Category: پشاور

بنوں:نامعلوم تخریب کاروں نے جانی خیل پل کو دھماکہ خیز مواد سے اڑانے کی کوشش کی،جس کے نتیجے میں پل کو جزوی نقصان پہنچا ہے۔

پشاور پولیس ترجمان کے مطابق،خیبرپختونخوا کے ضلع بنوں کی تحصیل میریان میں واقع جانی خیل پل کو دھماکہ خیز مواد سے نشانہ بنانے کی کوشش کی گئی، تاہم دھماکہ مکمل طور پر پل کو تباہ کرنے میں ناکام رہا اور صرف جزوی نقصان ہوا ہے، پل کو ٹارگٹ کیے جانے کے بعد سیکیورٹی اداروں نے موقع پر پہنچ کر شواہد اکٹھے کیے اور علاقہ سیل کر دیا۔

پشاور پولیس ترجمان کے مطابق تخریب کاروں کی تلاش کا عمل تیز کر دیا گیا ہے، جبکہ عسکریت پسندوں کی بڑی تعداد میں موجودگی کی اطلاعات بھی موصول ہوئی ہیں، دہشتگردوں کے خلاف مسلسل آپریشنز جاری ہیں اور علاقے میں مشتبہ افراد کی نگرانی بڑھا دی گئی ہے، پل کو ٹارگٹ کیے جانے کے بعد سیکیورٹی اداروں نے موقع پر پہنچ کر شواہد اکٹھے کیے اور علاقہ سیل کر دیا۔

سری لنکا کے سابق نیول چیف اغوا کیس میں گرفتار

سیکیورٹی ذرائع کے مطابق واقعہ علاقے میں بڑھتے ہوئے دہشتگردی کے خدشات کو ظاہر کرتا ہے، اور قانون نافذ کرنے والے ادارے اس قسم کی سرگرمیوں کو روکنے کے لیے الرٹ ہیں عوام سے اپیل کی گئی ہے کہ کسی بھی مشتبہ سرگرمی کی فوری اطلاع مقامی پولیس یا سیکیورٹی اداروں کو دیں۔

موٹر سائیکل والوں کیلئےحکومتِ پنجاب کا بڑا اعلان

صوبائی دارالحکومت پشاور میں ایک کار سے تین افراد کی لاشیں برآمد ہوئی ہیں، جنہیں فائرنگ کرکے قتل کیا گیا تھا۔

پولیس کا کہنا ہے کہ جاں بحق ہونے والوں میں ایک اجرتی قاتل بھی شامل ہے، جو سنگین مقدمات میں قانون کو مطلوب تھا۔پولیس حکام کے مطابق واقعے کی ابتدائی تفتیش سے معلوم ہوا ہے کہ تینوں افراد کو کسی اور مقام پر قتل کرکے لاشیں کار میں ڈال کر جائے وقوعہ پر چھوڑ دی گئیں۔مقتولین کی شناخت اور پسِ پردہ محرکات جاننے کے لیے شواہد اکٹھے کیے جا رہے ہیں، جبکہ ورثا کی تلاش اور تحقیقات کا عمل جاری ہے۔

پولیس کا کہنا ہے کہ یہ واقعہ پرانی دشمنی یا گینگ وار کا شاخسانہ ہو سکتا ہے، تاہم حتمی نتیجہ فرانزک رپورٹ اور مزید تفتیش کے بعد سامنے آئے گا۔

ملکی و عالمی مارکیٹ میں سونے کی قیمت میں معمولی کمی

ٹھٹھہ: لمس کے ڈاکٹر کے غلط آپریشن سے 14 سالہ لڑکا زندگی و موت کی کشمکش میں، باپ کی وزیراعلیٰ سندھ سے فریاد

سوات: مدرسے میں کمسن طالبعلم پر تشدد کے مرکزی ملزمان گرفتار

خوازہ خیلہ کی چلیار کالونی میں واقع ایک مدرسے میں کمسن طالبعلم پر بہیمانہ تشدد کر کے قتل کرنے کے مقدمے میں مفرور مرکزی ملزمان قاری عمر اور اس کا بیٹا احسان اللہ کو پولیس نے گرفتار کر لیا۔

