Category: پشاور

ضلع خیبر(باغی ٹی وی رپورٹ )سابق وفاقی وزیر ڈاکٹر نور الحق قادری نے جمرود میں الیکشن کمپین دفتر کا افتتاح کردیا

8 فروری کے انتخابات امریکا اور ان کے حواریوں و غلاموں کے خلاف ہے،عمران خان کو ابسلوٹلی ناٹ کہنے کی سزاء دی جارہی ہے،انتخابی نشان چھین کر سمجھ رہے ہیں کہ پی ٹی آئی الیکشن سے بھاگ جائیگی جو کہ انکی خام خیالی ہے،نور الحق قادری

جمرود بائی پر پاکستان تحریک انصاف کے این اے 27 اور پی کے 70 کے لئے الیکشن کمپئین کا دفتر کا افتتاح کردیا گیا،افتتاح پی ٹی آئی رہنماء و سابقہ وفاقی وزیر پیرنورالحق قادری نے کیا جبکہ اس موقع پر پی ٹی آئی کے نامزد امیدوار این اے 27 حاجی اقبال افریدی،نامزد امیدوار پی کے 70 سہیل افریدی،پی ٹی آئی خیبر جنرل سیکرٹری حاجی امیر محمد خان آفریدی، الحاج سید غواث خان افریدی،حاجی شیرمت خان آفریدی،اشفاق آفریدی،خان رحمان آفریدی،فضل اکبر آفریدی سمیت کثیر تعداد میں پارٹی کے سینئر و جونیئر قائدین،ورکرز اور عوام نے شریک تھے۔

الیکشن کمپئین افتتاح کے موقع پر ڈاکٹر پیر نورالحق قادری، نامزد امیدوار این اے 27 و نامزد امیدوار پی کے 70 سہیل آفریدی نے خطاب کرتے ہوئے کہا ہے کہ عام انتخابات میں سخت ظلم و بربریت کے باوجود تحریک انصاف بھاری اکثریت سے کامیابی حاصل کرکے دم لے گی۔

شروع دن سے پی ٹی آئی رہنماؤں اور ورکرز کی گرفتاریاں جاری ہے،پی ٹی آئی امیدواروں کے لئے کاغذات نامزدگی جمع کرنا ناممکن بنادیا گیا تھا،پی ٹی آئی سے بلے کا نشان چھین لیا گیا تاہم ان سب کے باوجود پی ٹی آئی ورکرز اور قیادت اپنے قائد عمران خان کے ساتھ کھڑے ہیں،کھڑے تھے اور کھڑے رہینگے۔

عمران خان ریاست پاکستان کے قیدی نہیں ہے بلکہ امریکہ کا قیدی ہے۔پاکستان تحریک انصاف کا انتخابات میں مقابلہ امریکہ اور اس کے غلاموں سے ہیں۔عمران خان کے دور حکومت میں پاکستان کی بین الاقوامی سطح پر نیک نامی تھی اور پاکستان کی عزت تھی تاہم چوروں کے ٹولے کی وجہ سے ایک بار پھر پاکستان نرغے میں ہیں۔

ہمارے امیدواروں سے بلے کا نشان چھین لیا گیا تاہم پی ٹی آئی ورکرز مختلف انتخابی نشانات سے بھی مقابلہ کرکے پی ٹی آئی امیدوار کامیابی حاصل کرکے ظلم و بربریت کا شکست دینگے۔

90 روز میں انتخابات نہ کراکر آئین پاکستان کی دھجیاں جس طرح بکھیری گئی ہے وہ تاریخ کا حصہ رہیگی۔پاکستانی عوام 8 فروری کو عمران خان کے حق میں ڈال کر ثابت کریں کہ ہم امریکہ کے غلام نہیں بلکہ آزاد قوم ہے۔

انہوں نے کہا کہ امریکہ کو نیٹو سپلائی کرنے والے کو عبرتناک شکست دے گے اور پاکستان کو پھر سے پرامن و مضبوط معاشی ریاست بنائے گے۔

لنڈی کوتل (باغی ٹی وی رپورٹ )آنے والے انتخابات میں عوام ضمیر خریدنے والوں کو رد کریں: حمید اللہ جان آفریدی
جمعیت علمائے اسلام ضلع خیبر این اے 27 سے قومی اسمبلی اور پی کے 70 کے نامزد امیدوار سابق وفاقی وزیر حاجی حمید اللہ جان آفریدی,پی کے 69 کے امیدوار شیخ الحدیث تحسین اللہ نے لنڈی کوتل پریس کلب میں میٹ دی پریس پروگرام میں کہا کہ ہم جھوٹے دعوؤں پر یقین نہیں رکھتے ،سیاست اور عوام کی خدمت کو عبادت سمجھ کر کرتے ہیں ۔

