Category: پشاور

خیبرپختونخوا فوڈ سیفٹی اینڈ حلال فوڈ اتھارٹی کا ملاوٹ مافیا کیخلاف آپریشن، فوڈ سیفٹی ٹیم کاخفیہ اطلاع ملنے پر ضلع مردان کے ہوتی بازارمیں ایک مکان پر اچانک چھاپہ مارا گیا،فوڈ اتھارٹی حکام کے مطابق 8 سو لیٹرز سے زائد غیر معیاری اور مضر صحت دودھ برآمد کرکے تلف، کر دیا گیا، جس. یں دودھ خشک پاؤڈر اور کوکنگ آئل سے تیار کیا جا رہا تھا، فوڈ اتھارٹی حکام نے مزید بتایا کہ دودھ کو مختلف شہروں کو فراہم کیا جا رہا تھا، مالکان کیخلاف مقدمہ درج کر کے قانونی کارروائی کا آغاز کر دیا گیا، فوڈ اتھارٹی کے مطابق ملاوٹ مافیا کیخلاف زیرو ٹالرنس ہے، ڈائریکٹر جنرل فوڈ اتھارٹی شاہ رخ علی خان نے مزید کہا کہ ایسے عناصر کیخلاف بروقت فوڈ اتھارٹی حکام کو اطلاع دیں،تاکہ فوری طور پر ایکشن لیا جائے ،

سوات تھانہ فتحپور کے پولیس کی کامیاب کاروائی ، چوری کے مختلف واردتوں میں ملوث ملزمان گرفتار ،09 لاکھ سے ذائد نقدی رقم اور دیگر سرقہ شدہ سامان برآمد کیا گیا، ایس پی اپر سوات محمد زمان خان نے اس حوالے سے اپنے دفتر میں میڈیا نمائندگان کو بریفنگ دیتے ہوئے کہا کہ تھانہ فتحپور پولیس کو گزشتہ کچھ دنوں میں نامعلوم ملزمان رات کے تاریکی میں مختلف دکانوں سے تالے توڑ کر نقدی اور مختلف سامان چوری ہونے کی شکایات موصول ہوئی تھی۔ جس کا نوٹس لیتے ہوئے آر پی او ملاکنڈ محمد علی خان اور ڈی پی او سوات شفیع اللہ گنڈاپور نے مجھے ملوث ملزم /ملزمان کو ٹریس آؤٹ کر کے فوراً گرفتار کرنے کا ٹاسک سونپا تھا ،انہوں نے کہا کہ میں نے ملوث ملزمان تک رسائی حاصل کرنے کے لئے ایس ڈی پی او خوازہ خیلہ سید احمد خان کے نگرانی میں ایس ایچ او تھانہ فتحپور اور دیگر پولیس ٹیم پر مشتمل ایک ٹیم تشکیل دی جنہوں نے ٹیکنیکل طریقے سے کاروائی کرتے ہوئے چوری کے مختلف وارداتوں میں ملوث ملزم مقرب شاہ ولد رستم خان ساکن بٹگرام کو گرفتار کر کے اس کے قبضے سے نقد رقم جو 9 لاکھ 2 ہزار 665 روپے اور دیگر مسروقہ سامان برآمد کر لیا گیا ہے۔

محکمہ انسداد دہشت گردی نے پشاور میں دہشت گردی کا منصوبہ ناکام بناتے ہوئے کارروائی کے دوران 2 دہشت گردوں کو مار ڈالا۔ وحدت نیوز کے مطابق ترجمان محکمہ انسداد دہشت گردی کے مطابق پشاور کے علاقے ریگی ماڈل ٹاؤن فیز 4 میں دہشت گردوں کے ایک گروہ کے اڈے پر چھاپہ مارا گیا اور کارروائی کے نتیجے میں 2 دہشت گرد ہلاک ہوگئے جبکہ ان کے 6 ساتھی فرار ہوگئے۔محکمہ انسداد دہشت گردی کے ترجمان نے بتایا کہ دہشت گرد پولیس پر حملہ، ٹارگٹ کلنگ اور تخریب کاری کا منصوبہ بنانے میں مصروف تھے کہ انہیں جا لیا گیا۔
ترجمان نے مزید بتایا کہ دہشت گردوں کے قبضے سے ایس ایم جی، ہینڈ گرنیڈ، خنجر، فوجی وردیاں، بیٹری سیل سمیت دیگر چیزیں بھی برآمد ہوئیں۔
واضح رہے کہ خیبر پختونخوا میں دہشت گردوں کی جانب سے پولیس و عوام پر حملوں کا سلسلہ جاری ہے اور گزشتہ ماہ بھی جے یو آئی ورکرز کنونشن پر خود کش دھماکے کے نتیجے میں 50 سے زائد افراد شہید اور 100 کے قریب زخمی ہوگئے تھے۔

