Category: پشاور

بنوں کی تحصیل جانی خیل میں خوارج نے دھماکہ خیز مواد سے رابطہ پل تباہ کر دیا،

جانی خیل کے عوام نے خوارج کی جانب سے پل کی تباہی پر شدید ردِعمل کا اظہار کیا ہے،بنوں کی تحصیل جانی خیل کے علاقے مالی خیل میں خوارج نے سیکیورٹی فورسز کے قافلے کو نشانہ بنانے کی کوشش کی،خوارج نے رابطہ پل کے نیچے بارودی مواد نصب کیا، جس کے پھٹنے سے پل مکمل طور پر تباہ ہوگیا، واقعے کے بعد اہلِ علاقہ نے خوارج کے خلاف شدید غم و غصہ کا اظہار کیا،اہلِ علاقہ نے اس بزدلانہ کارروائی کی مذمت اور اسے علاقے کے امن و ترقی پر کھلا حملہ قرار دیا اور کہا کہ تمام سڑکیں، مساجد اور مدارس عوامی سہولت کے لیے بنائے گئے ہیں،خوارج کے یہ بزدلانہ حملے کسی صورت برداشت نہیں کیے جا سکتے،یہ خوارج چاہے افغانی ہوں یا کسی اور شناخت سے تعلق رکھتے ہوں، ان کا یہ عمل سراسر غلط ہے، خوارج کی یہ حرکات صرف عوام کو تکلیف دینے اور نقصان پہنچانے کے مترداف ہیں،یہ تمام حملے اسلام کے قطعی منافی ہیں خوارج اگر واقعی مسلمان ہوتے تو ایسا ہرگز نہ کرتے،پل کی تباہی کے بعد کئی بیمار اور ضعیف افراد کو شدید مشکلات کا سامنا کرنا پڑا،خوارج اگر اتنا ہی طاقتور ہیں تو بزدلانہ حملوں کی بجائے سامنے آکر مقابلہ کریں،

پشاور ہائی کورٹ نے پیکا ایکٹ کے تحت صحافیوں کو جاری نوٹسز معطل کردیئے۔

نجی ٹی وی چینل ایکسپریس نیوز کے مطابق پیکا ایکٹ کے تحت صحافیوں کو نوٹسز جاری کرنے کے خلاف دائر درخواست پر سماعت پشاور ہائی کورٹ کے جسٹس اعجاز انور اور جسٹس خورشید اقبال نے کی ،دورانِ سماعت عدالت نے صحافیوں کو دیئے جانے والے نوٹسز معطل کردیئے اور نیشنل سائبر کرائم کے حکام سمیت دیگر فریقین کو نوٹس جاری کردیا ۔ عدالت نے اگلی سماعت پر فریقین سے جواب بھی طلب کیا ہے، وکیل نے عدالت میں موقف اختیار کیا کہ درخواست گزار صحافی ہیں ، جنہیں ایف آئی اے سائبر کرائم نے نوٹس دیا ہے اور نوٹسز میں یہ نہیں کہا گیا کہ کس جرم میں نوٹسز دیئے گئے ہیں ،وکیل کے مطابق پشاور ہائیکورٹ نے اس نوعیت کے نوٹسز پہلے بھی معطل کئے ہیں۔ عدالت کے آرڈرز موجود ہیں ، جس پر عدالت نے نوٹسز معطل کرتے ہوئے فریقین سے جواب طلب کرلیا۔

پشاور، خیبرپختونخوا میں ڈینگی وائرس کے کیسز میں مسلسل اضافہ جاری ہے۔

محکمہ صحت کے مطابق گزشتہ 24 گھنٹوں کے دوران صوبے بھر میں 95 نئے مریض رپورٹ ہوئے، جس کے بعد متاثرہ افراد کی مجموعی تعداد 2 ہزار 283 تک پہنچ گئی۔محکمہ صحت کا کہنا ہے کہ اس وقت 43 مریض مختلف اسپتالوں میں زیر علاج ہیں۔ سب سے زیادہ کیسز ضلع چارسدہ میں سامنے آئے جہاں مریضوں کی تعداد 892 تک پہنچ گئی ہے۔ مانسہرہ میں 285، ہری پور میں 227 اور پشاور میں 143 کیسز رپورٹ ہوئے ہیں۔

