سوات کے علاقے مدین میں ہونے والے المناک واقعے میں نیا موڑ آگیا ہے۔ پولیس کی تحقیقات سے انکشاف ہوا ہے کہ مذہبی توہین کے الزام پر ایک شخص کو زندہ جلانے کے ملزمان میں تین افراد منشیات فروش نکلے ہیں۔پولیس ذرائع کے مطابق، ان تینوں ملزمان کے خلاف پہلے سے منشیات فروشی کے مقدمات درج ہیں۔ ان میں سے ایک ملزم آئس جبکہ دو دیگر چرس کی فروخت میں ملوث تھے۔
واقعے کی ویڈیوز کے ذریعے ملزمان کی شناخت کا عمل جاری ہے۔ اس سانحے میں ملوث 25 سے زائد افراد پہلے ہی گرفتار کیے جا چکے ہیں اور وہ ریمانڈ پر جیل میں ہیں۔
یہ انکشاف اس المناک واقعے کو نئے زاویے سے دیکھنے پر مجبور کرتا ہے، جہاں مذہبی جذبات کے ساتھ ساتھ مجرمانہ سرگرمیوں کا عنصر بھی سامنے آیا ہے۔ پولیس مزید تحقیقات کر رہی ہے تاکہ اس واقعے کے پس پردہ تمام حقائق کو سامنے لایا جا سکے
یاد رہے کہ گزشتہ دنوں سوات کے ہل اسٹیشن مدین میں مبینہ توہین مذہب کے الزام میں ہجوم نے تشدد کرکے ایک شخص کو تھانے سے نکال کر قتل کیا اور لاش کو جلا دیا تھا۔واقعے کے بعد وزارت داخلہ کے ماتحت ادارے کی رپورٹ سامنے آئی تھی جس میں کہا گیا تھا کہ مارے جانے والے شخص نے توہین مذہب سے بارہا انکار کیا تھا۔
Category: پشاور
-
مدین میں ایک شخص کو زندہ جلانے والے ملزمان میں 3 منشیات فروش نکلے
-
عزم استحکام کا مقصد نیشنل ایکشن پلان میں نئی روح پھونکنا ہے، سکیورٹی ذرائع
سکیورٹی ذرائع کے مطابق عزم استحکام آپریشن کا غلط تاثر لیا گیا، کوئی آپریشن ہوگا نہ ہی کسی کو گھروں سے نکالا جائے گا، عزم استحکام کا مقصد نیشنل ایکشن پلان میں نئی روح پھونکنا ہے۔سکیورٹی ذرائع نے بتایا کہ اسمگلنگ اور منشیات کا پیسہ دہشتگردی میں استعمال ہورہا ہے، دہشتگرد خوارج ہیں، مذاکرات نہیں ہوسکتے۔ذرائع نے بتایا کہ آپریشن عزم استحکام کے ذریعے اسمگلنگ اور منشیات کی بیخ کنی کی جائے گی، امن کے دیرپا قیام کے لئے موثر حکمت عملی ضروری ہے کیونکہ روزانہ 6 ملین لیٹر تیل ایران سے اسمگل ہوتا ہے جسکی اس سے قبل یہ مقدار 12 ملین لیٹر تھی، روزانہ 3 ٹن منشیات پکڑی جاتی ہے۔ذرائع نے بتایا کہ عزم استحکام نیشنل ایکشن پلان کا ہی تسلسل ہے جس میں دہشتگردی کی روک تھام کے لئے کثیرالجہتی پالیسی ترتیب دی جائے گی، منشیات اسمگلنگ کی روک تھام اور دہشتگردوں کو سزائیں دلوانے کے لیے موثر قانون سازی کرکے دہشتگردوں کو منتطقی انجام تک پہنچایا جائے گا۔اس حوالے سے سکیورٹی ذرائع نے بتایا کہ ان غیر قانونی ذرائع آمدنی سے دہشت گردوں کی مالی اعانت ہوتی ہے۔ غیر قانونی تمباکو کی صنعت سے ملکی معیشت کو نقصان ہورہا ہے جسکے لیے ایف بی آر کے فرسودہ نظام کو تبدیل کرنا ہوگا۔
-
9 مئی واقعات: خیبرپختونخوا کابینہ کی جوڈیشل کمیشن بنانے کی منظوری