خیبرپختونخوا کے بنوں میں سیکیورٹی فورسز کی گاڑی پر خودکش حملے کے نتیجے میں 9 سیکیورٹی اہلکار شہید جبکہ 20 زخمی ہوگئے۔بنوں جانی خیل تھانے کے ایس ایچ سید رحمان نے جاں بحق اور زخمی ہونے والوں کی تعداد کی تصدیق کرتے ہوئے کہا کہ مالی خیل چیک پوسٹ کے قریب سیکیورٹی فورسز کی گاڑی کھڑی تھی جس کے ساتھ مبینہ خودکش حملہ آور نے ان کی موٹر سائیکل کو ٹکر مار دی۔
ذرائع کے مطابق موٹر سائیکل پر سوار خودکش بمبار نے مالی خیل چیک پوسٹ پر اس وقت خود کو دھماکے سے اڑا لیا جب ایک فوجی قافلہ علاقے سے گزر رہا تھا۔ دھماکے کے بعد سیکیورٹی فورسز نے جائے وقوعہ کو گھیرے میں لے کر سرچ آپریشن شروع کردیا۔ میڈیا رپورٹ کے مطابق بنوں خودکش حملے میں شہید ہونے والے اہلکاروں میں نائب صوبیدار صنوبر، حوالدار عارف، حوالدار آفتاب، عمران، سپاہی حبیب، سپاہی ذیشان، سپاہی راشد، سپاہی احمد علی اور سپاہی وارث شامل ہیں، حوالدار اشرف، حوالدار یاسین، حوالدار اور سپاہی۔ شاہد سعید، حوالدار ارسلان، نائیک طارق، نائیک ضمیر، لانس نائیک نوید، سپاہی انور، سپاہی ممتاز، سپاہی ناصر، نیاز، ریاض، سپاہی فدا حسین، سپاہی وقار، سپاہی اعجاز، سپاہی راشد، سپاہی بلال، سہیل اور سپاہی شامل ہیں۔ .
ابھی تک کسی گروپ نے اس خودکش حملے کی ذمہ داری قبول نہیں کی ہے تاہم ٹی ٹی پی گروپ نے ایسے حملوں کی ذمہ داری قبول کی ہے۔ ڈی ایس پی کی جانب سے اس خودکش حملے کی تصدیق نہیں کی گئی،دوسری جانب نگران وزیر اعظم انوار الحق کاکڑ کی جانب سے سیکیورٹی فورسز کے قافلے کی شدید مزمت کرتے ہو کہا ہے کہ شر پسند عناصر کبھی اپنی مزموم عزائم میں کامیاب نہیں ہو سکتیں ،انہوں شہید اور زخمیوں کے خاندانوں کے ساتھ ہمدردی کا اظہار کیا ہے اور کہا کہ فوج کے قربانیوں کع کبھی رائیگاں نہیں جانے دینگے،

