خیبر پختونخوا میں افسوسناک واقعہ پیش آیا ہے، خواجہ سرا ڈولفن آیان کو اسلحہ کے زور پر کپڑے اتروا کر برہنہ ڈانس کروایا گیا،ویڈیو بنائی گئی اور سوشل میڈیا پر وائرل کر دی گئی
ڈولفن ایان نے واقعہ پر پشاور پولیس کو کارروائی کی درخواست دے دی ہے، اس ضمن میں خواجہ سرا ڈولفن ایان کا کہنا ہے کہ سوشل میڈیا پر وائرل ویڈیو دس سال قبل کی ہے ویڈیو زبرستی گن پوائنٹ پر بنائی گئی تھی اب وائرل کی گئی ہے،پولیس کو ویڈیو وائرل کرنے کے حوالے سے درخواست دے رہی ہوں، ایف آئی اے سائبر کرائم میں بھی ملزم کے خلاف درخواست دوں گی،ویڈیو بنانے والے ملزم کا نام اور ایڈریس پولیس درخواست میں شامل کیا ہے،
خواجہ سرا ڈولفن ایان کی ویڈیو وائرل ہونے کے بعد ایک صارف انعام نے ایکس پر پوسٹ کرتے ہوئےکہا کہ چند عرصہ پہلے پشاور میں ڈولفن آیان اور ان کے ساتھیوں نے آواز اٹھائی تھی کہ انہیں بھتے اور ہراسانی کا سامنا ہے۔ افسوس کہ ان کی فریاد کو نظرانداز کیا گیا۔ اگر حکام نے وقت پر قدم اٹھایا ہوتا،تو شاید آج یہ سانحہ نہ ہوتا۔جب قانون سو رہاہو تو ظلم کا راج ہوتا ہے۔
ایک صارف کا کہنا تھا کہ انسانیت کی تذلیل جتنی ہم پشتونوں نے کی شاید ہی کوئی ثانی ہو ، آج ایک بے غیرت پشتون نے پستول کے زور پر ایک بے بس اور کمزور مخلوق خواجہ سرا "ایان ڈولفن”کو ننگا کرکے ویڈیو بنائی اور پھر اس کلپ کو لیک کرکے ان سارے "غیرتی ،مذہبی اور اعلی اقدار ” پشتونوں کے منہ پر طمانچہ رسید کیا
ایک اور صارف کا کہنا تھا کہ ڈولفن آیان کی بندوق کی نوک پر غیر اخلاقی ویڈیو بنا کر وائرل،اس معاشرے میں نہ بچے محفوظ ہیں نہ عورتیں اور نہ خواجہ سرا،ایان خواجہ سرا ہیں اپنی برادری کے لوگوں کے حقوق کیلئے انتہائی متحرک ہے،کیا ذمہ داران کیخلاف کارروائی ہوگی لیکن یہ یقینی ہے کہ یہ آخری واقعہ نہیں
https://twitter.com/rabiabasri987/status/1851565851687661904
ایک صارف جمال خان کا کہنا تھا کہ ڈولفن آیان بد نصیب صوبہ خیبر پختونخوا پشاور کا رہائشی خواجہ سرا ( ٹرانس جینڈر) ہے ۔اس کے سر پر پستول رکھ کر قتل کی دھمکی دیتے ہوئے کسی نے اسے ننگا کرکے اس کی ویڈیو بنائی ہے ۔عوام ویڈیوز مانگنے میں اور ایک دوسرے کے ساتھ بڑی بے حسی اور بے شرمی سے ویڈیوز شئیر کرنے میں مصروف دکھائی دے رہی ہے جبکہ اعلی حکام کو سانپ سونگھ گیا ہے۔ابھی تک کسی سیاسی جماعت کی طرف سے کوئی بیان سامنے نہیں آیا اور نہ ہی خواجہ سراؤں کے ساتھ روا رکھنے والے ڈسکرمنیشن اور ظلم پر کہیں پارلیمنٹ،سوشل سرکلز، ، حجرے یا سیاسی بیٹھک میں اس پر بحث ہوتی دکھائی دیتی ہے ۔یاد رہے اس سے پہلے بھی اس بیچارے پر گولیاں چلائی گئی تھیں ۔خواجہ سراؤں کے ساتھ عوام کا برتاو ٹھیک نہیں ۔ایک طرف انہیں حقارت کی نظر سے دیکھا جاتا ہے تو دوسری جانب آئے روز ان کے ساتھ ظلم و زیادتی اور سیکسول حراسمنٹ کا کوئی کیس سامنے آتا ہے۔نہ عوام میں شعور آتا ہے کہ خدا کے اس بے ضرر مخلوق کو اپنے طور سے زندہ رہنے اور جینے دے،انہیں انسان سمجھ کر انہیں اپنی الگ شناخت کے ساتھ قبول کرے اور نہ ریاست کی طرف سے ان کے حقوق اور زندگیوں کے تحفظ کی ضمانت انہیں مل رہی ہے۔