ہمارا نظریہ جمعیت علمائے اسلام کا ہے کیونکہ 2018 میں جو قبائلی عوام پر جابرانہ طور پر اور ظالمانہ طریقہ سے انضمام نافذ کیا گیا,عوام کی رائے کے بغیر مسلط کیا گیا۔

ان کا کہنا تھا کہ آئین پاکستان میں واضح طور پر موجود تھا کہ قبائلی عوام کی مشاورت کے بغیر کوئی فیصلہ مسلط نہیں کیا جائے گا لیکن افسوس کہ قبائلی عوام نے دیکھا کہ موجودہ نظام میں جو قومی اسمبلی سے چھ سیٹ، سینیٹ نمائندگی ختم کر دی گئی، میڈیکل کالج اور یونیورسٹیوں میں خصوصی کوٹہ ختم کر دیا گیا اور جو وعدے این ایف سی اور گیارہ سو ارب روپے کا اس میں سے ابھی تک کچھ نہیں ملا اور اب بھی یہاں کے عوام پانی و بجلی سمیت تمام بنیادی مسائل سے محروم ہیں

انہوں نے کہا کہ الیکشن کمیشن نے پوسٹل بیلٹ کا اجراء نہیں کیا ہے جس سے سرکاری ووٹر اپنی رائے دہی سے محروم ہونگے متعلقہ حکام سختی سے اس کا نوٹس لیں اور ملوث اہلکاروں کے خلاف کارروائی کریں وقت کم ہے ،انہوں نے کہا کہ جےیوآئی قیادت کی کامیابی قبائلی عوام کی کامیابی ہے اور پارلیمنٹ میں ہم ہی آواز اٹھائیں گے کہ قبائلی عوام سے پوچھا جائے ان کی رائے کے بغیر ہمیں کوئی فیصلہ منظور نہیں کیوں کہ اس ملک کیلئے قبائلی عوام نے بیش بہا قربانیاں دی ہیں اور عوام نے موجودہ عدالتی نظام اور انضمام کے بعد کے حالات دیکھے ہیں جس سے عوام سخت پریشان ہیں

انہوں نے کہا کہ ٹرانسفر مر کی سیاست کو عوام سمجھتے ہیں کہ جب الیکشن کا وقت آجائے وہ عوام کو دھوکہ کرنے کیلئے یہ حربے استعمال کرتے ہیں یہ سب کچھ اپنے مفادات کیلئے کرتے ہیں ج،ےیوآئی قیادت قوم کو کبھی مایوس نہیں کریں گے قوم کو بیدار ہونا ہوگا اور اپنے فیصلے جےیوآئی جیسی مخلص قیادت جو علماء کرام کی جماعت ہے کو کامیاب کرنا ہوگا

انہوں نے کہا کہ میڈیا کی وساطت سے اپیل کرتے ہیں کہ اپنے قیمتی ووٹ کا استعمال صحیح طریقے سے کریں اور ضمیر بیچنے والوں کو عبرتناک شکست دیں

اس موقع پر جےیوآئی کے مرکزی رہنما مفتی اعجاز شینواری نے میٹ دی پریس کے دوران اظہار خیال کرتے ہوئے کہا کہ جےیوآئی نے ہر وقت قوم قبائلی عوام کیلئے پارلیمنٹ کے اندر اور باہر آواز بلند کی ہے اور ہم آئندہ بھی قوم کے ہر مسئلہ کیلئے میدان میں موجود ہونگے، کبھی بھی ہم قوم کو مایوس نہیں کریں گے

اس موقع پر جےیوآئی پی کے 69 مولانا تحسین اللہ نے کہا کہ جےیوآئی اکابرین نے مجھ پر اعتماد کیا ہے اب میں تمام عوام کو پیغام دیتا ہوں کہ آپ ہمیں کامیاب بنائیں ہم وہ جھوٹے وعدے نہیں کرینگے جو ہمارےبس میں نہیں ہے اور وہ مسائل جس کیلئے عوام ہم پر اعتماد کرتے ہیں اس میں قوم کو مایوس نہیں کریں گے ،یہاں کی عوام پینے کی پانی کیلئے ترس رہے ہیں، بجلی نہیں ہے اس کیلئے ضروری اقدامات اٹھائیں گے اور کبھی عوام کی حقوق پر سمجھوتہ نہیں کریں گے اور وعدہ کرتے ہیں کہ عوام کے حقوق غصب نہیں ہونے دیں گے.

