ ریسکیورز نے شرکت کی۔ جبکہ تحصیل رینالہ خورد میں آگاہی سیمینار منعقد ہوئے اور تحصیل دیپالپور میں اس دن کی مناسبت سے کیک کاٹا گیا اور فائر فائٹرز کےلیے خصوصی دعا بھی کی گئی۔

ڈسٹرکٹ ایمرجنسی آفیسر انجینئر احتشام کا فائرفائٹرز کے عالمی دن کے موقع پر کہنا تھا کہ اس دن کو منانے کا مقصد فائر فائٹرز کی خدمات کو خراج تحسین پیش کرنے کے ساتھ ساتھ انکی قربانیوں کو یاد کرنا ہے جو آتشزدگی کے واقعات میں انسانی زندگیوں اور املاک کو بچاتے ہوئے اپنی جانوں کا پرواہ نہیں کرتے۔

یہ دن آتشزدگی کے حادثات کو روکنے اور نقصانات کو کم کرنے کے لیے موثر،جامع اور مشترکہ کاوشوں کی ترجمانی کرتا ہے۔ میری عوام الناس سے اپیل ہے کہ آئیں محفوظ معاشرے کے قیام کےلیے ریسکیو کے شانہ بشانہ کھڑے ہو کر بلڈنگ سیفٹی کے قوانین پر عمل پیرا ہوں اور اپنے علاقے و محلے کی ایمرجنسی ریسپانس ٹیمیں بنائیں اور ریسکیو سے تربیت حاصل کر کے رجسٹرڈ ہوں تاکہ آنے والی نسلوں کو ایک محفوظ معاشرے مل سکے۔

اوکاڑہ، باغی ٹی وی( نامہ نگار ملک ظفر )ولیس ان ایکشن 3 مختلف ڈکیت گینگز کے 11 ملزمان کو حراست میں لے لیا ملزمان سے بھاری اسلحہ اور مال مسروقہ برآمد کرلیا گیا

پولیس ترجمان کے مطابق تھانہ اے ڈویژن نے کارروائی کرتے 3 ڈکیت گینگ کے 11افراد کو گرفتار کر لیا گرفتار، ملزمان کے قبضے سے 25 لاکھ کیش، 8 موبائل، 5 موٹر سائیکل، 3 پسٹل اور ایک رائفل برآمد کرلی گئی

گرفتار تین میں سے دو گینگ کو شناخت پریڈ کروا لی گئی جبکہ ایک گینگ کی شناخت پریڈ باقی ہے

ڈی ایس پی مہر یوسف کا کہنا ہے کہ جب سے یہ گینگ گرفتار ہوئے ہیں شہری علاقے میں وارداتوں میں نمایاں کمی آئی ہے،ان کا کہنا تھا کہ ڈی پی او منصور امان کی سربراہی میں جرائم پیشہ افراد کے خلاف کارروائیاں جاری رہیں گی.

اوکاڑہ،باغی ٹی وی( نامہ نگار ملک ظفر)اوکاڑہ ضلعی انتظامیہ کا انوکھا کارنامہ جی ٹی روڈ کے درمیان بنے گٹروں میں درخت اگنے لگے

تفصیلات کے مطابق اوکاڑہ جی ٹی روڈ پر ہر دوسرے گٹر کا ڈھکن غائب لیکن گٹروں میں درخت لگ گئے ، لاہور ملتان روڈ پر گزرنے والے مسافروں کو پریشانی کا سامنا کرنا پڑھ رہا ہے ۔

شہریوں کا کہناہے کہ رات کے اوقات میں یہاں ڈرائیور اچانک پریشانی کے عالم میں بریک لگاتے ہیں اور کئی دفعہ تو حادثات بھی ہو چُکے ہیں
شہریوں کے مطابق اندرون شہر جی ٹی روڈ پر ہر دوسرے گٹر کا ڈھکن غائب ہے

اوکاڑہ کا مصروف ترین روڑ جی ٹی روڈ ہے اور یہاں پر گٹروں کے ڈھکن نہ ہونے کے باعث روزانہ حادثات معمول ہیں، مسافروں کو حادثات سے بچانے کے لیے شہریوں نے گٹروں میں بڑے بڑے پودے لگادئیے ہیں