ڈسٹرکٹ پولیس آفیسر (ڈی پی او) سوات محمد عمر خان کے مطابق، 21 جولائی کو پیش آنے والے ہولناک واقعے کے بعد دونوں ملزمان روپوش تھے، جنہیں سوات پولیس کی جانب سے جاری بھرپور سرچ آپریشن کے دوران گرفتار کر لیا گیا۔پولیس حکام کے مطابق، کمسن طالبعلم مدرسے میں شدید تشدد کے باعث جان کی بازی ہار گیا تھا اور ابتدائی تحقیقات سے معلوم ہوا کہ واقعے میں مدرسے کے کئی افراد، بشمول اساتذہ، ملوث تھے۔

واقعے کے فوری بعد پولیس نے 10 مشتبہ افراد کو گرفتار کیا تھا، تاہم مرکزی ملزمان فرار ہو گئے تھے، جس کے بعد سرچ آپریشن شروع کیا گیا۔ڈی پی او محمد عمر خان کا کہنا ہے کہ قاری عمر اور اس کے بیٹے کی گرفتاری سوات پولیس کی انتھک کوششوں کا نتیجہ ہے، اور دونوں کو قانونی کارروائی کے لیے نامعلوم مقام پر منتقل کر دیا گیا ہے۔انہوں نے یقین دہانی کروائی کہ "اس گھناؤنے جرم میں ملوث تمام افراد کو قانون کے کٹہرے میں لایا جائے گا اور متاثرہ خاندان کو انصاف ہر صورت میں فراہم کیا جائے گا۔”

واقعے کے بعد شدید عوامی غم و غصہ دیکھنے میں آیا، جبکہ انسانی حقوق کے کارکنوں اور شہریوں کی جانب سے غیر رجسٹرڈ مدارس کے خلاف سخت کارروائی اور مؤثر نگرانی کا مطالبہ کیا جا رہا ہے۔حکام نے بھی اس افسوسناک سانحے کے بعد بچوں کے تحفظ اور مذہبی تعلیمی اداروں میں ایسے واقعات کی روک تھام کے لیے مؤثر اقدامات اٹھانے کے عزم کا اظہار کیا ہے۔

سیلاب میں لاپتہ خاتون اینکر کی گاڑی ملبے سے برآمد

9 مئی کیس: اعجاز چوہدری، احمد بھچر اور احمد چٹھہ نااہل، نشستیں خالی

پنجاب اسمبلی میں ہاتھا پائی: اپوزیشن رکن کا حکومتی رکن کو تھپڑ

پشاور ہائیکورٹ نے سینیئر سول جج اسلام اباد کی جانب سے وزیراعلیٰ خیبر پختونخوا علی امین گنڈاپور کے وارنٹ گرفتاری معطل کردیئے-

کیس کی سماعت جسٹس اعجاز انور اور جسٹس ڈاکٹر خورشید اقبال پر مشتمل دو رکنی بینچ نے کی،درخواست گزار کے وکیل بشیر خان وزیر نے عدالت کو بتایا کہ وزیراعلی کی پی علی امین گنڈا پور نے پشاور ہائیکورٹ سے متعدد کیسوں میں حفاظتی ضمانت حاصل کی ہے تاہم ایک کیس میں سینیئر سول جج اسلام آباد نے وارنٹ گرفتاری جاری کی ہے اور 19 جولائی کو وارنٹ گرفتاری جاری کرتے ہوئے درخواست گزار کو گرفتار کرکے 21 جولائی کو پیش کرنے کا حکم دیا تھا۔

وکیل نے بتایا کہ وزیراعلیٰ کو اس ضمن میں کوئی حکم نہیں ملا چونکہ وہ وزیراعلیٰ ہیں اور پشاور ہائیکورٹ نے متعدد کیسز میں انہیں حفاظتی ضمانت دی ہے اور وہ ان کیسز میں پیش بھی ہو رہے ہیں تاہم سینیئر سول جج اسلام آباد کی جانب سے مذکورہ وارنٹ سے متعلق انہیں علم نہیں تھا اور نہ ہی انہیں پیشی کی تاریخ معلوم تھی اس لیے وہ عدالت نہیں جا سکے مگر وہ اب متعلقہ عدالت میں پیش ہونا چاہتے ہیں۔