بجلی کے غیر قانونی کنکشنز کیخلاف صوبے بھر کی طرح مردان میں بھی کاروائیاں کی جائیں گی، ڈپٹی کمشنر مردان زیر صدارت بجلی چوری کی روک تھام کے حوالے سے میٹینگ کا انعقاد کیا گیا، جس میں ایڈیشنل ڈپٹی کمشنر سمیع الرحمان، اسسٹنٹ و ایڈیشنل اسسٹنٹ کمشنرز ، ایس پی سیکیورٹی سمیت واپڈا حکام نے شرکت کی۔
ڈپٹی کمشنر نے میٹینگ کے شرکا کو اگاہ کیا کہ کنڈوں کے تدارک اور غیر قانونی کنکشنز کیخلاف صوبے بھر میں کاروائیوں میں تیزی لانے کی ہدایت کی گئی۔ صوبائی حکومت خیبرپختونخوا نے عوام کو ریلیف دینے کے لئے واپڈا حکام کو لوڈ شیڈنگ میں کمی کی ہدایت کی ہے۔
ڈپٹی کمشنر نے ایڈمنسٹریشن افسران کو محکمہ واپڈا اور پولیس کے ہمراہ مشترکہ غیر قانونی کنکشنز اور بجلی چوری کیخلاف مہم کا باقائدہ آغاز کرنے کی ہدایات جاری کی ۔
ڈپٹی کمشنر نے میڈیا سے گفتگوکرتے ہوئے کہا کہ ایسے عناصر رضاکارانہ طور پر غیر قانونی کنکشنز اور بجلی چوری کرنے چھوڑ دیں اسکے ساتھ ساتھ واپڈا کے بقایا جات بھی جمع کروا دیں بصورت دیگر بروز پیر سے کاروائی کا آغاز کیا جائیگا۔

بجلی بلوں میں اضافے کے خلاف خیبرپختونخوا میں آج عدالتی کارروائی کا بائیکاٹ کیا گیا،بجلی اور گیس بلوں میں اضافے کے خلاف خیبرپختونخوا بار کونسل کی کال پر آج وکلاء نے عدالتی کارروائی کا بائیکاٹ کیا ہے۔صوبہ بھر میں وکلاء آج عدالتوں میں پیش نہیں ہوئے۔ وکلاء کا کہنا ہے کہ بجلی اور گیس کے بلوں میں اضافے کو فوری واپس لیا جائے۔ بجلی بلوں میں اضافہ واپس نہیں لیا گیا تو احتجاج شروع کریں گے۔
وکلاء کا کہنا تھا کہ بجلی بلوں میں اضافی ٹیکسز کی وجہ سے عوام آج بجلی بل جمع کرنے سے قاصر ہے۔ مہنگائی کی وجہ سے عوام دو وقت کی روٹی کے لئے ترس رہے ہیں اور حکومت ٹیکسز پر ٹیکسز لگا رہی ہے۔ان کا کہنا ہے کہ حکومت عوام پر بوجھ ڈالنے کی بجائے اپنی عیاشیاں کم کریں۔ بیوروکریٹس, ججز, جرنیلوں کے لئے مفت بجلی,گیس,پٹرول اور ہوائی سفر کی سہولت ختم کیا جائے۔
پشاور ہائیکورٹ بار ایسوسی ایشن نے بھی حکومت کو 31 اگست تک بجلی بلوں میں اضافہ واپس لینے کا مطالبہ کیا ہے۔ بجلی بلوں میں اضافہ واپس نہ لینے پر ہائیکورٹ بار ایسوسی ایشن نے احتجاجی تحریک شروع کرنے کی دھمکی دی ہے۔

