Category: پشاور

نیب پشاور کی جانب سے پی ٹی آئی رہنما علی امین گنڈا پور کیخلاف آمدن سے زائد اثاثوں کے الزام میں انکوائری کا حکم دے دیا،،نیب زرائع کے مطابق علی امین گنڈا پور کے متعدد فرنٹ مین اور خاندان کے لوگوں سے بھی پوچھ گچھ اور تحقیقات ہوں گی۔ علی امین گنڈا پور کیخلاف ملنے والی شکایات کو یکجا کرکے باقاعدہ انکوئری کی منظوری دے دی گئی ہے جس پر نیب پشاور نے تحقیقات کا آغاز کردیا ہے۔نیب زرائع نے موقف اختیار کیا ہے کہ نیب چیئرمین لیفٹیننٹ جنرل نذیر احمد نے سابق وفاقی وزیر علی امین گنڈا پور کیخلاف آمدن سے زائد اثاثوں کے الزام میں باقاعدہ انکوائری کا حکم دیا ہے جبکہ نیب ٹیم نے علی امین گنڈا پور کے اثاثوں کی چھان بین کیلئے متعلقہ اداروں سے ان کی جائیدادوں کا ریکارڈ طلب کرلیا ہے۔

سابق وفاقی وزیر علی محمد خان کی جانب سے پشاور انسداد کرپشن عدالت میں ضمانت کی درخواست دائر کی گئی ہے، کیس کی سماعت انٹی کرپشن خصوصی عدالت کے جج بابر علی خان نے کی ہے،عدالت نے اینٹی کرپشن اسٹبلشمنٹ سے ریکارڈ طلب کی ہے، اور سماعت کو 15 جون تک ملتوی کر دیا گیا ہے ، یاد رہے کہ پی ٹی آئی سابق وفاقی وزیر علی محمد خان اس وقت جوڈیشل ریمانڈ پر جیل میں ہے جس کو تھری ایم پی او کو رہائی کے بعد پانچویں دفعہ گرفتار کیا گیا ہے،

پشاورسوئی ناردرن گیس پائپ لائنز لمیٹڈ کا آل پاکستان سی این جی ایسوسی ایشنز کے پی کو مراسلہ ارسال کیا گیا ہے،گیس سپلائی کی شدید قلت کی وجہ سے سسٹم پیک میں اچانک کمی آئی ہے،مراسلے میں کہا گیا ہے کہ گیس کی قلت کے باعث کمپنی نے سی این جی سٹیشنوں کو گیس کی سپلائی کم کرنے کا فیصلہ کیا ہے،لہذا گیس کی مضبوط سسٹم پیک کے حصول تک سی این جی اسٹیشنز میں گیس کی فروخت اور استعمال نہ کی جائے،مراسلے میں توقع کی گئی ہے کہ ممکن ہے کہ 16 جون تک گیس کی فراہمی معمول کے مطابق ہوجائے گی،

پشاور ہائی کورٹ میں ممبر قومی اسمبلی علی وزیر کے خلاف درج مقدمات کی تفصیل اور درج ایف آئی آر کے لئے دائر درخواست پر سماعت ہوئی ہے ،، سماعت جسٹس اعجاز انور اور جسٹس ایس ایم عتیق شاہ پر مشتمل دو رکنی بنچ نے کی عدالت نے علی وزیر کی 45 دن کی راہداری ضمانت منظور کرلی گئی،
سماعت شروع ہوتے ہی درخواست گزار وکیل نے استدعا کی کہ علی وزیر کے خلاف صوبے میں 14 مختلف ایف آئی آرز درج کئے گئے ہیں۔ وکیل درخواست گزار نے کہا کہ 5 ایف آئی آرز میں ہم نے ضمانت حاصل کرلی ہے۔ درخواست گزار کے خلاف اگر کوئی اور ایف آئی آر ہے تو اس کی تفصیل ہمیں فراہم کی جائے۔ درخواست گزار وکیل نے عدالت سے استدعا کی کہ ہم عدالتوں میں پیش ہورہے ہیں, راہداری ضمانت دی جائے تاکہ متعلقہ عدالت میں پیش ہوں جائے۔ جسٹس اعجاز انور نے استدعا منظور کرتے ہوئے،14 دن کی راہداری ضمانت دے کر دوسرے عدالتوں میں پیش ہونے کی مہلت دی، وکیل درخواست گزار کی جانب سے موقف اپنایا گیا کہ علی وزیرکے خلاف صوبے کے مختلف علاقوں میں 9 ایف آئی آر درج ہے جس کے لئے سب جگہوں پہ اتنا جلدی پیش ہونا ممکن نہیں، جس پر عدالت نے علی وزیر کی 45 دن کی راہداری ضمانت منظور کر لی،،