بشیر وزیر ایڈوکیٹ نے عدالت کو بتایا کہ جس تاریخ کو ہمیں عدالتی حکم ملا وہ تاریخی پیشی پہلے گزر چکی تھی اس لیے وزیرعلیٰ پیش نہ ہو سکے۔ انہوں نے عدالت کو بتایا کہ وزیراعلیٰ علی امین گنڈاپور اس صوبے کے چیف ایگزیکٹیو ہیں اور موجودہ صورت حال میں وہاں پر پیشی ممکن نہ تھی اس لیے اب وہ پیش ہونا چاہتے ہیں،انہوں نے عدالت سے استدعا کی کہ عدالت سینیئر سول جج اسلام آباد کی جانب سے وزیراعلیٰ خیبر پختون خوا علی امین گنڈاپور کے وارنٹ گرفتاری کے احکامات کو معطل کر دیں۔

عدالت نے سینیئر سول جج اسلام آباد کی جانب سے وزیراعلیٰ خیبر پختونخوا علی امین گنڈاپور کے وارنٹ گرفتاری کے احکامات جاری کرنے کے احکامات معطل کرتے ہوئے اداروں کو اس کی گرفتاری سے روک دیا اور درخواست گزار کو ہدایت کی کہ وہ متعلقہ عدالت میں پیش ہوں۔

پشاور ہائیکورٹ نے الیکشن کمیشن کی جانب سے اپوزیشن لیڈر عمر ایوب کو اثاثہ جات ظاہر نہ کرنے کا نوٹس بھیجنے کے کیس میں الیکشن کمیشن کو کارروائی سے روک دیا۔

پشاور ہائی کورٹ میں الیکشن کمیشن کی جانب سے اپوزیشن لیڈر عمر ایوب کو اثاثہ جات ظاہر نہ کرنے کا نوٹس بھیجنے کے کیس کی سماعت ہوئی، جسٹس اعجاز انور اور جسٹس خورشید اقبال نے سماعت کی،درخواست گزار کے وکیل نے عدالت کو بتایا کہ الیکشن کمیشن نے اثاثے ظاہر نہ کرنے کے خلاف نوٹس بھیجا ہے، اثاثوں سے متعلق 120 دن کے اندر جواب دینا لازمی ہوتا ہے جو ہم نے جمع کرا دیا،الیکشن کمیشن پھر بھی مطمئن نہیں ہوا، اثاثہ جات جمع کرنے کے 120 دن گزر جانے کے بعد الیکشن کمیشن کسی کو اثاثوں سے متعلق شکایات ہونے کی صورت میں نوٹس جاری نہیں کرسکتا ہے۔

ایڈیشنل اٹارنی جنرل نے عدالت کو بتایا کہ اس طرح کا کیس ایبٹ آباد میں بھی زیر سماعت ہے، وکیل درخواست گزار نے کہا کہ وہ کیس مکمل طور پر اس سے مختلف ہے،عدالت نے اپنے ریمارکس میں کہا کہ اس کیس کو وہاں بھیج دیں یا پھر اس کیس کو یہاں منگوا لیں۔

وکیل درخواست گزار نے کہا کہ جو عدالت مناسب سمجھے، آپ سے درخواست ہے کہ اس کیس کو ختم کریں، اس کیس کی کوئی بنیاد ہی نہیں ہے، ہم نے الیکشن کمیشن کے پاس 31 دسمبر 2024 کو اثاثوں کی رپورٹ جمع کرائی ہے،عدالت نے الیکشن کمیشن کو کارروائی سے روکتے ہوئے سماعت ملتوی کردی۔

واضح،رہے کہ 15 جولائی کو الیکشن کمیشن نے عمر ایوب کے اثاثوں سے متعلق کیس کی سماعت میں نوٹس واپس لینے کی استدعا کو مسترد کر دیا تھا،عمر ایوب پر 24-2023ء کے گوشواروں اور ریٹرننگ افسر کو جمع کرائی گئی تفصیلات میں تضاد کا الزام ہے۔

وزیر اعلیٰ خیبر پختونخوا علی امین گنڈاپور نے وادیٔ تیراہ کے افسوسناک واقعے پر گہرے رنج و غم کا اظہار کرتے ہوئے جاں بحق افراد کے لواحقین کے لیے ایک ایک کروڑ روپے جبکہ زخمیوں کے لیے 25، 25 لاکھ روپے مالی امداد کا اعلان کیا ہے۔

