Category: پشاور

مردان بجلی پٹرول کی قیمتوں میں اضافہ اوور بلنگ اور بڑھتی ہوئی مہنگائی کے خلاف عوام کا غصہ ابھی تک ٹھنڈا نہ ہو سکا ، یونین کونسل کس کورونہ سعید آباد چئیر مین عبداللہ جان کی سربراہی میں کی سربراہی میں بجلی کے بلوں میں ناروا ٹیکس کے خلاف احتجاجی مظاہرہ کیا گیا ، مظاہرین نے پلے کارڈ اٹھا رکھے تھے جس میں آئی ایم ایف ایجنڈا نامنظور کے نعرے درج تھے مظاہرین نے بل جلا کر سڑک بلاک کر دی، حکومت کے خلاف نعرے بازی کی گئی بے تحاشا بل آنے پر متعدد مظاہرین نے احتجاجاً بلز نظر آتش کر دئیے مظاہرے میں شامل معززین نے کہا کہ تمام سرکاری افسران اور حکمرانوں کے مفت یونٹ فوری طور پر ختم کیئے جائیں،
علاقہ مکین اور غیور عوام نے بجلی اور تیل کی بڑھتی ہوئی قیمتوں کو مسترد کر دیا
احتجاجی ریلی میں بزاروں کی تعداد میں لوگوں نے شرکت کی اور کس کورونہ مین صوابی روڈ کو دونوں اطراف سے ٹریفک کے لیے بند کیا گیا تھا کسی بھی ناحوش گوار موقع سے نمٹنے کے لیے مقامی پولیس کی بھاری نفری بھی موجود تھی چئیرمین عبداللہ جان اور ممبران نے واضع کیا کہ اگر ھمارے مطالبات منظور نہیں کئے گئے تو ھم اسلام آباد جانے پر وزیر اعظم ھاؤس کے سامنے احتجاج پر مجبور ھوجائے گے،

پی ٹی آئی پارلیمنٹرینز کے سربراہ پرویز خٹک نے کہا کہ اللہ کرے ملک میں امن اور خوشحالی آئ سی پیک میں 2025 میں مکمل ہونا ہے، پرویز خٹک نے بتایا کہ اصل سرمایہ کاری 2025 کے بعد سے آئے گی، مہنگائی بڑا مسئلہ ہے، قرضے ہمیں لے ڈوبے ہیں، پرویز خٹک نے مزید کہا کہ قرضے اتارنے کے لئے قرضے لئے گئے، جب تک ڈاکومینٹیشن نہیں ہوگی ملک ترقی نہیں کر سکتا، پرویز خٹک نے کہا کہ میں عمران خان کو بدنام کیا نہ کروں گا، اسی نے ہی ملک کو اس نہج پہ لا کھڑا کیا ہے ،
میں پالیسوں اور اصول کی بات کی بات کرتا ہوں، پرویز خٹک نے مزید کہا کہ پی ٹی آئی کے دور میں عوام کو کچھ نہ دے سکے، عمران خان کو صرف اپنے اقتدار کی فکر ہو رہی تھی، اور آج ان کی ہٹ دھرمی ہے جسکی وجہ سے انکا انجام سب کے سامنے ہی ہے،ایلکش کے بارے میں ہم کوئی جھوٹا دعوی نہیں کرے گے امید ہے فروری میں کئے جائے،