پرویز خٹک جیسے ضمیر فروشوں نے ہمیشہ ملکی سیاست و جمہوریت کو نقصان پہنچایا،

جمعیت علمائے اسلام کےصوبائی جنرل سیکریٹری عطاءالحق درویش ,ڈپٹی جنرل سیکریٹری اور سابق صوبائی وزیر مولانا امان اللہ حقانی نے پرویز خٹک کے بیان پر تبصرہ کرتے ہوئے کہا ہے کہ ملک و قوم کو ہمیشہ پرویز خٹک اور ان کے ساتھیوں جیسے ضمیر فروشوں نے لوٹ کر نقصان پہنچایا ہے، پرویز خٹک ہوش میں رہ کر بات کریں، پوری قوم اور بچہ بچہ جانتا ہے کہ پرویز خٹک نے ہمیشہ اپنے ذاتی مفادات کو ہمیشہ اولین ترجیح دی ہے اور ذاتی مفادات کے حصول کیلئے ہر الیکشن میں اپنی وفاداریاں تبدیل کرتے ہوئے خانہ بدوشوں کی طرح سیاسی جماعتیں تبدیل کی ہیں، ضمیر فروشی،بے وفائی جس کا وطیرہ ہو اس کے منہ سے تمام سیاسی قائدین پر کیچڑ اچھال کر انکو عوام کے ساتھ مخلص نہ ہونے کا بیان دینا زیب نہیں دیتا-پرویز خٹک کا سیاسی لیڈروں کی عوام سے مخلص نہ ہونے سے متعلق قرآن پر ہاتھ رکھ کر بیان حلفی کے ردعمل میں انہوں نے کہا کہ پرویز خٹک نے روز اول سے ہر الیکشن میں ضمیر فروشی کی ہے،5 سال وزیر اعلٰی اور 4 سال وفاقی وزیر کے منصب پر براجمان رہنے والے پرویز خٹک اور 4 سال وزیراعلٰی، 5 سال صوبائی وزیر کے عہدہ پر رہنے والے محمود خان نے کرپشن کی ایک طویل داستانیں رقم کی ہیں-اور آج اپنی کرپشن کی داستانوں کو ختم کرانے کیلئے یہ دونوں کسی کے اشارے پر یہ سب کچھ کر رہے ہیں-

عطاءالحق درویش کا کہنا تھا کہ قوم اس سے بخوبی واقف ہے اور ہم مقتدر قوتوں سے مطالبہ کرتے ہیں کہ ان دونوں شخصیات کی اربوں روپے کی کرپشن کی تحقیقات کرائی جائیں تاکہ قوم کو پتہ چلے کہ کس طرح ان لوگوں نے قومی خزانہ و صوبہ کو تباہی کے دہانے پر پہنچایا، انہوں نے کہا کہ پرویز خٹک اور محمود خان نا صرف صوبہ بلکہ ملک و قوم کے بھی ہمدرد نہیں ہیں یہ وہ لوگ ہیں جنہوں نے اپنی کرپشن کو پروان چڑھانے کیلئے صوبہ خیبرپختونخوا جو کہ 1947 سے 2012 تک 88 ارب کا مقروض تھا اسکو ان دونوں شخصیات نے ملکر اپنے دور اقتدار میں 9 سو ارب کا مقروض بنا دیا،یہ وہ لوگ ہیں جنہوں نے مانسہرہ پاور ہاوس کیلئے لئے گئے 20 ارب روپے ڈکار لئے بغیر ہڑپ کر چُکے ہیں جس پر اج تک ایک اینٹ بھی نہیں لگی-انہوں نے کہا کہ بی آر ٹی، بلین ٹری سونامی اور مالم جبہ سمیت درجنوں منصوبوں میں انکی کرپشن کی داستانیں ہر خاص و عام کو معلوم ہیں،پشاور ھائی کورٹ نے بھی ان کیسوں کی انکوائری کے احکامات صادر کئے تھے-اگر نیب نے انکی کرپشن کی شفاف تحقیقات نہ کیں تو ہم سمجھ جائیں گے کہ سپریم کورٹ نے بالکل درست کہا کہ نائب قاصد بھرتی کرنے کے الزام میں افراد نیب کی جیل میں ہوتے ہیں جبکہ اربوں روپے لوٹنے والے آزادانہ گھوم رہے ہیں، انہوں نے کہا کہ جمعیت علمائے اسلام ملک میں نظریاتی سیاست کر رہی ہے جس کا منشور ملک و قوم کو ترقی کی شاہراہ پر ڈال کرقومی یکجہتی اور آئین کی حکمرانی قائم کرنا ہے، جے یو آئی ملک کے دستور کے مطابق اسلامی نظام کیلئے کوشاں ہے، صوبہ کی عوام اب پرویز خٹک اور محمود خان جیسے ضمیر فروشوں اور بدعنوانوں سے جان چھڑوانا چاہتی ہے کیونکہ یہ وہ لوگ ہیں جو کبھی کسی ایک سیاسی جماعت سے وفادار نہیں رہے تو ملک و قوم کے کیسے وفادار بن سکتے ہیں،