ایک صارف نے لکھا کہ یہ آنکھیں انصاف مانگتی ہیں ، پنجاب میں ایک لڑکی کیساتھ زیادتی پر تحریک انصاف والوں نے پورا ملک سر پر اٹھایا تھا مگر پختونخواہ میں ڈولفن آیان کیساتھ زیادتی پر مکمل خاموشی؟ کیوں یہ انسان نہیں یے اسکو جینے کا حق نہیں ہے
ایک صارف کا کہنا تھا کہ ڈولفن ایان جس کو کے پی کے پشاور میں اسلحہ کے زور پر برہنہ کر کے وڈیو بنا کر سوشل میڈیا پر وائرل کردی گئی، اعلیٰ تعلیم یافتہ گریجویشن ایڈورڈ کالج پشاور کا تعلیم یافتہ ٹرانس جینڈر سول انجنٸرنگ بھی کرچکا ہے لیکن پختون معاشرہ نے انکو مزید تعلیم حاصل کرنے نہ دیا ،کیونکہ ہمارے پختون معاشرہ نے ان پر نعرے بازی کی کہ تم ہیجڑا ہوں اور تم تیسری مخلوق ہو،اللہ کے بندوں یہ تیسری مخلوق بھی اللہ نے تخلیق فرمایا ہے اگر ڈولفن ایان پر آوازیں کستےتھے گویا وہ اللہ کی تخلیق پر معترض ہے!،اس پر دل ٹھنڈا نہ ہوا تو کل رات کو پستول کی نوک پر ڈولفن ایان کی بیہودہ ویڈیوز بنا کر سوشل میڈیا پر واٸرل کیا،ڈولفن ایان بھی ایک انسان ہے مسلمان ہے پختون ہے پاکستانی ہے ان کی پستول کی زور پر ویڈیوز بنانے والو کو کیفرکرادر تک پہنچائے،
لاہور بیورو کیخلاف بغاوت کی خبر کیسےباہر آئی؟ اکرم چوہدری سیخ پا،ذاتی کیفے میں اجلاس میں تلخی
اکرم چوہدری کی مذہبی منافرت پھیلانے کی کوشش ،ہم نے چینل ہی چھوڑ دیا،ایگریکٹو پروڈیوسر بلال قطب
اکرم چوہدری نجی ٹی وی کا عثمان بزدار ثابت،دیہاڑیاں،ہراسانی کے بھی واقعات
اکرم چوہدری کا نجی ٹی وی کے نام پر دورہ یوکے،ذاتی فائدے،ادارے کو نقصان
سماٹی وی میں گروپ بندی،سما کے نام پر اکرم چوہدری اپنا بزنس چلانے لگے
سما ٹی وی بحران کا شکار،نجم سیٹھی” پریشان”،اکرم چودھری کی پالیسیاں لے ڈوبیں
انتہائی نازیبا ویڈیو لیک ہونے کے بعد ٹک ٹاکرمناہل نے مانگی معافی
واضح رہے کہ خواجہ سرا ڈولفن ایان کا تعلق صوابی سے ہے تا ہم وہ آبائی گھر چھوڑ کر پشاور منتقل ہو چکی ہے، ڈولفن ایان نے سول انجنئرنگ میں تین سالا ڈپلومہ کورس کیا ہے تا ہم ملازمت نہ ملنے پر مجبور کررقص کرنا شروع کر دیا، ڈولفن ایان کا اصل نام ماہین محمد ہے،ڈولفن ایان نے گورنمنٹ ٹیکنالوجی کالج پشاور سے سول انجینئرنگ میں تین سالہ ڈپلومہ کورس کیا ، وہ کچھ وقت کے لئے پشاور کے مشہور تعلیمی ادارے ایڈورڈز کالج کی طالبہ بھی رہ چکی ہیں،ڈولفن نے یورپی ملک قبرص میں چار مہینے تک اپرنٹس شپ بھی کی لیکن ان کے اخراجات بھی ان کی طرف سے خود برداشت کیے گئے،
