Category: پشاور

پشاور/ہائیکورٹ نے صوبائی حکومت کو جواب عدالت میں جواب نہ جمع کرنے پر عدالت نے برہمی کا اظہار کر دیا،،وزیراعلی، چیف سیکرٹری، سیکرٹری قانون اور ایڈووکیٹ جنرل پر جرمانہ عائد کر دیا پشاور ہائی کورٹ میں لاء آفیسرز کو ہٹانے اور نئے تعینات کرنے کیخلاف کیس کی سماعت ہوئی ہے، جسٹس عتیق شاہ، جسٹس وقار اور جسٹس شکیل نے سماعت کی، عدالت نے کیس میں جواب جمع نہ کرانے پر جرمانہ عائد کیا ، وزیراعلی، چیف سیکرٹری، سیکرٹری قانون اور ایڈووکیٹ جنرل پر 1،1 لاکھ روپے جرمانہ عائد کر دیا گیا، عدالت نے آئندہ سماعت پر جواب بھی طلب کرکے مساعت ملتوی کردی

پشاور ہائیکورٹ سماعت میں ڈسٹرکٹ اینڈ سیشن جج کے فیصلے پر تنقید کرنے والے ڈی ایس پی کے خلاف توہین عدالت کیس کی سماعت ہوئی ہے سماعت چیف جسٹس محمد ابرہیم خان نے کی، جج کے فیصلے پر تنقید کرنے والے ڈی ایس پی ڈی آئی خان محمد عدنان نے غیر مشروط معافی مانگ لی۔ ایڈوکیٹ جنرل نے عدالت میں استدعا کی کہ ڈی ایس پی نے اپنے آپ کو عدالت کے رحم و کرم پر چھوڑ دیا ہے، اور جج کے فیصلے پر تنقید کرنے والے ڈی ایس پی کو محکمانہ چارج شیٹ بھی کیا گیا ہے،:چیف جسٹس کا ڈی ایس پی کو ایڈیشنل ڈسٹرکٹ اینڈ سیشن جج ڈیرہ اسماعیل خان سے معافی مانگنے کی ہدایت کر دی ہے،چیف جسٹس محمد ابراہیم خان نے کہا کہ ایڈیشنل سیشن جج سے اپنی اس اقدام پر معافی مانگ لے تب ہی اس کو اس کیس سے ڈسچارج کیا جائے گا، عدالت نے سماعت 25 ستمبر تک کےلئے ملتوی کردی.واضح رہے کہ گزشتہ دنوں پشاور میں ایک ڈی ایس پی جانب سے سوشل میڈیا پر عدالتی کاروائی پر تنقید کی گئی تھی،

کمانڈر دیر سکاوٹس بریگیڈیر ثناء اللہ نے پولیس لائنز تیمرگرہ دورہ کیا ہے، کمانڈر دیرسکاوٹس کی پولیس لائنز امد پر لوئردیر پولیس کے چاق و چوبند نے سلامی پیش کی،جبکہ یادگار شہداء پر پھولوں کے گلدستے رکھے اور شہداء کے درجات بلندی کیلئے دعا کی، اس موقع پر انہوں نے ڈی ار سی،انوسٹی گیشن اور سی ٹی ڈی دفاتر،شعبہ جات و دفاتر لائنز کا معائینہ کیا
ضلعی پولیس سربراہ دیرپائین ضیاءالدین احمد نے پولیس لائنز آمد پر کمانڈر دیر سکاوٹس ثناءاللہ کو ضلع کے مجموعی امن وآمان صورتحال اور محکمہ پولیس امور پر تفصیلی بریفینگ دی اس موقع پر 185 ونگ کے کرنل سجاد،ایس پی انوسٹی گیشن ظہوراحمد،ایس پی سی ٹی ڈی امجدخان اور ڈی ایس پی ہیڈکوارٹر فخرعالم خان موجود تھے