بادلوں کی وجہ سے طیارے راڈار میں نہیں آتے، بھارتی آرمی چیف کی مودی کے بیان کی تصد

بھارتی ائیر فورس نے مقبوضہ کشمیر کے سرینگر ائیر بیس کے سینئر ترین ائر آفیسر کمانڈر کا تبادلہ کر دیا

اپنا ہیلی کاپٹر گرانے والے بھارتی آفیسر کے ساتھ بھارت نے کیا سلوک کیا؟

پاکستان کو دھمکیاں دینے والے بھارت کا ہیلی کاپٹر کیسے تباہ ہوا؟ جان کر ہوں حیران

بریکنگ.بھارتی فضائیہ کا جنگی طیارہ تباہ، کیپٹن ہلاک

بھارتی فضائیہ کا جنگی طیارہ تباہ،پائلٹ ہلاک، رواں برس کتنے طیارے تباہ ہو چکے؟

انہوں نے کہا کہ جمعیت علمائے اسلام اپنے منشور، روایات کے مطابق ملک و قوم کی ترقی کیلئے ہمہ وقت کوشاں ہے اور ان شاءاللہ عوام کے ووٹ و اعتماد کی طاقت سے برسراقتدار آکر عوام کو چوروں، بد عنوانوں سے نجات دلائے گی-انہوں نے کہا کہ ہوشربا مہنگائی اور بجلی کی قیمتوں میں اضافے کے یہی لوگ ذمہ دار ہیں-جمیعت اس کی اجازت کسی کو نہیں دیگی 25 کڑور عوام کا ملک اس طرح نہیں چل سکتا ھے کہ پہلے ایک کرکٹر کے حوالے کرکے تباہ کیا اور اب ان کے باقیات کے حوالے کر کے تباہ کیا جائے-مقتدرہ قوتیں بھی ہوش کے ناخن لیں

کوہاٹ انڈس ہائی وئے پر سی این جی کے قریب موٹرکار اور فلائینگ کوچ کے درمیان تصادم کے کے نتیجے میں 3 افراد زخمی ہو گئے،جسکی اطلاع ریسکیو کنٹرول روم کو موصول ہوتے ہی ریسکیو 1122 کی میڈیکل ٹیم نے بروقت رسپانس کیا اور زخمی ہونے والے افراد کو موقع پر ہی ابتدائی طبی امداد فراہم کی،ابتدائی طور پر حادثے کی وجہ تیز رفتاری بتائی جا رہی ہے،

پشاور میں چینی فی کلو 170 سے 175 روپے میں فروخت ہونے لگی۔شہریوں کے مطابق ایک طرف بجلی کے بھاری برکم بل تو دوسری جانب مہنگائی کے ستائے عوام کے لیے چینی خریدنا بھی مشکل ہو گیا ہے۔پٹرول کی قیمتوں میں اضافے کے بعد دیگر اشیا خورد و نوش کی طرح چینی کی قیمتوں کو بھی پر لگ گئے ہیں، آئے روز قیمتوں میں اضافے سے پریشان شہری مایوسی کا شکار ہونے لگے ہیں۔پشاور میں ایک ہفتے کے دوران چینی کی قیمتوں میں 20 روپے سے زائد کا فی کلو اضافہ کیا گیا ہے، تاجروں نے ملبہ نگراں حکومت کی جانب سے بڑھائے گئے پٹرول، گیس اور بجلی قیمتوں پر ڈال دیا۔
اس صورت حال میں عوام حکومت سے پٹرول اور بجلی کی قیمتوں میں کمی کا مطالبہ کر رہے ہیں لیکن حکومت ساری ذمہ داری آئی ایم ایف پر ڈال کر ہاتھ پر ہاتھ دھرے بیٹھے نظر آ رہی ہے۔