علی امین گنڈاپور نے کہا کہ حکومت متاثرہ خاندانوں کے ساتھ مکمل ہمدردی رکھتی ہے اور ان کی بحالی کے لیے ہر ممکن اقدامات کیے جائیں گے۔ انہوں نے اس واقعے کے بعد قبائلی مشران اور عوامی نمائندوں پر مشتمل جرگہ پشاور طلب کر لیا ہے تاکہ مقامی جذبات اور تحفظات سنے جا سکیں۔وزیر اعلیٰ نے کہا کہ خیبر پختونخوا حکومت پائیدار امن، شہریوں کے تحفظ اور باہمی احترام کے فروغ کے لیے پرعزم ہے۔ انہوں نے ضلعی انتظامیہ اور متعلقہ اداروں کو ہدایت کی کہ علاقے میں امن و امان یقینی بنایا جائے۔

اس موقع پر وزیر اعظم نے بھی وادی تیراہ میں خوارج کی فائرنگ سے پُرامن شہریوں کی شہادت پر اظہارِ افسوس کیا ہے۔علی امین گنڈاپور نے مزید کہا کہ حالیہ آل پارٹیز کانفرنس میں انہی واقعات اور مسائل کو سنجیدگی سے زیر بحث لایا گیا اور ان کے حل کے لیے تجاویز مرتب کی گئیں۔ جرگوں کا باقاعدہ سلسلہ اگلے ہفتے سے ڈویژنل اور بعد ازاں صوبائی سطح پر شروع کیا جائے گا تاکہ تمام فریقین کی مشاورت سے دیرپا حل تلاش کیا جا سکے۔

فلپائن میں سیلاب و لینڈ سلائیڈنگ، 30 افراد جاں بحق

بھارت: ہریدوار کے مندر میں بھگدڑ، 7 افراد ہلاک، 55 سے زائد زخمی

اسرائیلی فوج کا غزہ جانے والی امدادی کشتی "حنظلہ” پر حملہ، قبضہ کرلیا

پشاور میں عوامی نیشنل پارٹی کے زیرِ اہتمام باچا خان مرکز میں منعقدہ آل پارٹیز کانفرنس میں ملک کی بڑی سیاسی جماعتوں نے شرکت کی اور دہشت گردی و انتہا پسندی کے خلاف متفقہ قومی بیانیہ تشکیل دینے پر اتفاق کیا۔

کانفرنس میں پاکستان تحریکِ انصاف، مسلم لیگ (ن)، جمعیت علمائے اسلام (ف)، جماعتِ اسلامی، پیپلز پارٹی سمیت دیگر سیاسی جماعتوں کے نمائندے شریک ہوئے۔ شرکاء نے قیامِ امن کے لیے وفاقی حکومت سے مذاکرات کے لیے نمائندہ کمیٹی تشکیل دینے اور بے امنی کے خلاف احتجاجی تحریک کے تحت اسلام آباد یا راولپنڈی میں دھرنے کے عندیے پر بھی غور کیا۔

کانفرنس کے اختتام پر 28 نکاتی مشترکہ اعلامیہ جاری کیا گیا، جس میں نیشنل ایکشن پلان پر مکمل عمل درآمد، دہشت گردی کے خلاف جنگ میں بے گناہ افراد پر قائم مقدمات ختم کرنے، اور قبائلی اضلاع میں تباہ شدہ انفرااسٹرکچر کی ازسرِ نو تعمیر کا مطالبہ کیا گیا۔شرکاء نے افغانستان کے ساتھ پرامن و تجارتی روابط کے فروغ، دہشت گردی سے متاثرہ علاقوں کو خصوصی ترقیاتی پیکیج دینے، روزگار کے مواقع فراہم کرنے، غیر اعلانیہ کرفیو اور مواصلاتی پابندیاں ختم کرنے پر بھی زور دیا۔

اعلامیے میں انصاف، تعلیم اور صحت جیسی بنیادی سہولیات ہر فرد تک پہنچانے کو ریاست کی اولین ترجیح قرار دیا گیا۔

چینی ایکسپورٹ: شوگر ملز مالکان اور ڈیلرز کے خلاف تحقیقات کا آغاز

خاتون کو بلیک میل، ملزم کو 3 سال قید، 4 لاکھ ہرجانے کا حکم

تھائی لینڈ اور کمبوڈیا کشیدگی پر ٹرمپ کا پاک بھارت جنگ بندی کا تزکرہ