Category: پشاور

پشار تھانہ شاہ پور پولیس کی حدود میں مشکوک افراد کی گرفتاری کیلئے کاروائی کے دوران جھرپ میں فائرنگ کے نتیجے میں 1 مشکوک نامعلوم شخص ہلاک جبکہ2 ساتھی گرفتار کر لئے گئے ہے، رات کی تاریکی کا فائدہ اٹھاتے ہوئے دیگر ساتھی فائرنگ کرتے ہوئے فرار ہونے میں کامیاب ہو گئے، تھانہ شاہ پور پولیس کو دوران گشت اپنے ذرائع سے اطلاع ملی کہ زیر تعمیر مکان میں کچھ مشکوک افراد کسی سنگین واردات کی غرض سے موجود ہیں۔ پولیس اطلاع کو مصدقہ جان کر کاروائی کی غرض سے موقع پر پہنچی تو مشکوک افراد نے پولیس پارٹی کو دیکھتے ہی فائرنگ شروع کردی جوابی کاروائی میں پولیس نے مشکوک ملزم پارٹی پر فائرنگ کی۔ فائرنگ کے نتیجے میں 1 مشکوک شخص ہلاک ہوا۔ جبکہ 2 مشکوک افراد گرفتار کر لئے گئے، تاہم کچھ نامعلوم ملزمان فرار ہونے میں کامیاب ہو گئے جن کی گرفتاری کیلئے علاقہ میں سرچ آپریشن کیساتھ ساتھ ناکہ بندیوں پر بھی سخت چیکنگ جاری ہےگرفتار مشکوک افراد کو مزید قانونی کاروائی کے لئے تھانہ شاہ پور منتقل کردیا گیا۔

پشاور میں سٹریٹ کرائم سمیت دیگر جرائم کے علاوہ گزشتہ تین ماہ کے دوران مختلف واقعات میں 120 افراد کو قتل کیا جا چکا ہے اور مذہبی جھگڑوں کی وجہ سے چھ بچوں کو مختلف واقعات میں اغوا کیا جا چکا ہے،پولیس ذرائع کے مطابق گزشتہ تین ماہ کے دوران قتل اور اقدام قتل کے دو سو واقعات رپورٹ ہوئے ہیں۔ جس میں 120 افراد کو قتل جبکہ باقی کو قتل کرنے کی کوشش کی گئی ہے،
اس طرح لن دین کے تنازعہ پر چھ بچوں کو زدوکوب کیا گیا اور پانچ پولیس اہلکاروں نے انہیں بازیاب کرالیا، اس طرح اسٹریٹ کرائم کی ڈھائی سو وارداتیں ہوچکی ہیں، سب سے زیادہ واقعات حیات آباد میں رپورٹ ہوئے ہیں۔ .
دوسری جانب نئے تعینات ہونے والے ایس ایس پی آپریشن کا کہنا تھا کہ اصل ہدف اسٹریٹ کرائم کی روک تھام ہے۔

پی ٹی آئی پارلیمینٹیرین کے چیئرمین پرویز خٹک اور وائس چیئرمین محمود خان کی صحافیوں سے ملاقات کے دوران بات چیت ہوئی جس میں پرویز خٹک نے کہا
پی ٹی آئی ایک مجرم پارٹی ثابت ہوسکتی ہے جس پر پابندی لگ سکتی ہے، پرویز خٹک نے مزید بتایا کہ چئیرمین پی ٹی آئی فوج کیخلاف انقلاب لانا چاہتے تھے،او الیکشن کیلئے جنرل فیض اور باجوہ نے ماحول بنایا لیکن عمران خان نہیں مانا،پی ٹی آئی پارلیمنٹرینز کے سر براہ پرویز خٹک نے مزید کہا کہ جنرل باجوہ نے کہا کہ شہباز شریف لکھ کردے گا کہ اسمبلی تحلیل ہوگی ، جنرل باجوہ نے چئیرمین پی ٹی آئی کو دھرنا ختم کرنے کا بھی کہا تھا لیکن عمران خان نہیں مانے،پرویز خٹک نے صحافیوں سے بات چیت کرتے ہوئے کہا کہ سابق آرمی چیف جنرل باجوہ نے ہمارا بہت ساتھ دیا تھا، لیکن جنرل باجوہ نے بھی آخر میں ہاتھ کھڑے کردیے اور کہا میں اور نہیں کرسکتا، انہوں نے کہا کہ جب کوئی حکومت میں نہیں ہوتاتو کیسز بنتے ہیں نیب اسی لئے بنی ہے، ایک سوال کے جواب میں بولے کہ مجھے لگتا ہے کہ الیکشن فروری میں ہونگے، پی ٹی آئی چئیرمین کے لیے چار کیسز مسائل کھڑے کرسکتے ہیں، ان کیسز میں توشہ خانہ،سائیفر، لانڈرنگ منی بحریہ کو ادائیگی اور 9مئی کا کیس شامل ہے،پرویز خٹک نے کہا کہ نو مئی سب سے خطرناک کیس ہے جو فوجداری کیس بنتا جا رہا ہے،اور سب پارٹیوں نے اسٹبلشمنٹ کو اختیار دے دیا،اس نے عمران خان کے حوالے سے بتایا کہ چیئرمین پی ٹی آئی کہتے تھے کہ جھوٹ بھی اتنا زیادہ بولیں کہ سچ لگے، عمران خان اٹھارویں ترمیم کے خلاف تھے،اعظم خان کے خلاف بھی بل پڑیں اور کہا کہ حکومت اعظم خان چلاتا تھا اور پارٹی کے ارکان باقی مدد کرتے تھے،