خیبرپختونخوا فوڈ سیفٹی اینڈ حلال فوڈ اتھارٹی کا پشاور میں ملاوٹ مافیا کیخلاف خصوصی مہم کا آغاز کر دیا، خصوصی مہم کے تحت فوڈ سیفٹی ٹیم کی پشاور میں پہلی بڑی کاروائی کی گئی، فوڈ اتھارٹی حکام کے مطابق خفیہ اطلاع ملنے پر فوڈ سیفٹی ٹیم کا بشیراباد پشاور کے علاقے میں چائے کے پتی بنانے والی فیکٹری پر چھاپہ مارا گیا،
کارخانے سے 3 ہزار کلوگرام سے زائد غیر معیاری اور مضر صحت چائے کی پتی برآمد کرکے سرکاری تحویل میں لیا گیا، کارخانہ سربمہر، مشینری ضبط، کارخانہ مالک گرفتار کرکے قانونی کارروائی کا آغاز کر دیا گیا ، فوڈ اتھارٹی کے مطابق :چائے کی پتی میں چنے کا چھلکا، نان فوڈ گریڈ کلر، استعمال شدہ چائے اور کیمیکلز کی ملاوٹ کی جا رہی تھی، اور چائے کی پتی کو پنجاب سپلائی کرنا تھا ، ڈاریکٹر جنرل فوڈ اتھارٹی کے مطابق جعلسازوں اور ملاوٹ مافیا کیخلاف زیرو ٹالرنس ہے، شہریوں کی صحت سے کھیلنے والوں کیخلاف آہنی ہاتھوں سے نمٹا جائے گا،

خیبر پختونخوا کے سرکاری کالجز کے اساتذہ اپ گریڈین کے لئے سر آپا احتجاج ہے ، اساتذہ کے احتجاج کے باعث تدریسی عمل کا سلسلہ عارضی طور پر رک گیا۔
احتجاج کا مقصد صوبائی سلیکشن بورڈ کو صوبہ بھر کےسینکڑوں اساتذہ کی اپ گریڈیشن سے متعلق یاد دہانی کرانی ہے۔ خیبر پختونخوا کے سینکڑوں کالجز اساتذہ کے گزشتہ 7 سال سے پروموشن رکے ہوئے ہیں۔
احتجاج کرنے والے اساتذہ نے بتایا کہ گزشتہ سال اکتوبر کے مہینے میں صوبائی سلیکشن بورڈ کے منعقدہ ایک اجلاس میں انکو یقین دہانی کرائی گئی تھی کہ صوبہ بھر کے کالجز اساتذہ کی پروموشن کا مسئلہ جلد حل کیا جائے گا تاہم گزشتہ دنوں صوبائی سلیکشن بورڈ ہی کے ایک اجلاس کے دوران انکا دیرینہ مطالبہ ایجنڈے میں شامل نہیں تھا۔
انکا مزید کہنا تھا کہ کئی بار احتجاج، سوشل میڈیا، میڈیا کے پلیٹ فارمز سے صوبائی سلیکشن بورڈ کو آگاہ کیا گیا لیکن متعلقہ حکام کی جانب سے کوئی شنوائی نہیں ہو رہی جسکے باعث کلاسز سے بائیکاٹ کیا گیا ۔

پشاور انسداد بد عنوانی عدالت میں جعلی شناختی کارڈز بنانے کے الزام میں گرفتار نادرا کے تین افسران سمیت پانچ ملزمان کی ضمانت درخواستوں پر سماعت ہوئی ہے، سماعت سپیشل جج اینٹی کرپشن اینڈ مائیگریشن سنڑمٹرل خیبر پختونخوا رجب علی نے کی ۔ عدالت تمام پانچوں ملزمان کی ضمانت درخواستیں منظور کرتے ہوئے رہا کرنے کے احکامات جاری کردیے ۔ ایف آئی اے کی جانب سے استدعا کی گئی کہ ڈپٹی اسسٹنٹ ڈائریکٹر اکرام اللہ، سپر ٹنڈنٹ فرید خان٫ سینئر ایگزیکٹیو آفیسر عبد الرازق ، اسداللہ اور نثار محمود پر جعل سازی کا الزام ہے ۔ اور ملزمان نے ملی بھگت سے 59 افراد کے لیے جعلی شناختی کارڈز بنائے ہیں ۔
ملزمان نے بعد از گرفتاری ضمانت کی درخواستیں دیں ۔ عدالت نے تمام ملزمان کو ضمانت پر رہا کرنے کا حکم جاری کردیا ۔