پودے لگانے کا مقصد مسافروں کو حادثات سے بچانا ہے مگر اوکاڑہ انتظامیہ اسی میں خوش ہے کی جی ٹی روڈ پر درخت اگ آئے ہیں شہریوں نے ڈی سی اوکاڑہ اور سی ای او بلدیہ سے مطالبہ کیا ہے کہ شہریوں کی زندگیوں سے نہ کھیلا جائے

اوکاڑہ،باغی ٹی وی (نامہ نگار ملک ظفر) اوکاڑہ ڈسٹرکٹ ایمرجنسی آفیسرانجینئراحتشام کی زیر صدارت ماہانہ کارکردگی اجلاس سنٹرل اسٹیشن اوکاڑہ میں منعقد ہوا۔

ڈسٹرکٹ ایمرجنسی آفیسر نے کارکردگی رپورٹ جاری کرتے ہوئے بتایا کہ ریسکیو1122اوکاڑہ کوگزشتہ ماہ کل 18295کالزموصول ہوئی ہیں جس میں 4274ایمرجنسی کالز ہیں۔11004غیر متعلقہ اورمس کالز، 2985 معلوماتی،9رونگ کالزاور 23فیک کالز ہیں۔

ایمرجنسی کال کا تناسب142کالز فی دن ہے۔4274 ایمرجنسیز میں 1032روڈ ٹریفک حادثات، 2753میڈیکل، 55آگ لگنے کےواقعات،138 کرائم، ڈوبنے کے واقعات 01 اور295متفرق قسم کے حادثات شامل ہیں۔

روڈ ٹریفک حادثات میں 1111افراد متاثر ہوئے جن میں 12 افراد زخموں کی تاب نہ لاتے ہوئے جاں بحق ہوئے جبکہ549 افراد کو موقع پر ہی ابتدائی طبی امداددی گئی اور550متاثرین کو طبی امداد دیتے ہوئے ہسپتال میں منتقل کیا گیا۔

آگ لگنے کے 55واقعات ہوئے جن میں 03کمرشل ایریا،09رہائشی علاقے اور 43واقعات دیگر علاقوں میں پیش آئے۔ آگ لگنے کی وجوہات میں شارٹ سرکٹ (20)،گیس لیکج(02)، نامعلوم (01)، دیگر(10)، فائر ورکس(01)، موم بتی (01)، کچن (01) اور لاپرواہی (19) بنی۔ان واقعات میں بروقت ریسپانس کرتے ہوئے تقریباََ45 ملین سے زائدکی پراپرٹی کو محفوظ کیا۔

ریسکیو موٹر بائیک سروس کے ذریعے شہر بھر میں 1707ایمرجنسیز پر3.62 کے ایوریج ریسپانس ٹائم سے بروقت ریسپانس کرتے ہوئے1690 افراد کو مدد فراہم کی۔

پیشنٹ ریفرل سسٹم کے تحت ضلع بھرمیں 330مریضوں کو بہتر طبی امداد کے حصول کیلئے منتقل کیا گیا۔ 145مریضوں کو ضلع بھر سے ڈسٹرکٹ ہیڈکوارٹر ہسپتال اوکاڑہ منتقل کیا گیا جبکہ185افراد کو بہتر طبی امداد کے حصول کیلئے ریسکیو1122 کے تربیت یافتہ عملہ کے زیرِ نگرانی میں دوسرے اضلاع کے ہسپتالوں میں منتقل کیا گیا

اوکاڑہ ،باغی ٹی وی( نامہ نگار ملک ظفر )سیکرٹری ایمرجنسی سروسز ڈاکٹر رضوان نصیر (ستارہِ امتیاز) کی خصوصی ہدایات کی روشنی میں کوئیک ریسپانس فورس ٹیموں کے مابین اونچی عمارت میں فائر فائٹنگ اور ریسکیو آپریشن کے مقابلے کا انعقاد ضلع اوکاڑہ میں کیا گیا۔

مقابلے میں ضلع اوکاڑہ، ساہیوال اور پاکپتن کی کوئیک ریسپانس فورس کی ٹیموں نے حصہ لیا، ریسکیو اینڈ سیفٹی آفیسرز نے اپنے اضلاع کی ٹیموں کی نمائندگی کی۔