ماہرین صحت نے شہریوں کو ہدایت کی ہے کہ گھروں اور محلوں میں پانی کھڑا نہ ہونے دیں، مچھردانیوں کا استعمال یقینی بنائیں اور احتیاطی تدابیر پر سختی سے عمل کریں۔صوبائی حکومت نے بھی ڈینگی کے پھیلاؤ پر قابو پانے کے لیے ہنگامی بنیادوں پر اقدامات تیز کرنے کی ہدایت جاری کر دی ہے۔

ٹرمپ پُراعتماد: نیتن یاہو کے ساتھ غزہ جنگ بندی معاہدے کی توقع

بھارت میں قید پاکستانی شہری راقیب بلال رہا، وطن واپس روانہ

حکومت سندھ کا بڑا اقدام: پاکستان کی پہلی حکومتی ٹیکسی سروس کا اعلان

غزہ جنگ بندی معاہدے کے بہت قریب ہیں،وائٹ ہاؤس
نیتن یاہو کی قطری وزیراعظم سے دوحہ حملے پرمعذرت

باجوڑ میں فتنہ الخوارج کا چھوڑا بارودی مواد پھٹنے سے 3 بچےشہید اور 5 زخمی ہو گئے۔

سکیورٹی ذرائع کے مطابق بارودی مواد پھٹنے کا افسوسناک واقعہ27 ستمبر کو باجوڑ کے علاقے لغڑئی میں پیش آیا جہاں بچے فتنہ الخوارج کے چھوڑے گئے مواد سےکھیل رہےتھےکہ اسی دوران بارودی مواد پھٹ گیا۔ سکیورٹی ذرائع کا بتانا ہے کہ بارودی مواد پھٹنے سے 3 بچے شہید اور 5 زخمی ہوئے، دھماکے میں زخمی بچوں کا علاج پاک فوج کے ڈاکٹرز کی زیرنگرانی سی ایم ایچ پشاور میں جاری ہے۔ سکیورٹی ذرائع کے مطابق پولیس اور متعلقہ اداروں نے جائے وقوعہ کا محاصرہ کر کے شواہد اکٹھے کر لیے ہیں، یہ سانحہ ثبوت ہےکہ فتنہ الخوارج نے علاقے میں کس طرح بارودی جال بچھا رکھا ہے۔

خیبر پختونخوا میں دہشتگردوں کو ادائیگی کیلئے کرپٹو کرنسی کے استعمال کا انکشاف ہوا ہے، صوبے میں دہشتگردی میں ملوث داعش کا بڑا نیٹ ورک پکڑا گیا۔

نجی ٹی وی کے مطابق محکمہ انسداد دہشتگردی کی رپورٹ کے مطابق بیرون ملک سے تعلق رکھنے والے خودکش حملہ آور کے سہولت کاروں کو کرپٹو کرنسی بھیجی گئی، کرپٹو کرنسی ای والٹ کے ذریعے افغانستان سے کوئٹہ بھیجی گئی، جس کے بعد رقم پاکستانی روپے میں تبدیل کرکے لاہور اور کرک بھیجی گئی،دہشتگردوں کے سہولت کار اور ہینڈلرز پشاور، کرک، کوئٹہ، ضلع خیبر اور کوہاٹ میں موجود تھے، 11 مئی کو بیرون ملک سے تعلق رکھنے والے 22 سال کے دہشتگرد نے روکے جانے پر پولیس موبائل وین پر خودکش حملہ کیا تھا، حملہ آور کا ہدف ایک اہم سیاسی مذہبی شخصیت تھی،رپورٹ کے مطابق خودکش حملہ آور گزشتہ سال 24 اپریل کو نجی پرواز کے ذریعے اسلام آباد ایئرپورٹ پہنچا تھا، نیٹ ورک کے 7 دہشتگردوں کو گرفتار کیا گیا ہے، دیگر کی تلاش جاری ہے۔