نوشہرہ میں ڈینگی وائرس کے پانچ کیسز سامنے آگئے۔ ڈسٹرکٹ ہیلتھ آفیسر نوشہرہ ڈاکٹر محمد شعیب خان کے مطابق ڈینگی وائرس کی روک تھام کے لیے محکمہ صحت نے ہائی الرٹ جاری کرتے ہوئے ضلع بھر میں ڈینگی کی روک تھام کے لیے مختلف ٹیمیں تشکیل دے دی۔ ٹی این این کے مطابق ڈسٹرکٹ ہیڈکوارٹر ہسپتال نوشہرہ سمیت چھ ہسپتالوں میں ڈینگی آئیسولیشن وارڈ قائم کردیئے گئے ہیں۔ ڈپٹی کمشنر نوشہرہ کبیر افریدی کے مطابق کینٹوئمنٹ بورڈز اور ٹی ایم اوز کو ڈینگی وائرس کی روک تھام کے سلسلے میں خصوصی حفاظتی اقدامات کرنے کے احکامات جاری کردیئے گیے ہیں۔ ڈسٹرکٹ ہیلتھ آفیسر نوشہرہ ڈاکٹر محمد شعیب خان کے مطابق ڈینگی وائرس کے اب تک سرکاری طور پر پانچ کیسز رپورٹ ہوئے ہیں جبکہ پرائیوٹ ہسپتالوں میں بھی مریضوں کی موجودگی کا انکشاف سامنے آیا ہے۔ سی ایم ایچ نوشہرہ اور سی ایم ایچ رسالپور سے بھی معلومات شیئر کرنے کے لیے مشاورت کا سلسلہ جاری ہے۔ڈپٹی کمشنر نوشہرہ کبیر افریدی کے مطابق محکمہ صحت کی ٹیموں کو ضلع بھر اور کینٹ کے علاقوں میں ڈینگی لاروا کی روک تھام کے لیے اقدامات کر نے کی سخت ہدایات کی گئی ہیں۔ ڈپٹی کمشنر نے ٹی این این کے نمائندے کو مزید بتایا کہ کینٹونمنٹ بورڈز اور ٹی ایم اوز کو ڈینگی وائرس کی روک تھام کے لیے متاثرہ علاقوں میں آئی آر ایس ڈینگی سپرے بھی شروع کرنے کی ہدایات جاری ہے۔ انہوں نے کہا کہ ضلع بھر میں ڈینگی سے متاثرہ افراد کو گھر اور بی ایچ یوز کی سطح پر تمام طبی سہولیات فراہم کرنے کے بارے میں منصوبہ بندی کی جارہی ہے۔

کے پی کے نگران وزیر اطلاعات بیرسٹر فروز جمال شاہ کاکا خیل کا خصوصی طلباء کو پشاور سے نتھیاگلی بھیجنے کے دورے کے موقع پر میڈیا گفتگو کرتے ہوئے کہا کہ
خصوصی طلباء کو پشاور سے نتھیاگلی 4 دن کے سفر پر بھیجا جا رہا ہے۔بریسٹر فیروز جمال شاہ کاکاخیل نے بتایا کہ خصوصی طلباء نتھیہ گلی، ایبٹ آباد اور دیگر خوبصورت مقامات کا دورہ کرینگے اور دل کی آنکھ سے پاکستان کی خوبصورتی دیکھے گے،انہوں نے کہا کہ خصوصی بچوں میں موجود ہنر کو اجاگر کرنے کے لئے اقدامات کرینگے،
خصوصی بچوں سے پیار محبت، اللہ کی رضا کے لیے ہم پر فرض ہے، یہ سفر سیاحت کے لیے فائدہ مند ہوگا اور خصوصی طلبہ کے لیے یادگار سفر ہوگا۔بریسٹر فیروز جمال شاہ نے کہا کہ جو قابلیت اور صلاحیت ان خصوصی بچوں کو اللہ نے دی ہے، وہ قابل ستائش ہے، انہوں نے کہا ہمیں مہنگائی کا بھی احساس ہے، کوشش کر رہے ہیں کہ عوام کو ریلیف دیں۔ جب تک اللہ نے موقع دیا ہے ہم دل سے عوام کی خدمت کر رہے ہیں۔بریسٹر فیروز جمال شاہ کاکاخیل نے
پشاور،کالجز میں داخلے کے لئے اعلی تعلیم کی جانب سے متعارف کردہ پورٹل کی غیر فعالیت پر بھی نوٹس لے لی،
داخلوں کے لیے پورٹل کی 24 گھنٹے فعالیت کو فوری یقینی بنایا جائے ۔نگراں وزیر بیرسٹر فیروز جمال نے احکامات جاری کرتے ہوئے کہا کہ طلباء و طالبات کو درپیش مشکلات کا احساس ہے ۔ فیروز جمال کے مطابق وفاقی حکومت کے ذمہ بجلی منافع کے اربوں روہے بقایاجات ہیں ، بجلی بقایاجات پر پہلی بھی کمیٹی بنی لیکن عمل نہیں ہوا، نگران وزیر اطلاعات کے پی کے نے کہا کہ وفاقی حکومت بقایاجات نہیں دینگی تو صوبہ کیسے چلے گا؟

