Category: پشاور

ویسے تو خیبر پختونخوا کے تمام تعلیمی اداروں کے نتائج انتہائی نا قص ہے لیکن صوبے کے مختلف جیلوں میں عمر قید اور پھانسی کے 12 قیدیوں نے میٹرک پاس کر لیا، جب کہ سنگین جرائم کے 60 قیدیوں نے بھی نویں اور دسویں کے امتحانات پاس کر لئے۔خیبرپختونخوا کی مختلف جیلوں میں عمر قید اور پھانسی کی سزا پانے والے مجرمان نے میٹرک کا امتحان پاس کرلیا ہے۔
سینٹرل جیل پشاور کے جیل سپرٹنڈنٹ کے مطابق خیبر پختوا کے جیلوں میں قید مجموعی طور پر 400 ملزمان نے میٹرک اور انٹر کے امتحانات میں حصہ لیا، جن میں سے میٹرک کے امتحانات میں پاس ہونے والوں کی تعداد 72 ہے، اور کئی قیدی میٹرک امتحان میں فیل ہوگئے ہیں۔
جیل سپرٹنڈنٹ نے کہا کہ کامیاب قیدیوں کی سزا میں ایک سال رعایت دی جائے گی، جب کہ نہم و دہم میں پاس طلباء کو انعامات سے بھی نوازا جائے گا، اور ان قیدیوں کو ڈی ایم سی کی فراہمی آئندہ ہفتے کردی جائے گی۔

نگران وزیر اعلی خیبر پختونخوا محمد اعظم خان سے پشاور میں نو تعینات امریکن قونصل جنرل شانٹی مورے کی ملاقات سے ملاقات کی ہے، ملاقات میں باہمی دلچسپی کے امور پر تبادلہ خیال کیا گیا ہے، مختلف شعبوں میں صوبائی حکومت اور امریکی ترقیاتی اداروں کے درمیان اشتراک کار اور تعاون سے متعلق معاملات پر گفتگو کی گئی ،
نگران وزیر اعلی نے کہا کہ صوبائی حکومت مختلف شعبوں میں امریکی حکومت اور اداروں کے تعاون کو قدر کی نگاہ سے دیکھتی ہے، امید ہے کہ امریکی حکومت صوبے کے ساتھ تعاون کا سلسلہ مزید بہتر انداز میں جاری رکھے گی، نگران وزیر اعلی نےامریکی جنرل سے گفتگو کرتے ہوئے مزید کہا کہ ضم شدہ قبائلی اضلاع میں دوست ممالک اور ڈونر ایجنسیوں کے تعاون کی اشد ضرورت ہے، کئی دہائیوں پر محیط بدامنی کی وجہ سے یہ علاقے ترقی کے میدان میں پیچھے رہ گئے ہیں، اعظم خان نے کہا ان جنگ زدہ علاقوں میں بنیادی انفراسٹرکچر کی تعمیر پر خصوصی توجہ دینے کی ضرورت ہے، ان علاقوں میں روڈ انفراسٹرکچر کی تعمیر ترجیح ہے، امن و امان کو یقینی بنانے کے لئے ضم اضلاع میں پولیس انفراسٹرکچر کو بہتر بنانے کی ضرورت ہے،نگران وزیر اعلی نے خواتین کے تعلیم پر زور دیتے ہوئے کہا کہ بچیوں کی تعلیم کا فروغ صوبائی حکومت کی اہم ترجیحات میں شامل ہے، نگران صوبائی حکومت ان شعبوں میں امریکی تعاون کا خیر مقدم کرے گی اور اس سلسلے میں ہر ممکن تعاون فراہم کرے گی، جس پر امریکی جنرل قونصل نے نیک خواہشات کا اظہار کرت ہوئے کہا کہ امریکی حکومت صوبائی حکومت اور عوام کے ساتھ مل کر عوامی فلاح و بہبود کے کاموں کا سلسلہ جاری رکھے گی، شانٹی مورے نے کہا کہ امریکی حکومت صوبے کے آثار قدیمہ، تاریخی عمارتوں اور تقافتی ورثے کو محفوظ بنانے پر کام کرنے کی خواہاں ہے،