پشاور : خیبرپختونخوا حکومت نے 9مئی سے متعلق واقعات کی تحقیقات کے لئے جوڈیشل کمیشن کے قیام کی منظوری دے دی ہے۔
پی ٹی آئی قیادت کی جانب سے بارہا 9 مئی سانحے پر جوڈیشل کمیشن بنانے کا مطالبہ کیا گیااب خیبرپختونخوا کابینہ نے جوڈیشل کمیشن بنانے کی منظوری دے دی ہے خیبرپختونخوا کابینہ کے اجلاس میں کئے گئے فیصلے کے مطابق جوڈیشل کمیشن 9 مئی کے واقعات کی مکمل تحقیقات کرے گا، جوڈیشل کمیشن کی تحقیقات کے بعد 9 مئی 2023 کے واقعات میں ملوث تمام کرداروں کو بے نقاب کیا جائے گا-
واضح رہے کہ 9مئی 2023 کو القادر ٹرسٹ کیس میں پاکستان تحریک انصاف (پی ٹی آئی) چیئرمین عمران خان کی اسلام آباد ہائیکورٹ کے احاطے سے گرفتاری کے بعد پی ٹی آئی کی طرف سے ملک گیر احتجاج کیا گیا تھا، اس دوران فوجی، سول اور نجی تنصیبات کو نذر آتش کیا گیا، سرکاری و نجی املاک کو شدید نقصان پہنچایا گیا مظاہرین نے لاہور میں کور کمانڈر کی رہائش گاہ جسے جناح ہاؤس بھی کہا جاتا ہے، اس پر بھی دھاوا بولا اور راولپنڈی میں واقع جنرل ہیڈکوارٹرز (جی ایچ کیو) کا ایک گیٹ بھی توڑ دیا تھااس کے بعد ملک بھر میں قانون نافذ کرنے والے اداروں کے ساتھ لڑائی میں ملوث 1900 مشتعل مظاہرین کو گرفتار کیا گیا تھا، جب کہ عمران خان اور ان کی پارٹی کے کارکنوں کے خلاف مقدمات بھی درج کیے گئے ۔
ڈالر کی قدر میں معمولی کمی ، اسٹاک ایکسچینج میں آج کاروبار کا مثبت دن
کے الیکٹرک نے 7 سال کیلئے فی یونٹ ٹیرف میں 10 روپے کا اضافہ مانگ …
کراچی میں مزید بارشوں کی پیشگوئی
-
خیبرپختونخوا میں بجلی کی لوڈ شیڈنگ کا مسئلہ بہت سنگین ہے، اسد قیصر
رہنما تحریک انصاف اسد قیصر نے کہا ہے کہ ہم کسی آپریشن کے حمایتی ہیں نہ کرنے دیں گے۔ اور نہ ہی اسے کرنے دیں گے، اس معاملے پر وزیر اعلیٰ خیبرپختونخوا سے بات کروں گا ، خیبرپختونخوا میں بجلی کی لوڈ شیڈنگ کا مسئلہ بہت سنگین ہے، صرف تین گھنٹے بجلی دی جاتی ہے۔پشاور میں میڈیا سے گفتگو کرتے ہوئے اسد قیصر کا کہنا تھا کہ ہمارے لیڈر کا مشن ہے کہ ہم ان کو چین سے نہیں جینے دیں گے، پارلیمنٹ سے پہلے بھی قبائلی مشیران سے مشورہ کیا جائے تب ہی کوئی آپریشن کامیاب ہوگا۔
اسد قیصر کا مزید کہنا تھاکہ قانون اور آئین کی جنگ ہم سب نے لڑنی ہے ،ملک کو آئین و قانون کے مطابق چلایا جائے،سب کو اپنی آئینی حدود میں رہ کر کام کرنا ہوگا،آج بھی مولانا فضل الرحمان سے بات کی اور ہم نے الائنس بنایا ہے۔رہنما تحریک انصاف کا وفاقی حکومت سے مطالبہ کرتے ہوئے کہنا تھا کہ حکومت نے قبائلی عوام کے لیے جو اعلان کیا ہے اس میں سے بجلی کی مد میں ریلیف دیا جائے۔دریں اثنا جے یو آئی ف کے سربراہ مولانا فضل الرحمان،محمود خان اچکزئی اور پی ٹی آئی رہنما اسدقیصر کی ملاقات قومی اسمبلی میں اپوزیشن لابی میں ہوئی، ملاقات میں تینوں رہنماؤں نے ملک کی مجموعی سیاسی صورتحال پر تبادلہ خیال کیا۔ -