ہنگو: سٹی پولیس نے غیر ملکیوں کو پاکستانی جعلی دستاویزات فراہم کرنے والے گینگ کے تین ایجنٹ گرفتار کر لیے گئے، ہنگو ایس ایچ او فیاض خان کے مطابق
کاروائی میں تین غیر ملکی بھی گرفتار ہو گئے گرفتار غیر ملکیوں کو پاکستانی پاسپورٹ اور شناختی کارڈ جعلی طریقے سے بنانے کے لیے مجموعی طور پر 61 لاکھ میں بات ہوئی تھی،ایس ایچ او نے کہا کہ گینگ کا سرغنہ پشاور میں ہے جس کی گرفتاری کی کوششیں جاری ہیں،ایس ایچ او ہنگو نے کہا کہ گینگ غیر ملکیوں کو پاکستانی شہریت دلانے اور انہیں غیر قانونی طریقے اور جعل سازی سے دیگر ممالک بجھواتے تھے,، گروہ کے تین ایجنٹ اور غیر ملکی ہنگو نادرہ آفس کے باہر موجود تھے خفیہ اطلاعات پر کاروائی کی گئی، ملزمان کے خلاف فارن ایکٹ،420 اور دیگر دفعات کے تحت مقدمہ درج کیا ہے،ایس ایچ او ہنگو نے کہا کہ ملزمان کے خلاف تحقیقات کا دائرہ بھی وسیع کیا جا رہا ہے،

خیبرپختونخوا ریسکیو 1122 ڈائریکٹر جنرل ڈاکٹر خطیر احمد کی سربراہی میں ڈسٹرکٹ ایمرجنسی آفیسر صوابی رفیع اللہ مروت نے ریسکیو 1122 صوابی ماہانہ کارکردگی رپورٹ جاری کر دی ہے، رپورٹ کے مطابق ریسکیو 1122 صوابی کنٹرول روم کو گزشتہ ماہ اگست میں(48490) کالز موصول ہوئیں جن میں سے(732) ایمرجنسی کالز تھیں ریسکیو 1122 صوابی نے ماہ اگست میں مجموعی طور پر 732 ایمرجنسیز میں ریسپانس کیا. جس کے نتیجے میں(688)افراد کو ریسکیو کرکے ہسپتال منتقل کیا گیا جبکے (25) افراد موقع پر ہی جاں بحق ہوگئے۔
​​​​​​​(100) ٹریفک حادثات،(569) میڈیکل ایمرجنسیاں، آگ لگنے کے (15) واقعات،(25) لڑائی جھگڑے/گولی لگنےکے, (07) ڈوبنے کے واقعات اور اس کی علاؤہ (16) دیگر نوعیت کے واقعات تھیں،(226) مریضوں کو بہتر طبی سہولتوں کے حصول کیلئے پیشنٹ ریفرل سروس کے تحت صوابی کے محتلف ہسپتالوں کو منتقل کیا گیا، ڈسٹرکٹ ایمرجنسی آفیسر رفیع اللہ مروت کیطرف سے تمام ونگ انچارجز کی کارکردگی کو سراہا گیا اور مزید بہتر کرنے کی ہدایات جاری کیں،انہوں نے کہا کہ کسی بھی ایمرجنسی میں بروقت ریسکیو سروس کی فراہمی ہماری اولین ترجیح ہے انہوں نے ہدایات دی کہ موٹر سائیکل سوار ہیلمٹ کا استعمال یقینی بنائیں،دوران سفر تیز رفتاری سے اجتناب کیا جائے،کسی بھی ایمرجنسی کی صورت میں ریسکیو 1122 پر مفت کال کریں شکریہ۔

