Category: پشاور

پاکستان تحریک انصاف (پی ٹی آئی) میں اندرونی اختلافات شدت اختیار کر گئے ہیں۔

وزیراعلیٰ خیبرپختونخوا علی امین گنڈا پور نے اسپیکر صوبائی اسمبلی بابر سلیم سواتی سے استعفیٰ دینے کا مطالبہ کیا، تاہم اسپیکر نے اس مطالبے کو سختی سے مسترد کر دیا۔ذرائع کے مطابق وزیراعلیٰ علی امین گنڈا پور نے اسپیکر کو وزیراعلیٰ ہاؤس بلا کر عہدہ چھوڑنے کا کہا، لیکن بابر سلیم سواتی نے انکار کرتے ہوئے مؤقف اختیار کیا کہ انہیں اسپیکر شپ کا منصب بانی چیئرمین عمران خان نے دیا ہے، اس لیے وہ صرف انہی کی ہدایت پر استعفیٰ دیں گے اور اس حوالے سے براہِ راست عمران خان سے ملاقات کریں گے۔

یاد رہے کہ اس سے قبل بھی بابر سلیم سواتی پر سینیٹر اعظم خان سواتی (سابق وفاقی وزیر اور عمران خان کے قریبی ساتھی) نے سنگین الزامات عائد کیے تھے۔ ان الزامات پر بابر سلیم سواتی نے وزیراعلیٰ سمیت مختلف اداروں کو خط لکھ کر تحقیقات کا مطالبہ کیا تھا، تاہم بعد میں پارٹی قیادت نے معاملہ دبا دیا تھا۔

سیاسی مبصرین کے مطابق پی ٹی آئی کے اندر بڑھتے اختلافات پارٹی کے تنظیمی ڈھانچے اور مستقبل کی سیاست پر گہرے اثرات ڈال سکتے ہیں۔

بھارت،مغربی بنگال میں مودی پارٹی پر عوام کا حملہ، رکن پارلیمنٹ زخمی

عمران خان کے ایکس اکاؤنٹ پر کالعدم ٹی ٹی پی ترجمان کے ساتھ اسپیس، سنگین خدشات

حماس کی اسرائیل کے ساتھ مذاکرات میں سخت شرائط

مقبوضہ لداخ میں کشیدگی برقرار، لہہ اور کرگل اضلاع میں کرفیو نما پابندیاں

خیبرپختونخوا حکومت نے عوامی نیشنل پارٹی (اے این پی) کے سربراہ ایمل ولی خان کو سیکیورٹی اہلکار واپس فراہم کر دیے۔

صوبائی حکومت کا کہنا ہے کہ ایمل ولی خان کی سیکیورٹی میں کسی قسم کی کمی یا واپسی نہیں کی گئی۔ ترجمان صوبائی حکومت نے بتایا کہ ایمل ولی خان سے ان کے اعتماد اور مرضی کے اہلکاروں کی فہرست حاصل کی گئی ہے تاکہ انہیں سیکیورٹی فراہم کی جا سکے۔ترجمان نے کہا کہ ایمل ولی خان کو پہلے ہی ضروری سیکیورٹی فراہم کی جا رہی ہے، عوام بے بنیاد پراپیگنڈے کے بجائے سرکاری ذرائع سے جاری معلومات پر بھروسہ کریں۔ انہوں نے مزید کہا کہ اے این پی سربراہ نے ریجنل پولیس آفیسر کو اپنے قابلِ اعتماد اہلکاروں کے نام فراہم کیے ہیں اور حالات کے مطابق ان ہی اہلکاروں کو سیکیورٹی پر مامور کیا جائے گا۔

وزیراعلیٰ علی امین گنڈا پور نے ہدایت دی ہے کہ اگر ایمل ولی خان کو مزید اہلکار درکار ہوں تو فوری طور پر فراہم کیے جائیں۔ ترجمان کے مطابق صوبائی حکومت ان کی حفاظت کو اولین ترجیح دیتی ہے اور کسی سطح پر غفلت برداشت نہیں کی جائے گی۔

اس سے قبل عوامی نیشنل پارٹی کے ترجمان نے بیان جاری کیا تھا کہ ایمل ولی خان سے وفاقی سیکیورٹی کے بعد صوبائی پولیس بھی واپس لے لی گئی ہے اور تعینات اہلکاروں کو لائن حاضر کر دیا گیا ہے۔ترجمان نے کہا تھا کہ ایمل ولی خان کو درپیش خطرات سے متعلق حکومت کو متعدد بار آگاہ کیا جا چکا ہے، اس کے باوجود سیکیورٹی ہٹانے کا فیصلہ سمجھ سے بالاتر ہے۔