خیبر پختونخوا کے قبائلی علاقے علی مسجد میں خودکش حملہ کرنے والا سہولت کار انسداد دہشت گردی پولیس کے ساتھ جھڑپ میں مارا گیا۔پولیس کے مطابق گزشتہ روز خیبر کے علاقے سور کمر میں سی ٹی ڈی پولیس اور دہشت گردوں کے درمیان فائرنگ کا تبادلہ ہوا، جس میں ایک دہشت گرد ابوذر آفریدی جو کہ علی مسجد کا خودکش حملہ آور تھا مارا گیا۔ پولیس کے مطابق مارے گئے دہشت گرد ابوذر کا تعلق لنڈی کوتل کے علاقے سلطان خیل سے تھا جس کی لاش کو جمرود اسپتال پہنچایا گیا۔ 25 جولائی کو خیبر کی علی مسجد میں دو خودکش حملہ آوروں کا تعاقب کرتے ہوئے خودکش حملہ آور نے اپنے پیچھے دھماکا خیز مواد پھینکا جس سے زوردار دھماکہ ہوا، جس میں ایڈیشنل ایس ایچ اور عدنان آفریدی شہید ہوگئے۔

تھانہ صوابی پولیس نے شہر کے نواحی علاقوں میں سر گرم بین الاضلاعی پانچ رکنی موٹر سائیکل چور گروہ کو ٹریس کرکے چار ملزمان فضل واحد،معراج ،عادل اور حلال الدین کو گرفتار کر لیا ہے۔چاروں ملزمان نے ابتدائی تفتیش کے دوران موٹر سائیکل چوری کے متعدد وارداتوں میں ملوث ہونے کا اعتراف کر لیا ہے جن کی نشاندہی پر ان کے قبضہ سے 10 عدد مسروقہ موٹر سائیکلیں برآمد کر لی گئی ہیں۔جن میں سے 05عدد موٹرسائیکلز 125cc اور 05عدد 70ccموٹرسائیکلز شامل ہیں ۔
مختلف اوقات میں مو ٹر سائیکل مالکان نے تھانہ صوابی پولیس کو رپورٹ درج کراتے ہوئے بیان کیا تھا کہ اس کے گھر یا دکان کے سامنے سے کسی نامعلوم ملزمان نے اس کی موٹر سائیکل چوری کر لی ہے ۔
اس واردات کے حوالے سے ڈی پی او صوابی کیپٹن نجم الحسنین لیاقت نے نوٹس لیتے ہوئے ایس پی انوسٹی گیشن خان خیل کی سربراہی میں ٹیم تشکیل دی ، تشکیل شدہ ٹیم ڈی ایس پی صوابی جواد خان کے قیادت میں ایس ایچ او صوابی منصف خان معہ تفتیشی ٹیم نے متعدد جرائم پیشہ اور مشکوک افراد کو شامل تفتیش کیا جس کے دوران بین الضلاعی موٹرسائیکل چور گروہ کا سراغ لگا کر ملزمان فضل واحد ولد اصیل خان،معراج ولد عبدالواحد ساکنان پارہوتی مردان،عادل ولد شیراز خان اور حلال الدین ولد عمر سید ساکنان شاہ منصور کو گرفتار کر لیا۔دوران تفتیش مذکورہ ملزمان نے دیگر ساتھی کا نام بھی اگل دیا جسکی گرفتاری جلد ہی عمل میں لائی جائیگی۔ملزمان نے مزید انکشاف کیا کہ مختلف اضلاع سے موٹرسائیکل چوری کرنے کے بعد پارٹس میں تقسیم کرکے ان پارٹس کو مختلف جگہوں پر فروخت کرتے تھے۔

خیبرپختونخواکے21اضلاع میں ضمنی بلدیاتی انتخابات کیلئےتیاریاں مکمل کرلی گئی ہیں۔۔ پینسٹھ ویلیج اورنیبرہڈ کونسلرکی خالی نشستوں پرپولنگ ستائیس اگست کو ہوگی۔
الیکشن کمیشن کے حکام کے مطابق پولنگ کیلئے بیلٹ پیپرزکومتعلقہ انتخابی عملے کے حوالے کردیا گیا ہے۔ جن اکیس اضلاع میں ضمنی بلدیاتی انتخابات ہوں گے ان میں پشاور، نوشہرہ، چارسدہ، خیبر،مردان،کوہاٹ،بنوں،لکی مروت اورایبٹ آبادکےاضلاع شامل ہیں۔
اسی طرح ڈی آئی خان، ٹانک،ہری پور،مانسہرہ، بٹگرام،طورغر،سوات، شانگلہ اورملاکنڈ میں بھی رائے شماری ہوگی۔اپردیر،لوئردیراورباجوڑکےاضلاع میں بھی ضمنی بلدیاتی انتخاب ہوں گے۔خیبرپختونخواکےضمنی بلدیاتی انتخابات کیلئےمجموعی طورپر دوسوچھپن پولنگ سٹیشنزقائم کیے گئے ہیں جن میں سے ایک سو دو مردانہ،نواسی زنانہ اور پینسٹھ مشترکہ ہوں گے۔
اکیس اضلاع میں تین لاکھ پچاسی ہزارآٹھ سو پینتیس ووٹرز اپنا حق رائے دہی استعمال کرینگے۔ ویلج اورنیبرہڈکونسلزمیں نشستیں ارکان کےانتقال،استعفوں اوردیگروجوہات کی بناپرخالی ہوئی تھیں۔