پاکستان تحریک انصاف خیبرپختونخوا بیرسٹر محمد علی سیف نے کہا ہے کہ الیکشن کمیشن کے پاس انتخابات کے علاوہ کوئی چارہ نہیں اور الیکشن کمیشن کی جانب سے انتخابات میں تاخیر صریح خلاف ورزی ہے۔ بیرسٹر محمد علی سیف نے الیکشن کمیشن اور انتخابات کے انعقاد سے متعلق اپنے ردعمل میں کہا کہ سپریم کورٹ کے فیصلے سے یہ بات سامنے آئی ہے کہ الیکشن کمشنر بار بار قانون کی خلاف ورزی کر رہا ہے۔
بیرسٹر محمد علی سیف نے مزید کہا کہ خیبرپختونخوا کے گورنر اور نگراں حکومتوں کے خلاف قانونی کارروائی ہو سکتی ہے کیونکہ گورنر اور نگراں حکومتوں کو بھی عام انتخابات میں کوئی دلچسپی نہیں ہے۔بیرسٹر سیف نے کہا کہ ملک کے معاشی استحکام کے لیے عام انتخابات کا انعقاد ضروری ہے اور غیر قانونی اقدامات آرٹیکل 6 کی صریح خلاف ورزی ہے۔

پشاورکے جامعات کے اخراجات پورے کرنے کیلئے طلباء پر مزید بوجھ ڈالنے کی تیاری کی جا رہی ہے،اسلامیہ کالج یونیورسٹی پشاور،جامعہ پشاور،خیبرمیڈیکل یونیورسٹی، زرعی یونیورسٹی نے اپنی فیسیں بڑھا دی ہے،جس کے حوالے سے ایک دستاویز جاری کیا گیا ہے ،دستاویز کے مطابق اسلامیہ کالج پشاورمیں اوپن میرٹ پر پری میڈیکل فیس 45 ہزار سے بڑھا کر 49 ہزار 465 روپے کردیا گیا، اسی طرح سیلف فنانس پر پری میڈیکل کی فیس میں 13 ہزار روپے کا اضافہ کر دیا گیا جس کے بعد فیس 98 ہزار روپے سے بڑھ کر 1 لاکھ 11 ہزار روپے کردی گئی اسی طرح پری انجنئیرنگ میں 5 ہزار روپے کا اضافہ، کرنے کے بعد فیس 47 ہزار روپے ہوگئی ،
دستاویز کے مطابق اسلامیہ کالج پشاور انتظامیہ نے ہاسٹلز فیسوں میں بھی 3 ہزار روپے کا اضافہ کردیا، 4 سالہ بی ایس پروگرام میں بھی 5 ہزار روپے فی سمسٹر کا اضافہ کر دیا گیا، اسلامیہ یو نیورسٹی نے ایم فیل کی فیس 5 ہزار اور پی ایچ ڈی کی فیس میں فی سمسٹر7 ہزار روپے اضافہ کردیا گیا،
دستاویز کے مطابق جامعہ پشاور نے بھی بی ایس،ماسٹرز،ایم فل اور پی ایچ ڈی کے فیسوں 10 سے 13 فیصد تک اضافہ کردیا ، زرعی یونیورسٹی پشاور میں داخل ہونے والے طلبہ سے بھی 10 فیصد اضافی فیس وصول کی جائے گئی ، جبکہ خیبر میڈیکل یونیورسٹی نے بھی امتحانی فیسوں میں اضافہ کر کے اعلامیہ جاری کردیا ،اعلامیے کے مطابق پرووسٹ اسلامیہ کالج اور یو نیورسٹی آف پشاور کی جانب سے فیسوں میں اضافہ قانونی قرار دیا گیا ہے، زرعی یونیورسٹی اور جامعہ پشاور کی فیسوں میں اضافہ کا فیصلہ سینڈی کیٹ کی منظوری کے بعد کیا جا رہا ہے،واضح رہے کہ پشاور کے مختلف جامعات لمبے عرصے سے مالی مشکلات کا شکار ہے جسکی وجہ کبھی یونیورسٹیوں میں لگے درختوں کو کاٹ کر بیچا جا رہا ہے تو کبھی طلباء کو فیسوں میں اضافے کی شکل میں تنگ کیا جا رہا ہے،

