Category: پشاور

جماعت اسلامی کے امیر سینیٹر سراج الحق نے کہا ہے کہ تحریک انصاف کی حکومت نے اپنے دور اقتدار کے پہلے دن سے لے کر آج تک یوٹرن لیے ہیں ، خطےکی موجودہ صورتحال میں قومی یکجہتی ایٹم بم سے بھی زیادہ ضروری ہے، بھارت مقبوضہ کشمیرکےبعد مظفرآباد پرحملےکی منصوبہ بندی کر رہا ہے، امریکی صدرکادونوں ممالک کومسئلےکاحل تلاش کرنےکامشورہ مضحکہ خیزہے،

باغی ٹی وی کی رپورٹ کے مطابق تیمر گرہ میں مختلف وفود سے گفتگو کرتے ہوئے سینیٹر سراج الحق نے کہا کہ بھارتی وزیراعظم نریندر مودی کا ٹرمپ سے یہ کہنا کہ ثالثی کی ضرورت نہیں ، کشمیر کا مسئلہ پاکستان سے بات کر کے حل کریں گے یہ بغل میں چھری اور منہ میں رام رام والی بات ہے ۔ مودی سرکار لاتوں کی بھوت ہے ، باتوں سے ماننے والی نہیں ، پاکستان کے لیے مودی اور ٹرمپ ایک ہی سکے کے دو رخ ہیں ۔

سراج الحق کا مزید کہنا تھا کہ موجودہ حکومت نے بھی سابقہ حکومتوں کی پالیسیوں کے تسلسل کو برقرار رکھا ہے اور ملک کو آئی ایم ایف اور ورلڈ بنک کی غلامی میں دے دیاہے ۔پاکستان معاشی محاذ پر تیزی سے پستی کی طرف جارہاہے ۔میگا کرپشن کیسز پر قومی دولت کو قرضوں کے نام پر ہڑپ کرنے والوں سے ایک پائی وصول نہیں کی جاسکی ۔صرف دعوے اور احتساب کا ڈھنڈورا پیٹا جارہاہے ۔

سراج الحق کا مزید کہنا تھا کہ حکومت کہتی تھی کہ ایک سال مشکل ہے،عوام گھبرائیں نہیں،حکومت اب تک ملنے والے قرضوں اورامداد کی شرائط سے قوم کو آگاہ کرے،یکم ستمبر کو جماعت اسلامی کراچی میں کشمیر بچاؤمارچ کرے گی،کشمیر مارچ سےبھارت کو اندازہ ہو جائے گا کہ پاکستانی ہر مقابلے کے لیے تیار ہیں، کشمیر بچاؤمارچ بھارت کو پیغام دے گا کہ 22کروڑ عوام کشمیریوں کے ساتھ ہیں،

وزیراعظم عمران خان نے کہا ہے کہ قوم اور کشمیریوں سے وعدہ ہے کہ جب تک کشمیر آزاد نہیں ہوتا دنیا کے ہر فورم پر ان کا کیس لڑوں گا،

باغی ٹی وی کی رپورٹ کے مطابق غلام اسحاق خان انسٹی ٹیوٹ ٹوپی صوابی میں نئے اکیڈمک بلاک کی افتتاحی تقریب سے خطاب کرتے ہوئے وزیراعظم عمران خان کا کہنا تھا کہ مخالفین کہتے ہیں کہ عمران خان بڑے یوٹرن لیتے ہیں، مخالفین دیکھ لیں یوٹرن لیتے لیتے میں وزیراعظم بن گیا اور وہ آج جیل میں ہیں، مقصد کیلئے سمجھوتہ کرتا ہوں مقصد پر سمجھوتہ نہیں کرتا، مخالفین کو این آر او کبھی نہیں ملے گا، ملک پر تھوڑا مشکل وقت ہے یہ بھی نکل جائے گا، ہمارے رول ماڈل حضور اکرم ہیں، جن کا کوئی ثانی نہیں، تعلیم موجودہ حکومت کی ترجیح ہے، تعلیمی معیار پر سمجھوتہ نہیں ہونا چاہئے، اچھے تعلیمی ادارے کبھی معیار گرنے نہیں دیتے، معاشرہ میں اساتذہ اور سکالرز کا احترام بحال کریں گے۔