پشاور میں ایک ماہ کیلئے دفعہ 144 نافذ
پشاور میں ایک ماہ کیلئے دفعہ 144 نافذ کردی گئی۔ خیبرپختونخوا کی حکومت نے محرم الحرام کی آمد کے پیش نظر پشاور میں ایک ماہ کے لیے دفعہ 144 نافذ کردی ہے۔ ڈپٹی کمشنر پشاور کی جانب سے جاری نوٹیفکیشن کے مطابق شہر میں موٹرسائیکل کی ڈبل سواری، گاڑیوں کے کالے شیشوں پر پابندی ہوگی۔نوٹیفکیشن میں کہا گیا ہے کہ صوبائی دارالحکومت میں ایک ماہ کے لیے ہوائی فائرنگ، اسلحے کی نمائش، غیر رجسٹرڈ گاڑیوں اور موٹرسائیکل چلانے پر پابندی ہوگی۔ڈپٹی کمشنر نے بتایا کہ پشاور میں دفعہ 144 ایک ماہ کے لیے 25 جون سے 25 جولائی تک نافذ رہے گا۔
-
بنوں : صوبائی وزیر کے اسکواڈ کی گاڑی پر بم حملہ، 3 راہ گیر زخمی
پشاور: بنوں میں صوبائی وزیر برائے پبلک ہیلتھ انجینئرنگ پختون یار خان کے اسکواڈ کی گاڑی پر بم حملہ کیا گیا ہے جس کے نتیجے میں تین راہ گیر زخمی ہوئے ۔
خیبر پختونخوا کے وزیر برائے پبلک ہیلتھ انجینئرنگ پختون یار خان کے اسکواڈ کی گاڑی کو ریموٹ کنٹرول بم سے نشانہ بنایا گیا، حملے میں پولیس اہلکار محفوظ رہے، جبکہ گاڑی کو معمولی نقصان پہنچا،پولیس وین پولیس لائن سے ملک پختون یار خان کو لینے جارہی تھی کہ ڈی آئی خان روڈ پر نشانہ بنایا گیا صوبائی وزیر 9 مئی کیس کے حوالے سے انسداد دہشت گردی عدالت جارہے تھے، انہوں نے اس واقعے میں تین شہریوں کے زخمی ہونے پر افسوس کا اظہار کیا ہے۔
علاوہ ازیں ٹھری میرواہ کے اکری تھانہ حدودِ کے لنک روڈ پر کار میں آگ بھڑک اٹھی، آتشزدگی کے باعث کار میں سوار 3 افراد جھلس پر جاں بحق ہوگئے، جن کی شناخت کا عمل جاری ہے علاقہ مکینوں کے مطابق ایک ٹائر پنچرہونے کے باوجود کار تیز رفتاری سے بسیرو حسین پاتو سے کرونڈی کے طرف جا رہی تھی کہ اچانک کار سے آگ بھڑک اٹھی کہ تمام تر کوششوں کی باوجود آگ قابو میں نہ آسکی، آتشزد گی کے باعث کار میں سوار 3 افراد جھلس پر جان کی بازی ہار گئے، جاں بحق ہونے والوں میں بچہ، خاتون اور مرد شامل ہیں۔
حنا ربانی کھر قومی اسمبلی کی قائمہ کمیٹی برائے خارجہ کی چیئرپرسن منتخب
روسی آرمی چیف، سابق وزیر دفاع کی گرفتاری کے عالمی وارنٹ جاری
بجلی کا شارٹ فال 6 ہزار 247 میگا واٹ تک پہنچ گیا
-
کروڑوں روپے کی کرپشن میں ملوث پیسکو افسر گرفتار
پشاور: کروڑوں روپے کی کرپشن میں ملوث پیسکو کے افسر کو ایف آئی اے نے گرفتار کرلیا۔
ترجمان ایف آئی اے کے مطابق ایف آئی اے اینٹی کرپشن سرکل پشاور نے ایک بڑی کارروائی میں پشاور الیکٹرک سپلائی کارپوریشن کے ایس ڈی او کو گرفتار کرلیا، جو کروڑوں روپے کی کرپشن میں ملوث تھا، ملزم وسیم احمد نوشہرہ میں بطور ایس ڈی او تعینات تھا،ملزم نے دوران تعیناتی نوشہرہ میں واقع عثمان زادہ نامی صابن فیکٹری کے مالک کی بجلی چوری میں معاونت کی اور بجلی چوری کے عوض کروڑوں روپے کی رشوت وصول کی۔