خیبر پختونخوا کا دارالحکومت پشاور جرائم کا شہر بن گیا۔ پشاور پولیس کے مطابق رواں برس پہلے 8 ماہ کے دوران پشاور میں 25 ہزار 884 جرائم رپورٹ کئے گئے جو اس مدت میں اوسط روزانہ 107 جرائم بنتے ہیں اور ہر گھنٹے کی بات کی جائے تو 4 سے زائد جرائم ہورہے ہیں۔ یعنی پشاور میں اوسط ہر 13 منٹ بعد ایک جرم رپورٹ ہورہا ہے جو انتہائی تشویش کی بات ہے، جبکہ رپورٹ نہ ہونے والی کیسز کی تعداد اس سے کئی گنا زیادہ ہے۔
پشاور پولیس کے اعدادوشمار کے مطابق سب سے زیادہ 8 ہزار 475 امن و امان کی صورتحال بگاڑنے کے کیسز درج کئے گئے ہیں۔ اسی طرح منشیات استعمال اور فروخت کرنے والوں کیخلاف 5 ہزار 344 کیسز، غیر قانونی طور پر اسلحہ رکھنے کے 4 ہزار 921 کیسز جبکہ 2 ہزار 978 متفرق مقدمات درج کئے گئے ہیں۔
پشاور میں جنوری سے اگست تک کے 8 ماہ کے دوران 370 شہریوں کو قتل کیا گیا جبکہ 576شہری قاتلانہ حملوں میں محفوظ رہے۔ اسی طرح 366 افراد زخمی بھی ہوئے۔ پشاور میں 9 بچوں کو تاوان کیلئے جبکہ 9 بچوں کو دیگر مقاصد کیلئے اغواءکیا گیا جبکہ 15 بچوں کو حبس بے جا میں رکھنے کے کیسز رپورٹ کئے گئے۔
پشاور میں 49 ریپ کے کیسز،25جنسی زیادتی، 40افراد کو اغواءکرنے ،7افراد کے لاپتہ ہونے، 42 پولیس پر حملوں اور8 شہریوں پر حملوں کے کیسز رپورٹ ہوئے۔ ایک ہزار 458 خطرناک ڈرائیونگ کے کیسز، 631 ڈکیتی، چوری اور راہزنی کے واقعات، 87نقب زنی ، 66 کارلفٹنگ، 17کار سنیچنگ، 133 موٹر سائیکل چوری، 73موٹر سائیکل چھننے، 62 خطرناک ایکسیڈنٹ جبکہ 123 معمول کے ایکسیڈنٹ کے کیسز رپورٹ کئے گئے۔پشاور میں گزشتہ سال 28 ہزار 373 کیسز جبکہ رواں سال آٹھ ماہ میں 25 ہزار 884 کیسز رپورٹ ہوئے ہیں۔ کیسز رپورٹ ہونے کی شرح میں کمی آئی ہے جس کی بڑی وجہ پولیس کی جانب سے شہریوں کیساتھ عدم تعاون ہے۔ پشاور میں جرائم میں اضافہ شہریوں کیلئے باعث تشویش ہے۔

صوبائی دارالحکومت پشاور میں بی آر ٹی سروس آج صبح 10 بجے کے بعد سے عارضی طور پر معطل کر دی گئی ہے، بس ریپڈ ٹرانزٹ سسٹم ’ ٹرانس پشاور’ کی جانب سے اعلان کیا گیا ہے کہ آئی ٹی سسٹم اپ ڈیٹ اور مرمتی کام کی وجہ سے آج صبح 10 بجے کے بعد بس سروس معطل رہے گی۔ترجمان ٹرانس پشاورنے کہا کہ مرمتی کام مکمل ہونے کے بعد سروس بحال کردی جائے گی جس کے بارے میں مسافروں کو مطلع کردیا جائے گا۔ انتظامیہ کا کہنا ہے کہ بس سروس میں کوریڈور سمیت فیڈر روٹس پر بھی بند رہے گی۔ذرائع نے کہا کہ آئی ٹی نظام کی اپگریڈیشن کے باعث آج کئی گھنٹے سروس بند رہ سکتی ہے۔