شہباز شریف ملائیشیا کے سرکاری دورے پر کوالالمپور پہنچ گئے

لاہور۔راولپنڈی ٹرین کرایوں میں اضافہ، نئی ریٹ لسٹ جاری

غزہ میں اسرائیلی حملے جاری، شہادتوں کی تعداد 19 ہوگئی

پاکستان کا ابھرتی معیشتوں میں دوسرا نمبر، دیوالیہ ہونے کے خدشات ختم

محکمہ موسمیات کے مطابق صوبہ خیبر پختونخوا کے مختلف علاقوں میں 4.3 شدت کا زلزلہ ریکارڈ کیا گیا۔

پی ایم ڈی کا کہنا ہے کہ زلزلہ رات 8 بج کر 59 منٹ پر پٹن کے جنوب مشرق میں 22 کلومیٹر دور، 31 کلومیٹر کی گہرائی میں آیا۔یاد رہے کہ پاکستان تین بڑی ٹیکٹونک پلیٹوں — عربین، یورو-ایشین اور انڈین — کے سنگم پر واقع ہے، جس کے باعث ملک میں پانچ بڑے زلزلہ خیز زون موجود ہیں اور فالٹ لائنوں کی وجہ سے اکثر جھٹکے محسوس کیے جاتے ہیں۔

اس ہفتے کے آغاز میں بھی کراچی کے مختلف حصوں میں 3.2 شدت کا زلزلہ آیا تھا، جو ملیر کے شمال مغرب میں ریکارڈ ہوا۔ اس سے قبل ستمبر میں خیبر پختونخوا کے علاقوں میں 5.5 شدت کے جھٹکے بھی محسوس کیے گئے تھے، جو چترال، پشاور اور سوات تک پھیل گئے تھے۔

برطانیہ میں کوویڈ کی دو نئی اقسام کے پھیلاؤ میں تیزی

وزیراعظم ملائیشیا کے سرکاری دورے پر کل روانہ ہوں گے

تھرپار میں بھارتی فوج کا جانوروں پرظلم، بکریاں ہلاک اور زخمی

حماس تاخیر کرے تو شرائط ختم کر دوں گا،ٹرمپ کی پھر دھمکی

خیبر پختونخوا حکومت نے ایک بار پھر کابینہ میں تبدیلیاں کر دی ہیں اور وزراء کے محکمے تبدیل کر کے نئی ذمہ داریاں سونپ دی ہیں۔

اس سلسلے میں صوبائی وزیر ہائر ایجوکیشن مینا خان کا قلم دان واپس لے کر انہیں کمیونیکیشن اینڈ ورکس کا محکمہ تفویض کیا گیا ہے۔اسی طرح وزیرِاعلیٰ کے معاونِ خصوصی محمد سہیل آفریدی کو باقاعدہ صوبائی وزیر بنا دیا گیا ہے اور انہیں ہائر ایجوکیشن کا محکمہ سونپ دیا گیا ہے۔ اس تبدیلی کے بعد صوبے میں اعلیٰ تعلیم کے شعبے کی ذمہ داری اب سہیل آفریدی کے پاس ہوگی۔ذرائع کے مطابق کابینہ میں اس ردوبدل کا مقصد انتظامی کارکردگی کو بہتر بنانا اور محکموں کی فعالیت میں تیزی لانا ہے۔

یاد رہے کہ اس سے قبل خیبر پختونخوا میں 2 وزراء کے استعفوں کے بعد 10 کابینہ ارکان کے محکمے بھی تبدیل کیے گئے تھے، جس کے نتیجے میں کئی اہم وزارتوں میں ردوبدل دیکھنے میں آیا تھا۔

مبصرین کے مطابق حالیہ تبدیلیاں صوبائی حکومت کی پالیسیوں کو مؤثر بنانے کی کوشش ہیں، تاہم بار بار کی ردوبدل سے انتظامی معاملات پر اثرات مرتب ہونے کا امکان بھی ظاہر کیا جا رہا ہے۔خیبر پختونخوا کابینہ میں مزید تبدیلیوں کے امکانات کو بھی رد نہیں کیا جا رہا، جبکہ وزراء کو نئی ذمہ داریوں کے ساتھ کارکردگی بہتر بنانے کی ہدایت دی گئی ہے۔