گورنر خیبر پختونخوا فیصل کریم کنڈی نے کہا ہے کہ یہ جلسہ کرنےکاموقع نہیں، جلسوں سے بانی پی ٹی آئی آزاد نہیں ہوں گے۔

پشاور میں میڈیا سے گفتگو کرتے ہوئے انہوں نے کہا کہ جلسہ ٹیکس پیئرز کے پیسوں پر بوجھ ہے، جلسے کے لیے لوگوں کو کرایے پر لایا جائے گا،وزیر اعلیٰ علی امین گنڈاپور واضح پالیسی دیں، اداروں کے ساتھ ہیں یا دہشت گردوں کے ساتھ، ایک بندہ ایک بیان دیتا ہے، دوسرا کچھ اور کہتا ہے، صوبے میں امن و امان کا مسئلہ ہے، حکومت کی طرف سے واضح پالیسی نظر نہیں آرہی، صوبہ خود مختار ہے وہ واضح پالیسی دیں،لوگوں نے قربانی دی ہے، وزیر اعلیٰ کو خود پتہ نہیں کیا چل رہا ہے۔صوبے کی پالیسی غیر واضح ہے، ہم انٹیلی جنس بیسڈ آپریشنز اور سکیورٹی فورسز کی مکمل حمایت کرتے ہیں تاکہ امن بحال ہو۔

قبل ازیں پاکستان پیپلز پارٹی کے رکن صوبائی اسمبلی اربـاب زرک خان خلیل نے گورنر خیبر پختونخوا فیصل کریم کنڈی سے گورنر ہاؤس پشاور میں ملاقات کی۔ ملاقات میں پارٹی امور، صوبے کی موجودہ سیاسی صورتحال اور آئندہ کے لائحہ عمل پر تفصیلی تبادلۂ خیال کیا گیا۔ دونوں رہنماؤں نے پارٹی کو مزید فعال بنانے، صوبے کو درپیش چیلنجز کے حل اور عوامی خدمت کے لیے مشترکہ کوششیں جاری رکھنے پر اتفاق کیا.

خیبر پختونخواہ کے ضلع اورکزئی کے علاقے حسن زودرہ میں مشتی قبیلے نے خوارج کے خلاف ڈٹ جانے کا اعلان کر دیا ہے۔ قبائلی عمائدین اور عوام نے بڑے جرگے میں شرکت کرتے ہوئے اس عزم کا اظہار کیا کہ اب وہ خوارج کو علاقے میں ظلم، جبر اور بھتہ خوری کرنے کی اجازت نہیں دیں گے۔

جرگہ سے قبل خوارج بھتہ وصول کرنے کے لیے قبیلے کے لوگوں کے پاس آئے تھے، تاہم مشتی قبیلے کے جوانوں اور عوام نے بھرپور مزاحمت کرتے ہوئے انہیں پسپا ہونے پر مجبور کر دیا۔ اس واقعے کے بعد قبیلے کے عمائدین نے فوری طور پر ایک اہم جرگہ طلب کیا، جس میں عوام کو خوارج کے خلاف متحد کرنے پر زور دیا گیا۔جرگے کے موقع پر سیکیورٹی فورسز اور پولیس اہلکار بھی علاقے میں پہنچے جن کا قبائل کی جانب سے والہانہ استقبال کیا گیا۔ عمائدین نے اس موقع پر کہا کہ خوارج کو معصوم عوام سے بھتہ وصول کرنے کی ہرگز اجازت نہیں دی جائے گی۔

قبائلی عمائدین نے اعلان کیا کہ "ہم ریاست اور سیکیورٹی فورسز کے ساتھ کھڑے ہیں اور خوارج کے خلاف بھرپور مزاحمت کریں گے۔” جرگے کے دوران پولیس اور سیکیورٹی فورسز کے حق میں نعرے بھی لگائے گئے اور عوام نے اتحاد و یکجہتی کے عزم کا اظہار کیا۔یہ جرگہ قبائل کی اس عزم کا مظہر ہے کہ وہ دہشت گردوں اور خوارج کو اپنے علاقوں میں قدم جمانے نہیں دیں گے اور ریاستی اداروں کے ساتھ مل کر امن کے قیام کے لیے کردار ادا کرتے رہیں گے۔