ترجمان ایف آئی اے کے مطابق ملزم کی معاونت سے ہونے والی بجلی چوری سے قومی خزانے کو مجموعی طور پر ایک کروڑ 20 لاکھ روپے کا نقصان پہنچا ،ملزم کو پیسکو ایم اینڈ ٹی آفس پشاور سے گرفتار کیا گیا ، جس سے تفتیش شروع کردی گئی ہے، ایف آئی اے نے دیگر ملزمان کی گرفتاری کے لیے چھاپا مار کارروائیوں کا آغاز کردیا ہے۔
-
لنڈی کوتل :صحافی خلیل جبران آفریدی کا قتل، مکمل شٹر ڈاؤن ہڑتال ، احتجاجی مظاہروں اور امن ریلی کی سلسلہ جاری
لنڈی کوتل(باغی ٹی وی رپورٹ )صحافی خلیل جبران آفریدی کے قتل کے خلاف مکمل شٹر ڈاؤن ، احتجاجی مظاہروں اور امن ریلی کی سلسلہ جاری ،ہم علاقہ میں امن چاہتے ہیں، بدامنی پھیلانے والوں کے خلاف کاروائی کی جائے، مقررین کا مطالبہ
آج پاک افغان شاہرا پر علاقہ خیبر کے تکیہ کے مقام سے امن مارچ روانہ ہوا جس میں ہزاروں افراد نے شرکت کی۔ امن ریلی کے شرکاء سے جماعت اسلامی کے رہنما شاہ فیصل آفریدی، عوامی نیشنل پارٹی کے رہنما شاہ حسین شینواری، ملک دریا خان، ملک ماصل خان شینواری، چئیرمین شاہ خالد، معراج الدین، شاکر آفریدی، مراد حسین آفریدی، ضیاء الحق آفریدی کا خطاب
احتجاجی جلسے اور امن مارچ میں طلباء، اساتذۂ،سول سوسائٹی، سیاسی جماعتوں کے مقامی رہنماؤں، ایم پی ایز سہیل آفریدی اور صوبائی وزیر برائے اوقاف علامہ عدنان قادری نے بھی شرکت کی.
مظاہرین نے خیبر تکیہ گراونڈ سے لنڈی کوتل بازار باچا خان چوک تک 7 کلومیٹر پیدل مارچ کیا.
مظاہرین نے کالے جھنڈے، بینرز اور پلے کارڈز اٹھا رکھے تھے جن پر نعرے درج تھے، مظاہرین مقتول صحافی خلیل جبران شہید کے قاتلوں کی گرفتاری، صحافیوں اور شہریوں کے تحفظ کا مطالبہ کر رہے تھے.احتجاجی مظاہرے سے خطاب کرتے ہوئے مقررین نے کہا کہ صحافی خلیل جبران کا قتل افسوس ناک ہے ۔
مقررین نے کہا کہ لنڈی کوتل کی عوام امن پسند ہے اور علاقہ میں بدامنی کے خلاف ہے، انہوں نے خلیل جبران آفریدی کو انصاف دلانے اور ان کے بچوں کو تحفظ فراہم کرنے کا مطالبہ کیا۔
-
آپریشن عزم استحکام پر وزیراعلیٰ خیبر پختونخوا آل پارٹیز کانفرنس بلائیں گے، بیرسٹر سیف
پشاور: مشیر اطلاعات خیبر پختونخوا بیرسٹر سیف کا کہنا ہے کہ آپریشن عزم استحکام پر وزیراعلیٰ آل پارٹیز کانفرنس بلائیں گے۔
میڈیا سے گفتگو کرتے ہوئے بیرسٹر سیف نے کہا کہ آل پارٹیز کانفرنس میں تمام سیاسی جماعتوں کو مدعو کیا جائے گا،تاریخ اور وقت کا تعین جلد کیا جائے گا،کانفرس کا مقصد سیاسی جماعتوں کو موجودہ صورتحال سے آگاہ کرنا اور اعتماد میں لینا ہے،پی ٹی آئی کے زیر انتظام قبائل امن جرگہ بھی کل بروز بدھ 3 بجے منعقد ہوگا،جرگے میں قبائلی مشیران سمیت پی ٹی آئی کے مرکزی و صوبائی قائدین شرکت کریں گے۔