ہندو انتہا پسند خاتون رہنماکے افئیر کے بعد تعلقات خراب، عاشق قتل کروا دیا

پشاور ہائیکورٹ کا سرکاری ہسپتالوں کو آؤٹ سورس کرنے پر مزید کارروائی روکنے کا حکم

یوٹیوبر ڈکی بھائی کی ضمانت کی درخواست پھر مسترد

نیشنل پریس کلب پر پولیس حملے کے خلاف جمعہ کو یومِ سیاہ منانے کا اعلان

پشاور ہائیکورٹ نے صوبائی محکمہ صحت کو سرکاری ہسپتالوں کو آؤٹ سورس کرنے پر مزید کارروائی سے روک دیا اور اس حوالے سے جواب طلب کر لیا۔ کیس کی سماعت جسٹس اعجاز انور کی سربراہی میں دو رکنی بینچ نے کی۔

سماعت کے دوران وکیل درخواست گزار نے بتایا کہ تحصیل تخت بھائی ہسپتال کو آؤٹ سورس کیا جا رہا ہے۔ ایڈیشنل ایڈووکیٹ جنرل نے مؤقف اپنایا کہ سیکریٹری ہیلتھ ملک سے باہر ہیں جبکہ کابینہ اجلاس کے باعث دیگر افسران مصروف ہیں۔ اس پر جسٹس اعجاز انور نے کہا کہ عدالت صرف یہ جاننا چاہتی ہے کہ ہسپتالوں کو آؤٹ سورس کیوں کیا جا رہا ہے۔

وکیل ہیلتھ فاؤنڈیشن نے وضاحت دی کہ آؤٹ سورسنگ میں کوئی بنیادی تبدیلی نہیں کی جا رہی بلکہ اسے بہتری کے لیے اپنایا جا رہا ہے۔ جس پر جسٹس اعجاز انور نے ریمارکس دیے کہ اگر سیکریٹری اور ڈی جی ہیلتھ سخت ڈسپلن قائم کریں تو نظام بہتر ہو سکتا ہے، لیکن صورت حال یہ ہے کہ جمعہ یا ہفتہ کو ہسپتالوں میں سینئر ڈاکٹرز نظر نہیں آتے۔

جسٹس اعجاز انور نے مزید کہا کہ آؤٹ سورس کا مطلب کیا ہے؟ کیا ہسپتال ٹھیکیدار کو دیے جائیں گے؟ وکیل ہیلتھ فاؤنڈیشن نے جواب دیا کہ دنیا بھر میں یہی ماڈل اپنایا جا رہا ہے۔عدالت نے محکمہ صحت کو ہسپتالوں کی آؤٹ سورسنگ پر مزید کارروائی سے روکتے ہوئے جواب جمع کرانے کا حکم دیا اور کیس کی سماعت 23 اکتوبر تک ملتوی کر دی۔

یوٹیوبر ڈکی بھائی کی ضمانت کی درخواست پھر مسترد

نیشنل پریس کلب پر پولیس حملے کے خلاف جمعہ کو یومِ سیاہ منانے کا اعلان

پنجاب میں بارشوں کا الرٹ، بالائی علاقوں میں ندی نالوں کے بھرنے کا خدشہ

اسرائیلی فوج کی وحشیانہ کارروائیاں، غزہ میں مزید 53 فلسطینی شہید

خیبرپختونخوا کے دارالحکومت پشاور میں کوہاٹ روڈ قمر دین گڑھی کے مقام پر پولیس موبائل کے قریب دھماکا ہوا، جس کے نتیجے میں 4 اہلکار زخمی ہوگئے۔

میڈیا رپورٹس کے مطابق کیپٹل سٹی پولیس افسر (سی سی پی او) پشاور ڈاکٹر میاں سعید نے بتایا کہ قمر دین چوک کے قریب پولیس موبائل معمول کے گشت پر تھی کہ اچانک سڑک کنارے نصب بارودی مواد پھٹ گیا۔دھماکے کے باعث پولیس موبائل کو نقصان پہنچا اور 4 اہلکار زخمی ہوئے۔ سی سی پی او کے مطابق پولیس ٹیمیں فوری طور پر جائے وقوع پر پہنچ گئیں جبکہ زخمی اہلکاروں کو قریبی ہسپتال منتقل کردیا گیا۔

ٹرمپ کی حماس کو سخت وارننگ، وائٹ ہاؤس نے "سرخ لکیر” کھینچ دی