میٹرک امتحانات میں ناقص کارکردگی پر متعلقہ ذمہ داران کے خلاف کارروائی کا فیصلہ کیا گیا محکمہ تعلیم کا میٹرک امتحانات میں غیر تسلی بخش کارکردگی پر سکولوں کے خلاف کارروائی کا فیصلہ کیا گیا، محکمہ تعلیم نے غیر تسلی بخش نتائج پر سرکاری سکولوں کے پرنسپلز سے جواب طلب کرلیا، جس کے لئے محکمہ تعلیم کی جانب سے ایک مراسلہ جاری کر دیا گیا ہے ،مراسلے کے مطابق پشاور جی جی ایچ ایس خیبر کالونی، وزیر باغ، ڈبگری گیٹ سمیت دیگر سکولوں سے جواب طلب کیا گیا ہے، ان سکولوں کے نتائج 50 فیصد سے کم ہے جو غیر تسلی بخش ہے، مراسلہ میں بتایا گیا ہے غیر تسلی بخش نتائج پرنسپل، نویں اور دسویں جماعت کے اساتذہ کی کارکردگی کی عکاسی کرتا ہے، سکولز پرنسپلز کو تفصیلات 15 روز کے اندر جمع کرنے کی ہدایت جاری ہے، مراسلے میں جن 15 سکولوں کی نشاندہی کی گئی ہے ان میں گرلز گورنمنٹ ہائیر سیکنڈری سکول خویدا خیل بھی شامل ہے جسکا نتیجہ صفر فیصد رہا۔ اسی طرح گورنمنٹ گرلز ہائیر سیکنڈری سکول ہزار خوانی کا نتیجہ 5 فیصد رہا۔
گورنمنٹ گرلز ہائیر سیکنڈری سکول اچینی پایاں کا مجموعی طور پر نتیجہ 8 جبکہ گورنمنٹ گرلز ہائیر سیکنڈری سکول وزیر باغ کا نتیجہ 26 فیصد رہا۔ ناقص کارکردگی دکھانے والے سکولوں میں گورنمنٹ گرلز ہائیر سیکنڈری سکول خیبر کالونی، گورنمنٹ گرلز ہائیر سیکنڈری سکول کوکھر، گورنمنٹ گرلز ہائیر سیکنڈری سکول یونیورسٹی ٹاون و دیگر تعلیمی ادارے بھی شامل ہیں۔ محکمہ تعلیم کو جماعت نہم و دہم کے نتائج کی تفصیلات اور متعلقہ ذمہ داران و اساتذہ کی مکمل تفصیلات فراہم کرنے کے بعد کاروائی کیجائے گی۔
واضح رہے کہ خیبر پختونخوا کے تمام تعلیمی بورڈز کے میٹرک کے نتائج کا اعلان گزشتہ ماہ کیا گیا تھا۔ پشاور اور سوات کے تعلیمی بورڈز کے تحت میٹرک امتحانات کے نتائج میں کئی سرکاری اسکولوں کی مجموعی کارکردگی 50 فیصد سے کم رہی تھی۔ نتائج کے مطابق پشاور، سوات، بونیر اور ضلع شانگلہ کے درجنوں اسکولوں کے تمام طلبہ نویں جماعت میں فیل قرار دئیے گئے تھے۔مجموعی طور پر 49 اسکولوں کا نتیجہ صفر فیصد رہا۔ 42 سکولوں میں صرف ایک ایک طالبعلم پاس ہوا تھا۔ ضلع بونیر میں 126 سرکاری اسکولوں میں 18 اسکولوں کا نتیجہ صفر رہا۔ بونیر میں 15 اسکولوں میں صرف ایک ایک طالبعلم نویں جماعت میں پاس ہوا۔ ضلع سوات کے بھی درجنوں سرکاری اور غیر سرکاری اسکولوں کا نتیجہ بھی مایوس کن رہا تھا۔
سوات میں بھی 22 اسکولوں کا نتیجہ صفر فیصد رہا تھا۔ 25 اسکولوں میں ایک ایک طالب علم پاس ہوا۔ ضلع شانگلہ کے دو اسکولوں کا نتیجہ صفر فیصد جبکہ ایک اسکول میں صرف ایک طالبعلم پاس ہوا تھا۔ صوبائی دارالحکومت پشاور میں بھی کئی اسکولوں کا نتجہ دس فیصد سے کم رہا۔
صوبے کے تمام تعلیمی بورڈز کے نتائج آنے کے بعد محکمہ تعلیم خیبر پختونخوا نے ناقص کارکردگی دکھانے والے سرکاری سکولوں کی تفصیلات طلب کرکے ایک ہفتہ میں جمع کرنے کی ہدایت کی تھی۔