بیرسٹر سیف نے کہا کہ جرگے میں قبائلی اضلاع میں امن امان اور آپریشن عزم استحکام کے حوالے سے گفتگو کی جائے گی،جرگے میں قرارداد پاس کر کے وزیر اعلیٰ خیبر پختونخوا کو پیش کریں گے، قرارداد کو پارلیمنٹ اور خیبر پختونخوا اسمبلی میں بھی پیش کیا جائے گا۔
-
وفاق کو دہشتگردی کیخلاف کارروائی کیلئے پارلیمنٹ اورصوبائی اسمبلیوں کواعتماد میں لینا چاہئے،بیرسٹر سیف
پشاور :وزیر اطلاعات خیبرپختونخوا بیرسٹر سیف کا کہنا ہے کہ وزیراعظم نےعزم استحکام آپریشن پر بیان دیا، ان کے بیان سے کنفیوژن پیدا ہوئی، عوام کو نہیں بتایا گیا کہ آپریشن کا طریقہ کار کیا ہوگا؟
باغی ٹی وی : بیرسٹر سیف نے خیبرپختونخوا ہاؤس کے باہر میڈیا ٹاک کرتے ہوئے بتایا کہ آج وزیراعلیٰ کے پی کی سربراہی میں اجلاس ہوا، جس میں صوبائی ایم این ایز سے بات چیت کی گئی وزیراعظم نےعزم استحکام آپریشن پر بیان دیا، ان کے بیان سے کنفیوژن پیدا ہوئی، عوام کو نہیں بتایا گیا کہ آپریشن کا طریقہ کار کیا ہوگا؟ آپریشن کی مدت کیا ہوگی یہ بھی نہیں بتایاگیا، عوام میں آپریشن کے حوالے سے تشویش پائی جارہی ہے۔
انہوں نے کہا کہ یہ انتہائی اہم مسئلہ ہے جو قومی سلامتی سے منسلک ہے، دہشتگردی کے جنگ میں اربوں روپے کا نقصان ہوا ہے، وفاق کو دہشتگردی کیخلاف کارروائی کیلئے پارلیمنٹ اورصوبائی اسمبلیوں کواعتماد میں لینا چاہئے، اس معاملے پر پاکستان کے تمام سیاسی جماعتوں سے مشاورت کرنی چاہئے جب تک آپریشن کے خدوخال واضح نہیں ہوتے، اس وقت تک آپریشن کی حمایت کے حوالے سے فیصلہ نہیں کرسکتے۔
غزہ میں حماس کی حکومت کے مکمل خاتمے تک جنگ جاری رہے گی،نیتن یاہو
بیرسٹر سیف نے کہا کہ خیبرپختونخوا فرنٹ لائن صوبے کا کردار ادا کرتا رہا ہے، ہم مزید کسی قسم کا بوجھ برداشت نہیں کرسکتے علی امین گنڈاپور نے بانی چیئرمین سے ملاقات میں رائے لی ہے، بانی پی ٹی آئی نے کہا ہے حکومت جب تک آپریشن کی تفصیلات نہیں بتاتی حمایت نہیں کریں گےکوئی بھی پختون دہشتگردی کی حمایت میں بات نہیں کرسکتا، فوج کو بلانا اور کسی صوبے میں آپریشن کرنے کے لوازمات پرعمل کرنا ضروری ہے، آئینی طریقے سے جو بھی فیصلہ ہوگا اس میں عوام کی رائے شامل ہونی چاہئے۔
دوسری جانب اسلام آباد ہائی کورٹ سے ضمانت منظوری کے بعد بانی پی ٹی آئی عمران خان کی رہائی کی روبکارجاری ہوگئی۔
ملک میں سونا اور ڈالر مہنگا، اسٹاک ایکسچینج میں آج کاروبار کا منفی دن
سابق وزیر اعظم عمران خان کی رہائی کی روبکار 190 ملین پاؤنڈ نیب کیس میں جاری ہوئی،اسلام آباد ہائیکورٹ کے چیف جسٹس کی سربراہی میں 2 رکنی بینچ نے 190 ملین پاؤنڈ نیب ریفرنس میں عمران خان کی ضمانت منظور کی تھی،بانی پی ٹی آئی عدت کیس میں سزا یافتہ ہونے کے باعث جیل میں ہی رہیں گے۔