ان مقابلوں میں پلازے کی ساتویں منزل پر لگی آگ پر قابو پانا اور بلڈنگ میں پھنسے ہوئے افراد کو بحفاظت ریسکیو کرنا شامل تھا۔

مقابلے میں ضلع پاکپتن کی ٹیم نے اول پوزیشن حاصل کی جبکہ اوکاڑہ اور ساہیوال کی ٹیموں کے درمیان مقابلہ برابر رہا اور دونوں اضلاع کی دوسری پوزیشن رہی۔ پاکپتن کی ٹیم 4 مئی عالمی فائر فائٹر ڈے کے موقع پر ایمرجنسی سروس اکیڈمی لاہور میں ہونے والے مقابلہ جات میں ساہیوال ڈویژن کی نمائندگی کرے گی۔

ریجنل ایمرجنسی افیسر نے ڈویژن لیول کے مقابلے کے انعقاد کےلیے بہترین انتظامات کرنے پر ڈسٹرکٹ ایمرجنسی آفیسر انجینئر احتشام کو خصوصی شاباش دی جبکہ پاکپتن کی ٹیم کو مقابلہ جتنے پر مبارکباد دی۔

اوکاڑہ ،باغی ٹی وی( نامہ نگار ملک ظفر )پنجاب فوڈ اتھارٹی کی ملاوٹی جوس فروخت کرنے والوں کیخلاف کارروائیاں جاری، فوڈ سیفٹی ٹیم کی گڑ بازار اوکاڑہ میں کنفیکشنری سٹور کی انسپکشن، 400 لٹر ملاوٹی جوس تلف کردیا گیا، فوڈ بزنس مالکان کو 20 ہزار روپے جرمانہ عائد کردیا گیا۔

ڈی جی فوڈ اتھارٹی کی ہدایت پر ملاوٹی خوراک کی روک تھام کیلیے فوڈ سیفٹی ٹیموں کی بھرپور کارروائیاں جاری ہیں۔اوکاڑہ کے مشہور کاروباری مرکز گڑ بازار میں کنفیکشنری سٹور کی انسپکشن کی گئی۔ ٹیسٹ کے دوران جوس میں مصنوعی اجزاء کی ملاوٹ پائی گئی ملاوٹ ثابت ہونے پر غیر معیاری جوس موقع پر تلف کردیا گیا۔

ملاوٹی جوس کی سٹوریج پر فوڈ بزنس مالکان کو بھاری جرمانہ عائد کیا گیا۔ اس موقع پر ڈی جی فوڈ اتھارٹی کا کہنا تھا کہ بچوں کی خوراک میں ملاوٹ کرنے والوں کیخلاف سخت ایکشن لیا جائے گا۔

اوکاڑہ، باغی ٹی وی(نامہ نگار ملک ظفر)پنجاب فوڈ اتھارٹی نے دیپالپور میں مردہ مرغیوں سے بھری گاڑی پکڑ لی،1200 کلو گرام مردہ مرغیوں کا گوشت برآمد کرکے تلف کردیا گیا،مردہ مرغیاں سپلائی کرنے والوں کیخلاف ایف آئی آر درج، ملزمان کو گرفتار کرلیا گیا۔

ڈائریکٹر جنرل پنجاب فوڈ اتھارٹی کی خصوصی ہدایت پر عوام کی صحت کے ساتھ کھلواڑ کرنے والوں کیخلاف کریک ڈاؤن جاری ہے گاڑی نمبر LES 4379 کو عملی موتی پاکپتن روڈ پر چیک کیا گیا توانسپکشن کے دوران بھاری مقدار میں مردہ مرغیاں برآمد کی گئیں۔

مردہ مرغیاں مارکیٹ میں مختلف فوڈ پوائنٹس پر سپلائی کی جانی تھیں،سپلائرز کو موقع سے گرفتار کرکے تھانہ صدر دیپالپور میں ایف آئی آر درج کروادی گئی۔

اس موقع پر ڈی جی پنجاب فوڈ اتھارٹی محمد عاصم جاوید کا کہنا تھا کہ مردہ مرغیوں کی سپلائی کا کاروبار کرنے والے انسانی جانوں کے دشمن ہیں۔ان کا مزید کہنا تھا کہ صحت دشمن عناصر کسی رعایت کے مستحق نہیں ہیں۔