مردان کچہ سڑک صوبیدار محلہ میں فائرنگ کے نتیجے میں 2 خواتین سمیت 5 افراد جاں بحق ہو گئے جبکہ ایک راہگیر زخمی ہو گیا ، ریسکیو1122 کے مطابق گولی لگنے سے 2 خواتین اور ایک بچے سمیت 4 افراد جانبحق ہو گئے، جبکہ فائرنگ کرنے والے فریق سے بھی ایک شخص جاں بحق جبکہ دوسرا فرار ہونے میں کامیاب ہو گیا خاندانی ذرائع کے مطابق فائرنگ گھریلو تنازعے کے بنیاد پہ کی گئی ہے،ورثاء کے مطابق ملزم جو کہ مقتولین کا داماد تھا ان کے گھر پر قبضہ کر نا چاہتا تھا اور آئس نشے کا بھی عادی تھا،ملزم اور اسکے بیٹے نے فائرنگ کر کے 2 خواتین اور ایک 4 سالہ بچے سمیت 4 افراد کو قتل کر دیا، جبکہ ایک راہگیر بھی فائرنگ کے زد میں آکر زخمی ہو گیا،
مردان اطلاع موصول ہونے پر ریسکیو1122 ایمبولینسیں اور میڈیکل ٹیم موقع پر پہنچ گئی۔ریسکیو1122 میڈیکل ٹیم نے جانبحق افراد کو ڈی ایچ کیو ہسپتال منتقل کر دیا۔جانبحق افراد میں وقار، زوجہ وقار، مسماۃ ر (والدہ وقار)، اذان ولد وقار (04 سال) اور شیراز شامل ہیں۔

پشاور شاہ عالم پل کے قریب دو افراد کی لاشیں ملی ہیں جنکو فائرنگ کرکے قتل کیا گیا ہے۔ تھانہ داودزئی پولیس کے مطابق شاہ عالم پل کے قریب گاوں ڈاگئی ملا خان میں دو لاشوں کی اطلاع ملتے ہی ایس ایچ او تھانہ داودزئی صدام ریاض، تفتیشی افسران اور دیگر نفری پولیس نے موقع پر پہنچ کر دونوں نعشوں کو پوسٹمارٹم کیلئے ہسپتال منتقل کردیا گیا ہے۔ دونوں مقتولین کی شناخت سجاد سکنہ ڈاگئی ملا خان اور داود جٹی بالا سے ہوئی ہے۔
ذرائع کے مطابق دونوں مقتولین آئس کے عادی تھی جبکہ اس کے ساتھ ساتھ مقتول داود نے چند دن قبل اپنے قریبی رشتہ دار کے گھر سے لاکھوں روپے چوری بھی کی تھی۔ خدشہ ظاہر کیا جا رہا ہے کہ چوری کہ رقم کی تقسیم پر تیسرے ساتھی نے ان کو قتل کیا ہے تاہم اس پہلو پر بھی جامع تحقیقات جاری ہے۔
پولیس تفتیشی ٹیم نے جائے وقوعہ سے خالی خول اور دیگر شواہد اکٹھے کرکے دیگر مختلف پہلوؤں پر بھی مزید تفتیش شروع کردی گئی ہے۔
دوسری جانب تھانہ چمکنی کی حدود میں بھی پولیس کو ایک خاتون کی لاش ملی ہے۔ اطلاع ملنے کے بعد ڈی ایس پی چمکنی زاہد عالم خان مقامی پولیس کے ہمراہ جائے وقوعہ پر پہنچ گئے۔ پولیس کے مطابق خاتون کی شناخت نہ ہوسکی کیونکہ اس کے پاس کسی بھی قسم کی شناختی دستاویزات نہیں ہیں اور نہ ہی تشدد یا کوئی دیگر نشانات موجود ہیں۔جبکہ جائے وقوعہ کا جائزہ لیتے ہوئے اہم شواہد اکھٹے کرکے نعش کو پوسٹمارٹم کیلئے ہسپتال منتقل کردیا گیا ہے۔ پولیس نے تفتیش شروع کردی ہے۔