لنڈی کوتل(باغی ٹی وی رپورٹ)خوگا خیل قبیلے کے بعض مشران قوم کے نام پر مراعات ہڑپ کرتے ہیں،انہیں نہیں مانتے: خوگاخیل مشران کی پریس کانفرنس

لنڈی کوتل پریس کلب میں خوگہ خیل بسی خیل کے مشران حاجی سعد اللہ، محمد وزیر، نورمحمد عرف مامدی، نعمت اللہ، کونسلر خلیل الرحمٰن، خانہ گل اور ذاکراللہ ودیگر نے پریس کانفرنس سے خطاب کرتے ہوئے کہا کہ بسی خیل کے ملک ماصل اور کرامت آج کے بعد ہمارے مشران نہیں ہیں، ان کو نہیں مانتے کیونکہ وہ قوم کے نام پر مراعات ہڑپ کرتے ہیں ڈی سی، اے سی سمیت تمام سرکاری اداروں کے ذمہ داروں سے اپیل کرتے ہیں کہ آج کے بعد ان کو ہمارے حوالے سے کسی قسم کی میٹنگ میں نہ بلائے اور نہ ہی ہمارے متعلق کسی کام کو اعتماد میں لیا جائے وہ ہمارے مشران نہیں رہے

انہوں نے کہا کہ ہمارے مشران ہم تپہ بسی خیل کے دو فریق ہیں جو باقاعدہ طور پر سول کورٹ لنڈی کوتل اور سیشن کورٹ جمرود میں درخواست بھی دائر کی ہے اور 1976 لسٹ میں 632 افراد اور 67 اس کے علاوہ ہیں یعنی خوگہ خیل بسی خیل میں ہمارے ساتھ اکثریت ہے لہذا طورخم این ایل سی چیک بسی خیل کا جو اس سے قبل ملک ماصل اور کرامت شینواری کے نام پر تھا

اب ہمارے فریق جس کا سربراہ حاجی سعد اللہ ہے اسی کے نام پر چیک کاٹا جائے انہوں نے کہا کہ خوگہ خیل کے دو تپے اشرف خیل اور فاطمی خیل کا قوم میں جو راستہ ہے وہی ہمارے لئے بھی اپنایا جائے

آخر میں انہوں نے کہا کہ اگر این ایل سی ودیگر اداروں نے تپہ بسی خیل کے حوالے سے ہمیں اعتماد میں نہیں تو ہمیں وہ منظور نہیں ہوگا اور اس کے خلاف ہم احتجاج کرنے پر مجبور ہو جائیں گے.

لنڈی کوتل،باغی ٹی وی (نصیب شاہ شینواری کی رپورٹ)پاک افغان بارڈر کی بندش ، پاکستانی معیشت کو 15 کروڑ روپے یومیہ کا نقصان ،تاجر برادری
پاک افغان بارڈر تورخم کی بندش سے تاجروں، کسٹم ایجنٹس اور ٹرانسپورٹرز کو سخت مشکلات کا سامنا ہے، قومی خزانے کو یومیہ پندرہ کروڑ روپےکا نقصان ہو رہا ہے حکومت جلد تجارت کیلئے طورخم سرحدی گذرگاہ کو کھول دیں. صدر ایمل خان شینواری

طورخم کسٹم کلئیرنگ ایجنٹس ایسوسی ایشن چئیرمین معراج الدین شینواری اور صدر ایمل خان کی قیادت میں کسٹم کلیئرنس ایجنٹس، تاجروں اور ٹرانسپورٹرز نے تورخم بارڈر پر پاسپورٹ ویزہ شرط لاگو کرنے کے خلاف احتجاجی مظاہرہ کیا۔

مظاہرین سے خطاب کرتے ہوئے معراج الدین شینواری اور ایمل خان ودیگر نے کہا کہ ہم دونوں ممالک کے ذمہ داران سے مطالبہ کرتے ہیں کہ تورخم بارڈر پر گزشتہ 5 دنوں سے مال بردار گاڑیاں کھڑی ہیں جس سے قومی خزانے کو ٹیکس کی مد میں پندرہ کروڑ روپے اور اس کے ساتھ ساتھ تاجروں کو جس میں پھل اور سبزیاں ہیں کا نقصان ہو رہا ہے۔

انھوں نے مطالبہ کیا کہ ان گاڑیوں کو جانے کی اجازت دی جائے اور ڈرائیوروں پر لاگو ویزہ پاسپورٹ شرط میں خصوصی رعایت دی جائے اور تاجروں اور دو طرفہ تجارت کی بہتری کیلئے اقدامات کئے جائیں اور یہاں کے لوگوں کیلئے روزگار کے مواقع فراہم کیے جائیں ۔

انھوں نے یہ مطالبہ بھی کیا عوام دشمن پالیسیوں کو ختم کیا جائے اور ہمسایہ ممالک کے ساتھ دوستانہ تعلقات بڑھانے کےلیے عوام دوست پالیسیاں بنائی جائیں۔