وزیراعظم عمران خان نے ٹوپی میں غلام اسحاق خان انسٹی ٹیوٹ کے نئے اکیڈمک بلاک کا سنگ بنیاد رکھ دیا۔ پیر کو وزیراعظم عمران خان نے تختی کی نقاب کشائی کرکے اکیڈمک بلاک کا افتتاح کیا۔ اس موقع پر سپیکر قومی اسمبلی اسد قیصر، وزیراعلیٰ خیبرپختونخوا محمود خان، وفاقی وزیر برائے وفاقی تعلیم و پیشہ وارانہ تربیت شفقت محمود اور خیبرپختونخوا کے وزیر تیمور سلیم بھی ان کے ہمراہ تھے۔ وزیراعظم نے نئے اکیڈمک بلاک کے افتتاح کے بعد سرسبز پاکستان مہم کے تحت پودا بھی لگایا،

وزیراعظم عمران خان کا مزید کہنا تھا کہ قائداعظم محمد علی جناحؒ نے ہندوﺅں کی آر ایس ایس آئیڈیالوجی کو بھانپ لیا تھا کیونکہ انہیں معلوم تھا کہ ہندو مسلمانوں کو دوسرے درجے کا شہری سمجھتے ہیں۔ قوم اور کشمیر کے لوگوں سے وعدہ ہے کہ جب تک کشمیر آزاد نہیں ہوتا تو دنیا میں ہر فورم پر ان کا کیس لڑوں گا۔ نبی کریم ﷺ نے اپنی زندگی میں ایک ریاست بنائی، مجھے افسوس ہوتا ہے کہ پڑھے لکھے لوگوں کو یہ سمجھ ہی نہیں کہ وہ کیا خصوصیات تھیں جو ہمیں بچوں کو بتانی چاہئیں، مدینہ کی ریاست میں کیا خصوصیات تھیں کہ وہ دنیا کی سب سے عظیم ریاست بنی، اگر ہمارے پڑھے لکھے لوگ اسے نہیں پڑھیں گے تو یہ ان لوگوں کے ہاتھ میں چلے جائے گا جو خود کو مولانا کہتے ہیں اور ڈیزل کے پرمٹ پر بک جاتے ہیں۔

پاکستان کے صوبہ خیبر پختونخواہ میں پولیو کے مزید تین کیسز سامنے آ گئے

باغی ٹی وی کی رپورٹ کے مطابق خیبر پختونخواہ کے علاقے بنوں، ہنگو اور وزیرستان میں پولیو کے مزید تین کیسز سامنے آئے ہیں جس کے بعد رواں برس پولیو کے خیبر پختونخواہ میں سامنے آنے والے کیسز کی تعداد 44 تک پہنچ گئی ہے. انسداد پولیر پروگرام کی ایک رپورٹ میں بتایا گیا ہے کہ پاکستان میں رواں برس پولیو کے کیسز کی تعداد 58 تک جا پہنچی ہے، سب سے خراب صورتحال خیبر پختونخواہ میں ہے.

خیبر پختونخواہ کے صوبائی وزیر اطلاعات شوکت یوسفزئی کا کہنا ہے کہا کہ پشاور اور بنوں میں پولیو وائرس کی وجہ افغانستان سے لوگوں کا آنا اور جانا ہے،پولیو بھی ایک بہت بڑی دہشتگردی ہے،اسکے خاتمے کیلیے سخت اقدامات کی ضرورت ہے،جو لوگوں کو گمراہ کر رہے ہیں ان پر حکومت نظر رکھے ہوئے ہے

بنوں ڈویژن کو پولیوسے متاثرہ علاقوں میں خطرناک ترین ڈویژن قرار دیا گیا ہے۔وزیراعظم عمران خان کے معاون خصوصی برائے انسداد پولیو بابرعطا نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ شمالی وزیرستان، لکی مروت اور بنوں میں پولیو کا تیزی سے پھیلنا تشویشناک ہے، مقامی افراد سمیت ہمارا اسٹاف بھی انسداد پولیو مہم کی راہ میں رکاوٹ بنا ہواہے جسے فوری طورپر روکنا ہے۔

امیر جماعت اسلامی سراج الحق نے کشمیر بچاؤ عوامی مارچ سے خطاب کرتے ہوئے کہا ہے کہ کشمیریوں کےحقوق چھینےجارہےہیں،