ملاکنڈ دریائے سوات میں تین دوست ڈوب گئے تاہم ریسکیو 1122 کی جانب سے تلاش جاری ہے ،ریسکیو ٹیم کے مطابق اب تک دو نوجوانوں کی لاشیں نکالی جا چکی ہیں لاشوں کو ورثا کے حوالے کردیا گیا ہے ۔محمدعاصم خان ترجمان ریسکیو کے مطابق تینوں لڑکے کل قلنگئی کے مقام پرنہاتے ہوئے ڈوب گئے تھے،
جبکہ ایک لاپتہ بچے کی تلاش جاری ہے۔

پاکستان مسلم لیگ ن کی چیف آرگنائزر مریم نواز نے کہا ہے ملکی ترقی کو تباہی کے دھانے لا کھڑا کرنے والوں کو عوام جان چکی ہے ،مسلم لیگ (ن) نے خیبرپختونخوا میں آرگنائزنگ کمیٹیوں کی تشکیل کا مرحلہ مکمل کرلیا ،چیف آرگنائزر مریم نواز نے تحصیل یوتھ کوآرڈینیٹرز کے انٹرویوز کئے
اس موقع پر خطاب کرتے ہوئے مریم نواز نے کہا کہ جو پاکستان دو ہزار سولہ میں بنتا دکھائی دے رہا تھا، پاکستانی عوام کو اس سے بہت توقعات وابستہ تھیں،اور وہ توقعات کیوں پوری نہ ہو سکیں ؟ اس کا جواب عوام کو ملنا چاہیے، ملک کو کس نے تباہ کیا سب کو جواب مل چکا ہے،
انہوں نے کہا کہ ترقی کا حق خیبر پختون خواہ کو بھی ہے دس سال میں خیبرپختونخوا کے وسائل کو صرف لوٹا گیا، لوگ سیلاب میں مدد کو پکار رہے تھے، لیکن ہیلی کاپٹر سے نیچے پاؤں نہ اتارے گئے،ہیلی کاپٹر جلسوں کی ڈیوٹی کرتا رہا،نواز شریف خیبر پختونخوا کو ترقی کا حق دیں گے جس سے دس سال محروم رکھا گیا۔
لیگی رہنمانے کہا کہ نوازشریف نے دہشت گردی اور لوڈشیڈنگ کا خاتمہ کیا تھا، سی پیک جیسے منصوبے دوبارہ شروع کر کے بیروز گاری سے نجات دلاناایجنڈا ہے۔ نواز شریف کی قیادت میں مہنگائی، بے روزگاری کے خلاف اعلان جنگ کر دیا ہے۔عوام کو بھاری بلوں اور تلے دبنے والے سلاخوں سے باہر نہیں آئے گے،عوام کو ان کا حق دلا کے رہے گے،ائندہ وزیر اعظم نواز شریف ہی ہونگے،