9 مئی واقعات میں نامزد ملزمان کے کیسز ملٹری کورٹ میں چلانے کے خلاف ہائیکورٹ میں درخواست پر سماعت ہوئی

جسٹس اشتیاق ابراہیم اور جسٹس اسد اللہ کے دو رکنی بینچ نے سماعت کی ،جسٹس اشتیاق ابراہیم نے ریمارکس دیتے ہوئے کہا کہ آپ نے ضروری پارٹی کو فریق ہی نہیں بنایا۔ ڈیفنس منسٹری اور وزارت داخلہ کو بھی فریق بنانا ضروری ہے۔ متعلقہ فریقین کو پارٹی بنانے کے بعد درخواست دوبارہ جمع کرائی جائے

ملزمان کے خلاف درج مقدمات میں آرمی ایکٹ 1952 کے سیکشن 59 اور آفیشل سیکرٹ ایکٹ کے سیکشن 3 کو شامل کیا گیا ہے۔ درخواست میں موقف اختیار کیا گیا ہے کہ عام شہریوں کے خلاف مقدمات میں آرمی ایکٹ 1952 کے سیکشن 59 اور آفیشل سیکرٹ ایکٹ سیکشن 3 کے تحت مقدمات درج کرنا غیر قانونی ہے شہریوں کے مقدمات ملٹری کورٹس میں چلانا بنیادی انسانی حقوق کے خلاف ورزی ہے۔ شہریوں کے مقدمات ملٹری کورٹس میں چلانا انٹرنیشل قوانین کی بھی خلاف ورزی ہے۔عدالت عام شہریوں کے خلاف درج مقدمات میں آرمی ایکٹ 1952 سیکشن 59 اور آفیشل سیکرٹ ایکٹ کی سیکشن 3 دفعات کو ختم کرنے کے احکامات جاری کریں ,

دوسری جانب پشاور ہائی کورٹ،:9 اور 10 مئی کے واقعات پرجے آئی ٹی بنانے کےلئے دائر درخواست پر سماعت ہوئی، سماعت جسٹس اشتیاق ابراہیم اور جسٹس صاحبزادہ اسداللہ نے کی ، پانامہ طرز کی جے ائی ٹی بنائی جائے جو ہر ہفتے عدالت میں رپورٹ جمع کرے عدالت نے آئی خیبرپختونخوا کو نوٹس جاری کرتے ہوئے سماعت ملتوی کر دی ،آئینی درخواست انصاف لائرز فورم صوبائی صدر قاضی محمد انور نے دائر کی ہے

خیبر پختونخوا میں جے یو آئی گورنر کے خلاف پیپلز پارٹی اور ن لیگ کے ارکان نے علم بغاوت بلند کیا ہے خیبر پختونخوا میں حکومتی اتحادی گورنر خیبر پختونخوا سے نالاں ہیں۔ پاکستان پیپلز پارٹی اور مسلم لیگ (ن) کے رہنماؤں نے پارٹی چیئرمینوں سے گورنر کو ہٹانے کا مطالبہ کر دیا۔ن لیگ کے صوبائی رہنما اختیار ولی کا کہنا ہے کہ گورنر راج ہمارے صوبے پر نافذ ہے، غلام علی کو فوری طور پر ہٹا دیا جائے اور ہمارے ہاتھ کھول دیں جائے ،،اتحادی ہمارے کارکنوں پر بھی راج کر رہے ہیں، یہ اقتدار کے مزے لوٹ رہے ہیں اور کارکن صف تماشا دیکھ رہے ہے،
پیپلز پارٹی کی سابق ایم پی اے نگہت اورکزئی نے بھی بلاول بھٹو اور آصف علی زرداری کے نام پیغام جاری کرتے ہوئے گورنر غلام علی کو ہٹانے کا مطالبہ کیا اور کہا کہ ہم گورنر راج نہیں مانتے، جیالوں پر گورنر ہاؤس کے دروازے بند ہیں، غلام علی کو ہٹاکر کسی اور کو گورنر بنایا جائے۔