باغی ٹی وی کی رپورٹ کے مطابق سراج الحق نے کہاکہ مقبوضہ کشمیرمیں بھارت بدترین ظلم کررہاہے، مقبوضہ کشمیرکی قیادت جیلوں میں ہے، کشمیرمیں لاکھوں لوگ جام شہادت نوش کرچکےہیں، جماعت اسلامی مقبوضہ کشمیرپرپابندی لگائی گئی، مقبوضہ کشمیرکےلوگ پاکستان کی طرف دیکھ رہےہیں،

پشاور میں خطاب کرتے ہوئے سراج الحق نے کہاکہ مودی کو ایوارڈ دینا کشمیری مسلمانوں کے ساتھ بے وفائی ہے،

وزیراعلیٰ خیبر پختونخواہ نے اتلہ ڈیم کا افتتاح کر دیا، اس موقع پر سپیکر قومی اسمبلی اسد قیصر بھی موجود تھے

باغی ٹی وی کی رپورٹ کے مطابق اسپیکر قومی اسمبلی اسد قیصر وزیر اعلی خیبر پختون خواہ محمود خان کے ہمراہ اتلہ پہنچے تو انکا بھر پور استقبال کیا گیا ۔وزیراعلیٰ خیبر پختونخواہ نے اتلہ ڈیم کا افتتاح کیا۔ اتلہ ڈیم کی تعمیر سے علاقے میں پینے کے صاف پانی کی فراہمی ممکن ہوجاے گی.

وزیراعلیٰ خیبر پختونخواہ محمود خان نے تقریب سے خطاب کرتے ہوئے کہا کہ اسد قیصر سینئرپارٹی رہنما ہیں ان کی خدمات کی قدر کرتاہوں،وزیراعظم عمران خان کی قیادت میں مقبوضہ کشمیر کو آزادی دلائیں گے،سابق حکومت میں ترقیاتی کام نہیں ہوئے ،مسائل ختم نہیں ہوتے لیکن ان پرقابو پایاجاسکتا ہے .

اس موقع پر سپیکر قومی اسمبلی نے کہا کہ سیاست عبادت سمجھ کر کرنے کا عہد کررکھا ہے اور کسی قسم کی دنیاوی لالچ مجھے عوام کی خدمت کرنے سے نہیں روک سکتی عوام کو بنیادی سہولیات ان کی دہلیز پر مہیاکرکے دم لوں گا۔ سپیکر قومی اسمبلی کا مزید کہنا تھا کہ اگر بھارت سمجھتا ہے کہ پاکستان کو مشکل میں ڈال دے گاتو اسکی خام خیالی ہے،پاکستانی عوام کے دل کشمیریوں کےساتھ دھڑکتے ہیں بھارت کے غلط عزائم کا منہ توڑ جواب دیا جائے گا،

شیری ڈیم اتلہ سے 3.4مربع کلومیٹر پر محیط علاقے میں تقریباایک لاکھ کی آبادی کو پینے کا صاف پانی فراہم کیا جائے گا ۔ڈیم کی تعمیر پر 1837ملین روپے کی لاگت آئے گی اور اسے دوسال کے عرصے میں مکمل کیا جائیگا

مالاکنڈ میں شدت پسندی کے خاتمے کے لیے تقریب کا انعقاد کیا گیا جس کے مہمان خصوصی وزیراعلیٰ خیبر پختونخواہ اور کورکمانڈر پشاور تھے

باغی ٹی وی کی رپورٹ کے مطابق آئی ایس پی آر کا کہنا ہے کہ مالاکنڈ میں گرفتار شدت پسندوں کی اصلاح کے لیے تقریب کا انعقاد کیا گیا،مالاکنڈ کےبحالی سینٹرمیں ری انٹیگریشن پروگرام کی اختتامی تقریب ہوئی،تقریب کے مہمان خصوصی وزیراعلیٰ خیبر پختون خوا محمود خان تھے ،تقریب میں کورکمانڈرپشاورنے بھی شرکت کی

آئی ایس پی آر کے مطابق وزیراعلیٰ خیبر پختون خوا نے نو عمر شدت پسندوں کے اصلاح کے پروگرام کے انعقاد پر انتظامیہ کو مبارک باد دی اوربچوں کو مفید شہری بننے کی نصیحت کی،

آئی ایس پی آر کے مطابق مالاکنڈ میں 2009 میں شدت پسندوں کی پر امن شہری کے طور پر تبدیلی کے لیے مرکز قائم کیا گیا تھا ، سینٹر کا مقصد بچوں میں انتہاپسندی کارجحان ختم کرناتھا ، سینٹرسےاب تک 230 بچوں کی اصلاح کی گئی